שידוכים קריזיס - ערגער געווארען

[שמעקעדיג]

זייער אינטערעסאנט, וואס זוכסטו אין א שול אין ב"פ? אדער איז עס נאך געווען אין די צייטן ווען דו פלעגסט אריינגיין אין שול?...

[[NAMELESS]]

לאמיך צולייגן מיינע צוויי צענט.

א. אזויווי ס'גויאישט זיך אזוי אידישט זיך. היינטיגע צייטן קען מען זאגן אז ס'איז אין בית אשר אין שם חי, כמעט יעדער צענערלינג האט אן עלטערע קאזין וואס האט זיך אנגעפיפן אויפ'ן "סיסטעם" און גענומען דעם דרך ארוכה שהיא קצרה און צום סוף האט זיך עס פיין אויסגעארבעט, און כאטש וואס נישט יעדער האט די קוראזש עס צו נעמען למעשה עד הסוף איז עס אבער גורם גענוג רייבערייען, מיט די עלטערן צו מיט זיך אליין, אז זאכן שלעפן זיך. נאכמער, איך קען חברה וואס האבן אינגאנצן אפגעלאזט די חסידישע לעבנסשטייגער (און צום סוף האבן זיי טאקע געטראפן "שידוכים" פון פרייע שטיבער) אבער די עלטערן שעמען זיך דערמיט בלאפט מען ארום כאילו די זוהן לערנט אין ארץ ישראל, די טאכטער איז סך הכל אביסל מאדערן, וכו' וכו', בקיצור, א גרויסע טייל "אלטע" סינגלס אויף די שדכנים ליסטעס זענען שוין גארנישט אזוי אלט לויט זייערע אומשטענדן און זיי דארפן ניטאמאל צוקומען צו די שידוכים פראסעס.

ב. איך בין אמאל געזעצן אין א שוהל אין ב"פ און נעבן מיר איז געזעצן א גרופע עלטערע בחורים, איז אריינגעקומען א טשאלמער און געגאנגען נאך געלט און די בחורים האבן איהם געגעבן אפאר טאללער האט ער זיי געגעבן א ברכה אז זיי זאלן ווערן חתנים בקרוב, האבן זיי זיך צולאכט און געזאגט, פארגעס פון חתנים, געב אונז א ברכה צו מאכן אסאך געלט! קאממענטארן זענען איבעריג...

אפשר האלטען זיי פון די רמב"ם וואס שרייבט, אז דרך בעלי דעה שיקבע לו אדם מלאכה המפרנסת אותו תחילה, ואחר כך יקנה בית דירה, ואחר כך ישא אישה

[צוזאמגעדרייט]

לדעתי איז די סיבה פונעם קריזיס איינס פלוס איינס.

די מיידלעך זענען אין אלגעמיין גראדט פארמאכט און פרום, (אזוי צו זאגן).
און די בחורים זענען פיל מער אויפגעקלערט (אזוי צו זאגן) ווייניגער פארמאכט וכו'.

אפילו די מיידלעך וואס זענען שוין יא מער אהערגעשטעלט, זענען פיל מער סיסטעמאטיש ווי די בחורים וועלכע שטעקן-זיך ארויס פונעם אַלגעמיינע סארט בחור.

איך רעדט נישט פון או טי די'ס

[[NAMELESS]]

די שמועות וואס גייען ארום אז א געוויסע מוסד וויל ענדיגען מיט 12טע קלאס, האט דאס אויך א שייכות מיט די שידוכים קריזיס?

[היסטאריע]

לאמיר צוטיילען די בחורים און מיידלעך אין צוויי. אין דער באקס און ארויס פין דער באקס.
עס איז דא אן אנדערע אשכול ווי מען שרייבט דער באקאנטע משל צו דער סדום בעטל, וואס דאס איז אונזער באקס. יעדער מוז אריינפיטען אין דער באקס. דא איז נישט דער פלאץ מאריך צו זיין בשבחו וגננותו פין דער עקזיסטירענדע באקס, נאר רעדען וויאזוי עס טוט עפעקטען דער מהלך פין שידוכים.

די בחורים און מיידלעך וואס זענען ארויס פין דער באקס, ביי זיי איז דער שידוכים קריזיס שוין דא יארן לאנג, די עלטערען זוכען, און מען טרעפט זיך, און עס גייט אהן, און עס ווערט אויס, און אזוי ציט זיך דער צייט. איין זאך וואס מען וואלט זיכער באדארפט צו מאכן, אז ביי בחורים און מיידלעך וואס זענען ארויס פין די באקס, גייען די אינגערע פריער, זיי זענען אין א אנדערע קאטעגאריע.

ווען מען רעדט וועגען דער לעצטע "עצירת שידוכים" קריזיס, איז עס נישט פין דער ארויס פין דער באקס בחורים און מיידלעך. די געהעריגע בחורים און מיידלעך רירען זיך נישט. אסאך פין די טעמים וואס זענען געזאגט געווארען דא, זענען שייך פאר דער ארויס פין די באקס בחורים און מיידלך, למשל,

בקיצור, א גרויסע טייל "אלטע" סינגלס אויף די שדכנים ליסטעס זענען שוין גארנישט אזוי אלט לויט זייערע אומשטענדן און זיי דארפן ניטאמאל צוקומען צו די שידוכים פראסעס.

(רביה"ק)

ווי אויך, (בת קול)

די בחורים און מיידלעך זענען פשוט קלוגער געווארן.
זיי ווילן נישט חתונה האבן אזוי יונג, און זיי האבן א מיינונגען אויפן שידוך.

מתבודד

דהיינו ס’איז ליידער דא הונדערטער בחורים וואס בצר להם גייען זיי שטיפן גויטעס און די קלאבס און בשעת מעשה זיצט די טאטע אויפן טעלעפאן מיט די זעלבע שדכן וואס האט אויסגעפירט די שידוכים פאר די אנדערע, יא ’געראטענע’ קינדער אין די משפחה, און מאכט אים משוגע צו טרעפן עפעס פאר זיין תכשיט.

דא רעדט מען שוין פין אסאך ערגער ווי ארויס פין דער באקס, איך וויל נישט מודה זיין אין דער גאנצע מציאות, איך גלייב נישט אז דאס איז אמת, ואם קבלה הוא נקבל, אבער נישט וועגען דער סארט רעדט מען דא.

די תגובות וואס זענען יא שייך לגבי דער געווענהליכע אין דער באקס סארט

שמעקעדיג

איך האב אמאל געהערט פון א שדכן אז עס זענען דא פיל מער עלטערע בחורים ווי מיידלעך, דהיינו עס איז א שטיקל מאנגל אין מיידלעך. מען זעהט הונדערטער אדער טויזנטע עלטערע בחורים, אבער כמעט נישט קיין עלטערע מיידלעך (ביי חסידים).

דאס איז אמאהל געוועהן דער קעיס, היינט אבער איז עס ביי ביידע, מיידלעך עלטערען זיך אזוי ווי די בחורים.

מתבודד שרייבט

ר’ איד נעם דיין בחור’ל און זאג אים ער זאל דעיטען א אידישע מיידל ווי א נארמאלע באזעסענע מענטש!! איך ווייס אז ’’ביי אונז’’ האט מען ח”ו נישט געדעיט, אבער

איך זעה נישט די ישועה פין דעם, די ליטווישע טוהן דאס, און ביי זיי איז דער "פראבלעם" פיל מער, די בחורים זענען היבש מער פיקי ווי עלטערען, און גייען בעיקר פאר געלט און "לאקס", הייבען נישט אהן צו פארשטיין אז עס איז דא עפעס מער צו א מיידל ווי שיינקייט. איך זאג נישט קיין דעה וועלכע וועג איז בעסער, בעיקר וויל איך זאגען אז דאס וועט נישט העלפען. ווי אויך, היות אונז האבען א שטערקערע התבדלות פין מיידלך פין א יונגערע יארגאנג, וועלען בחורים נישט האבען קיין איינונג וויאזוי צו פארברענגען מיט מייידלעך, און מאדאך היינט איז דא גאר אסאך בחורים וואס דארפען א מדריך וויאזוי צו רעדען מיט א מיידל ביי א בעשוי, קל וחומר ווען זיי וועלען דארפען ארויסגיין.

עצי ברענגט א שיינע מעשה פין מנחת אלעזר און דער אויספיר איז,

משא"כ ביי אונז.. אינגען מיט מוידן דרייען זיך אינאיינעם און פארברענגען אינאיינעם.. מען דארף ניטאמאל קיין שדכן... מען לאזט די באשעפערס נאטור טון דאס זייניגע... מען דארף עס נאר זען נישט צו שטערן...

כאמור לעיל, און דער אמת אז רעדען וועגען דעם איז איבריג, ווייל דאס גייט מען נישט טוישען, עס בלייבט אזוי ווי עס איז אפילו די תוצאות זאלען זיין אז טויזענטער בחורים און מיידלך זאלען בלייבען סינגל אגאנץ לעבען רח"ל.

קהל'ס חכם (נער) שרייבט

די היינטיגע בחורים זענען שוין מער אפן ווי אמאל, אנדערש ווי ווען די טאטע פלעיגט מחליט זיין אז דער מחותן איז געניג א שיינע יוד פאר מיך און די מאמע האלט אז דער מחותנתטע איז געניג יחוס'דיג פאר מיך אן געיבן א דעקל אין וואס מען מייערעט איין דעם בחור אין דער שידוך איז געווארען.

מיט איין נקודה אנדערש, אין הכי נמי, ווען דער בחור אדער מיידל ווערט עלטער ווערט נאך א דעה, און ער וויל אויך פארשידענס, אבער נישט ווי איר זאגסט, דער בחור פאקעסד נישט אויף דער מיידל בעיקר, מער ווי דער עלטערען, ער וויל אויך געלט און א שיינע מחותן. די מיינסט דער פראבלעם הייבט זיך אהן ווען מען מאכט חתונה? ווען מען האט חתונה איז מען פונקט אזוי משוגע.

ווי אויך וואס די שרייבסט

לאמיר זיין זייער קלאר, רוב בינוני בחורים געבען נישט קיין דעמן פאר "שיינע משפחה" (ליין, די טאטע האט נישט קיין ג'אב און די מאמע א טיטשער), אדער פאר א שווער וואס וועט אויסהאלטן אין כולל פאר א יאר צייט, לאמיר רעדן קלאר פאר אלע בני-ארבעים-ומעלה-יודן, א בחור וויל א שיינע מיידל מיט גיטע סאושעל סקילס, יא, און די העט צי די סימס צי די אלע זאכן וואס זענען קאנסידערט א פלוס ביי די עלטערען, זענען עקשעלי א מיינוס פארן בחור.

אוי ווי, און נאך ווי, די בחורים פייגערען אויף א שיינע משפחה מער ווי די עלטערען איינמאל זיי האבען א דעה.
און א שיינע מיידל, יא, אבער סאשעל סקילס? א בחור ווייסט אפילו נישט ווי אזוי מען עסט דאס. הלוואי זאל זיין אמת וואס די זאגסט. אפשר איז עס וואס די וואלסט געוואלט ווען די וואלסט געוועהן א בחור. (אפשר ביסטו?).

צוזאמעןגעדרייט זאגט א שטארקע נקודה.

די מיידלעך זענען אין אלגעמיין גראדט פארמאכט און פרום, (אזוי צו זאגן).
און די בחורים זענען פיל מער אויפגעקלערט (אזוי צו זאגן) ווייניגער פארמאכט וכו'.

דאס איז א אמת'ע נקודה, די בחורים און מיידלעך ביי אונז ווערען נישט אויפגעצויגען מיט דער זעלבע לעוועל תמימות. און דאס האט מיט וואס מען לערנט מיט ביידע. מיט די בחורים לערנט מען גמרא, אביסל שולחן ערוך, זיי ווייסען א דאורייתא דרבנן מנהג, היינטיגע רבנים וכו'. ביי מיידלך איז אלעס אסור אדער מותר, נישטא קיין אונטערשיד צווישען וואס דער דיין אדער מו"ץ פין די קהילה האט גע'אסר'ט און וואס שטייט אין די תורה.

אבער מיט שידוכים האט עס נישט לדעתי, דער מצב גייט שוין מימים ימימה, גארנישט האט זיך געטוישט לעצטענס אין דער געביט אז דאס זאל גורם זיין עצירת שידוכים.

ויש להאריך עוד.

[צפת]

איך האב נישט געליינט די גאנצע!

איך האב געזען דעם ווארט, "ר' חיים שמרלר" מיט זיין ארגאניזאציע "הגפן", מוז איך דא זיך אנרופן מיט מיין נאנטע עקספיריענס וואס איך האב מיטגעהאלטן. איינע פון די הויפט שדכנים אין "הגפן" איז א גערער יונגערמאן, וואס געהערט צו איינע פון די אמטירנדע משפחות, מהיושבים ראשונה במלכות אין גור. האט מען גערעדט א שידוך, א אמעריקאנער בחור א מצוין פון די בעסטע ישיבות אין אר"י, נאר מיט מעדיצין קעגן עי-די-עידזש-די, מיט א צאנזע מיידל פון די חשוב'סטע משפחות, א כלילת המעלות, מיט איין פאלשע אויג. די שידוך איז גוט געפארן פון ביידע זייטן, און עס האט אויסגעקוקט אז דאס רוקט זיך פאראויס.

מיטאמאל זעט דער אבי הבחור, אז דער שדכן האט אים אויפגעהערט אויפצוהויבן די טעלפאן, ענטפערט אים מער נישט די אימעילס, אלעס שטעלט זיך אפ. דער טאטע איז געווארן דערשראקן, און שיקט אן אימעיל צום שדכן, אז אויב דער אנדערער זייט וויל נישט, איז נישט, אבער לאמיר וויסן וואו עס האלט... ואין קול ואין עונה. מען רופט ר' חיים פרעגן וואס טוט זיך, און ער זאגט אז ס'איז אים א פלא פארוואס ער ענטפערט נישט (דער שדכן האט שעות, אבער אלס איבערגעגעבנקייט הויבט ער אויף אלעמאל, אפילו נישט אין די שעות - אצינד האט ער נישט אויפגעהויבן אפילו אין די געווענליכע שעות). נאך עטליכע שעה איז ר' חיים צוריקגעקומען מיט אן ענטפער, אז דער שידוך איז נאכאלס אויפן טיש, נאר דער שדכן איז געווארן מורא'דיג פארנומען מיט אנדערע זאכן. ר' חיים האט צוגעלייגט אז ער וואונדערט זיך פארוואס ער האט צייט פאר אנדערע ענינים וואס זענען נישט אזוי ערנסט, אבער נעמט נישט קער פון א שידוך וואס האלט שוין זייער נאנט וכו'... אבער ער וועט זען אז ס'זאל זיך ווייטער רוקן.

נאכן זען אז עס ענדיגט זיך נישט. דער שדכן טוט נישט זיין ארבעט און דער שידוך קוקט לכאורה אויס בסדר פון אלע זייטן, האט מען געשיקט איינעם וואס זאל מברר זיין וואס האט פאסירט.

בקיצור, דער גערער שדכן, פון די קנאקעדיגע עסקנים משפחות אין גער, האט זיך דערוויסט אז דער טאטע פון חתן האט באזוכט ר' שאול אלתר אין בארא-פארק, איז אריינגעגאנגען צו אים און אראפגעלייגט א גרויסע סומע געלט, און אויך געמאכט פראפעגאנדע לטובת ר' שאול אין אמעריקע. זינט דאן האט ער פארהאקט די גאנצע געשעפט און מער נישט געוואלט טון עפעס אין דעם ענין. בנוסף לזה, האט ער נאך פראבירט אפצורעדן דער אבי הנערה, אז מען זאל נישט טון דעם שידוך.

ר' חיים האט למעשה גענומען א צווייטן שדכן אויף דעם ענין (אן אמעריקאנער שדכן וואס ארבעט פאר אים). עס האט זיך גאנץ שיין גערוקט, און מען האט שוין גערעדט פון א בעשוי, אבער דער טאטע פון חתן איז שוין געווען אפגעבריעט, און עס האט זיך אונטערגערוקט א צווייטער שידוך (א געזונטע זאך אן קיין פראבלעם - עטוואס רבני'ש), נאר די ייחוס המשפחה איז עפעס נישט אזוי... דער טאטע האט נישט געוואלט גיין ווייטער מיט הגפן, און איז ענדערש געגאנגען טון די אנדערע שידוך.

וירא הקהל וישפוט.

[שמן למאור]

איך האב אמאל געהערט פון א שדכן אז עס זענען דא פיל מער עלטערע בחורים ווי מיידלעך, דהיינו עס איז א שטיקל מאנגל אין מיידלעך. מען זעהט הונדערטער אדער טויזנטע עלטערע בחורים, אבער כמעט נישט קיין עלטערע מיידלעך (ביי חסידים).

האט ער א פוינט?

איך האב שוין געשריבן דערוועגן ארום 10 יאר צוריק.
https://www.kaveshtiebel.com/viewtopic.php?f=24&t=2118

דאס האב איך קיינמאל נישט געהעריג פארשטאנען. וויאזוי קען זיין אז עס איז דא א שידוכים קריזיס ביי בחורים אבער נישט ביי מיידלעך אדער פארקערט. אננעמענדיג אז עס איז נישטא מער אינגלעך ווי מיידלעך אויפן וועלט (ווייל אויב איז דא מער פון איין מין, ביסטו מילא סטאק און ס'נישטא וואס צו טון דערצו. ענדליך צו די תוצאה פון די נאר איין קינד פאלעסי אין כינע וואס האט ציגעפירט אז די עולם האט ענדערש געוואלט א בן זכר, און יעצט איז דא א מאנגל פון נקיבות..) איז אויב נעמט מען אהן אז א יעדע בחור וואס האט חתונה איז עס צו א מיידל... דאן ווי איז שייך א מאנגל ביי איין מין? אויב גייט עס גוט ביי איין זייט... גייט דאך עס אטאמאטיש גוט ביים צווייטן זייט... און אויב איז דא א קריזיס ביי איין מין... איז אטאמאטיש דא א קריזיס ביים צווייטן זייט, נישט אזוי?
עס גייט מיר נישט אריין אין קאפ... @מי אני, וואס איז די חשבון דא...?

[פרנס החודש]

ווי איז שייך א מאנגל ביי איין מין? אויב גייט עס גוט ביי איין זייט... גייט דאך עס אטאמאטיש גוט ביים צווייטן זייט... און אויב איז דא א קריזיס ביי איין מין... איז אטאמאטיש דא א קריזיס ביים צווייטן זייט, נישט אזוי?
עס גייט מיר נישט אריין אין קאפ... @מי אני, וואס איז די חשבון דא...?

עס ווערן אין אלגעמיין געבוירן דריי פראצענט מער אינגלעך ווי מיידלעך, Google it!!!

[פרנס החודש]

עס איז אבער דא אן אויסוועג, אויב וועט מען צוזאמפארן אלע 20 יעריגע בחורים מיט אכצן יעריגע מיידלעך (וויבאלד די מיידלעך וועלן זיין פון א שפעטערע יארגאנג, איז אויטאמאטיש דא מער).

[פרנס החודש]

ביי די ישיבה'שע האבן זיי א פארקערטע פראבלעם, צופיל אלטע מיידלעך, וויבאלד ביי זיי האט מען צופיל אפגערוקט די עלטער. ביי זיי איז מען משדך 23 יעריגע בחורים מיט 19 יעריגע מיידלעך.

[וואלווי]

די וועלט בארימטע shiduch crisis. די שאלה איז נאר צו ביי אונז חסידישע חרדים איז דא אזא gap.

[[NAMELESS]]

דאכצעך אז כהאב שוין געשריבן ערגעץ די מעשה, אז די מנחת אלעזר האט געלאזט ריפן די הויפט פירער פון די ציוניסטן אין מונקאטש אין האט געוואלט פארשטיין פארוואס ביי אים אין ישיבה איז דא אזא מאנגל אין שידוכים (יא, ס'שוין דעמאלטס געווען א פראבלעם) און ביי אים איז נישטא קיין פראבלעם.
האט אים די ציוני מסביר געווען.. אז די פרומע האבן גענומען די נאטירליכע צוויי סעקטעס וואס דארפן זיך ליב האבן איינער דער אנדערע און זיך טרעפן און אליין פאלן אין ליבע, און זיי צעטיילט אין צוויי וועלטן... דערנאך מוז מען יעצט נעמען א שדכן וואס זאל צאמשלעפן מעשה בראשית און אויספירן א שידוך... די בחור וויל בלייבן אין ישיבה ער ווייסט נישט וואס א מיידל איז.. די מיידל וויל ווייטער מעלקן די קוען... און עס מוז קומען איינער און טון עבודת פרך און אויספירן א שידוך.
משא"כ ביי אונז.. אינגען מיט מוידן דרייען זיך אינאיינעם און פארברענגען אינאיינעם.. מען דארף ניטאמאל קיין שדכן... מען לאזט די באשעפערס נאטור טון דאס זייניגע... מען דארף עס נאר זען נישט צו שטערן...

דאס וועט נישט געשעהן ביי אונז..

אפילו כפרות זענען ביי אונז אפגעטיילט זכרים פון נקיבות !

[צוזאמגעדרייט]

אפילו כפרות זענען ביי אונז אפגעטיילט זכרים פון נקיבות !

יא אבער די היינטיגע כפרות שטעלן זיך כאטש אויף פאר זייערע רעכטן, #ריבקי-שטאצמאן

[היסטאריע]

דער גערער שדכן, פון די קנאקעדיגע עסקנים משפחות אין גער, האט זיך דערוויסט אז דער טאטע פון חתן האט באזוכט ר' שאול אלתר אין בארא-פארק, איז אריינגעגאנגען צו אים און אראפגעלייגט א גרויסע סומע געלט, און אויך געמאכט פראפעגאנדע לטובת ר' שאול אין אמעריקע. זינט דאן האט ער פארהאקט די גאנצע געשעפט

וואס קען מען טוהן, יעדער מיט זיין עבודה זרה.

[היסטאריע]

עס איז בערך די סעלושן וואס איך האב דא געגעבן...

ס’איז אפשר א גוטע סעלושען אין טעאריע אדער אין די לאנג ראן, אבער אויף יעצט און למעשה איז זיכער אז צוצאלן פאר א שדכן א עצה בדוק ומנוסה. בנוסף וועט ער זיך אויך אריינלייגן צו צאמברענגען עפעס וואס מאכט סענס און נישט סתם שיסן נעמען ווייל ער פילט נישט אנדערפעיד.

דאס איז א גוטע עצה פאר א יחיד, וואס קען זיך ערלויבן, נישט פאר דעם כלל.

ווי אויך, ווייס איך אז געלט פאר דער שדכן העלפט לעצטענס נישט. דער שדכן וועט טאקע ארבעטן פאר דיר און טרעפן וואס דו זוכסט, אבער ער קען נישט מאכן יענער זאל מסכים זיין.

[היסטאריע]

די שמועות וואס גייען ארום אז א געוויסע מוסד וויל ענדיגען מיט 12טע קלאס, האט דאס אויך א שייכות מיט די שידוכים קריזיס?

זיי מסביר, זיי ווילען אוועקנעמען 12טע?
און וויאזוי קען דאס האבן א שייכות?
וועלכע מוסד?

[יעקב מענטש]

די ערשטע זאך אויב מ'וויל עפעס טוישען דארפן די בחורים און מיידלעך אנפאנגען צולייגען בילדער און א שטיקל bio צו זייער רעזאמעי. שרייבען ווער זיי זענען, וואס זייער passion איז און עפעס פוינטערס וואס זיי ווילן פון זייער לעבן. תן לחכם ויחכים עוד.

דאס איז אפשר וואס דו וואלסט געוואלט טוישן אינעם סיסטעם, אבער דאס וואלט זיכער נישט פארגרינגערט די מצב אויפן גאס

[בת קול]

די שמועות וואס גייען ארום אז א געוויסע מוסד וויל ענדיגען מיט 12טע קלאס, האט דאס אויך א שייכות מיט די שידוכים קריזיס?

זיי מסביר, זיי ווילען אוועקנעמען 12טע?
און וויאזוי קען דאס האבן א שייכות?
וועלכע מוסד?

סאטמאר.

[חדשים]

דאכצעך אז כהאב שוין געשריבן ערגעץ די מעשה, אז די מנחת אלעזר האט געלאזט ריפן די הויפט פירער פון די ציוניסטן אין מונקאטש אין האט געוואלט פארשטיין פארוואס ביי אים אין ישיבה איז דא אזא מאנגל אין שידוכים (יא, ס'שוין דעמאלטס געווען א פראבלעם) און ביי אים איז נישטא קיין פראבלעם.
האט אים די ציוני מסביר געווען.. אז די פרומע האבן גענומען די נאטירליכע צוויי סעקטעס וואס דארפן זיך ליב האבן איינער דער אנדערע און זיך טרעפן און אליין פאלן אין ליבע, און זיי צעטיילט אין צוויי וועלטן... דערנאך מוז מען יעצט נעמען א שדכן וואס זאל צאמשלעפן מעשה בראשית און אויספירן א שידוך... די בחור וויל בלייבן אין ישיבה ער ווייסט נישט וואס א מיידל איז.. די מיידל וויל ווייטער מעלקן די קוען... און עס מוז קומען איינער און טון עבודת פרך און אויספירן א שידוך.
משא"כ ביי אונז.. אינגען מיט מוידן דרייען זיך אינאיינעם און פארברענגען אינאיינעם.. מען דארף ניטאמאל קיין שדכן... מען לאזט די באשעפערס נאטור טון דאס זייניגע... מען דארף עס נאר זען נישט צו שטערן...

שמעתי שכן היה שיטת הרב ברויער ז”ל און ער האט איינגעפירט לבני קהילתו אז זיי זאלן טון געוויסע ארבייט צוזאמען.
נישט מברר געווען. ווער עס ווייסט מער דערוועגן זאל ביטע שרייבן. ייש”כ.

[פרנס החודש]

שמעתי אז רב ברויער האט זיך נישט געוואלט מצטרף זיין צו די אגודה משני טעמים:
ערשטנס, זיי זענען ציוניסטיש געשטימט.
צווייטנס, ווייל זיי טיילן אפ די אינגלעך און מיידלעך אין זייער youth organization (פרחי אגודת ישראל).

[וואלווי]

וועלכע רב ברויער רעדסטו? אינדערהיים אדער דא

[היסטאריע]

פארוואס ביי אים אין ישיבה איז דא אזא מאנגל אין שידוכים (יא, ס'שוין דעמאלטס געווען א פראבלעם)

לפי הבנתי איז דער מאנגעל דעמאלס געוועהן, ווייל חרדים האבן נישט געשיקט מיידלעך אין אידישע סקולס, און אין די פאבליק סקולס האבן זיי געמוזט גיין, ממילא זענען זיי ארויסגעקומען היבש אויפגעקלערט, און נישט געוואלט חתונה האבן מיט חריידישע בחורים.

אזא פנים האט עס ווען מען גייט קאפ אין וואנט מיט קנאות.

[היסטאריע]

עס איז טאקע אינטרעסאנט צו וויסן, אויב אין דער ישיבה פין רשר"ה האבן געלערנט בחורים און מיידלעך צוזאמען אדער נישט.