קאווע שטיבל

יואליש האט געשריבן:אפשר איז דאס נכלל אין די שמועס אפשר נישט. כ'פלעג נוצען גימעל פאר ביזנעס און פערזענליך. העלפט דער אייבישטער אז הרעותי את מעשי און כ'בין יעצט געצווינגן צו ניצן אוטלאאק. ס'איז א רייכע פראגראם אבער געוויסע זאכן באדערן מיך. 1) ווען איך ריפליי צו א מעסעדזש וואס איך האב נארוואס געשיקט, לאמר, "אה כ'האב פארגעסן צו עטעטשן דאס צוגעזאגט פייל. נאדיר. און נאכאמאל, האב א פרייליכע יולי דער פערדער" פארשטייט אוטלאק אז איך ריפליי צו מיר זעלבסט, אינדערצייט וואס גימעל האט געניצט דאס פיפטע שו"ע און עס געשיקט צום פריערדיגן רעסיפיענט בתורת שוב ראיתי. 2) אלס א גימעל עדיקט בין איך אויך עדיקטעט צו סורטשן אימעליס. אינדערצייט וואס גימעל ארבייט ווי, וועל, גוגעל און זיכט בחורין ובסדקין, איז מיט אוטלאאק אן אנדערע מעשה. כ'מיז געדענקן צו כ'זאל זיכן אין די פאלדער היוצא אדער פאלדער הנכנס. 3) דאס נישט צוזאמפארן די קאנווערסעשאן מאכט אז כ'ברויך אלס ארומנישטערן צו געפינען ווער ס'האט געענטפערט און ווער ס'האט געפרעגט, אזא אין מוקדם ומאוחר. הגם זיי טוהן מיר א טובה און אינפארמירן מיר אז כ'האב שוין ריפלייט צו דעם אימעיל.

בין איך בלויז גרין, אדער די זאכן זענען באמת פראבלעמאטיש?

גוגל האט א פיטשער וואס אסאך מענטשן ווייסן נישט דערפון.

ווען מען שרייבט אין די אימעיל טעקסט, פליז סי עטעטשמענט /עטעטשד וכדומה. און מען עטעטשד גארנישט, וועט דיר גוגל פרעגן ביים קליקן סענד, האט איר אפשר פארגעסן צו אטעטשן?

ראשעקאל, קענסט עס טוישן אין די סעטינגס.
איך האב עס אויך פיינט צוליב דעם. זיי געבן מיר טויזענט פיעטשערס וואס איך דארף נישט. און וואס איך דארף יא (אויסזעהן ווי א נארמאלער מענטש) איז נישט צום געפינען.

משולם, מען האט שוין גערעדט דערפון. מען קען עס אנשטעלן ביי אנדערע קאמפאניס אויך.

GMAIL אויפן אנדרויד ווערט ערגער און ערגער.
זיי האבן אוועקגענומען דעם DELETE קנעפל (מען קען עס צוריקלייגן דורך אונטערערדישע סעטינגס),
זיי האבן געמאכט שווערער צו סעלעקטן מערערע מעסעדזשעס צו קענען פארמעקן אדער ארכייוון צונאזאם.
אנשטאט האבן קעסטלעך ביי די זייט צו סעלעקטן כימי עולם, דארף מען אנהאלטן יעדע מעסעדזש (Long press) פאר עטליכע סעקונדען.
און ווי לאנג דאס האט מיר גענומען אויסצופיגערן! ווען זיי שיקן כאטש ביי יעדן אפדעיט מיט א ליסטע פון טשעינדזשעס און אינסטרוקציעס וואלט בעסער געווען.
און נאך אלץ איז אוממעגליך אראפצונעמען די conversation view פונעם אנדרויד.

כ'מיין אז אויב נעם איך א טעלעסקאפ און קוק אביסעלע ווייטער ווי אפאר יאר, זעה איך גוגל אראפגיין די זעלבע דרעין ווי מייקראסאפט. משוגעים.

נאך א נקודה וואס איך האב נישט בארירט, די פיצעלע און אומבאמערקבארע אייקאנס וועלכע זענען זענען צושפרייט און צעזייט אויף GMAIL צו טון די פשוט'ע פונקציעס, ווי רעפליי, פארווערד, פרינט, א.א.וו.

איך נוץ מייקראסאפט אוטלאק טאג-טעגליך און דארט באקום איך די מעסעדזשעס, עס איז אזויפיל גרינגער (הגם אביסל שטייטער), אבער ווען אימער איך בין ארויס פון אפיס און איך דארף אנקומען צו די וועב-מעיל, גיי איך ניסלעך (אין א שלעכטע וועג) פון זייער משוגע'נע אויסשטעל.

און נאכאמאל, די ערגסטע איז זייער GMAIL עפפ אויפן אנדרויד מיט די קאנווערסעשאן VIEW אנגעצינדן אן א אפציע אראפצונעמען. אומגלויבליך אז גוגל זאל זיין אזוי נאריש.

איך נוץ GMAIL און די לעצטע פאר טעג ווען איך סיין מיך אריין גייט עס נישט דורעך
אבער ווען איך מאך צו די פעיזש און איך עפען עס גייט עס גלייך דורעך
אין קורצען -איך סיין מיך אריין - גייט נישט דורעך-איך מאך צו די פעיזש -און ווען איך עפען עס גייט עס גלייך

Any help?? [tag]געפילטע פיש[/tag] [tag]שמעקעדיג[/tag] פליז

זעהט אויס דער עולם איז נישט צופרידן אז גוגל שפיאנירט אויף די גי'מעיל באנוצער און טוט צופאסן די עדס לויט דעם, און מען קלאגט זיי אין געריכט.

http://www.pcmag.com/article2/0,2817,2423074,00.asp

אויך שטערט מיר אז עס מוז זיך אלץ פרינטן די העדערס. א משוגעת.

http://productforums.google.com/forum/# ... YFfwHXoUhI

גוגל לאזט וויסן אז GMAIL באנוצער זאלן נישט ערווארטן קיין פרייוועסי, נאר זיי זאלן וויסן אז אלע אימעיל מעסעדזשעס ווערן געסקענט כבקרת רועה עדרו און ווערט באנוצט צו צייגן צוגעפאסטע עדס.

Google filing says Gmail users have no expectation of privacy
Gmail's 'Users can't expect privacy' furor: Much ado about nothing new

עס איז שוין אפילו פאראן א קלעס עקשאן אנטקעגן גוגל דערוועגן:

Google Must Face Wiretapping Charges Over Gmail Scanning

אצינד זענען זיי אויך מודיע די פרייליכע נייעס, אז עס גייען קומען עדס אינעם GMAIL עפפ אויפן סעלפאן (דערווייל פאר אנדרויד)

Report: Ads Headed to Gmail App for Android
Ads may hit Gmail's Android app soon, teardown reveals

שמעקעדיג האט געשריבן:לעצטנס האט "מייקראסאפט" איבערגעפרישט זייער האטמעיל אימעיל, גערופן outlook. וואס זאל איך ענק זאגן? עס איז הערליך שיין, איך בין צופרידן למעלה מן המשוער, סיי אויפן קאמפיוטער, און בפרט אויפן סעלפאן. די אויסשטעל, שיינע אותיות, קלאר צו ליינען, הערליכע און פשוט'ע אייקאנס, און נאך מעלות. עס האט טאקע נישט אפשר אלע אומוויכטיגע פיטשעווקעס פון ג'ימעיל, (למשל ארקייוו, ווער דארף עס פאר א גוט יאר? ארכיוון מיינע אימעילס? איך סעיוו עס אין א אייגענע פאלדער וואס איך וויל און ס'איז גרינגער און א מחי'), אבער פארן טאג-טעגליכן באנוץ איז עס הונדערט מאל בעסער און געשמאקער.

איין חסרון וואס באדערט מיר אויפן סעלפאן, פאר יעדע אימעיל וואס האט בילדער דערויף דארף מען באזונדער רעקוועסטן "show images". אבער עס איז נישט מער א קוועטש אויפן סקרין צו פארלאנגען די בילדער, ממילא איז עס נישט געפערליך.

קודם א הקדמה, פאר די וואס כאפן נישט. .Outlook com פון וואס איך רעד איז נישט די זעלבע ווי "מייקראסאפט אוטלאק", א חלק פון מייקראסאפט אפיס. יענץ נוץ איך אויך, און איז א טייערע פראגראם מיט גאר אסאך - אפשר צופיל - פיעטשורס פארן טאג טעגליכן באנוץ. איך רעד פון זייער אומזיסטע וועב מעיל, outlook.com. און אויך פון זייער outlook עפפ אויף אנדרויד.

די וואך האט מייקראסאפט ארויסגעגעבן א אפדעיט אויף זייער עפפ (זעה דא און אויך דא), וועלכע פאררעכט מיינע קליינע טענות אויבן. די בילדער ערשיינען באלד ביים עפענען דעם אימעיל. און טוט אויסער דעם פארריכטן נאך אפאר באגס, סך הכל האבן זיי איבער 150 תיקונים אין די הוצאה. עס פארמאגט אויך די archive ווי גימעיל. עס איז אלזא די שענסטע און בעסטע אימעיל עפפ לענ"ד, עס פאקט גיין גימעיל עפפ 100 מאל.

יאהו (איינער נוצט זיי נאך? איך יא, צומאל) האט אויך איבערגעפרישט די וואך זייער אימעיל עפפ, צולייגענדיג שיינע פיטשערס. עס איז די צווייט-בעסטע אימעיל עפפ. גימעיל סאקט אוועק. סיי outlook און סיי Yahoo לאזן דיר אנשטעלן conversation view, אבער זיי לאזן אויך עס אוועקצונעמען פאר אזעלכע מענטשן ווי איך וואס האבן פיינט קאנווערסעישאן וויאו. Gmail גיט דיר נישט די אפציע, און איז די שטייטסטע עפפ פאר אימעיל, זיי שפיאנירן מער ווי יעדן, און עדס קומען צו בקרוב... בקיצור, איך זעה זיי לויפן אין דער ערד אריין. מיט צוגעמאכטע אויגן.

גוגל גוגל, חזור בך! בעוד מועד, ווילאנג עס איז נישט צו שפעט!

איך בין זיך נוהג צו געבן קרעדיט ווען עס קומט זיך.
איך האב אצינד צום ערשטן מאל גענוצט 2 סערוויסעס פון גוגל און שטארק הנאה געהאט פון זיי, ממילא ויל איך זיי געבן טאמבס אפ, אדער - ווי מיר רופן עס דאהי - צוויי לייקס.
איך האב גענוצט גוגל וואויס, זייער געשמאק און נוצבאר; און אויך צום ערשטן מאל גענוצט זייער 'דרייוו' - די אנליין סטארעדזש, ארויפגעלאדענט גרויסע פיילס וואס איך האב געקענט שעירן מיט עטליכע פריינט.

די גוגל פלאס גייט מיר אויף די נערוון לעצטנס. פארריקטע גוגל!!!

איך זעה איך בין נישט דער איינציגסטער. נאך אפאר צעווילדעוועטע חדר אינגלעך זענען איינשטימיג מיט מיר. איך קען זיך אידענטיפיצירן מיט רוב שרייבערס דא:

http://productforums.google.com/forum/m ... rnVupFQDEQ

די נייע ווערסיע פון גוגל טאק, 'הענגאוטס', גייט מיר אויפן נערווען און איז א קללה שאין כדוגמתה. ס'איז א וואונדער אז ס'ווערט נישט דערמאנט אין די תוכחה. אוי לנו שכך עלתה בימינו.

אויף דעים בין איך מודה ביג טיים, דער גוגל פלאס איז א פארשאלטענע זאך, סאיז קאמפלעצירט ווי א שטיקל קצות, זיי האלטן מיר איין רודפ'ן אז מענטשען אין-וויטען מיר צו א סירקל, וואס איז דער סירקל? איך קען נישט קיין איין מענטש דארט, איך בין שוין געזעצן שעות מיט א ארטסקרול (סיי די רויטע אין אויך די בלויע) געוואר צו ווערן ווי אזוי מען ניצט דאס אבער גארנישט, אין וועגן די הענג-אוטס וויל איך נישט אפי רעדן וועגן, איך וועל זיי הענגן פאר איך נוץ הענג-אוטס

איך שפיר ווי איך רייס אויף!
משוגענע גוגל!!! איך וואלט דיר יעצט איבערגעלייגט און אריינגעשמיסן 500 הייסע שמוץ פונקט מיין מלמד...

זיי האבן "בעסער געמאכט" אריינצו'לאג'ן צו דזשימעיל אויפן קאמפיוטער. איך האב אפאר אקאונטס, (פריוואטע, קאווע שטיבל, ביזנעס) אבער עס קומט אריין "ווי לאחר המעשה" מיט א פארטיגע נאמען, און איך קען נאר אריינלייגן א פעסווארד, די נאמען קען איך שוין נישט טוישן. איך וויל גיין פון איין אקאונט צום צווייטן, אבער עס איז שוין גרינגער צו עסן די גאל!!! גיי צו ADD אקאונט און טויש ארום און פארברענג די צייט.

גוגל ווערט ערגער פון טאג צו טאג, זיי טראסקען מדחי אל דחי.

זע בילד
.

ביסט מיליאן פראצענט גערעכט. לאמיר פשוט אנהויבן בויקאטירן גוגל. פון היינט און ווייטער ניץ איך און שמעקעדיג נאר יאהו און בינג. ווער ס'וויל אנטייל נעמען אין די בויקאט זאל זיך מעלדן.

איך זעה דער בויקאט ארבעט שוין פעסט, עס ווערט שוין געמאלדן אין די נייעס:
viewtopic.php?f=3&t=5436

אוי, כאב געמיינט מען רעדט פון אונז.

שמעקעדיג האט געשריבן:

שמעקעדיג האט געשריבן:לעצטנס האט "מייקראסאפט" איבערגעפרישט זייער האטמעיל אימעיל, גערופן outlook. וואס זאל איך ענק זאגן? עס איז הערליך שיין, איך בין צופרידן למעלה מן המשוער, סיי אויפן קאמפיוטער, און בפרט אויפן סעלפאן. די אויסשטעל, שיינע אותיות, קלאר צו ליינען, הערליכע און פשוט'ע אייקאנס, און נאך מעלות. עס האט טאקע נישט אפשר אלע אומוויכטיגע פיטשעווקעס פון ג'ימעיל, (למשל ארקייוו, ווער דארף עס פאר א גוט יאר? ארכיוון מיינע אימעילס? איך סעיוו עס אין א אייגענע פאלדער וואס איך וויל און ס'איז גרינגער און א מחי'), אבער פארן טאג-טעגליכן באנוץ איז עס הונדערט מאל בעסער און געשמאקער.

איין חסרון וואס באדערט מיר אויפן סעלפאן, פאר יעדע אימעיל וואס האט בילדער דערויף דארף מען באזונדער רעקוועסטן "show images". אבער עס איז נישט מער א קוועטש אויפן סקרין צו פארלאנגען די בילדער, ממילא איז עס נישט געפערליך.

קודם א הקדמה, פאר די וואס כאפן נישט. Outlook פון וואס איך רעד איז נישט די זעלבע ווי אוטלאק א חלק פון מייקראסאפט אפיס. יענץ נוץ איך אויך, און איז א טייערע פראגראם מיט גאר אסאך - אפשר צופיל - פיעטשורס פארן טאג טעגליכן באנוץ. איך רעד פון זייער אומזיסטע וועב מעיל, outlook.com. און אויך פון זייער outlook עפפ אויף אנדרויד.

די וואך האט מייקראסאפט ארויסגעגעבן א אפדעיט אויף זייער עפפ (זעה דא און אויך דא), וועלכע פאררעכט מיינע קליינע טענות אויבן. די בילדער ערשיינען באלד ביים עפענען דעם אימעיל. און טוט אויסער דעם פארריכטן נאך אפאר באגס, סך הכל האבן זיי איבער 150 תיקונים אין די הוצאה. עס פארמאגט אויך די archive ווי גימעיל. עס איז אלזא די שענסטע און בעסטע אימעיל עפפ לענ"ד, עס פאקט גיין גימעיל עפפ 100 מאל.

גוגל גוגל, חזור בך! בעוד מועד, ווילאנג עס איז נישט צו שפעט!

דא האב איך פרוף אז מיין באליבטע אוטלאק איז טאקע די שענסטע אימעיל.
פון PCMAG

.

ג'מעיל איז אראף יעצט.
[tag]שמעקעדיג[/tag] דיין הקפדה?

ארבעט שוין

מן הסתם האבן זיך אסאך מענטשען אויפאמאל זיך רעגיסטרירט פאר א נייע אקאונט כדי צו קענען שיקן ווי מער אימעילס פאר לדעת.נט

גוגל, פוי
ג'ימעיל? פאררוקט
גוגל פלאס?
גענצליך פארשאלטן
גרויליגע פראדוקט
גאנץ פשוט
גרויסע פלאפ!

גיימיר פרעגן
גרויסע פראגע
געוואלד, פארוואס?
גוטער פריינד
געפילטע פיש
געלערנטער פילאזאף
גרויסארטיגער פראפעשאנעל
געוואלדיגער פארשטייער
גוגל פען??
גיי פארשטיי
גאו פיגור

גימפל פימפל
גיבט פעטש
געזונטע פראסקעס
גלעזער פליהט
געשוואלענע פרצוף
גילוי פרואוו

געענדיגט פרעגן
גענוג פארדרייעט
גוטן פורים
גאר פרייליך
גרינגע פסח

פיין! גאר פאני!

גוגל פען!
געפעלטיכניש? פלאץ!
גימפל פארפירט, פארוואס?
גיוס פאראזיטן.
געבן פעטש?
געוויסע גייען פאר פעטשעלעך
גיי פארשטיי
גאנגבארע פעטיש...

פארפאלן! גוגל..
געלונגענע פירמע
גיגאבייטס פאר פרי
געוואלטיגע פיקחים
געניטע פועלים
פארויסזעענדע ג'יניעס!
געגרינדעט פראדוקטן
גוים, גוי-קדוש פארגלייך
גוגל פעידזש-רענק, גאונות.
גוגל-וואויס, פערפעקט.
גרייזן? פארשטייטציך.
פארט, גאונות פארבלייבט גאונות.