קאווע שטיבל

ווי אזוי איז נאך מעגליך צו זינדיגן מיט אזעלכע דערהויבענע תקנות?

איך זאג אלץ אז די וועלט דארף אלץ האבן א נארט קארעא, אין א בחינה פון שלא תמות כדרך שמת פלוני; אלץ א לעבעדיגע עקזעמפל ווי מען קומט אן מיט אויטאריטאריעניזם. אויב זאל נארט קאריע צוזאמפאלן וועט נישט נעמען לאנג ביז א צווייטע לאנד וועט זיך צוכאפן צו די 'חכמה'.

כלפי מה דברים אמורים: ווי לאנג לב טהור איז אנגעגאנגען, האט עס געדינט ווי א לעבעדיגע ווארענונג נישט צו גיין אויף יענעם וועג; און עס האט גאנץ גוט געארבייט. פון ווען לב טהור איז מער ווייניגער צוזאמגעפאלן, און זענען צושפרייט אויף מערערע מקומות אן קיין פירערשאפט; האלט איך אן אויג צו זעהן ווער עס גייט פארכאפן איר פלאץ. ביזדערווייל שטייט נחלת יעקב אויפן העכסטן ארט אין די ליסטע.

א) א מנהיג וואס זאגט אפן אז ער זעהט קליפות און מענטשנס עבירות,
ב) האט אן עקסטרעמע אבסעסיע מיט מקוה, קדושה, שמירת עינים,
ג) פירט זיך מיט מאדנע הנהגות,
ד) רעדט כסדר איבער די אויסטערלישע חשיבות פון זיין חבורה,
ה) העצט אן זיינע נאכפאלגערס איבער די דרויסענדיגע וועלט,
ו) קומט אויף מיט נייע עקסטרעמיסטישקייטן וואס אמאל שנעלער, און מער עקסטרעם.

די לעצטע פונקט מאכט אים פאר די געווינער. דאס הייסט ער איז נישט סטאביל, און ווייזט ארויס וויליגקייט צו ווערן ווי עקסטרעם נאר עס לאזן אים זיינע נאכפאלגערס. ער איז יעצט אין א מצב פון אפשאצן ווי עקסטרעם ער קען גיין אן פארלירן א מערהייט פון זיינע נאכפאלגערס. לעצטנס האבן זיך אנגעהויבן צושארן צו אים א גרויסע צאל יונגע צוהיצטע ראדיקאלן און זיי גיבן אים די קאנפידענץ צו גיין ווייטער. די פראגע איז נישט ווי ווייט ער אדער זיינע נאכפאלגערס וועלן גיין, ווייל דער מענטש האט שוין געוויזן אז ער האט נישט קיין גרעניצן, און עס פעלן ברוך השם נישט קיין יונגע תמימותדיגע בחורים. די פראגע איז צו ער איז גענוג כיטרע צו זיכער מאכן אז ער פארהאנקערט זיך נישט מיט די אויטאריטעטן. ימים ידברו.

פרנס, נישט געזארגט, אויף ווען עס וועט פלאצן (און קענסט וועטן דיין לעצטע דאלער אז עס וועט אמאל פלאצן) האמיר שוין יעצט גרייט די יוזאועל תירוצים: ער איז פון די בית ישראל געליטענע וכו.


להזכירך, זיין ברודער אב"ז איז דער הופט פונעם גערער געסטאפא.

און אפשר זעהט ער טאקע?

פנחסבןאלעזר האט געשריבן:און אפשר זעהט ער טאקע?

ווער ס'זעהט זאגט נישט.

איך וויל מוחה זיין, אבער נישט אויף בזיון ת"ח און נישט מצוות מחאה.

לדעתי, איז נישט רעכט אז א סטעיק-אנגעפרעסענע יונגערמאן זאל קומען אראפרייסן א מענטש וואס רייסט פון זיך שטיקער, אבער בעסער געזאגט איז בכלל נישט גורס קיין "זיך", פאר זיין אידיאלן און פאר זאכן וואס ער האלט איז ריכטיג. און don't get me wrong, איך בין (ליידער?) זייער זייער ווייט פון זיינע שיטות. אבער אפגעזען פון יודישע פערספעקטיוו, פשוט א מענטש וואס קען אוועקגעבן זיין גאנצע נפש הבהמית פאר זאכן וואס ער האלט איז ריכטיג קומט זיך א מוראדיגע יראת הכבוד און הערצה.

טמיר האט געשריבן:איך וויל מוחה זיין, אבער נישט אויף בזיון ת"ח און נישט מצוות מחאה.

לדעתי, איז נישט רעכט אז א סטעיק-אנגעפרעסענע יונגערמאן זאל קומען אראפרייסן א מענטש וואס רייסט פון זיך שטיקער, אבער בעסער געזאגט איז בכלל נישט גורס קיין "זיך", פאר זיין אידיאלן און פאר זאכן וואס ער האלט איז ריכטיג. און don't get me wrong, איך בין (ליידער?) זייער זייער ווייט פון זיינע שיטות. אבער אפגעזען פון יודישע פערספעקטיוו, פשוט א מענטש וואס קען אוועקגעבן זיין גאנצע נפש הבהמית פאר זאכן וואס ער האלט איז ריכטיג קומט זיך א מוראדיגע יראת הכבוד און הערצה.

פארוואס זאלסטו אננעמען אז איך בין א סטעיק אנגעפרעסענע מענטש? קענסט מיר? מיין היסטאריע? וויפיל שעות א טאג איך לערן? מיט וואס איך פארנעם זיך איבערן טאג?
און יענער ״רייסט שטיקער פון זיך״ אויף וואס ארויף בויעסטו עס?
האסט עם אמאל געזען אין פריוואטן לעבן?
וואס איז פשט פון געבן אזויפיל סמכות פאר מפורסמים(סלבריטיס בלע״ז)?

גראדע זעה איך אויס ממש ווי מיין אוואטאר, בכלל נישט אנגעפרעסן…

טמיר האט געשריבן:איך וויל מוחה זיין, אבער נישט אויף בזיון ת"ח און נישט מצוות מחאה.

לדעתי, איז נישט רעכט אז א סטעיק-אנגעפרעסענע יונגערמאן זאל קומען אראפרייסן א מענטש וואס רייסט פון זיך שטיקער, אבער בעסער געזאגט איז בכלל נישט גורס קיין "זיך", פאר זיין אידיאלן און פאר זאכן וואס ער האלט איז ריכטיג. און don't get me wrong, איך בין (ליידער?) זייער זייער ווייט פון זיינע שיטות. אבער אפגעזען פון יודישע פערספעקטיוו, פשוט א מענטש וואס קען אוועקגעבן זיין גאנצע נפש הבהמית פאר זאכן וואס ער האלט איז ריכטיג קומט זיך א מוראדיגע יראת הכבוד און הערצה.

איינער וואס האט נישט קיין רעספעקט פאר א צווייטנס דעה איז נישט ווערט קיין רעספעקט.
נישט קיין חילוק וויפיל שטיקער ער רייסט פון זיך, פארגעס נישט אז ער רייסט אויך פון יענעם....

אלט דעטס נידעד פון א מענטש איז: לעב און לאז לעבן.

פרנס החודש האט געשריבן:

טמיר האט געשריבן:איך וויל מוחה זיין, אבער נישט אויף בזיון ת"ח און נישט מצוות מחאה.

לדעתי, איז נישט רעכט אז א סטעיק-אנגעפרעסענע יונגערמאן זאל קומען אראפרייסן א מענטש וואס רייסט פון זיך שטיקער, אבער בעסער געזאגט איז בכלל נישט גורס קיין "זיך", פאר זיין אידיאלן און פאר זאכן וואס ער האלט איז ריכטיג. און don't get me wrong, איך בין (ליידער?) זייער זייער ווייט פון זיינע שיטות. אבער אפגעזען פון יודישע פערספעקטיוו, פשוט א מענטש וואס קען אוועקגעבן זיין גאנצע נפש הבהמית פאר זאכן וואס ער האלט איז ריכטיג קומט זיך א מוראדיגע יראת הכבוד און הערצה.

פארוואס זאלסטו אננעמען אז איך בין א סטעיק אנגעפרעסענע מענטש? קענסט מיר? מיין היסטאריע? וויפיל שעות א טאג איך לערן? מיט וואס איך פארנעם זיך איבערן טאג?
און יענער ״רייסט שטיקער פון זיך״ אויף וואס ארויף בויעסטו עס?
האסט עם אמאל געזען אין פריוואטן לעבן?
וואס איז פשט פון געבן אזויפיל סמכות פאר מפורסמים(סלבריטיס בלע״ז)?

סארי, כ'האב נישט באמערקט אז דו ביזט אויך אין דעם שמועס! כ'בין מוסרמודעה אז איך באצי מיך נישט צי דיך! און נישט צי קיינעם וואס עסט נישט קיין סטעיק.

וויאזוי ווייס איך דאס וואס איך קלעים אויף רצ"מ? פון אסאך עדים און וואס כ'האב אליין מיטגעהאלטן. דארפסט נאר מיטהאלטן איין תשעה באב במחיצתו וועסטו זעהן אז לית דין בר נש

איך פארשטיי טאקע הערצה וואס איינער קען האבן פאר איינער וואס לעבט בפשטות מיט א צופרידנהייט. אבער ארויף צוקוקן אויף איינער פארן רייסן שטיקער פון זיך סתם לשם ענוי נפשו קען איך נישט אויספיגערן וואס די גדולה איז? איך מיין נישט ר צבי מאיר, איך רעד באופן כללי.

ס'איז נישט סתם לשם עינוי נפש, ס'איז לשם אמת, וואס ער האלט עס איז אמת. און נישט איך און נישט קיינער וואס דרייט זיך דא האלט עס איז אמת. אבער ער האלט אז "דאס" איז די אלטימעט אמת און ער געט אוועק אלעס פון זיך פאר דער אמת

איך עס סטעיק און איך האלט אז זיין הנהגה איז נישט אויסגעהאלטן. איך ווייס די האסט שוין מכריז געווען אז איך בין געקענסעלט כלפי אים. אבער ס'איז דא אידן וואס הערן מיר אויס, איך רעד צו זיי.

למעשה ווען ס'קומט צו די איד האבן אלע סטעיק עסערס א ספעציעלע רעכט צו זאגן א מיינונג ווייל ער הערט נישט אויף זאגן/שרייען/טאנצען זיין מיינונג אנטקעגען מיר (וועגן מיין טעלעפאן).

טמיר האט געשריבן:ס'איז נישט סתם לשם עינוי נפש, ס'איז לשם אמת, וואס ער האלט עס איז אמת. און נישט איך און נישט קיינער וואס דרייט זיך דא האלט עס איז אמת. אבער ער האלט אז "דאס" איז די אלטימעט אמת און ער געט אוועק אלעס פון זיך פאר דער אמת

גלויב איך אז איר גיבט אפ אסאך רעספעקט פאר די אראבער פארן מסירות נפש אויף זייער אמת אא''וו.

מען דארף אבער מלמד זכות זיין אז דאס איז נישט זיין געוועהנליכע וועג פוןַ רעדן. געוועהנליך איז ער שטארק נזהר בכבוד פין אנדערע, און עס איז אמת, ער האלט נישט פון זיך אסאך. חוץ טאמער איז ער א געלונגענע שפילער.

טמיר האט געשריבן:איך וויל מוחה זיין, אבער נישט אויף בזיון ת"ח און נישט מצוות מחאה.

לדעתי, איז נישט רעכט אז א סטעיק-אנגעפרעסענע יונגערמאן זאל קומען אראפרייסן א מענטש וואס רייסט פון זיך שטיקער, אבער בעסער געזאגט איז בכלל נישט גורס קיין "זיך", פאר זיין אידיאלן און פאר זאכן וואס ער האלט איז ריכטיג. און don't get me wrong, איך בין (ליידער?) זייער זייער ווייט פון זיינע שיטות. אבער אפגעזען פון יודישע פערספעקטיוו, פשוט א מענטש וואס קען אוועקגעבן זיין גאנצע נפש הבהמית פאר זאכן וואס ער האלט איז ריכטיג קומט זיך א מוראדיגע יראת הכבוד און הערצה.

האסט קלאר ארויס געברענגט זיין ריינקייט און מסירות נפש. זיין יראת שמים איז עד להפליא. ער איז יעצט העכט קוואליפיצירט צו זיין א שוחט א ירא שמים אדער גאר א קרויט טשעקער. גארנישט פון תורה עבודה איז אבער א קוואליפיקטציע צו גורם זיין מהומות און גורם זיין הזיקות. אזוי ווי די פריערדיקע האבן שוין געטייטשט, לעולם יהא אדם, דערנאך ירא שמים.

קיינער ערלויבט זיך נישט בארעדן זיין צידקות, טאקע ווייל אונז זענען אנגעפרעסן און מגושם. אבער ווען ס'קומט צו גשמיות און דרכי הנימוס, פארשטייט דער דעת בעל בית בעסער און פראקטישער.

קורקלענד האט געשריבן:

טמיר האט געשריבן:ס'איז נישט סתם לשם עינוי נפש, ס'איז לשם אמת, וואס ער האלט עס איז אמת. און נישט איך און נישט קיינער וואס דרייט זיך דא האלט עס איז אמת. אבער ער האלט אז "דאס" איז די אלטימעט אמת און ער געט אוועק אלעס פון זיך פאר דער אמת

גלויב איך אז איר גיבט אפ אסאך רעספעקט פאר די אראבער פארן מסירות נפש אויף זייער אמת אא''וו.

אוי זאגסטו גוט!

די דברות קודש, ככתבו וכלשונו

שמעקעדיג האט געשריבן:די דברות קודש, ככתבו וכלשונו

איך קען א יונגערמאן וואס האט באלד נאך דער דרשה געטון תשובה מאהבה מיט א ברען באותו מקום ובאותו זמן ובאותה אשה אזש סאיז געעוען א מחיה אים אריינצוקוקן אין פנים.

פון וואנעט ווייסט מען? יענער האט פאר דעם געטוהן באותו מקום באותו זמן ובאותו אשה בגלוי בפרהסיה?? כ'פרעג נאר

שמעקעדיג האט געשריבן:די דברות קודש, ככתבו וכלשונו

די דברות קודש איז אביסעלע צומישונג, איין מינוט קען ער נישט קוקן אין פנים אריין ווייל ער זעהט געפערליכע פגמים, די צווייטע מינוט זעהט ער נישט נאר אנדערע זעהען... אויב אזוי קען ער דאך יא קוקן... ענדיוועיס, כ'וויל נישט זאגן וואס איך זעה אויף זיין פנים... באמת זאכן וואס איך וואונטש נישט פאר קיינעם.

עס איז גארנישט געשען, ס''ה האט זיך דער ראבינער אנגעזאפן, וכמעשה הידוע.
פורים נאכמיטאג טאר מען שוין אויך נישט רעדן שטותים?

איך ווייס נישט, איך האב געהערט די רעקארדינג און איך האב באקומען מחשבות זרות... "אפשר איז יא דא אזא זאך אז א מענטש קען זעהן אויף איינעם אז ער האט געזינדיגט"?... "איך ווייס אז עס איז מעגליך אז ער דמיונ'ט אבער עס איז אויך מעגליך אז נישט"...