קאווע שטיבל

שמואל הלוי האט געשריבן:מיט די היינטיגע טעכנעלאגיע, וויאזוי זעהט היינט אויס די מאשין מצות? מאכט מען שוין "רינדעכיגע" מאשין מצות?

קופערניקוס האט געשריבן:עסן מאשין מצה קען זייער לייכט חלילה אריינגיין אין די קאטעגאריע פון פארקריכן א סיס כל שהוא פלאס, אבער אז מען גייט אריין אין די מצה בעקערייען און מען זעהט גראבע יונגעלייט שוויצן ווי טערקן איבער מצה, און רוסישע פרויען אררבעטן זיך איבער פארגייט די אפעטיט און מען קלערט ערנסט, אפשר איז די מאשין מצה מיט איר ריינקייט, סיסטעמאטישע ווערטשאפט און זהירות בעסער.
אוי, פוי, מחשבות זרות....... הכנעני, החיטי, העמורי, הפריזי והיבוסי והגירגשי.....

שרגא האט געשריבן:אבער לעצטע וואך האב איך פונקט געזען דעם איד, האבן זיי געהאט א ביילאגע, וואס זיי שרייבן שוין נומער י"א, און עס האט מיך היפש שאקירט די אינפארמאציע וואס זיי ברענגען. זיי האבן געהאט שמועסן מיט די פעלד אנפירער אין אריזאנע, וואס זאגן קלאר אז עס קען זיך יא אראפלאזן רעגנדלעך, עס גייט יא טוי, און נאך אנדערע זאכן . זיי האבן אפילו א האטליין וואו מ'קען אליין הערן די רעקארדירטע שמועסן, זאגן זיי. אויך האבן זיי נאך אינטערעסאנטע טענות (ווי אז מצומחות קען אמאל זיך ישט דערקענען שפעטער, און נאך), וואס האט מיר געוויזן אז עס איז יא דא א צוויטע זייט מטבע.
איז מיין שאל, ווייסט איינער עפעס מער אין דעם ענין? כ'דארף דאך שוין באלד גיין למעשה קויפן מצות.

צו ס'רעגנט דאר צו נישט איז א מילתא דעבידא לאגלוי', מען קען נישט זאגן ליגנט אויף דעם. עס זענען דא אנליין דאטא באזעס ווי עס ווערט פארצייכנט פונקטליך ווען ס'האט גערעגנט ווי. איך האב נישט קיין מושג ווי אין אריזאנא די פעלדער געפינען זיך, און צו די טענה פון די פרא-אריזאנא ווייץ איז אז עס רעגנט בכלל נישט א גאנץ יאר, אדער אז רוב יאר רעגנט נישט. די האטליין איז גארנישט ווערט, ווייל איך האב נישט קיין משוג צו דער א.ג. פעלג אנפירער איז טאקע פון אריזאנא. (וואס מיינט בכלל "פעלד אנפירער"?).

דאס אז מצומחות דערקענט זיך נישט שפעטער איז סתם זריקת חול בעיני הציבור, ווייל לויט דעם קומט אויס אז די גאנצע קלייבן וועלכע די גרויסע רבי'ס פלעגן טון מיט די לאנג איילענד ווייץ איז גארנישט ווערט געווען. כ'מיין - דאס אז מ'דערקענט נישט מצומחות ווערט בכלל נישט דערמאנט אין די פוסקים! ס'איז באלד די זעלבע ווי די לעכערליכע טענה פון זאלץ און סאדיום...

שרגא האט געשריבן:רעגן איז טאקע קלאר פארצייכנט, אבער יענער האט גערעדט פון א לאקאלע קליינע רעגנדל ווי אן איינציגער וואלקנדל ווערט אין די גוסטע און גיסט זיך אראפ. יענער פעלד אייגנטימער דערציילט אפילו אז עס איז איין מאל געווען ווען "די ראבייס" האבן זיך שוין געגרייט צו שניידן ווען פלוצלינג האט מען אנגעהויבן פילן שפריצלעך און מען האט עס אפגעשטופט.
די האטליין איז יא ווערט, ווייל זיי שרייבן דעם נאמען גענוי מיט וועם זיי האבן גערעדט און אז ער איז דער אייגנטימער, און אויך אנדערע נעמען מיט זייערע נעמען און נומערן פון אריזאנע פעלדער אנפירער און סתם ארטיגע עקספערטן, סאו אפילו כ'האב עס נישט נאכגעטשעקט וועל איך נישט אננעמען אז עס איז סתם ארויסגעזויגן פון פינגער.
ווי געזאגט, כ'פארשטיי קלאר אז זיי זוכן מיט לעכט פראבלעמען זייט דעם ערשטן טאג אויף אריאזאנע ווייץ, נאר ביז היינט האט זיי דאס מזל נישט געשפילט און זיי האבן געמוזט רעדן פון זאלץ און ענליכע שטותים, אבער יעצט קוקט אויס ווי עפעס האבן זיי געפונען, און מיין שאלה איז וואס די אריזאנע צד ענטפערט.

ס'גלייבט זיך שווער אז "אן איינציגער וואלקנדל ווערט אין די גוסטע און גיסט זיך אראפ". נאך אלעם רעדט מען דאך פון א מדבר. נאטירלעך קען מען דארט גארנישט פלאנצען. אויב מאכט זיך יא אזא זאך, גלייב איך אז ס'איז א דבר חידוש וועלכע ווערט פארצייכענט. האסט אפשר דעם נומער פונעם האטליין?

שרגא האט געשריבן:

ס'גלייבט זיך שווער אז "אן איינציגער וואלקנדל ווערט אין די גוסטע און גיסט זיך אראפ". נאך אלעם רעדט מען דאך פון א מדבר. נאטירלעך קען מען דארט גארנישט פלאנצען. אויב מאכט זיך יא אזא זאך, גלייב איך אז ס'איז א דבר חידוש וועלכע ווערט פארצייכענט. האסט אפשר דעם נומער פונעם האטליין?

אויפ'ן דעקל פונעם ביילאגע שטייט "732-806-8555, גייט צו אפטיילונג 2 אויפ'ן האטליין".

דולה ומשקה האט געשריבן:רבי ישראל יעקב פישער ראב"ד ירושלים האט מהדר געוועהן ביים 'סדר' יוצא צו זיין מוציא מצה, כורך, אפיקומן, מיט מצות מכונה.
אזוי אויך דא אין אמעריקע האט זיך נוהג געוועהן הגאון הגדול רבי יונתן שטייף זלה"ה.

היימישער ליטוואק האט געשריבן:דא זעט (קוקט ביי 11:30 און ווייטער) ווי דער רב אינדיג איז זיך מחיה מיטן רעגן.
וואס ענטפערן די מכשירים?
איך ווייס אז דער משנ"ב שרייבט אז א ביסל רעגן שאדט נישט. אבער דאך, וואס זאגן זיי?