קאווע שטיבל

ברוך שפינוזה האט געשריבן: ↑זונטאג אקטאבער 22, 2023 12:41 am בערל: דו דערמאנסט מיך נאך א פראבלעם וואס קען זיך מאכן מיט די OU פאטעיטא טשיפס. מיט אפאר יאר צוריק האב איך מיך ארומגעדרייט אין גאס מיט א חבר ערלעדיגן געוויסע זאכן, מיטאמאל האט מיך אנגעכאפט א הונגער, בין איך אריין אינעם נענטסטן קיאסק און גענומען א פארטי סייז פאטעיטא טשיפס פון Lay's, נאר אזויווי איך בין דאך אן אויבערחכם וואס דארף אלץ אויספרובירן עפעס ניי האב איך גענומען די vinegar flavor וואס קומט אין די בלויע בעג. מיין חבר האט מיר אנגעווארנט נישט צו נעמען דעם פלעיוואר ווייל איך גיי עס נישט ליעב האבן, איך האב מיך אבער גע'עקשנ'ט אז ס'קען דאך נישט מעגליך זיין אז ס'איז ממש אזוי אומבא'טעמ'ט אז מ'קען עס ממש נישט אין מויל ארייננעמען, כ'מיין מענטשן קויפן עס דאך, ווי שלעכט קען עס שוין זיין? יא יא, כ'האב באצאלט די פאר טאלער, ארויס אין גאס מיט'ן בעג אין די הענט, גענומען איין ביס אין מויל אריין, און די רעשט איז אריין גראד אינעם קארנער גארבידש קען, פעך!!! שוין, האב איך געדארפט צוריקגיין קויפן די געהעריגע געהלע בעג ווי א נארמאלער מענטש און סווייפן נאך א 5 טאללער.

berlbalaguleh האט געשריבן: ↑זונטאג אקטאבער 22, 2023 6:53 am ליטוואק פון בודאפעסט: לגבי די רוחניות'דיגע חששות ביסטו גערעכט. נאר איבער "טעיסט" קענמען זיך נישט טענה'ן. כידוע איז דא דאס ווערטל..."על טעם וריח אין להתוכח"...!

מנהל האט געשריבן:רוב אידן וואס אידענטיפיצירן זיך אלץ ארטאדאקסיש פירן זיך ווי אזוי?

מנהל האט געשריבן:און ווי אזוי איז דאס צעהן מדריגות אונטער OU?

מנהל האט געשריבן:ווארף נישט קיין סטעיטמענטס וואס א דורכשניטליכער היימישער איד וועט נישט פארשטיין אינסטינקטיוו - אהן קלאר מסביר זיין.

מי אני האט געשריבן: ↑פרייטאג אקטאבער 20, 2023 5:23 pm פון דא און ווייטער האט זיך ערווארבן א שמועס איבער מגדיר זיין ״אויפגעקלערטקייט״, דהיינו ״ענלייטענד״. עס האט זיך געטוהן צי אויב עס אפעקטירט נישט איינעם׳ס התנהגות און בּיהעיוויאר בפועל, הייסט דאס דעמאלטס נישט ״אויפגעקלערט״. אין אנדערע ווערטער, דאן איז דאס נאר ״אויפגעקלערט״ לשם ״אויפגעקלערט״ ולא יותר.

דאס האט מיר דערמאנט פון וואס דר. יהודה קורצער האט געזאגט בסוף פון די לעקציע. ער האט געזאגט אז וואס א לעקציע וכו׳ ציהלט אויף איז ABC. והיינו, צו אויפטוהן לגבי די צוהערערס׳ אפעקט און געפיהל צו די נושא; צו אויפטוהן לגבי די צוהערערס׳ בּיהעיוויאר און זיי זאלן טוהן עפעס (אנדערש) ביחס צו די נושא; און צו אויפטוהן לגבי די צוהערערס׳ קאגנישאן און פארשטאנד ושיטות בשכל לגבי די נושא.

איך וואלט געזאגט אז זיין ״אויפגעקלערט/ענלייטענד״ איז בעיקר אויף אויסצוברייטערן דעם A און C חלק: צו אויסברייטערן די געפיהל און קאגניטיוו מקומות לגבי פארשידענארטיגע שיטות ומהלכים בנושאים (און זיי וויסן, און קענען האבן א פאזיטיווע געפיהל צו זיי בכלל). משא״כ לגבי טוישן ממש עפעס אינעם B און התנהגות חלק איז ל״ד. דאס איז ווייל וויבאלד א התנהגות איז שוין עפעס במעשה ובפועל ממש און אבּזערווידענד, פארלאנגט דאס שוין בהכרח א קאסט-בּענעפיט אנאליז בפּראקטיק. וואס צו מאכן די שוקל זיין, איז דאך אליינס א קאגניטיוו ראציאנאלע ענלייטענד וועג פון טראכטן. אזויפיל יא, אז ער דארף זעהן משוה צו זיין אז זיין ברייטערע A און C אין דעם, זאל נישט זיין א סתירה ממש ובהדיא מיט זיין B חלק, וואס דאן איז דאך אט דאס די באקאנטע פראבלעם פון קאגניטיוו דיסאנענס.

ליטוואק פון בודאפעסט האט געשריבן:אלס אן ענגלישע אפשטאמיגע, מוז איך דא צוריק קומן מוחה זיין. ענק אמעריקאנער זענן א באנדע אקסן! דו הערסט?! אקסן! ענק פארשטייען נישט די גליק פון פאטעיטא טשיפס מיט עסיג. וואס פארשטייען ענק צו עסן בכלל אז מ'פארשטייט נישט די גליק פון די פאטעיטא טשיפס? ווען איינער קומט פון ענגלאנד, ברענגט ער מיר דאס, אדער marmite, אדער fisherman's friends און נאך אזעלכע עניינים וואס די אמעריקאנער פארשטייען דערצו א מכה בדופק.

ברוך שפינוזה האט געשריבן: ↑זונטאג אקטאבער 22, 2023 9:02 pm

מנהל האט געשריבן:רוב אידן וואס אידענטיפיצירן זיך אלץ ארטאדאקסיש פירן זיך ווי אזוי?

יא, אין ענגליש הייסט עס kosher by ingredient הגם ס'דא אסאך מדריגות אין דעם, כדלהלן.

מנהל האט געשריבן:און ווי אזוי איז דאס צעהן מדריגות אונטער OU?

איך קען נישט אויסרעכנען צעהן חומרא'ס וואס די OU האט (אדער קולות וואס אנדערע הכשרים/מענטשן האבן ) off the top of my head ווי מ'זאגט, כ'האב שוין פריער אויסגערעכנט צוויי, לאמיך פרובירן נאך אפאר. רוב ארטאדאקסישע אידן וועלן עסן אין א vegan אדער מילכיגע/פארווע רעסטוראן אנע הכשר, אדער סתם פראדוקטן וואס האבן א vegan שטעמפל, די הסבר פאר דעם היתר מיין איך דארף מען נישט מסביר זיין. ס'דא נאך א שוואכער מדריגה וואס דאס מיין איך פירן זיך אויך רוב ארטאדאקסישע אידן (אויסער פון YU און רעכטס) אז מ'קוקט אויף די עיקר ingredients און אויב מ'טרעפט נישט דארט עפעס נישט כשר עסט מען (אין דעם אליין איז אויך דא מדריגות, איז gelatin כשר? גרויסע מחלוקת, די OU האלט אז נישט כדלעיל, אנדערע הכשרים האלטן אז יא.) די הסבר פאר דעם היתר איז שוין אביסל מער קאמפליצירט, שעפטאל האט עס שוין אויבן אביסל אנגערירט. די נידעריגסטע מדריגה אין כשרות פון וואס איך האב געהערט האב איך גראדע געהערט פון א חסידישער אינגערמאן פון בארא פארק וואס גייט מיט א שטריימל שבת, היבש באלעבאטיש אבער א גרויסער תמים און בכלל נישט קיין אויפגעקלערטער/אפיקורס/וואטעווער. זאגט ער מיך אזוי, ווען ער איז אין דער פרעמד איז אלעס כשר אויסער פלייש... כ'האב מיך א שטיק צייט געמוטשעט צו טרעפן א היתר דערויף ביז כ'האב עפעס אויסגעארבעט (סתם פאר די mental gymnastics דערפון, נישט אז ער האט מיך געפרעגט וואס צו טוהן). מיין עיקר אישו איז געוועהן צוויי זאכן, פיש, און פרענטש פרייס. איז אויף פיש האב איך געטראכט בדרך אפשר אז מ'עסט נאר פון די סארטן פיש צו וואס מ'איז צוגעוואוינט, סעלמאן, טילאפיע, א.א.וו., (כ'האב איהם נישט געפרעגט צו ער טוט טאקע אזוי...) און מ'פארלאזט זיך אז רוב פון די סארט פיש האבן שופן און זענען כשר. ביי פרענטש פרייס איז דא די אישו אז מ'נוצט די זעלבע אויל צו פרעגלען טרייפענע פלייש, דא איז שוין א שטיקל סטרעטש צו זאגן ביטול בששים אבער איך בין נישט זיכער אז מ'קען עס טאקע אינגאנצן אויסשליסן. בכל אופן מיין איך אז מער קולא'דיג פון דעם קען מען נישט גיין און זיך נאכאלץ פאררופן א שומר כשרות.

אז מ'רעדט שוין, כ'האב א שכן וואס האדעוועט ציגן, בין איך איינמאל געוועהן ביי איהם אין שטוב און איך זעה אין פריזער אזעלכע גרויסע שטיקער פלייש. פרעג איך איהם וואס איז דאס? זאגט ער מיר אז ס'האט איהם איין טאג אנגעפאקט אויפצועסן איינע פון זיינע ציגן, ער קען דאך אבער נישט שחיטה איז ער אויפגעקומען מיט א וואזשנעם איינפאל (גראדע מיין איך אז די גאנצע ציגן-פלייש מעשה האט זיך אנגעפאנגען ווייל ער האט געוואלט פראוון זיין פוינט, אבער שוין...) אלנספאלס, טענה'ט ער אזוי, די גאנצע טעם פאר שחיטה איז נאר ווייל אין ביבלישע צייטן איז דאס געוועהן דאס מערסטע humane וועג פון הרג'נען א בעל חי, גייט ער בשיטת רבי שמעון אז דרשינן טעמא דקרא, איז אויב איז די גאנצע טעם פון שחיטה אלץ humane killing איז דאך היינטיגע צייטן קוילן מיט א ביקס ווייניגער צער פאר'ן ציג ווי א מעסער (עכ"פ אזוי זאגן די סייענטיסטן וועם ער הערט אויס). געזאגט און געטוהן, ער האט גענומען זיין ביקס (אויב געדענק איך גוט האט ער אפילו געמאכט די ברכה על השחיטה ) און שוין. שטעלט זיך אבער א גרויסע פראבלעם, מ'דארף דאך זאלצן דאס פלייש, און צו דעם האט ער דאך נישט קיין נערוון (און בכלל, ער האט דאך שוין געפראווט זיין פוינט...), דערפאר זיצט די גאנצע פלייש אין פריזער שוין ווייס איך נישט וויפיל וואכן... אוי האב איך געהאט א גוטן לאך, פארשטייסטו וואס גייט דא פאר, אויף שחיטה וואס איז א דאורייתא האט ער זיך געטראפן אזא שיינעם היתר געבויט אויף א פאנטאזירטן פשט אין פסוק, אבער אויף עסן אומגעזאלצענע פלייש וואס די גאנצע פלייש געזאלצעכץ איז נאר א חומרא פון די ראשונים (וואס ארבעט אפילו נישט ווייל אפילו מיט'ן זאלצן בלייבט נאך רוב בלוט איבער), אויף דעם האט ער נישט געקענט טרעפן קיין היתר, פלאי פלאים! כ'האב איהם געזאגט אז נעקסטע מאל ער וויל אויפעסן איינע פון זיינע ציגן זאל ער טוהן פארקערט ווייל אויף עסן אומגעזאלצענע פלייש קען איך נעמען אחריות אבער אויף געקוילעטע פלייש נישט. די פראבלעם איז נאר אז אויף אזא אופן וועט ער נישט קענען פראוון זיין פוינט אז היינטיגע צייטן קוילן א בעל חי מער אויסגעהאלטן ווי שחט'ן, איז עס געבליבן ביים אלטן...

מנהל האט געשריבן:ווארף נישט קיין סטעיטמענטס וואס א דורכשניטליכער היימישער איד וועט נישט פארשטיין אינסטינקטיוו - אהן קלאר מסביר זיין.

כ'האף אז איר וועט אננעמען מיין תשובה, איך נעם מיך פאר פון היינט און ווייטער עס נישט צו טוהן.

פרנס החודש האט געשריבן: ↑פרייטאג דעצעמבער 01, 2023 4:22 pm איך האב זיך אריינגעטון אין כשרות פאר א שטיק צייט, און עס זעט מיר אויס אז נישט פארלאזן זיך אויף UO איז אין בעסטן פאל נישט מער פון virtue signaling.

פשוטע אלף בית האט געשריבן: ↑דינסטאג אקטאבער 24, 2023 8:55 am די עיקר נקודה פון ou ביי סיי וועלכע פראדוקט, דארף מען וויסן ווער דער אחראי איז געווען. למעשה געבן זיי נישט אייביג ארויס.
געוויסע זענען האלבע אידן וואס האבן נישט די מינימום ערנסטקייט פאר די תורה/הלכה.