קאווע שטיבל

בת קול האט געשריבן:

קהל'ס נער האט געשריבן: @בת קול דו פארשטייסט בכלל נישט די רילעישענשיפ וואס מען האט מיט אים, ווען בעלזא רב וואלט מיך געטשעפעט וואלט איך געטאנצן ביזן דאך, מיך שטערט סאך מער אז ער קוקט מיך בכלל נישט אן.

באמת? ווען דו קומסט ווען אריין צו לייגן תפילין מיט א זוהן אדער אייניקל, און ער שפעט פון דיר אין פארנט פון דיין ווייב און קינדער, וואלסטו געטאנצן ביזן הימל?
.Pathetic

ביסט שוין אמאל געוועין ביי אים? ניין.
איך יא.
איז וואס האב איך פון זיך טענה'ן מיט דיר?

קהל'ס נער האט געשריבן:ביסט שוין אמאל געווען ביי אים? ניין.

וואס ענפערסטו דיין אייגענע שאלה אן ווארטן אויף אן ענטפער?
איך בין אריין צו אים יעדע מאל איך האב פארוויילט אין א"י. זיין עדיטוט איז

בת קול: זייט אזוי גוט און קומט אריין קלאר.

בת קול האט געשריבן:

קהל'ס נער האט געשריבן:ביסט שוין אמאל געווען ביי אים? ניין.

וואס ענפערסטו דיין אייגענע שאלה אן ווארטן אויף אן ענטפער?
איך בין אריין צו אים יעדע מאל איך האב פארוויילט אין א"י. זיין עדיטוט איז

ווען ער רעדט מיט פרויען איז עס טעקניקל נישט קיין שמועסן און נישט קיין טשעפענען, איך גיי נישט זאגן אז די ביסט א ליגענער ווייל מען גייט מיך אויסשפארן, סאו איך זאג גארנישט.

אז דו האסט מורא עס צו זאגן וועל איך עס זאגן, בת קול איז ליגענער און איך זאג דייקא נישט קיין ליגנערטע.

אינטרעסאנט פון זיין א בעלזע חסיד די לעצטע 30 יאהר האב איך נאר געהאט יעדעס מאל א ווארימע הארציגע אויפנאמע, און די קורצע מינוט וואס איך בין אריין מיט א קוויטל האט מיר געגעבן א באאסט פאר ביז די נעקסטע מאל. גיי לערן מיט א גוי ברטנורא און גיי לערן מיט א סאטמערע וואס דאס מיינט א קשר/אהבה צווישן א רעבע מיט א חסיד.

שוין. ווען איך רעדט אויף בעלזא בין איך א ליגענער, און ווען איך רעדט אויף סאטמאר מוז עס זיין אמת.
א ריכטיגע בעלזא.

קענסט אפלאזן די אלטע געפעכטן.
Nobody cares.

די עולם אין א״י איז אזוי disconnected. ס׳איז ממש אוממעגליך צו האבן א קשר מיט די מענטש.
די אמעריקאנע רעדן זיך איין אז ס׳זענען דא מדריגות וואס זיי זעהן נישט פון דערווייטענס.

די גאנצע בעלזא שטאלץ באשטייט פון די עבר. שוין כמעט ווי ברעסלאוו און ליובאוויטש.

וואס גייט מיר אן. דין דיין געטשקע מיט געטריישאפט.

תורה ומדע האט געשריבן:

אדמור מקרייניץ זצל האט געשריבן:מיט דעם אלעם איז ער געוועהן די ערשטע קארופטירטע רבי
היינט איז שוין אונטערגעקומען אסאך ערגערע איז ער שוין ממש פין די בעסטע
דאס וואס מען זעט היינט ביי יענקל אלתר האט ער אנגעהויבן. איה"נ נישט אזוי ווייט אבער פאר עם איז דאס כמעט נישט געוועהן

ענטשולדיגט, אבער אדערוויילע איז דער בעלזער רב דער ערשטער און איינציגסטער צדיק זיך איבערצובעטן מיט אללע זיינע בעלי פלוגתא, און אלעסדינג פון זיין אייגענע איניציאטיוו.

יא יא
נעם למשל ראחמיסטריווקע רבי, ער האט נישט שלום געמאכט מיט קיינעם פון זיינע בעלי פלוגתא. ווי קומט ער צו צום בעלזע רב?

בת קול ביזט א ליגנער וויל די ביזט א יונגערמאן און נישט קיין פרוי ווי דו שטעלסט זיך אהער.
דער עולם אין ארץ ישראל זענען נאך אסאך גרעסערע חסידים ווי אין חוץ לארץ , דו ווייסט נישט וואס טוט זיך מיט דיר מבואו ועד צאתו, איך ווייס נישט אין וועלכע מקוה דו ווייקסט זיך , דיינע תגובות זענען שקר וכזב איינס ווייטער פון צווייטן פון די מציאות.

והשלישית, עס דארף דיר טאקע נישט אנגיין, און נאר דיר קלארצושטעלן , איך דין נישט קיינעם חוץ דעם הייליגן באשעפער אליין, און איך בין מיך מתדבק אין זיינע צדיקים און איך פרוביר צו טוהן וואס זיי לערנען מיר.

סמבטיון האט געשריבן:בת קול ביזט א ליגנער וויל די ביזט א יונגערמאן און נישט קיין פרוי ווי דו שטעלסט זיך אהער.
דער עולם אין ארץ ישראל זענען נאך אסאך גרעסערע חסידים ווי אין חוץ לארץ , דו ווייסט נישט וואס טוט זיך מיט דיר מבואו ועד צאתו, איך ווייס נישט אין וועלכע מקוה דו ווייקסט זיך , דיינע תגובות זענען שקר וכזב איינס ווייטער פון צווייטן פון די מציאות.

והשלישית, עס דארף דיר טאקע נישט אנגיין, און נאר דיר קלארצושטעלן , איך דין נישט קיינעם חוץ דעם הייליגן באשעפער אליין, און איך בין מיך מתדבק אין זיינע צדיקים און איך פרוביר צו טוהן וואס זיי לערנען מיר.

די דביקות פון די מיידלעך ביי א לייוו הוקאפ אין סקול פאקט איין א בעלזא טיש הונדערט מאל.
אויב ווילסטו זעהן א טיש וואס פילט זיך נישט פאלש, קענסטו גיין צו סיי וועלכע אנדערע הויף.

אויף דיין פערזענליכע אטאקע וועל איך זיך ניטאמאל באציען.
איך קום דיר נישט קיין פרוף אהער אדער אהין.
אויב האסטו א פראבלעם מיט מיר דאן ווענד זיך צום מנהל.

איך האב ב"ה א ברייטע קאפ, און איך קען פארנעמען אנדערע רעבעס אויך, איך בין שוין געווען ביי אלע טישן פון אלע רעבעס אינטער די זון, אין ערגעץ האב איך נישט געפיהלט וואס איך שפיר אין בעלזא. ווען איך האב געוואוינט אין בפ בין איך וועכענטליך געגאנגן צו ר'בנציון און קיין ראחמעסטריווקא, איך בין שוין געוועהן מסתמא אזא 15 שבתים אין סקווער. אאז"וו. איך האב הנאה ביי יעדעם פון עפעס אנדערש, אבער צו זאגן א טיש אין בעלזא איז פאלטש? גיוו מי א שובבים ברעיק!

איך האב נישט קיין שום פראבלעם מיט דיר, און איך האב דיר נאר קלאר געשטעלט ווי דיין ליגענט ליגט.

דאס וואס דו שפירסט אין בעלזא שפירסטו נישט אין אנדערע פלעצער ווייל דו געהערסט נישט אהין, דו גייסט צו אנדערע פלעצער פאר קאושער אינטערטעימענט ווען דו גייסט קיין בעלזא גייסטו צו דיין צדיק שפירסטו אדער דו מאכסט זיך שפירן, דאס איז אמת אז ס'איז נישט פאלש, עכ"פ פון די רבי'ס זייט, איך בין שוין דארט געווען אמאל ביי א טיש, די רבי רירט זיך קוים, ווען ער זאגט תורה הערט מען נאר אין די ארומיגע פאר פוס, איך האב נישט געשפירט וואס דו שפירסט ווייל איך געהער נישט אהין, איך האב נישט געזעהן וואס עס איז שייך צו שפירן דארט, מ'זינגט נישט דארט בעסער ווי ביי רוב אנדערע רבי'ס די תורה הערט מען קוים, און איך גלייב אז די קוגל שפירט זיך די זעלבע ביי אלע רבי'ס....

סמבטיון האט געשריבן:איך האב ב"ה א ברייטע קאפ, און איך קען פארנעמען אנדערע רעבעס אויך, איך בין שוין געווען ביי אלע טישן פון אלע רעבעס אינטער די זון, אין ערגעץ האב איך נישט געפיהלט וואס איך שפיר אין בעלזא.

אלץ ברייטע קאפ, פיר אויס - וואס זאגט דאס פאר דיר?

תרמב האט געשריבן:דאס וואס דו שפירסט אין בעלזא שפירסטו נישט אין אנדערע פלעצער ווייל דו געהערסט נישט אהין, דו גייסט צו אנדערע פלעצער פאר קאושער אינטערטעימענט ווען דו גייסט קיין בעלזא גייסטו צו דיין צדיק שפירסטו אדער דו מאכסט זיך שפירן, דאס איז אמת אז ס'איז נישט פאלש, עכ"פ פון די רבי'ס זייט, איך בין שוין דארט געווען אמאל ביי א טיש, די רבי רירט זיך קוים, ווען ער זאגט תורה הערט מען נאר אין די ארומיגע פאר פוס, איך האב נישט געשפירט וואס דו שפירסט ווייל איך געהער נישט אהין, איך האב נישט געזעהן וואס עס איז שייך צו שפירן דארט, מ'זינגט נישט דארט בעסער ווי ביי רוב אנדערע רבי'ס די תורה הערט מען קוים, און איך גלייב אז די קוגל שפירט זיך די זעלבע ביי אלע רבי'ס....

אין קאנטרעסט, איך געהער נישט קיין תולדות אהרן, אבער די ערנסטקייט האט מיר איבער גענומען.
תולדות אברהם יצחק האט זיך אויך געשפירט פאלש.
גלייב מיר, איך האב נאך גענוג בעלזא בלוט אז איך האב געוואלט דארט עפעס שפירן, אבער אז ס׳איז נישט, איז עס נישט.

*הזמר ליפא שמעלצער נפגש אמש (רביעי) באופן סודי יחד עם *האדמו"ר מבעלזא במעונו האישי אשר בקריית יערים ״.*


הפגישה אשר התנהלה בפרטיות ללא נוכחים נוספים התארכה מעל המשוער.

בסופה של הפגישה , הזמר שר לפני האדמו"ר את השיר *"ארזי הלבנון"* -מילים מתוך הקינות ,ואף הוסיף במקום מילים נוספות ביידיש.

בשיחתנו עם הזמר לאחר הפגישה הוא סירב לחשוף פרטים על פרטי השיחה, והוסיף כי הפגישה נועדה עבור "הפינטעלע ייד שלי" (הנקודה יהודית שלי) ולא עבור פרסום."

אך ציין:"זכיתי לנסוך שמחה על פניו של האדמו"ר וכן גם כמה דמעות על הגלות."

@מי אני איז גערעכט, @העניך איז גערעכט און @בת קול איז גערעכט. @סמבטיון איז נישט גערעכט און רעדט ווי א טיפישער בעלזער "פאר דער גאס".

איך בין אן איקס בעלזער (טאמער איז דאס נישט קיין סתירה מיניה וביה) און איך בין געווען א פולקאמער חסיד מן השורה, וואס האט א דאפלטער באדייט טאמער קען מען דעם בעלזער אויסשפרעך פון "שטיין אין דער שורה". איך בין שוין היינט נישט דארט בגוף אבער בנפש קען איך נישט און וויל איך נישט מיך געזעגענען. און פאלג נאך די ענטוויקלונגען דארט און אויך פון דעם רב'ס פערזענליכן וואוילזיין.

דער רב איז פון די איינציגסטע רבי'ס בדורנו וואס הרבי הזה אומר דרשוני. ער איז ווערד די צייט און אנשטרענג אים צו באשרייבן. נישט צוליב זיין צדקות, גדלות אדער אנדערע רבי'שע זאכן נאר ווי איינס פון די שטערקסטע נאך-קריג חרדי'שע פירער. עס איז אפגערעדט אז צווישן די מורישקעס פון היינטיגע מנהיגים בכלל און חסידישע רבי'ס בפרט איז ער משכמו ולמעלה. ער זעט און פארשטייט די פגעי הזמן און ער דערשרעקט זיך נישט פון לעזונגען אפילו ווען לויט אונזערע מושגים זענען זיי ראדיקאל.

ער איז צום ערשט און צום לעצט א פירער. אינגאנצן זעלבסטשטענדיג, טוט מה שלבו חפץ, רעכנט זיך ווייניג מיט אנדערע, און בדרך כלל דורך זיין שטארקן כאראקטער פירט ער אויס. ער איז אויך זייער גוט אין אידענטיפירן טאלאנט אין אנדערע און זיי מחזק זיין און זיי לאזן זיך ענטוויקלען און פערזענליך וואקסן. אהרן פרידמאן און זיינע ביכער, יהושע פינק און זיינע חינוך דרשות, ירמיה דאמען און בכלל מוזיק און זינגען, מחברי ספרים ווי שפת אמת (יא, דער גערער!) וואס א בעלזער האט באארבעט, אסאך פאר דעם האט א בעלזער אויך באארבעט און איבערגעדרוקט ראשית חכמה נאך איידער אס איז געווען די מאדע איבערצודרוקן יעדער אלטער ספר. אן אריינצוגיין אין דער איכות, זענען די אויבנדערמאנטע פאפולאר אין דער חרדי'שער גאס און ער האט זיי אויפגעהאדעוועט און מחזק געווען. נישט נאר האט ער ליב טויש, "טשעינדז'", נאר ער זוכט עס אויס. ער פארעקלט זיך פון פאר'עיפוש'עכץ, ער קען נישט סובל זיין שמאלקעפיקייט און זיין גאנצער לעבן האט ער אויסגעקערט שפינגעוועבעכץ. אסאך מאל איז ער מהרס פשוט לשם הירוס און אסאך מאל אויף אריינצוברענגען עפעס פריש. אין דעם זינען איז ער גאר מאדערן.

א לאנגע צייט פאר אנדערע, האט ער פארשטאנען דער סוד פון "ברענדינג" (branding) און אין זיינע פריע יארן האט ער געמאכט פאר בעלז א לאוגו פון א קרוין און א פייער, זיין ערשטער רעקארד\קאסעט איז געווען א היט בימים ההם מיט מונה ראזנבלום, זיינע חנוכה קאפעליע ספעקטעקאלן, מאכן פון דער "שטייעדיגע תורה" אן אינסטיטוציע פאר א יערליכער keynote address ווי איידער אפאר געזעגענען ווערטער וואס עס איז אמאל געווען. דאס אלעס האט אויסגעפיקעוועט די אויגן פון די צוקוועטשטע כאניאקעס און צוגעצויגן צו אים חסידים מיט א מער מאדערנערע אויסקוק.

ער פארשטייט אויך דער כוח פון "ווייכער מאכט" (soft power) מיט עלים לתרופה, אור הצפון, ניגונים און מוזיק. זיינע טישן און אריינקומען און ארויסגיין ביים דאווענען זענען שטארק טיאטעריש, מיט שושקעס און ווארעס (היינט שוין ווייניגער וויבאלד עס איז גרעסער און די טיר איז נאנט צו זיין זיץ) און קלאפן ביים דאווענען מיט א paddle אויף א קישן. איידער ער האט געבויט זיין גרויסער שול האט ער געמאכט אלע סארט עקספערימענטן אין דער אלטער ישיבה אין רח' אגריפס איבער אקוסטיקס און שפעטער נאך ער איז אוועקגעגאנגען האט ער עס גערופן בלשונו הזהב א "שטאל". און ווער קען פארגעסן די טעלעוויזיע קאמערעס וואס ער האט געברענגט צום ובאו כולם טיש וואס מען האט בשעתו געווערטלט "ובאו פילעם". כאטש ער איז א פיינער רעדנער איז עס אויך אויף א מאדערנער אופן. זיינע תורה'ס זענען שוואך. אויסגעצויגן אפילו אויף שעות מיט סתם געטייטשטע פסוקים און מדרשים אבער גארנישט בליצנדיג און קוים אויף נאכצוזאגן. ווי ער צייכנט זיך יא אויס איז מער אויף א מאדערנעם אופן יאז ביי זיינע דרשות מיט א שיינער מליצה אדער turn of phrase וואס רעדט נישט אזוי שטארק צו אונזער עולם און נאך ווייניגער צו זיין עולם. דעריבער גייען טאקע אסאך פון זיין פעהיגקייט, אפנהייט, און מאדערנקייט לאיבוד. נישט יעדער האט געליינט און איינגעזאפט וואס ער האט געליינט און זיינע בליצן פאלן אויף טויבע אוירן. עס האט אבער אן עפעקט או פארדעם טאנצן די בעלזער הויך אשרינו מה טוב חלקנו, נאך א פאפוליסטישע און רעכט זינענדיגע ניגון וואס מען האט פארפאסט אין זיין חצר.

רוב פון די אויבנדערמאנטע זאכן זענען אבער לכשעצמם נוטראל כלפי אידישקייט, נישט פאזיטיוו און נישט נעגאטיוו, און פשוט א געוויסער סטיל. נאר בדורנו וואס די וועלט טוישט זיך אזוי שנעל און אזוי עקסטרעם, האט א מנהיג ווי אים וואס ווערט נישט נתפעל פון טויש און פארקערט ער כאפט עס און האלצט עס צו זיך צו א געוואלדיגע מעלה. נישט נאר שעדיגט עס אים נישט נאר ער טוט עס נאך פאראידישן און פארהיימישן און אזוי איז ער כלומר'שט מעלה דערפון די ניצוצות. מרדכי בן דוד האט געהאט זיינע ערשטע היטס סוף פון די זיבעציגער יארן, האט בעלזא באלד געהאט זייערע אייגענע און אנגעהויבן מיט א הקפה ניגון בקבלה פון רבי ר' בער און שאו שערים פון דעם יושב ר' מרדכי פעלץ. ער האט געהייסן ארויסגעבן א סידור וואס קיינער קען נישט חושד זיין אז ס'איז נישט נשפע פון ארטסקראל, אבער ס'פארדינט אויך א שיינע הכנסה פון אלע בעלזער שילן און ישיבות און יחידים וואס קויפן נאר דעם היימישן סידור.

דאס אלעס ווייזט אז ער האט אמביציע, ער איז חיטרע, א געניטער חברה'מאן, טאקע א פירער אויך, אבער, ווי @העניך האט מרמז געווען, דאס האט נישט קיין סאך מיט א פערזענלעכער כאראקטער וואס פארלאנגט "הערצה". אסאך דיקטאטרון אדער קאמפאני דירערקטורן בויען אויף און מאדערניזירן זייערע מדינות אדער ביזנעסן און דאס מאכט זיי נאכנישט קיינע בני עולם הבא. עם בי עס פון סאודיע אראביע מאדערניזירט זיין קעניגרייך אבער אויך האט ער צוזעגט זיינס א געגענער.

איבער זיין פערזענלעכן לעבן איז דער בעלזער אויך פיל מער פראבלעמאטיש. ער יאגט נאך זיינע באקוועמליכקייטן עד דיוטא התחתונה, ער האט נישט קיין טראפ עמפאטיע צו אנדערע, ער פלעגט לאזן ווארטן שעות ביי ברית'ן און חופות ווען חתן־כלה, באבעס און זיידעס און געסט שטייען אלע און ווארטן פאר משיח, לאזן ווארטן ביים דאווענען און נאך און נאך וואס יעדער בעלזער חסיד ווייסט דערפון צי עס שטערט אים יא אדער נישט. ער פארברענגט כמעט נישט סתם מיט יחידים. קוויטלעך איז א גרויסער עולם מיט אמאל, ווען ער רעדט איז עס געציילטע ווערטער און געמורמלט אז קוים הערט מען, א שמייכל איז זעלטן, ער האט נישט קיין געדולד פאר שיחת חולין (small talk), און רוב צייט איז ער פארשלאסן מיט די וואס ער פארשטייט זיך מיט זיי. עס איז טאקע היינט א ריזיגער עולם און פארדעם איז טאקע דער דיסקאנעקט גרויס. נאר וויבאלד דער ברענד איז שטארק און בעלז שטייט היפש בעסער ווי אנדערע שפירן זיך די בעלזער גוט. נאך א סוד זיינער איז אז ער הונגערט אויס זיינע חסידים פון ליבשאפט. יעדער בעלזער חסיד חלש'ט פאר זיינעס א גוט ווארט אדער א שמייכל אדער כאטש אים צו אנערקענען אבער ער געט נישט קיין אינטש. די חברה האלטן אין איין נאכלויפן פאר דאס וואס זיי ווייסן זיי וועלן קיינמאל נישט באקומען.

איינער האט דא געשריבן איבער זיין תלמיד חכם'שאפט און לאמיר נישט איבערטרייבן. קיין עם הארץ איז ער נישט און טאקע ווייט דערפון, ער קען גוט מדרשים און דער סחורה וואס ביי א רבי איז עס stock in trade אבער דאס מאכט אים נאך נישט קיין תלמיד חכם. ער האט נישט ליב צו לערנען און ער רעדט כמעט נישט מיט בחורים אין לערנען. ער איז אן איש המעש, ער האט ליב צו בויען, חרוב מאכן אלטע זאכן לשם אויפצופרישן אדער סתם ווייל ער דארף כסדר טויש און שינויים. עס איז אויך א מיטל צו פלעקסן מוסקלען בפרט אין א געזעלשאפט וואס הענגט זיך אן אין היסטאריע און מנהגים בהררי קדם און דווקא ער ווייזט אז ער קען שאפן אייגענע מנהגים און ער אליין איז אויך פון די הררי קדם. און דאך איז ער מצליח איבעראל אנצוקומען מיט אן ארמעי פון שיך און זאקן יונגעלייט. מאידך, האלט עס אויך דעם עולם אינטערעסירט און ענגעיד'זד ווייל יעדער מאנטיג און דאנערשטיג איז דא א נייער עובדא מיט א ניגון אדער אן "על ידי" און דאס גלייכן.

המשך יבוא בל"נ

הערליך

א גוטן ר' צפון

דעיס אז די קענסט אפאר בעלזע אויסדריקן מאכט דיר פאר א קנאפע בעלזע, סא דיין שטיין אין שורה אויסדריק איז נישט קאנווינסינג..

האסט געזאגט אסאך נקודות, אפאר ריכטיגע און און רוב איז ריין שטותים, דיין וויטאג שפירט זיך שטארק צווישן די שורות, איי געס מען האט דיר אדער דיין משפחה שטארק באעוולט, אבער אלטס בעלזע חסיד מיז איך קלאר ארויסשטעלן מיינע הערות אויף דעם צוויבל קיגל וואס דו האסט דא אפגעבאקן.

בעלזער רב איז נישט אין ברענדינג ביזנעס, וואס ער האט געטוהן איז געווען מיט א מטרה צו אויפהייבן תורה מיט חסידות און יודישקייט, און ב"ה ער האט מצליח געווען ביג טיים.
בעלזער רב איז טאקע א שטארקע פירער און א געניטע גענעראל, אבער א הארץ מלא רחמים און א וויעכע פאסטעך פאר זיינע חסידים און פאר א יעדן יוד וואס זיכט זיין הילף בעצה ובתושיה, . איך האב מעשיות אויף מעשיות וואס איך האב אליין בייגעוואוינט , עס איז נאר א שאד אנציהייבן ווייל אויף יעדע מעשה וועט דא ווערן א גאנצע געפעכט .
בעלזער רב קען רעדן מיט פשוטע יונגעלייט ווען אימער איינער וויל עפעס פרעגן , איך וואוין דא אין אמעריקע איך קום 1 מאל אדער 2 מאל א יאהר און ווען איך גיי אריין מיט א קוויטל פרעגט מיר אלעמאל די רב איבער מיין פערזענליכע לעבן פריוואטע שאלות, און איך בין נישט קיין מיוחס איך בין נישט קיין בנש"ק און נישט רייך און אויך נישט קיין עסקן, איך בין א פשוטע אמעריקאנע יונגערמאן נאמבער 5724 , און דאך גיי אלעמאל ארויס מיט א געהויבענע געשמאקע געפיהל, און עס לאזט אין מיר א רושם פאר גאר א לאנגע צייט, איך ווייס נישט וואס דו מיינסט אז ער הינגערט אונז אויס פון ליבשאפט, און פירט זיך ווי א דיקטאטאר מיט זיינע אינטערטאנטן. איך און וועלכע בעלזע חסיד איך קען וועט דיר זאגן פינקט פארקערט,
בעלזער רב איז תלמיד חכם עצום בנגלה ובנסתר און לערנט אגעוואלד מיט שעות א טאג, צו זאגן אז דער יוד האט נישט ליב צו לערנען ווייזט אויף די אומוויסענדיקייט אויף דעם מענטש, זאגן אויף בעלזער רב ער קען נישט לערנען אדער האט נישט ליב צו לערנען איז ווי די זאגסט אז ר' מיילך בידערמאן פירט זיך נישט צו האלטן קיין דרשות, זיינע תורות זענען אסאך מאל פשוט אבער עס ליגט א ים אין יעדע ווארט ,און איך בין זיך מתרפק אויף זיינע תורות מדי שבוע בשבוע , און דיין חשבון אז די בעלזע סידור איז פשוט א פיינענטשל דעסיזשען עס זאל ארינקימען נאך א הכנסה, קומט מיר ממש צו לאכן, אזוי נישט צו קענען בעלזער רב, איך דארף עכט טרעפן א וועג דעיס אפצופרעגן??
האסט געשריבן נאך א באנטש שטותים כאולי ביזט מער א מבין אויף דעם פרעזענליכקייט, און די האסט ארויס זיינע מעלות און חסרונות, און ענדיגסט נאך צו מיט אזא "פארזעצונג וועט נאכפאלגן" כאולי האסט יעצט צילייגט דעם מענטש אויף פיצלעך און ארויס געגעבן סודות פון חדר, און דער עולם וועט מיזן בלייבן געשפאנט ביז אייער כבוד וועט האבן נאך א פאר מענט צו שרייבן די פארזעצונג ווייטער.. ר' צפון לאמער דיר ברעכן די נייעס, דו קענסט נישט דעם מענטש, און האסט דעליווערט גאר א שוואכע ארבעט, דו קומסט מער פאר ווי א פארביטערטע מאכניווקע חסיד..

אשרינו מה טוב חלקינו אז אונז האב מיר אזא רבי אזא צדיק ! ווי גליקליך בין איך אז איך קען זיין א חסיד פון אזא הייליגע מאן.
א גיטע נאכט

אני הק' בין א בעלזער חסיד (אויף די ביכער עכ"פ), און לענ"ד איז פשוט וברור אז דער רב זז"ג איז אן אמת'ע ערנסטע איד, אפגערעדט א חריף ובקי בנגלה ונסתר.
מען קען אוודאי דן זיין ארויף און אראפ איבער זיין כאראקטער / מדות / היסטאריע וכו', און קאדוס פאר צפור בודד פאר דעם שיינעם אפהאנדלונג, אבער ס'איז פשוט נישט אמת אים אראפצולייגן ווי א פארווע איד אדער סעלפיש מענטש.

איז דען דא א חסיד וואס קען עם יא?
קיינער איז נישט זיין חבר און ער שמועסט נישט מיט סתם מענטשן הגם עס איז דא עטליכע וואס קענען יא שמועסן מיט עהם, איז עס נישט דער רוב ציבור יעדער קען מאכן א אנאליז לויט וואס דער פאבליק זעהט יעדער איינער וועט לייגן א דגוש אויף א אנדערע פרט
איך וואלט ממליץ געווען צו הערן די פאדקעסט "פארענצ'עס" דארטן איז דא א עפיזאוד אויף בעלז

מרדכי מרדכי האט געשריבן:איז דען דא א חסיד וואס קען עם יא?
קיינער איז נישט זיין חבר און ער שמועסט נישט מיט סתם מענטשן הגם עס איז דא עטליכע וואס קענען יא שמועסן מיט עהם, איז עס נישט דער רוב ציבור יעדער קען מאכן א אנאליז לויט וואס דער פאבליק זעהט יעדער איינער וועט לייגן א דגוש אויף א אנדערע פרט
איך וואלט ממליץ געווען צו הערן די פאדקעסט "פארענצ'עס" דארטן איז דא א עפיזאוד אויף בעלז

דער עפיזאד איבער בעלז און בכלל דער פאדקאסט פארענטשעס איז זייער אויבערפלעכליך און רירט נישט צו קיין שום קאנטערווערסיאלע זאך, ס'איז מער אויפן 'היימישן' נוסח.

ר' מלך שפירא אין וועקער 7.

אגב, איך ווייס נישט צי בעלזא רב איז טאקע אזוי אויסגערעכנט אויסצומענטשלן זיינע חסידים. דאס איז אבער זיכער אז @מי אני האט ער באוויזן אויסצומענטשלן דורך אים אריינשלעפן אין 'געזעלשאפט'...