קאווע שטיבל

עצי שטים האט געשריבן:לענינינו. דאס אז מיר זענען גארנישט, דאס אז א מענטש איז א פארשטינקענע טיפה סרוחה, כאבק פורח וכחלום יעיף, יסודו מאפר וסופו לאפר, א גארנישט מיט א נישט. דאס אלעס ווייסן מיר שוין פון לאנג. יעדער וואס קוקט אריין אין די מוסר ספרים וואס רעדן פון ביטול היש, אדער איז זיך סתם מתבונן דערינען קומט אן צו אזא מסקנה, נאר וואס דען? אזוי ווי די זאגסט אליין די מענטש מאכט זיך א "אייגענע" "אמת'ע" מציאות, ער לעבט און לאכט און רעדט זיך איין אז זיין מציאות איז עפעס, ער פארגעסט אינעם טאג טעגליכע לעבן אז ער איז א גארנישט... אויף דעם האט מען דעם בילד וואס גיבט דיר א פראסק אין פנים און ערוועקט דיר צום ריאליטעט.

די זאגסט אז די וועלט איז יא גרויס... לאמיר דאס צונעמען, וואס איז טייטש גרויס און וואס איז טייטש קליין?? אלעס איז נאר און א קאנטעקסט צו עפעס אנדערש.
דהיינו אז איך פרעג דיר אויב אן עפל איז גרויס וועסטו זאגן אז נישט. אויב איך פרעג דיר אויב א וואלקן קראצער איז גרויס וועסטו ענטפערן אז יא. ווייל די קוקסט דיך אליין אהן ווי די עוורידזש זאך אין גרויסקייט, ממילא איז כלפי דיר א עפל קליין און א וואלקנקראצער גרויס, אבער אליבא דאמת איז א עפל ריזיג כלפי א מוריטשקע פינקט ווי די וואלקנקראצער איז גרויס כלפי דיר.
ובכן פאר עוג מלך הבשן, אדער כלפי די לויתן, איז א וואלקנקראצער טאקע קליין, דאס הייסט ווי גרעסער די אנערקענסט אז בריאה איז, אלס קלענער ווערסטו פאקטיש. דיין גוף גייט טאקע נישט פלוצלונג שרינקן נאכן געוואר ווערן ווי ריזיג די קאסמאס איז. אבער דעם אמת'ן פראספעקטיוו פון ווי גרויס די ביסט באמת כלפי אלע אנדערע ריזיגע זאכן וואס איז דא, דאס ברענגט די בלאסע בלויע פינטל צו אנערקענען.
די מוריטשקע וואס האלט זיך גרויס איז פינקט אזוי איינגערעדט און לעבט פשוט אין א פאלטשע אילוזאציע פונקט ווי די מענטש וואס האלט זיך גרויס. עס איז נישט רחכטיג צו זאגן אז ביידע זענען אמת פון זייער מבט אויפן וועלט, עס איז נאר דא איין אמת'ע מושלמ'דיגע גרויסקייט וואס פאקט איין דיר מיטן מוריטשקע אינאיינעם.

מי אני האט געשריבן: די געדאנק איז אז דא קענסטו זיך בעצם מצייר זיין, ווען מ'טוהט די אינטראספעקשאן, אויף מקומך נגד הקאסמאס, משא"כ מיט'ן נמלה נגד האדם. אין אנדערע ווערטער, א מענטש קען צאמברענגען אין די קאנטעקסט ביידע וועלטן צוזאמען, משא"כ די נמלה (און טאקע אט דאס איז שויו יא מעליותו של האדם, עכ"פ נגד הנמלה). דאס איז די געדאנק וואס די בילד ברענגט ארויס.

כמובן באדייט דאס נישט אינגאנצן אריינצוגיין אין צו א סארט נייהיליזם וכדומה; עס איז נאך דא אן אחוזה פאר'ן מענטשליכע וועלט. די געדאנק איז אבער צו געבן פערספעקטיוו אויף דעם אז וואס ער גלייבט really matters איז כאפס ווען ער באטראכט דאס ברייטער כנ"ל.

תוהו ובוהו האט געשריבן:

יאסל ראקאווער האט געשריבן:די ווידיאו האט בשעתו געעפנט מיין מוח צו מיין אויגן און ס'האט זיך נאכנישט פארמאכט. ס'האט צוטראסקעט מיין תמימות פאר אייביג.


די ווידיאו איז די גרעסטע נסיון אנטקעגן אמונה.

ווען מען איז זיך מתבונן אין די בילד ווי גרויס די סטעידזש איז איז אומעגליך צו זאגן אז די גאנצע יקום איז געבוירן געווארן נאר פאר אידן זיי זאלן קענען דינען דא גאט אויף די דיסטענט בלוי דאט. אמיטאמאל איז עס די צענטער. א פיצי פיצי בלוי דאט.

The stage is too big for the play.

כ'פארשטיי דיין געפיל.

אבער ס'איז מיר מאדנע די לאגיק. דו ביסט אוקיי מיט'ן קאנצעפט אז מיר אידן זענען מובחר הבריאה מיט א געשטאפטע כינע אדער אז דער מין האנושי איז דער צענטער פון די בריאה מיט א היפש-פארנומענע אמאזאן זשאנגל און ענדלאזע אקעאנען אדער אפילו א קליין שטיקל אנטארטיקע, אבער דו דערשרעקסט דיך פון נאך אפאר ביליאן מייל?

ס'דערמאנט מיר אין ישיבה ווען די הנהלה האט מחליט געווען צו רופן איינעם רעדן וועגן די קאסמאס - ווארשיינליך צו איבערצייגן די בחורים אז די טרפה'נע סייענס איז עכט אויף אונזער זייט - הכלל, דער כאניאקישער יוגערמאן קומט אן און הייבט אן שיסן נומערן - וואס ער האט אמאל נאכגעהערט פון ר' עזריאל טויבער צי ר' מ"ב ווייסמאנדל - "ס'נעמט אכט מינוט פאר די זונ'ס ליכט שטראלן צו גרייכן אונזער פלאנעט" שרייט ער מיט פאטאס "דער נענסטער שטערן צו אונז איז מער פון פיר ליכט יארן אוועק ס'שרייט זיך ארויס מה רבו מעשיך השם און איז אוודאי א שניידענדע הוכחה אויף א געטליכע דעזיין און ברענגט ארויס דאס אבסורד פון די טפשי אומה"ע וואס קענען זאגן אויף אזא ריזיג וועלט אז ס'איז געשען אליין".

און איך שטיי און וואונדער מיך. אוקיי, כ'פארשטיי דער מענטשליכער פעטיש פאר גרויסקייט, סייז, ענדלאזיגקייט און גראנדיעזקייט. אבער וואס זאגט דאס? איז א מיליאן ליכט יארן אנדערש ווי צוויי מילימעטער? מאכט דאס גאט שטערקער? איז דאס מער מכריח דער עקזיסטענץ פון גאט? ס'נישט קיין גרעסערער וואונדער אן איבריג שטיקל האר ווי איבריגע גאלאקסיען.

מעגליך מיינט @חדשים ענליך.

חדשים האט געשריבן:משל למה”ד, איך און מיין בר פלוגתא קריגן זיך אויף א מיליאן דאלער. אונז דארף מיר עס ביידע וויכטיג צו קויפן א הויז, עס איז really matters ווער עס האט עס. ביי אילאן מאסק, איז א מיליאן דאלער א שווארצע פינטל, ער פאקט אונז איין ביידע צוזאמען. למעשה, ווען דו קוקסט אן די מיליאן דאלער, איז עס נאקעטע, קאלטע, פאקטישע מיליאן דאלער. אבער יעדער האט אויף דעם א צווייטע פערספעקטיוו. אילאן מאסק- שווארצע פינטל. חדשים ובר פלוגתתו- אייגענע דירה אדער נישט. יעצט וואס איז עס טאקע? ביידע איז אמת. עס ווענט זיך פארוועם.
עצי, דיין משל קומט דא גוט אריין. ווען דו ביזט דן אויף א זאך דארפן ביידע זיין אין די זעלבע קאטעגאריע. ווען א מוריטשקע מיט א מוריטשקע קריגן זיך אויף מאכט, זענען זיי ביידע אין די זעלבע קאטעגאריע. אפילו לאמיר זאגן ער קען יא קוקן מיט א ברייטערע בליק און צאמנעמען ביידע וועלטן (איני יודע כיצד ’מי אני’ יודע דנמלה אינו יכול לחשוב כן) אבער לגבי זיין יעצטיגע בר פלוגתא וואס ביידע דארפן יעצט די ווייצל, איז עס וויכטיג פאר זיי ביידע. ואיני רואה בזה אילוזיע או בלאף. אפילו דער מענטש פאקט איין ביידע מוריטשקעס אינאיינעם. דאס אז אנדערע האבן א ברייטערע פערספעקטיוו וועט נוגע זיין ווען מ’איז דן די מוריטשקע לגבי די מענטש נישט איין נמלה צום צווייטן.

חדשים האט געשריבן:מי אני, דו וואלסט דאס גענוצט צו מנחם זיין א צובראכענע אבל?...

ולפי שהיו בני אדם מתלוננים מהטבע במה שיקרם רעות אף שהיו מצד החומר לחשבם שהיה העולם כולו נברא בשבילם, ושהאדם תכלית המציאות בכללו, הוצרך הרב לבטל הדעת הזה, ובעבורו הביא פרק י"ג שהתחיל הרבה נבוכו השלמים בבקשת תכלית זה המציאות, שביאר בו שאין לבקש תכלית אל כללות העולם, אבל שכל דבר מהעליונים ותחתונים הוא לתכלית עצמו.

מתבודד האט געשריבן: שיקן זיי ארויף א רעקארד צו די גרינע מענטשעלעך דארט אויבן, אבער אלס מיט די צמצום פון אונזער בריאה. צו האבן יענע מענטשן/ברואים בכלל חושים? זיי קענען זען? הערן? זיי קענען אנכאפן בכלל אזא קליינע זאך ווי א רעקארד? אדער אזא גרויסע זאך? זיי ווייסן וואס די רמזים און אינסטרוקציעס מיינען, ווייל אונז קלוגע מענטשן פארשטייען עס?

איך וואס בין אויפגעוואקסן אויף מחלוקת, שנאת חינם און מוציא שם רע וועל ווייטער שעפן חיות פון א גוט שטיקל מחלוקת לשם שמים.

עצי שטים האט געשריבן:

הקטן האט געשריבן:

עצי שטים האט געשריבן:דאס בלאסע בלויע פינטל
כאפ אריין א גוטן טאג מיט דיין ווייב און קינדער, מיט דיין טאטע און מאמע און געשוויסטער. זיי אויפריכטיג און אחריות'דיג, בשמחה און גוטהארציג. בעפאר די גיבסט זיך א דריי ביסטו שוין אליין אפילו נישטא אין די קליינע וועלטל וואס איז ממילא אזוי קליין און נישטיג. פארוואס זיין פארנימען מיט שטותים און נערישקייטן, ווען אין די צייט קענסטו זיין פארנימען מיטן מאכן בעסער... (דאס בלויען פינטל, די איינציגסטע היים וואס מיר טוען פארמאגן.)
קארל סעיגאן- עצי שטים.

קארל סעיגאן- עצי שטים - הקטן

מי אני האט שוין גוט געענטפערט. איך האב נישט געמיינט שולל צו זיין עולם הבא, איך האב גערעדט צו די גוף וועגן די גוף כלפי הנהגות הגוף.