קאווע שטיבל

דריידל האט געשריבן:מזל טוב חברינו הותיק [tag]קאווע טרינקער[/tag] פאר די פינף טויזענסטע לייק!!!
כמוך ירבו בקאווע שטיבל. טוי טוי טוי קניינעהארע

מזל מזל מזל טוב. קאווע מי אנכי דיר צו ווינטשן, אזעלכע טאלאנטפולע שרייבערס ווי דו ווערן נישט באשאפן אזוי אפט.... א ברכה צו מאכן אויף יעדן תגובה.
הלואי קען איך טרינקען די זעלבע קאווע ווי דיר!,.

מזל טוב!!
צו מיין ברודער כמר [tag]געפילטע פיש[/tag] די טעקנישען פון קאווע שטיבעל!!
סיי וועלכע פראפלעם עס זאל זיך נאר נישט מאכען איז געפילטע גרייט צו העלפען מיט זיין פארשטאנד, כמותך ירבו בקאווע שטיבעל.
[left]ווי עס וואונשט דיין ברודער סאשי[/left]

ייש"כ [tag]דריידל[/tag] פאר מעורר זיין, און [tag]שמעקעדיג[/tag] פאר די ווארימע דיבורים... יא יא, אפילו און די יארן, יעדע לייק איז חשוב... זאלן די אלע לייקס מיר אנקעגען קומען אין עולם האמת און האלטן די אגודל אויף ארויף און מיך אריינפירען אין גן עדן צוזאמען מיט אלע וכו'

מזל טוב [tag]געפילטע פיש[/tag] די לויתין פון אלע פישעלעך דא..

מזל טוב [tag]געפילטע פיש[/tag]! און מזל טוב [tag]קאווע טרינקער[/tag]!
כאטש איך האב אויך א גרויסע חלק אין די לייקס וואס איר האט באקומען, זיך באדאנקענדיג יעדעס מאל פון פריש פאר אייערע געשמאקע אינהאלטסרייכע תגובות איינס בעסער פונעם צווייטן. וועל איך אבער יעצט - לכבוד די גרויסע געלענגהייט - זיך עקסטער באדאנקן פאר די הנאה וואס איר שאפט מיר מיט יעדע צוגעקומענע תגובה. זאל דער אייבערשטער ווייטער העלפן עס זאל זיין נאר מוסיף והולך.
און צו קאווע טרינקער האב איך אביסל קריטיק אויך. לעצטנס זעהט מען דיר זייער ווייניג, און ווען יא איז דאס אויך נאר מיט גאר קורצע שורות. עס וואלט געמעגט זיין חדש ימינו כקדם, זאלסטיך מער לאזן הערן, און אין דעם זכות וועלן דיינע לייקס סטאקס בקרוב ארויפגיין מיט נאך א טויזנטער.

Emotional

[center]אלע מאלפעס פון די בראנקס זו ווערן געבעטן צו וואונטשן א הערצליכן מזל טוב פאר מאנקי אין דע מידל
[tag]יאיר[/tag]
לרגל הגיע לחמשה אלפים לייקס.
יאיר איז פון די פאעטישסטע טיפסטע שרייבער אין קאווע שטיבל און האט א הויפט ראלע אין דעם הויכן ניווא ק'ש שטייט. זיינע מאמרים זענען עמוק עמוק און דערצו איז ער אויך די גרעסטע בי*ש וואס פארפעלט נישט ארויפצוברענגען מיין גרימצארן יעדן שני וחמישי מיט זיינע טראציגע תגובות.
לאנג לעבן זאל דאס פרייהייט פון ווארט.[/center]
אגב שיינט ער צו זיין א סעוואנט וואס אלעס דארף שטימען לויט די נומערן און חלילה געבן איין לייק מער ווי געקריגן, ודא הוא רזא דונתנו ואין מגלין אלא לצנועין וסוד ה' ליראיו.

ייש כח פאר די ווארעמע מזל טוב. אריגינעל צי איך מיין יחוס פון שטערן שטויב, ממילא ביסטו מיר אויך א שטיקל קרוב. לכבוד די מאורע וועל איך טאקע מאכן א נייע חתימה, באזירט אויף דעם הייליגן מאמר פון מורינו ומאורינו קארל סעגען:


משום והייתם נקיים עלי לבא בכתובים ולגלות האמת על אודות סימני ה"אהבה" שקורין לייק"ס בלע"ז, בסוד אגודל מוגבה, שהעם מרננים אחרי שאינם מתחלקים על פי הדין. על כן הנני לגלות דעתי בזה שאין בהם שום זיק או קשר מאומה בין מה שאני מקבל למה שאני מחלק, ובאם ימצא שהם פוגשים זה בזה אין זה אלא אקראי, כי כך מנהגו של עולם לילך עמנו בקרי. חלילה לי שאחסוך למישהוא סימן האהבה במקום שמגיע לו על פי דין ועל פי יושר. הלא כולנו ממקום אחד באנו, מטיפות סרוחות מאוד שוים, הביטו על צור חוצבנו ואל מקבת בור נוקרנו, מזקינינו וזקינתנו שיחדו היו מטפסים על האילנות שבאפריקה, וסימני האהבה שלכם הן הן סימני האהבה שלי. וכל שמועות שאומרים בחוצות בשמי אין בהם כלום.
ולהוציא מלבן של צדוקי הרבים ככוכבים הלכתי למקום ההיטש פלאץ והשתדלתי לחלק עוד סימני האהבה לכל עובר ושב, לכל מי שזכה לעמוד שם בעת ההוא.
החותם בצער ובשברון לב
הק'[וף] יאיר בן אחר בן למרן הגה"ק הקוף משימפנזה, מחבר ספה"ק אדן השדה זצוקללה"ה

מזל טוב [tag]יאיר[/tag]! יעדע לייק ערליך פארדינט, כה לחי! דו זאלסט אונז ווייטער מהנה זיין.
(מיין חבר זאגט מיר אז) איינס פון די הויפט סיבות פארוואס איך פארברענגט די צייט דא אין שטיבל איז זיך קונה צו זיין חכמה פון יאיר, איך האב שוין גאר אסאך קונה געווען, און לאמיר האפן אויך אויף ווייטער.

רויטע וואנצעס האט געשריבן:טשאדאש נעמביראם נעמטאדעם איגען טשענקיהאזאֱֱֱ באבעלגאם קעניינע הרעע!

די נומער 7000 איז צו הויעך צו פארשטיין אבער זיי זאגן ס'איז מערע פון 5000. זאל זיין מיט מזל טשאווערגא!

רויטע וואנצעס: אין איין ווארט. "איגען". איך מיין אז דו קענסט שוין גיין קאמפעטישן מיט פעסטער רב, הרב יואלי לעבאוויטש שליט"א...

יישר כוח!

ערליך פארדינט יעדע איינס

מזל טוב רויטע.

מזל טוב, מזל טוב. שוין אסאך הנאה געהאט פון דיר, עס קומט זיך דיר יעדע לייק, און נאך מער.

קליינער פימפענאטער
אין לייקס זיך באדט ער
7000 לייקס א געשאנק ס'איז
העלפט ווי טויטע באנקעס
ברענגטס אים דא דעריבער
אויפ'ן טיש לייגטס אים איבער
אריינשמייסן געבראטענע
מכות געראטענע
בייסטס אראפ דעם פיטום
רייס אן גוט אים
געצעם כבוד, געצעם לעבער
בוקן זאל זיך יעדער
לאמיר זינגען א טאן
א פארטי א בעלאן
איין זאך ס'קלאר
ואס גייט דא פאר
דאס אמאל וואר
א קעניג דא ער
דער וואן ענד אנלי [tag]יאיר[/tag]

שיינע גראמען... להוציא מלבן של צדוקים וויל איך מגלה זיין בפני כל העם ועדה אז איך בין נישט אין די Sadomasochism קאטעגאריע. ובזה יצאתי ידי חובתי.

@רויטע וואנצעס, אנטשולדיגט פאר'ן שפעטיגן מיט'ן באגריסן. דיינע טיפזיניגע פאעזיעס און רייכע שריפט איז מיר א כמים קרים על נפש עייפה יעדן מאל איך ליין עס.

יאיר האט געשריבן:@רויטע וואנצעס, אנטשולדיגט פאר'ן שפעטיגן מיט'ן באגריסן.

א נקמה פאר דעם?
viewtopic.php?p=285200#p285200

[tag]שמעקעדיג[/tag]! viewtopic.php?p=285327#p285327

שישו ושמחו בשמחת רבינו

[center]מזל טוב לזקן החבורה

ר' בערל בעל-עגלה

פארן זוכה זיין צו 5,000 לייקס![/center]

אויב איר כאפט נישט, יא, דאס איז דער זעלבער ר' בערל וואס האט ליב זיך כסדר אפצורעדן אז קיינער לייקט אים נישט, און ער דארף אויפהערן צו שרייבן דא...

ר' בערל טייערער, אייער טעם ישן בקנקן חדש איז א זעלטנהייט, די אלע לייקס זענען עדות אויף די הנאה וואס מיר האבן פון אייער זיסע מעשה'לעך מיט א סענס אויף הומאר וואס איז מעורר א שמייכל אויפן געזיכט

זענען מיר מתפלל פון טיפן הארצן, עוד ינובון בשיבה דשנים ורעננים, איר זאלט ווייטער קענען פירן דעם באס און תולה זיין אלע אייערע פראבלעמען אין די פשוט'ע באלעגאלע פאך, דער עיקר איר זאלט שרייבן פיינע זאכן און אונז מהנה זיין מיט אייערע ידיעות!

גדול העונה יותר מן המברך. מיר זענען זיכער אז ר' סענדער דער דויטש פרייעט זיך מיט פון הימל, און די אנדערע פליפ-פלאפערס און טעלערס, מיט עפ"ל און אראנד"זש, אלע זענען בשמחה מיט אונז, ברצות ה' דרכי איש גם אויביו ישלים אתו, אויביו זה דויטש וכל קדושיו עמו.

מזל טוב ר' בערל!

ר שמעקי מען האט ביי אונז אייביג געוויסט אז ביי שמחות (און רח''ל פארקערט) פירט מען נישט קיין פאליטיק.

אה און מזל טוב ר' בערעלינו עד מאה ועשרים אלף לייקס.

[tag]berlbalaguleh[/tag]