נקודה למחשבה: דזשוליא אקוואדא - נחמי' וועבערמאן

[הערשי]

איך קריג זיך נישט מיט דיין פוינט אז מ'דארף עם נישט לינטשען, נאר לאזען די קארס אוו דזשאסטעס לויפן, נאר איך קען פארשטיין פארוואס מ'זאל וועלן מאכן א געזעץ וואס זאל אננעמען אז איינער וואס איז אנטלאפען פון א עקסידענט זאל מען זיך אננעמען מיטן חומר הדין כאילו ער איז געווען שיכור, ווייל אויב נישט וועט יעדע שיכור אנטלויפן ביז ווילאנג די אלקאהאל גייט ארויס פון זיין סיסטעם.

מצד שני, דרייווער אנטלויפן אויך פאר אנדערע סיבות. פארוואס זיך אומגיין מיט אומלעגאלע אימיגראנטן, למשל, כדין שיכור?

[הערשי]

הערשי!
שלום עליכם!
זייער א שיינע תגובה און זייער א קלארע מיינונג. יהא בואך לברכה (בנימין, די ך האב איך געדארפט שרייבן, אנטשולדיגט)

עליכם השלום. מידת הכנסת אורחים איז שטארק דא.

[געפילטע פיש]

איך קריג זיך נישט מיט דיין פוינט אז מ'דארף עם נישט לינטשען, נאר לאזען די קארס אוו דזשאסטעס לויפן, נאר איך קען פארשטיין פארוואס מ'זאל וועלן מאכן א געזעץ וואס זאל אננעמען אז איינער וואס איז אנטלאפען פון א עקסידענט זאל מען זיך אננעמען מיטן חומר הדין כאילו ער איז געווען שיכור, ווייל אויב נישט וועט יעדע שיכור אנטלויפן ביז ווילאנג די אלקאהאל גייט ארויס פון זיין סיסטעם.

מצד שני, דרייווער אנטלויפן אויך פאר אנדערע סיבות. פארוואס זיך אומגיין מיט אומלעגאלע אימיגראנטן, למשל, כדין שיכור?

פארשטייט זיך, ווען מ'מאכט א געזעץ איז עס געווענליך נישט פון צוויי שורות, און אויב איז דא א לאגישע סברא פארוואס ער איז אוועק פון דארט איז אודאי אנדערש, נאר אז אויב נישט, זאל נישט זיין חוטא נשכר.

[שמעקעדיג]

איך האלט אז דאס וואס יעדע צווייטע פאליטישאן גייט יעצט פארשלאגן שווערערע קנסות פאר יעדע צווייטע עבירה, גייט ס"ה נאר בעקפייערן. אלץ א איד א מאמין גלייב איך באמונה שלימה אז דער עקסידענט איז געווען באשערט און עס וואלט ווען נישט געקענט זיין אנדערש, און איך האלט אז דער דרייווער דארף באקומען זיין פארדינטע שטראף, וואס לכאורה וועט עס זיין 7 יאר אין תפיסה, אויב וועט ארויפקומען באווייזן אז ער איז געווען אנגעטרינקען, און ער וועט האבן גענוג צייט אין תפיסה זיך איבערצוקלערן וואס ער האט דא גורם געווען. אבער צו גיין מאכן יעצט נייע געזעצן איז סתם איבערגעטריבן, ווייל מען דארף וויסן איין זאך, אז יעדע געזעץ גייט אן סיי ביי אידן און סיי ביי גוים, און קיינער וויל נישט הערן אין עטליכע יאר אז א היימישע בחור גייט זיצן פאר 20 יאר ווייל ער האט זיך איין מינוט באנארישט.

איך פאר מיך דארף איך לכאורה נישט מורא האבן, ווייל איך בין שוין אן ערוואקסענער, און איך דרייוו נישט פורים אדער ווען איך טרינק אפילו 1 גלעזל, אבער איך ווייס וואס עס מיינט א בחור, איך האב ברודער'ס, ווי אויך ציטער איך גענוג פאר מיינע אייגענע קינדער וואס וואקסן אונטער, און פארשטייט זיך אז פרוביר זיי מחנך צו זיין צו די בעסטע, אבער יעדער איינער פון דא קען מעיד זיין אז א בחור טראכט נישט צוויי מאל פאר ער טוט עפעס, און דאס איז געזאגט סיי ביי די אידן און סיי ביי די גוים.

געדענקט, די יעצטיגע געזעצן זענען שוין גענוג שטרענג, און מען דארף געדענקען דא אז דער דרייווער האט נישט גע'הרג'ט במכוון, ער איז ס"ה געווען א פשיעה, וואס אין ענגליש הייסט עס מענסלאוטער, נישט פוירסט דעגרי מערדער.

פאר היט ענד ראן האט מען שוין ליידער געהערט גענוג מאל וואס היימישע אידן האבן עס געטוען און איך האלט אז מען דארף זיי פונקט אזוי באשטראפן.

מען דארף געדענקען אז פאר די פאליטישאן'ס איז די גרינגסטע זאך יעצט צי מאכן פרעסס קאנפערענצן און פארשלאגן שטרענגערע געזעצן. עס איז זיי סאך גרינגער ווי צי ערלעדיגן א נייע רויט לייט אויף די פלאץ.

[אביגדור]

א"ב.

[יאיר]

איך שטים איין מיט זר אין שטיצע פון א נייעם געזעץ וואס זאל זאגן אז אויב א דרייווער אנטלויפט פון דער סצענע פון אן עקסידענט זאל מען אננעמען אז ער איז געווען שיכור, אין פאל פון ערנסטע פאטאליטעטן. דער געזעץ דארף פארזיכערן אז פאר אן אנטלויפנדן דרייווער זאל נישט זיין חוטא נשכר.

די פאוסט האט געהאט אן ארטיקל ווי זיי זענען דאס מציע. זיי טענה'ן אז דער שיכור'ער דרייווער קען נאר פארדינען דורך מאכן א היט אנד ראן און צוריקמומען דעם נעקסטן טאג אויסגעניכטערט. א היט און ראן איז נישט אזא הארבע זאך.

[חשבון]

דער וויל דא געהעריג אוועק נעמען די פארגעניגן פון אלע עסקנים וואס דארפן זיך בילדערן נאך אזא טראגעדיע. שעם אן יו

[berlbalaguleh]

דער נאמען פונ'ם דרייווער וועלכער האט געמאכט דעם פאטאלן, טראגישן עקסידענט איז "כוליאו אסעוועדא" Julio Acevedol

[berlbalaguleh]

אין די מיטשולד/פאראנטווארטליכקייט פונ'ם קאר סערוויס דרייוער קען מען זיך דינגען. אבער ווער ס'פארט 60 מייל פער שעה אויף א גאס וואו נאר דרייסיג מ.פ.ש. איז ערלויבט און ס'געשעט ח"ו א פאטאלער עקסידענט איז ער שולדיג אויף "מענסלאוטער" הריגה בשוגג. אויף וואס מ'גייט אויטאמאטיש זיצן א פאר יאהר.

[מיין מיינונג]

דער חידוש איז נאך וויאזוי דער קאר סערוויס דרייווער איז געווארן א גאנצער הירא אין די מידיא, און האבן אזוי ברייט באריכטעט איבער זיין עמאציאנעלן שבעה וויזיט ביי די משפחה. האט שוין די פאליציי קלארגעשטעלט אז ער האט זיך טאקע אפגעשטעלט ביים סטאפ סיין?

[berlbalaguleh]

הערשי!
שלום עליכם!
זייער א שיינע תגובה און זייער א קלארע מיינונג. יהא בואך לברכה (בנימין, די ך האב איך געדארפט שרייבן, אנטשולדיגט)

אויב איז דער "הערשי" און "בנימין" ממיודעינו ומכירנו. יהא בואך לברכה והצלחה. נאר איין קליינע שאלה האב איך. ס'איז טאקע אזוי סלאו אין דיין ...רישן ביזנעס אז דו האסט צייט צו ליינען און שרייבן אין קאווע שטיבל. און אויב ס'איז אן אנדערער, גם ברוך יהי'

[שמעקעדיג]

ר'איז מסתמא פון דיינע מיודעיך ומכיריך. ר'איז מסתמא פון דיינע גוטע פריינט.
אזא גאסט-פריינטליכער בעלעגלה? שוין לאנג נישט געזעהן.

[קאווע טרינקער]

מיין מיינונג איז גוט ארויסגעברעגט געווארן דורך מיין מיינונג.

און יא, יוסי געשטטנער פון אונזער/אייער מצליח מאגאזין (ווער ס'טרעפט די 17 מאל "אונזער/אייער" אין מצליח נוממער 1, באקומט מצליח נוממער 2 חצי בחינם) אין א שמועס מיט הרב (פארוואס הרב? ער האט סמיכה?) בעריש פרייליך, פרעגט ער טאקע דיע שאלה פון מר. פרייליך. יוסי טענה'ט אז מ'מוש אריין געפילן וכו'.
פרייליך כאפט נישט (לויט איין פשט, עשה עצמו כאילו לא ידע) וואס יוסי וויל, און זאגט איבער עוה"פ, אז ער האט גערעדט צו די DA'עס אפיס (א גדלות! הויכע קאנעקשענס שוין באלד ווי נח"ר) און זיי גייען טוהן אלץ וואס מעגליך וכו' וכו'.

[חזקיהו המלך]

כ'האב א מחשבה זרה, אז אפשער וואלט מען בעסער געשטאנען אן דעי אזוי געריפענע עסקנים,
זיכער דארף מען אמאל רעדען אויך אבער כ'מיין קאם אן, נישט יעדע טראגעדיע איז א צייט צי אויסניצען פאר פאבליסי, מילה בסלע שתיקתא בתרי......

[berlbalaguleh]

ר'איז מסתמא פון דיינע מיודעיך ומכיריך. ר'איז מסתמא פון דיינע גוטע פריינט.
אזא גאסט-פריינטליכער בעלעגלה? שוין לאנג נישט געזעהן.

צו די זאגסט עס בלשון ניחותא אדער בלשון בתמי'. א שקויעך. כ'אייל מיך צום באס צו פירן די קינדער אהיים לכבוד שב"ק.

[יואליש]

דער עולם זוכט א שעיר לעזאזל זיך אויסצוגעבן די אנגעווייטאגטע געפילן. לינטשן איז אן אינסטינקטיווער געפיל און א פרימיטיווער סיסטעם פון יוסטיץ וואס האט נישט קיין ארט אין א ציוויליזירטע געזעלשאפט.
אן עקסידענט איז ביי דעפינישן א שגגה, און א שגגה איז א פארמיידבארער שלעכטער טאט דורכגעפירט אן קיין בייז ווילן. בסך הכל ווייס מען ער איז שולדיג אין אנטלויפן פונעם סצענע און אין ספידן, נישט מער. מען קען שפאקולירן ער איז געווען שיכור, אבער ס'קען אויך געמאלט זיין ער איז סתם אזוי געווען דערשראקן און צומישט, איבערהויפט מיט זיין נישט-אזוי-גלענצענדע רעקארד.
עכ"פ, מ'דארף אים בוודאי הארב באשטראפן, און ס'שאדט נישט איז קהילה פירער פאדערן טאקע אויף די אטאריטעטן דערויף. אבער די מהומות, דאס איבערגעטריבענע אינטערסע, און דאס חיה'שע בלוט-דורשטיגקייט איז איבעלנד, און היפאקריטיש אויך. יוסף ליפש וועלכער האט געמאכט די קראון הייטס עקסידענט איז אויך געווען א "מערדער"? די גרענד דשורי האט אים נישט געקענט קרימינאל אנקלאגן ווייל "אן עסידענט איז נישט קיין פארברעכן". העכסטענס קען ער קריגן א טרעפיק פארלעצונג. אנטלויפן פונעם סצענע איז טאקע יא א פאברעכן, אבער פארדעם קומט זיך נאכנישט ד' מיתות בי"ד.

הערשי זייער לאגיש און מסודר ארויסגעברענגט.

אבער ס'איז נישט בלויז די ציבור, וועלכע איז פארשטענדליך זייער אויפגעשוידערט ווי א גואל הדם נאך א טראגעדיע. די טאבלויד מידיא האבן צוגעשפילט מיטן מאב יוסטיץ עדיטוד. זיי האבן געטיילט טיטלן פארן דרייבער, ווי "קאווערד" און כ'מיין אפי' "מאנסטער." דאס האט איימיצען געטריבן צו שרייבן די דאזיגע סארקאסטישע איראנישע בליק.

"שוין, אסך מענטשן מאכן עקסידענטס, ס'וואלט חלילה געקענט געשעהן צו מיר אדער דיר, יעדער פארט אמאל שנעל. אבער די האס וואס די מידיא האט צו די גוים, מאלן אים אפ כאילו ער האט געוואלט הרג'ן. הערן נישט אויף צו רעדן דערפון, די דעילי ניוז שרייבט שוין דערפון א גאנצע וואך! שפילט אויף די געפילן פון די ליינער. זייי האבן אן אגענדע קעגן די גוים און נעמען זיך אן פאר די אידן. קיינער פרעגט נישט פארוואס דער טעקסי איז געווען אומגרעגיסטרירט און אומלעגאל, צו ער האט געסטאפט ביים סטאפ סיין. נישט נאר אקוואדא איז אויפן באשולדיגונגס באנק, גאנץ בראנקס ווערט באשמיצט! און דאס הייסט א מלכות של חסד? מ'ארעסטירט די אייגענטימער פון די בי עם דאבעליו פאר אינשורענס פראוד; די פאליציי כאפן זעך ארויף אויף שטותים. באלד וועלן זיי נאך ארעסטירן די אינגעלייט פון ברוקלין וועלכע רעגיסטרירן די קאר אין ניו זשערסי! אלעס איז שוין גיט ביז אהין אז דאס איז זיייער גרעסטע דאגה? פיין כ'פארשטיי א טראגעדיע איז פארגעקומען, אבער פארוואס קען מען נישט גיין שטיל צו די דרייווער'ס קירכע און אלעס מסדר זיין בשתיקה?"

[יואליש]

אויב פארשטייט די תורה אז א גואל הדם קען אפמאנען דאס בלוט פון סעקאנד קאזין דריי מאהל פארוקט, איז גאר מעגלעך אז מיר, אלס בנים למקום, רעאגירן לויט ווי מען האט אונז געלערנט אין שיעור עיון.

כ'האב געהאט אן ענליכע געדאנק אנפאנג וואך אבער אביסעל ברייטער.

פון די הל' פון רוצח בשוגג, גואל הדם און ערי מקלט זעהט מען אז די תורה האט אנערקענט פון איין זייט די מענטשליכע טבע פון אינסטינקטיווע עמאציאנעל צער נאכגעפאלגט מיט דארשט פאר נקמה מתוך צער, ואין אדם נתפס על צערו. דעריבער איז די הלכה אז אויב א גואל הדם האט געהרג'ט דעם רוצח איז ער פטור. אבער פון די אנדערע זייט האט די תורה אריינגעטרעטן און געזאגט, מיר קענען נישט לאזן בלוט הפקר צוליב די נאטורליכע נקמה און צער געפילן. דעריבער האט די תורה פארלאנגט אז די יוסטיץ סיסטעם מיז באשיצן דעם רוצח פונעם גואל הדם. דאס הייסט די תורה זאגט אז יוסטיץ' תפקיד איז נישט צו סימפאטאזירן מיט די הרוג'ס פאמיליע דורך ווערן מיטגעשלעפט מיט די כוואליע פון "סטריט יוסטיץ," נאר אנשטאט איז די תפקיד פון די שופטים ושוטרים צו נעמען א טריט צוריק, זיך אויסטוהן פון די משפחה געפילן, און ערמעגליכן א באשיצונג סיסטעם, נעמליך ערי מקלט, פארן רוצח. די יוסטיץ סיסטעם, און ציוויליזירטע מענטשן, ברויכן דינען ווי א חומה המפסיק צווישן דעם גואל הדם'ס אויסבראך פון צער און דעם רוצח'ס ביטערע שיקזאל שהאלהים אנה לידו.

די תורה עקנאלעדזשעט דעם טבע אנושי און פארלאנגט נישט אז די משפחה זאל דאס דערשטיקן, אבער גייט א טריט ווייטער און הייסט די לאגיק און "אייניגע פראטעקציע" זאל דיקטירן ווען ס'קומט צו אראפשטעלן א סיסטעם פון צדק ומשפט. דאס זענען צוויי פענאמענאן און צוויי אנדערע ראלמען פון סאסייעטי, און מ'קען נישט פארלייקענען קיין איינס. מ'ברויך עס אידענטיפיצירן און געבן דאס ריכטיגע מקום פאר עקספרעשאן, אלעס אין איר ריכטיגע מקום וזמן.

[יואליש]

כשמשיבין אותו מוסרין לו שני תלמידי חכמים שמא יהרגנו גואל הדם בדרך ואמורין להם אל תנהגו בו מנהג שופכי דמים בשוגג בא מעשה לידו

(רמב"ם הלכות רוצח ושמירת נפש פרק ה הלכה ח')

[זר זהב]

ס'נישט אזוי פשוט. די מידיע וואלט נישט אזוי באשמוצט דעם אוואקאדא ווען נישט זיין זיין לאנגן רעפ שיט, דער האט בלוט אויף זיינע הענט. מ'רעדט דא פון א מאנסטער נאך פאר'ן עקסידענט!

[יואליש]

כ'גלייב אז ווען א אינגערמאן מיט א היסטארי ווערט אנגעקלאגט פאר א פרישע קלאגע וואס דו האלטסט איז פאלש, וואלסטו אויך פארלאנגט אז מ'זאל זיך האלטן אביעקטיוו און זך קאנצעטרירן אויף די נייע קלאגע און נישט מישן א קאשע און אים געבן די אויסקוק פון שולד צוליב אלטע חטאים פארוואס ער האט שין באקומען זיין עונש. כ'רעד שוין נישט אז נישט יעדער דא האלט אז די מידיא איז בארעכטיגט צו ניצן די ווארט מאנסטער אפי' נאך א זשורי אורטייל....

משל דיך אויס א נייעס ווי אקוואדא איז באריכטעט צו נישט האבן געווען פארמישט אין א פאטאלע עקסידענט נאר אז ער האט געעפענט א הערליכע רעסטוראנט און סערווירט די קליענטן מיט געטריישאפט, וואלט די באריכט אים אויך באטיטעלט "מאנסטער" צוליב זיין רעפ-שיט?

ס'איז קלאר אז די נייעס באריכט פיטערט די געפילן אויף די גאס און באריכטעט מיט די זעלבע געפילן.

[זר זהב]

ס'ווענדט זיך וועלכע היסטארי. אויב יענער אינגערמאן וואלט געהאט א היסטארי פון דראנק דרייוון וואלט איך געהאט מחשבות זרות, אפילו איך וואלט מיר אפשר טאקע געהאלטן דאס פיסק.

[זר זהב]

Brooklyn Satmars outraged that ex-con Julio Acevedo, accused of killing couple and their infant, not facing three murder charges

"We think it's very bad," said Schwartz. "It's a shame. We want him to be charged with murder. His sentence should be for life."
Abraham Handler, a close friend of Nachman Glauber, was practically screaming as he vented his frustration on a legal system that seemingly spared Acevedo from harsher prosecution.
[center]"I hate this country and the laws here," Handler said. "When I first came here the laws were better. Now I hate the laws."[/center]

http://www.nydailynews.com/new-york/sat ... z2MzQ7L0zQ

[berlbalaguleh]

כשמשיבין אותו מוסרין לו שני תלמידי חכמים שמא יהרגנו גואל הדם בדרך ואמורין להם אל תנהגו בו מנהג שופכי דמים בשוגג בא מעשה לידו

(רמב"ם הלכות רוצח ושמירת נפש פרק ה הלכה ח')

ווייל אנישט עמער האבן א פנים ווי די אראבער, וואס האלטן אין איין רצח'נען און זענען אייביג אינמיטן פון חשבונות פון נקמה פאר די עוולה אדער יענע קריוודע.