הקטן האט געשריבן:אישתישבי האט געשריבן:דאס איז פין די שענסטע אשכולות דא אויף ק"ש.
מיין צווייטע אמונה אין נישט בחירה קומט פין זעהן אזויפיל מענטשען וואס זענען נעבעך משוגע לאותו דבר, און יעדער איינער האט אן אנדערע דבר, וואס ער קען זיך נישט קיין עצה געבען, פין דער סאקאטישע נעבעך, וואס קען נישט באהערשן זיינע געפילען, און אויפהערן טוהן משוגענער זאכען (צאנזער), ביז דער מאניק וואס קען נישט אויפהערן שרייען אין די גאסען (סנדק).
וויפיל געלט וואלט דער משפחה פין די מענטשן באצאלט זיי צו שטעלן אויף דער בחירה?
און ווייל עס זעהט אויס אז "געווענליכע" מענטשן זענען נארמאל און האבן יא א בחירה, איז עס נאר אחיזת עינים, ווייל פרעגט דער סאקאטיק, צו דער מאניק וועט ער אויך זאגען אז ער האט א בחירה, און קען זיין נארמאל, נאר ער וויל נישט.
איז ממילא אינהו בדידהו ואנן בדידן, אונז קענען מיר אויך קיין סאך אנדערש נישט זיין.
והדברים עתיקים, און אויך דעם האבן צדיקים געזאגט, אז א רצון צו האבען א רצון דאס קען מען יא.
אויב האלסטו אז רצון דרצון קען מען יא דאן האלסטו פין בחירה!
טו דארך "נקידות הבחירה" פין רב דעסלער, איך מיין ס'איז חלק ד', און ס'וועט דיר פארענפערט ווערן.
ביי מיר איז קלאר אז ביי דעם משוגנעם
באמערקט מען אויך בחירה
וואו גייט די שפרעך ווארט - א יעדער שמויגר פאר זיך טויגער
דו זעלבע איז מיט שבת אחים'ס טענה און אסך ענדליכע.
איך זעה א חסיד האט דאס שוין ערווענט
רב דעסלערס נקודת הבחירה האב איך געהערט אויף א טעיפ פין רב שלעזינגער (ווען ער איז געווען פאפולער), ער זאגט בערך אז א געווענליכע איד וועט נישט האבן קיין יצה"ר ארויף צו לייגן א טאפ טשולענט אויף דער פייער שבת, אבער רוקען דער טשולענט פין דא צו דארט (אויף א אופן וואס מען טאר נישט) דארט קיין זיך שוין יא מאכן א יצה"ר), און א מענטש דארף צו ארבעטן און ארויף רוקען זיין נקודת הבחירה אויך א העכערע לעוועל כסדר.
איך דארף נאך אלץ נאך קוקן?
אױב דאס איז זיין פאנטש ליין, האט עס נישט אזוי ווייט מיט אונזער שמועס דא. דער ראי' פין דער סאקאטיק איז אז לדעתו האט ער א בחירה, און אונז אלע ווייסען קלאר אז ער האט נישט, און דער גזירה שוה איז, אז אונז "נארמאלע מענטשן" זענען אויך משוגע, און קענען זיך אויך נישט איינהאלטן.
און טאמער עפעס איז א ראי' פין רב דעסלערס תורה אז בחירה עקזיסטירט נישט. ווייל לדעתו איז דא איין נקודה וואס דארט האט ער א בחירה, קומט אויס אז קיין עונש וועט מען נישט באקומען נאר אויף געציילטע זאכען וואס זענען געוועהן אין דער קליינער נקודה, פין דער נקודת הבחירה.
וכן דער ווארט פין צדיקים לגבי דער רצון דרצון, לדעתם איז נישטא קיין בחירה, נאר אויף דער רצון דרצון, און אויך דעם וועט מען דן זיין. גארנישט מער. איבריג צו זאגען אז דאס נעמט אוועק דער גאנצער אויפטוה פין בחירה מסביר צו זיין שכר ועונש.
ווי אויך איז ר' צדוק'ס שיטה אזוי, ווען ער איז מסביר תשובה, אז מען איז משיג אז מען האט נישט קיין בחירה, ווייל אפילו דער יצה"ר איז אשר הרעותי, ממילא איז דער מענטש נישט שולדיג, ד.ה. נישטא קיין בחירה.
