קאווע שטיבל

yn.NY האט געשריבן:

אבשלום בן מעכה האט געשריבן:

אייראפעישער חסיד האט געשריבן:יא! מורינו ורבינו האט א שטארקע ווארט אויף זיינע חסידים(ווירטאולע צו פיזישע)!
היינט געווען אין טעגליכע אויסגאבע אין אייינע פון די גרויסע שטעט אין אייראפע א מודעה ווי פאלגענד:

וויפיל איך ווייס איז דער הרב אברהם מאנדרר א רבי און פארמאגט א בית-המדרש. מורינו ורבינו אלערט?

אש"ל מלא פארמאגט דער מאנדרר אויך?...

גראדע יא!
ער האט די גרעסטע הכנסת אורחים אין לונדון!

יא איך קען מעיד זיין אז די אלע רייד פון מו''ר איז אמת ויציב.
ביז אינז אין חסידיש שטיבל זייענדיג א אפענע פלאץ מיט א געשמאקע אויר, אפען ביז אין די קליינע נאכט שעה'ן דרייען זיך אסאך פון די וועלכע האבן אמאל מגרש געווען א פרוי , צומאל אין די שפעטע נאכט שעה'ן בשעת'ן זיך מתעלס זיין בנועם התורה טרעפן מיר זיך אויסהערן זייער צובראכן הארץ , ס'איז זייער שווער ארוס צוברענגן די טיפע ווייטאג וואס נעסטיגט אין זייער הארץ שפירנדיג זיך פארווארפן פון די מענטשהייט וואס קוקט זיי אן ווי צוויטע קלאס בירגער וואס דאס צוקלאפט זייער מאראל וואס איז זיי אזוי נוטיג זיך צו קענען אויפהייבן און ווייטער גיין.

איך לייען און לייען און איך שטוין. אפשר בין איך אנדערש ווי רוב מענטשן?

איך גיי נישט אריין אין דברים שהצניעות יפה להם, ב"ה איך ווייס נישט דערפון און הלואי זאל זיך אלעס אויסארבעטן לטובה,
אבער די חלק פון "אנקוקן גרושים ווי צווייטע קלאס מענטשן"? איך ווייס ביי מיר אז עס איז נישט אזוי און רוב מענטשן וועמען איך קען קוקן זיי נישט אן אזוי!

ביי רוב מענטשן היינט צו טאג איז א גרוש א נארמאלער מענטש פונקט ווי א צווייטער, אפשר האט מען רחמנות אויף אים אז ער דרייט זיך ארום קרח מכאן ומכאן, ער קען נישט וואוינען ביי די עלטערן און נישט מיט קיין ווייב, אבער צי מען טריעט אים אנדערש? אבסאלוטלי נאט! איך האב ב"ה אסאך חברים גרושים, און אסאך חברים וואס האבן חברים גרושים.. איך האב כמעט קיינמאל נישט באמערקט קיין זלזול כלפי איינער צום צווייטן!

אדרבה, ליידער לויט די מצב אז עס פארמערן זיך היינטיגע צייטן גרושים - אנדערש ווי אמאל ווען עס איז געווען קוים אחד מעיר ושנים ממשפחה - ווערט עס מער "נארמאל" און אקצעפטירט אז דאס איז א חלק פון מערערע מענטשנ'ס לעבן, און עס איז א דורכגאגנ וואס צייגט גארנישט ראנג מיט דעם מענטש, נאר זאכן האבן זיך פשוט נישט אויסגעארבעט, און עס מאכט זיך ביי די שענסטע!

איך מיין ענדערש אז אונזער ציבור ווערט מער טאלעראנט און פארשטענדליך אין די ענינים, און קוקט מער נישט אן אזוי מאדנע א גט, ווילאנג אלעס פארט אויף א געזונטן אופן (אביוז טאלערירט מען נישט, און דאס איז דייקא א גוטע זאך).

דער אמת איז אויך, אז אסאך ווענדט זיך כלפי דעם גרוש אליינס, ווי אזוי ער קוקט זיך זעלבסט אן. אויב ער שפילט װי א רחמנות, קען זיין מענטשן וועלן אים טאקע אראפקוקן, אבער אויב דער יונגערמאן ווייסט ביי זיך אז ער האט געטון וואס ער האט געדארפט און האט ביי זיך די שטארקייט, דאן קוקט מען אים אן נארמאל.

ס'איז זיכער אז אסאך ווענדט זיך אין דער מענטש אליין, אבער ער דארף דאך האבן אייזערנע כוחות זיך צו האלטן אין די גלייזן, בשעת ער געפינט זיך אין אזא מצב. ודו"ק.

יא די רבי זז״ג איז גערעכט.

סאיז היינט ארום געפארן א מעסידז פין א גרוש א וואוילער אינגערמאן אז ער זיכט א דירה צו דינגען אין יעדער ענפערט אז זיי פארדינגען נאר פאר חתן כלה. ממילא זיכט ער א כלה כדי צו קענען דינגען א דירה.

שומו שמים! 2021

גרויסע מענטשעלע: דאס מיינט אז ער וועט זאגן אזוי ווי ס'שטייט אין סידור ביי ה' מלך. פאר ברוך שאמר..."ב"פ"... און א טייל סידורים שטייט...ג"פ"...!

berlbalaguleh האט געשריבן:גרויסע מענטשעלע: דאס מיינט אז ער וועט זאגן אזוי ווי ס'שטייט אין סידור ביי ה' מלך. פאר ברוך שאמר..."ב"פ"... און א טייל סידורים שטייט...ג"פ"...!

נישט פארשטאנען ביטע זייט מסביר פאר אזעלכע מענטשן ווי מיר!

אייראפעאישער חסיד: אז אויב איינער זוכט נאר א כלה כדי צו קענען דינגען א דירה וועט ער מאכן די ברכה אויף א גט (איך ווייס נישט וועלכע ברכה מ'מאכט. ב"ה איך האב עס נאך קיינמאל נישט פרובירט.) 2 מאל. אדער 3 מאל...!