קאווע שטיבל

berlbalaguleh האט געשריבן:יעקב מעקסוועל: דא איז פאסיג נאכצוזאגן א (גוט) ווארט פון א חשוב'ן איד..."לא תמצא כלום, כי אין כלום"...נו, לאמיר זעהן ווער דער בעל המימרא איז...?!

נ.ב.: ער האט עס געזאגט א ביסל אנדערש...!

berlbalaguleh האט געשריבן:טאקע דיך מיין איך: צוזאמען מיט דיין שותף (לדבר מצוה). עטץ האקטס אייביג אויף מיר (דו בשתיקה שבהסכמה) ווען איך רעד אקעגן די קארופטירטע מוסדות ווי בד"צ העדה החרדית. דא זעהסטו קלאר אז ס'איז נישט מער ווי פאליטיק און אגענדעס. די זעלבע איז געווען ביי די פרשה פון די גמרות פון שטיינזאלץ. איך ווייס נישט אויב דו האסט עס (שוין) מיטגעהאלטן, צוערשט האבן אלע היימישע (אונגערישע) אידן אין וויליאמסבורג געכאפט נאך די גמרות, כאטש הרב שטיינזאלץ האט קלאר געשריבן אין די הקדמה פאר וועם ער האט געמאכט זיין פירוש, בפירוש נישט פאר אידן וועלכע קענען נישט רעדן און פארשטיין עברית/העברעאיש. ס'איז געווען א מין סטאטוס, בימים ההם. ביז די בד"צ העדה החרדית איז ארויסגעקומען אקעגן דעם, ממילא איז שוין די אמעריקאנער סאטמאר'ע פאליטיק אויך געפארן מיט דעם, פלוצלינג זענען די גמרות געווארן פסול, כאטש הרב שטיינזאלץ האט געגעבן א הסבר וויאזוי די סקאנדאל האטציך דערקייקלט, שלא ברצונו. ער האט אויך געזאגט אז ער געט צוריק די געלט פאר א יעדן וואס ברענגט זיין פירוש אויף גמרא אדער אן אנדער ספר ווייל ר'איז נישט צופרידן. נאכדעם האט מען שוין געטראפן א פסול נישט נאר אין מחבר, נאר אויך אין די גמרות אליינס.. דער עולם האט עס געווארפן אין גארבידזש און (הטובים שבהם) אין שמות אין גרויסן...!

שמעון וואלף האט געשריבן:בערל דו זאגסט גוטע זאכן, מ'דארף נאר וויסן ווען און ווי, און אויך נישט איבער זאגן הונדערט מאל די זעלבע זאך.

מורינו ורבנו האט געשריבן:איך האב גארנישט געזען שלעכט אין דעם חומש.

לדעתי איז דאס א שטורעם אין א גלעזל וואסער.

לאמיר שוין זאגן אז ס'איז יא א פירצה, פרעג איך אייך, איז דאס טאקע וואס שטערט היינט דעם דור? - אז טויזנטע בחורים זענען אויף די גאס, פיינע און כשר'ע בחורים, דאס איז בסדר, אויף דעם דארף מען נישט שרייען? - אז דער שידוכים סיסטעם איז א קריזיס, איז שוין רואיג? - אז געוויסע פונקציעס אין אונזערע מוסדות דארף אן ערנסטער תיקון איז שוין בסדר?

פשוטו של מקרא איז א פראבלעם?

די מענטשן וואס הויבן אויף א קול זעקה אויף דעם ענין, הגם איך זעה נישט דער פראבלעם, אבער לאמיר שוין זאגן אז ס'איז יא א פראבלעם, איז דאס טאקע אויף וואס מען דארף לייגן דעם גאנצן געוויכט מוחה צו זיין און פארפירן? - איז דאס וואס מען דארף יעצט אצינד טון, ארויסקומען אין א מערכה?

עס איז אפאר משוגעים וואס זוכן אנצופילן זייער חלל אין הארץ, זייער מחסור אין געפיל אז זיי נעמען זיך נישט גענוג אן פאר גאט ב"ה, טוט מען געוויסע זאכן צו בארואיגן די אייגענע געפילן.

נעבעך.

און כ'אב שוין צופיל גערעדט אויף אידישע קינדער... זיי זענען אויך אידן.

ששון ושמחה האט געשריבן:די ליטווישע גדולים

היסטאריע האט געשריבן:זיי האבן א פוינט. רש"י גייט מיט חז"ל און האלט אז דאס איז פשט, אנדערע ראשונים גייען נישט מיט חז"ל, אבער מען האט אייביג אנגענומען אז דער מהלך פין רש"י איז פשט.
די משכילים האבן געהאלטען אז מען דארף גיין מיט פשט, נישט מיט חז"ל, ממילא איז א חומש וואס שרייבט פשוטו, און לערנט פשט אין פסוק ווי די פשטנים, איז פארקערט וואס מען האט אייביג געהאלטען איז פשט, און האט א ריח פין השכלה.

פארוואס האלטען די פשוטו של מקרא מענטשן אז די מהלך פין די פשטנים איז פשט?

יין שרף האט געשריבן:ועיין מש"כ הרשב"ם בפ' וישב בענין זה.

עצי שטים האט געשריבן:וועלכע שטיקל אין פרשת וישב מיינסטו?

דער גאלדענער אדלער האט געשריבן:שטעלטס ענק פאר ווען דער אברבנאל וואלט ווען געלעבט היינצוטאגס און געשריבן זיין פירוש על תנ"ך, מ'וואלט ווען עם מיט זיינע ספרים ארויסגעווארפן פון יעדן בית המדרש.

יין שרף האט געשריבן:ועיין מש"כ הרשב"ם בפ' וישב בענין זה.

וישמעו – יש מדרשי אגדה רבים, וכבר סדרום רבותינו על מכונם בבראשית רבה (בראשית רבה י״ט:ז׳-ח׳) ושאר מדרשות. ואני לא באתי אלא לפשוטו של מקרא, לאגדה המישבת דברי המקרא, ופשוטו ושמועתו, דבר דבור על אופניו