קאווע שטיבל

איך האב ס"ה געטון וואס די תורה פארלאנגט און געמאכט א חשבון הנפש עצמי.

מ'קען עס נישט אנרופן א חשבון נפש עצמי. אויב וואסלט עס אראפגעשריבן ביי דיר אין שטוב אויף א פאפיר ווען דו ווייסט אז ס'גייט נישט אראפפאלן "לייקס" פון דאך , וואלט דע ריזאלטס פונעם חשבון נפש עצמי אויסגעקוקט גאר אנדערש מיין פריינד...

אזוי סוספעקטיר איך.

דורכבלעטערענדיג די עמי מאגאזין די וואך איז מיין אויגן געפאלען אויף אן ארטיקל ווי א יוד פארציילט וויאזוי ער האט סוקסעספול ארויסגעראטעוועט זיינע ברודערס קינדער פון אנקומען אין די העלבראנץ קולט נאבדעם וואס זיין ברודער אליין איז פארכאפט געווארן דארט. (ער שרייבט נישט קלאר ארויס אז ער רעדט פון די העלבראנץ קולט, אבער פון צווישן די שורות איז עס זייער קלאר) די ארטיקל איז גאנץ אינטערסאנט און היפש עמאשינעל. צום סוף ברענגט דדי שרייבער פון די Cult Awareness and Information Library א ליסטע פון אפאר חילוקים וואס דארף צו זיין צווישן א קולט און א רעליגיע. נאך יעדע פון די זיבן האב איך זיך נישט געקענט העלפן נאר אליין זיך געפרעגט "וואס איז די חילוק?" ווייל אין די "רעליגיע" פון ווי אונז קומען איז עס ממש די זעלבע.
פאלגענד איז די ליסטע.

1. קולט פירערס זאגן אז זיי האבן א ספעציעלע עקסקלוסיוו באהאלטענע באווייזונגען אדער אוטאריטעט וואס גאט געבט זיי

און איך טראכט צו מיך: מה שאין כן אונזערע רבי'ס?

2. זיי נוצן אימטימידעישען אדער פסיכילאגישע מאניפאלאציע צו האלטן דעם עולם אין די ראמען און פאלגן. דאס קען זיין דורך ווארענען וועגן שרעקליכע צרות וואס קען קומען אויב מ'פאלגט נישט די פירער (קפידא בלע"ז), אדער צו ווערן פארשעמט (שאאנד) ביי די פאמיליע אד"ג

אין איך טראכט צו מיך: דער שרייבער וויל שרייבן חילוקים צווישן א קולט און א רעליגיע אדער גאר שרייבט ער מיט וואס זיי זענען אייניג?


3. מ'לייגט א שטארקע דגוש אויף געטרייקיט צו די גרופע

4. דגוש אויף טאטאלע קאנטראל אויף כמעט יעדע אספעקט פון די פריוואטע לעבן פון די מענטשן. די קאנטראל קען זיין דיירעקט דורך לעבן צוזאמען אדער דורך כסדר'דיגע לערנונגען "וויאזוי צו זיין א גוטע (קולט מיטגליד\חסיד...)"

און איך טראכט צו מיך: למשל זאגן מיט וועם און ווען דו קענסט זיך משדך זיין; אויספילן אינטערנעט צעטליך; וואסערע נאמען דו זאלסט געבן פאר דיין קינד; ענד די ליסט גאוס אן ענד אן...

5. גרופ מעמבערס זענען פארבאטן צו טראכטן אנדערש ווי די גרופ

און איך טראכט צו מיך: איך טראכט נאך?

6. באציאונגען צווישן פריינד, קרובים עלטערין און קינדער ווערן צוריסן אדער שטארק אפגעשוואכט
און איך טראכט צו מיך: יא, יא...

7. זיי באשאפן א "אונז אנטקעגן זיי מאטליטעט" יעדע זאך קוקט מען אן מיט די אויגן פון אונז אנטקעגן זיי. די זיי איז די גאנצע דרויסענדיגע וועלט. מ'האלט און איין ווייזן מיט וואס אונז זענען בעסער ווי זיי

און איך טראכט צו מיך: למשל אונזער רבי איז בעסער\הייליגער ווי דיין...

דאס אלעס האט מיך דערמאנט פון די דאזיגע אשכול און די פראגע וואס דער פותח פרעגט "מיט וואס זענען אונז אנדערש", ווערט אצינד פיל שטערקער און שרעקעדיגער...

קען בכלל ארטאדאקסישע אידישקייט אנגיין אן עפעס קולט איינגשאפטן ?

"אונזער" ארטאדאקסישע יודישקייט קען נישט...

מען צווינגט קליינע קינדער צו עסן
קליינע אומשילדיגע קינדער ווערן טעגליך געצווינגען צו עסן. עלטערן שטיפן אריין די עסן מיט געוואלד צו די קינדער, נאכדעם וואס די העליקאפטער לעפל פאלט אדורך. מען באטריגט זיי מיט געוואלד אז זיי זאלן אויפעסן די גאנצע עסן, אן באדינגט.

מען צווינגט קליינע קינדער צו גיין שלאפן
די פראבלעם שלינגט איין די ״עסן סומעטאכע״. עס איז מיינד בארגלינג ווי עלטערן לייגן שלאפן די קינדער מיט געוואלד, דאס קומט נאכדעם וואס קליינע קינדער ווילן נישט גיין שלאפן ווען עלטערן הייסן זיי, און די עלטערן באפעלן מיט א שטרענגער טאן אז מען ״מוז״ גיין שלאפן, אויב נישט באקומט מען נישט קיין מצוה צעטל, א חוצפה נוראה שאין כדמתו. ריכטיג טשיילד אביוז.

מען צווינגט קליינע קינדער צו גיין אין שולע אדער חדר
די אביוז נעמען נישט קיין עק, יעדן טאג ווערן טויזענטער קליינע קינדער ארויפגעטריבן אויף א בייזע געלע באס, וואס פירט זיי עקשנות׳דיג אין שולע. וואו איז אזא חוצפה דערהערט געווארן? וואו מעג מען צווינגען קליינע קינדער צו גיין אין שולע נגד רצונם? וואו איז פרייהייט? וואו איז יושר?


אט אזוי האבן מיינע אויגן געליינט מיסטער הוגה׳ס קראקעדייל תגובה, וואס פלינדערט מיט האס די ארטאדאקסישער אידנטום, און מאכט זיי פאראלעל מיט העלבראנצ׳ס אינקאוויזציע. הלמאי מען צווינגט אידישע טעכטער צו גיין מיט דיקע שטרימפ אין זימער, מען באקנאקט זיי די ביינער מיט אייזענע פלעכטער, און עס בלייבט נישט מער איבער נאר בלויז מוח באוואשענע קעפ וואס ווערן געצווינגען צו חתונה האבן.

אזא העסליכע תגובה באקומט א אטא ריפליי וואס ליינט זיך: ״אייערע מוח איז איבערגעוואשן געווארן דורך א השכלה׳ישע באוועגונג, ברענוואשד געווארן דורך די באצווינגענע מידיע נעץ, וואס באצווינגען טעגליך מיליאנען מענטשן צו הערן זייערע מיינונג, שיטה, אדער אנאליז. איר טארט נישט טראכטן פרייוויליג, נאר איר מוזט אויסהערן אונזערע מיינונג און טראכטן וויאזוי מיר ווילן״.

אין פובליק שולעס שלאגן נישט די טיטשערס, נאר אנשטאט פליקן זיך די קינדער ביי די קעפ וואס איז גורם א אמבולאנס יעדן ראשון שני וחמישי. די גויים פארמאגן טאקע נישט קיין נעבעכדיגע ארויפגעצווינגענע רבי וואס אנטבלאנגט א חסידות, נאר אנשטאט איז מען אנגעפירקעלט פון יעדן סאציאלע קוואל, נייעס, אדער ליטעראטור, וואס טוט נישט בלויז ״ברענוואשן״ די מוח, נאר עס טוט פארברענען די מוח, און מאכט דערפון אש.

גויים דארפן טאקע נישט גיין מיט א ארויפגעצווינגענע דיקן שטרימפ אין די זימער (אזויווי די באשעפער האט באפוילן) נאר מען מעג גיין בורפעס כחיות השדה, און זיין אויסגעשטעלט צו א גייסט פון זנות, הפקרות, והוללת פונקט ווי א אקס אין שטאל וואס איז שטרימפלאז.

איש אשכולות,

האסט געשריבען גענוג מחזק צו זיין נומער זיבען, צו ווייזען אז אונז זענען אויך א קולט.....

ווער נישט צויאבעוועט, סך הכל פרעגט ער אפ א שטיקעל עמי מאגאזין, ואת"ל אז לויט די זיבען כללים וואס דער שרייבער האט גענאשט פין די פארשאלטענע מופקרים גוים מושחתים רוצחים, מיינט עס נאר אז אונז זענען א קולט לויט די גוים, און נישט אז אונז זענען העלבראנץ באמת.

אדרבה, האסט א חילוק צווישען אונז און העלבראנץ, שרייב עס, אטאקיר נישט ווי א צולאזטע נאר וואס שרייבט פין כעס, און ברענגט ארויס זיין כעס זייער גוט ווייל די קויל האט געטראפען.

הנותן לשכוי בינה להבחין בין יום ובין לילה
בעצם איז דער טאג און די נאכט די זעלבע
וואס מען קען טוהן בייטאג קען מען טוהן ביינאכט, און וואס מען קען טוהן ביינאכט קען מען טוהן בייטאג
אלא מאי וואס איז די נפקא מינה?
ווען איינער שלאפט בייטאג און איז אויף ביינאכט איז ער משוגע
און דער וואס שלאפט ביינאכט און איז אויף בייטאג איז נארמייל

ווער האט דאס מחליט געווען? אפשר פינקט פארקערט?
אפשר איז דאס גאר א ברעין וואשינג פון א געוויסע ארגעניזעישאן? וואס האט באהאלטענע געפארפולע מאטיוון און טוט אזוי דיקטירען די מענטשליכע מוחות די לעצטע איך ווייס נישט וויפיל יאר?

אלא מאי? דער רבונו של עולם האט געגעבן פאר א נארמיילער מענטש די פארשאנדט מבחין צו זיין ווען איז יום און ווען איז לילה, וואס איז נארמייל און וואס נישט
די זעלבע מיט די גאנצע אשכול דא
עס גרוילט מיר בכלל צו ענפערען אויף אז נושא בפרטים, ווייל פינקט ווי איך האב נישט ליב צי אויפווייזען די חילוק צווישען מענטשען און מאנקיס די זעלבע דא צווישען מענטשען און הערלבראנס

אפילו די חסידים פון מהר"ם מויזניץ וואס מ'רופט זיי אויך אהן א שטיקל קולט, ווייסט יעדער די חילוק דא ציווישען איהם און העלבראנצע'ן.

יא, אמת
אין יעדע סם המוות איז דא מדריגות! יעדע שלאנג וואס בייסט בייסט אנדערשט, איינער מער געפארפול איינער ווייניגער
אבער הצד השוה שבהם "טוב שבנחשים רצוץ את מוחו"

טיטאניק האט געשריבן:ווען איינער שלאפט בייטאג און איז אויף ביינאכט איז ער משוגע
און דער וואס שלאפט ביינאכט און איז אויף בייטאג איז נארמייל

ווער האט דאס מחליט געווען? אפשר פינקט פארקערט?
אפשר איז דאס גאר א ברעין וואשינג פון א געוויסע ארגעניזעישאן? וואס האט באהאלטענע געפארפולע מאטיוון און טוט אזוי דיקטירען די מענטשליכע מוחות די לעצטע איך ווייס נישט וויפיל יאר?


די זעלבע מיט די גאנצע אשכול דא
עס גרוילט מיר בכלל צו ענפערען אויף אז נושא בפרטים, ווייל פינקט ווי איך האב נישט ליב צי אויפווייזען די חילוק צווישען מענטשען און מאנקיס די זעלבע דא צווישען מענטשען און הערלבראנס

אטע דאס איז דער כוח פון אן אויפגעקלערטער היפאקריט ב'חדרי ה'קאווע צו נעמען דברים מוסכמים וואס יעדער רעכטדענקענדער מענטש ווייסט להבחין
און דער איבערגעשפיצטער מתחכם קומט מטהר זיין את השרץ בק''נ טעמים
אדער מטמא זיין את הטהור בק''נ
און דער אינאך זוכה צו באקומען אזא הינדערט פופציג לייק'ס ווי גארניש, די ווייטאג איניש אזוי ווייט אויפען כותב וואס לאכט א גיט'ס פון די פערד'ן וואס טאנצען אים נאך
עס טוט נאר וויי צו זעהן די היי לעוועל איי-קיו פון די חכמים בעיניהם וואס שטעלן זיך אין די שורה איינער נאכען צווייטען און שטרעקן די הענטל כצאן לטבח,
צו ווייזען געטריישאפט פאר התחכמות צו ס'מאכט סענס צו ניש,

נ.ב. דער בילד ווי דר'עולם המתחכמים שטרעקט בראווא מיט א קעלבערנע בלינדקייט, האט מיר דערמאנט די קשיא פון [tag]הוגה[/tag]

קען זיין אז איך בין נישט געניג קליג אבער איך כאפ נישט און פארשטיי נישט קיין איין ווארט וואס די שרייבסט
ואתכם הסליחה

טיטאניק האט געשריבן:קען זיין אז איך בין נישט געניג קליג אבער איך כאפ נישט און פארשטיי נישט קיין איין ווארט וואס די שרייבסט
ואתכם הסליחה

ס'בלויז געווען דברי הסכמה צו דיין משל מיטן שכוי, און שלאפען ביינאכט און אויפזיין אינדערפרי

איש אשכולות, כ'האב אריינגעקלערט און געזען אז ביסט 100% גערעכט! א טאטע און מאמע וועלכע מאכן זיכער אז זייער קינד עסט און שלאפט געהעריג איז פונקט די זעלבע ווי דער "וועד" פון דריי ליידיגייערס וועלכע זיצן בכובד ראש מחליט צו זיין אויב די שטרימפ וואס אשה פלונית גייט איז גענוג הייליג און אויב דאס "האט דער באשעפער באפוילן". און מאכן זיכער אז א קינד גייט אין שולע איז פונקט די זעלבע ווי א רבי וואס איז מחליט וועלכע גלעזער מעגן זיינע חסידים\קולט מעמבערס יא אדער נישט גיין.
אגב, דיין סטייל וויאזוי דו דיפענסט אונזער קולט איז זייערק ענדליך צו די סטייל וואס איש עברי דיפענט זיין...

וויאזי זאגט טיטאניק "הנותן לשכוי בינה להבחין בין יום ובין לילה" (אנטשולדיגט, טיטאניק, איך האב איבער געליינט דיין תגובה דריי מאל און איך האב נישט פארשטאנען וואס דו ברענגסט ארויס, איך נעם ריספאנסעבליטי אויף דעם - מסתמא האב איך נישט גענוג ערליך געזאגט די ברכה היינט)

די וואס היטען די מחנה ישראל מזוהמת הגוי האבען עני טיים די זעלבע זכות צו לעבן ווי א טאטע מאמע וואס געבן די נויטיגע געברויך פאר זייער קינד

ווילסט אויסקוקען ווי דעי??

איש אשכולות האט געשריבן:
גויים דארפן טאקע נישט גיין מיט א ארויפגעצווינגענע דיקן שטרימפ אין די זימער (אזויווי די באשעפער האט באפוילן) נאר מען מעג גיין בורפעס כחיות השדה, און זיין אויסגעשטעלט צו א גייסט פון זנות, הפקרות, והוללת פונקט ווי א אקס אין שטאל וואס איז שטרימפלאז.

די סיבה פארוואס דו האסט נישט פארשטאנען די המשל פון הנותן שכוי בינה איז וויבאלד עמיצער האט ארויסגעשניטן די ברכה פון חונן לאדם דעת פון דיין סידור.

און דאס איז די סיבה פארוואס דו האסט אפגעלערנט מיין תגובה אזויווי יענער וואס האט נאך די מוסר דרשה זיך פארגענעמען צו טרינקען קאלע סאדע נאך טשולענט..

אנטון ״שטרימפ״ איז איינער פון די יסודות הבריאה פונקט ווי אש מים רוח עפר. צניעות איז מטבע הבריאה אבער נגד הטבע של בהמות. זייענדיג מגושם אויף א אויסגעלאסענע באדן איז א דירעקטע תוצאה פון די אומבאקאנטשאפט פון די קורת ההיסטורי. אז אפילו א גוי וואס איז געגאנגען אויסגעלאסן נעבן טייך איז ארעסטירט געווארן אויפן פלאץ. דאס איז געוווען אין די נישט ווייטע פארגאנגעהייט. און ליידער האט די דאזיגער פארגאנגעהייט באוויזן צו פראגרעמירן אין די מוחות, אז ווען איינער זאגט אז ״בורפעס״ איז קעגן די טבעי הבריאה, אדער רעדט איבער צניעות וואס איז געווען שטארק אלע יארן ביי אידן און להבדיל גוים צוגלייך. האט עס באוויזן צו אלעמירן די קעלבער מוחות און שרייען: ״זאגט אונז נישט וויאזוי צו גיין, אדער ווי דיק די שטרימפ דארף זיין״. מען מושט צוזאם א חרוסת פון צניעות און מנהגים איבער צניעות.

ודי למבין.

לדעתי לדעתי מאכט מען א גרויסע טעות מיט לאזען דער רעגירונג אין קאנאדע זיך אריין מישען אין לב טהור פאר איין סיבה.

צו אונז זענען טאקע אנדרעש פין העלבראנץ איז א שיינער דיבעיט, אבער דער גוי האלט אז אונז זענען דער זעלבער, דארך לאזען דער רעגירונג דאס טוהן אהן קיין גרויסע מניעות, האבען מיר אריין געלאזט דער רעגירונג אין אונזערע ביזנעס, עוד מעט און זיי וועלען זיך נעמען צו אונזערע ביינער.

ודי למבין האט געשריבן:דורכבלעטערענדיג די עמי מאגאזין די וואך איז מיין אויגן געפאלען אויף אן ארטיקל ווי א יוד פארציילט וויאזוי ער האט סוקסעספול ארויסגעראטעוועט זיינע ברודערס קינדער פון אנקומען אין די העלבראנץ קולט נאבדעם וואס זיין ברודער אליין איז פארכאפט געווארן דארט. (ער שרייבט נישט קלאר ארויס אז ער רעדט פון די העלבראנץ קולט, אבער פון צווישן די שורות איז עס זייער קלאר)

ער שרייבט אבער אפאר מאל אינעם ארטיקל אז מ'האט פארהאנדלט מיט די קאנאדישע רעגירונג - זעסטו אז ער רעדט פון לב טהור קולט

שלום עליכם טייערע אידן
א לאנגע צייט נישט געשריבן דא, א לאנגע צייט געווען זייער בייז און גערעגט
אבער נאכן זעהן אז מען האט אביסל געטוישט דעם צוגאנג צו דעם כת, און די גאנצע בליק איבער די באנדיטען האט זיך אויסגעקלארט אויף די ריכטיגע אספקלריא
און נאכן האבן די געלעגנהייט צו הערן גוטע נייעס "דברי האמת" פון די "כת לב לא טהור" האבן מיר באשלאסן צוריק צו שארפן די פענע
און צוריק קומען און ווידער זיך נעמען צו די ארבעט מיט א פרישקייט

מנשה לעבט נאך?

איחוד פעלד האט געשריבן:לדעתי לדעתי מאכט מען א גרויסע טעות מיט לאזען דער רעגירונג אין קאנאדע זיך אריין מישען אין לב טהור פאר איין סיבה.

צו אונז זענען טאקע אנדרעש פין העלבראנץ איז א שיינער דיבעיט, אבער דער גוי האלט אז אונז זענען דער זעלבער, דארך לאזען דער רעגירונג דאס טוהן אהן קיין גרויסע מניעות, האבען מיר אריין געלאזט דער רעגירונג אין אונזערע ביזנעס, עוד מעט און זיי וועלען זיך נעמען צו אונזערע ביינער.

לויטער הבלים. אויב מען לאזט די רעגירונג ארעסטירן מאלעסטערס מיינט עס זיי גייען באלד ארעסטירן יעדע פרומע איד?

איחוד פעלד האט געשריבן:לדעתי לדעתי מאכט מען א גרויסע טעות מיט לאזען דער רעגירונג אין קאנאדע זיך אריין מישען אין לב טהור פאר איין סיבה.

צו אונז זענען טאקע אנדרעש פין העלבראנץ איז א שיינער דיבעיט, אבער דער גוי האלט אז אונז זענען דער זעלבער, דארך לאזען דער רעגירונג דאס טוהן אהן קיין גרויסע מניעות, האבען מיר אריין געלאזט דער רעגירונג אין אונזערע ביזנעס, עוד מעט און זיי וועלען זיך נעמען צו אונזערע ביינער.

ר' איחוד פעלד: האב נישט אזוי שטארק מורא אז זיי וועלן זיך נעמען צו אונזערע ביינער. דו וועסט אליינס מודה זיין אז די הנהגה פון די העלבראנס קולט האט גארנישט צו טון מיט די מנהגים אדער הלכות פון צניעות אדער אידישקייט. און דער גוי זעהט אויכעט דעם חילוק. סיי וועלכע גרופע ס'וועט זיך נעמען פיהרן אויף דעים וועיג שלא מן הישוב, וועט דאס ציען די אויפמעקזאמקייט פון די ארומיגע. קיינער וואוינט נישט אין קיין מדבר.

איש אשכולות האט געשריבן:די סיבה פארוואס דו האסט נישט פארשטאנען די המשל פון הנותן שכוי בינה איז וויבאלד עמיצער האט ארויסגעשניטן די ברכה פון חונן לאדם דעת פון דיין סידור.

און דאס איז די סיבה פארוואס דו האסט אפגעלערנט מיין תגובה אזויווי יענער וואס האט נאך די מוסר דרשה זיך פארגענעמען צו טרינקען קאלע סאדע נאך טשולענט..

אנטון ״שטרימפ״ איז איינער פון די יסודות הבריאה פונקט ווי אש מים רוח עפר. צניעות איז מטבע הבריאה אבער נגד הטבע של בהמות. זייענדיג מגושם אויף א אויסגעלאסענע באדן איז א דירעקטע תוצאה פון די אומבאקאנטשאפט פון די קורת ההיסטורי. אז אפילו א גוי וואס איז געגאנגען אויסגעלאסן נעבן טייך איז ארעסטירט געווארן אויפן פלאץ. דאס איז געוווען אין די נישט ווייטע פארגאנגעהייט. און ליידער האט די דאזיגער פארגאנגעהייט באוויזן צו פראגרעמירן אין די מוחות, אז ווען איינער זאגט אז ״בורפעס״ איז קעגן די טבעי הבריאה, אדער רעדט איבער צניעות וואס איז געווען שטארק אלע יארן ביי אידן און להבדיל גוים צוגלייך. האט עס באוויזן צו אלעמירן די קעלבער מוחות און שרייען: ״זאגט אונז נישט וויאזוי צו גיין, אדער ווי דיק די שטרימפ דארף זיין״. מען מושט צוזאם א חרוסת פון צניעות און מנהגים איבער צניעות.

ודי למבין.

אינטרעסאנט אין משנה ברורה איז דא הלכות אויף פלעצער וואו נשים גייען אן שטרימפ אז עס הייסט נישט קיין ערוה

berlbalaguleh האט געשריבן:

איחוד פעלד האט געשריבן:לדעתי לדעתי מאכט מען א גרויסע טעות מיט לאזען דער רעגירונג אין קאנאדע זיך אריין מישען אין לב טהור פאר איין סיבה.

צו אונז זענען טאקע אנדרעש פין העלבראנץ איז א שיינער דיבעיט, אבער דער גוי האלט אז אונז זענען דער זעלבער, דארך לאזען דער רעגירונג דאס טוהן אהן קיין גרויסע מניעות, האבען מיר אריין געלאזט דער רעגירונג אין אונזערע ביזנעס, עוד מעט און זיי וועלען זיך נעמען צו אונזערע ביינער.

ר' איחוד פעלד: האב נישט אזוי שטארק מורא אז זיי וועלן זיך נעמען צו אונזערע ביינער. דו וועסט אליינס מודה זיין אז די הנהגה פון די העלבראנס קולט האט גארנישט צו טון מיט די מנהגים אדער הלכות פון צניעות אדער אידישקייט. און דער גוי זעהט אויכעט דעם חילוק. סיי וועלכע גרופע ס'וועט זיך נעמען פיהרן אויף דעים וועיג שלא מן הישוב, וועט דאס ציען די אויפמעקזאמקייט פון די ארומיגע. קיינער וואוינט נישט אין קיין מדבר.

פארוואס לייגסטו אריין אזויפיל פענעמיר נאך דיין תגובה? האסט עס ליב? ווען די רעדסט מיט מענטשען מאכסטו אויך די אלע ערליי פאקסען?

ואם לחשך אדם לומר מאי שנא ממאלעסטערס?

אין הכי נמי, מען וואלט דארט אויך נישט באדארפט, נאר היות רבנים און עסקנים טוהן נישט וואס זיי דארפען מיט די שקצים, איז עס א סכנה און מען מוז.

ועוד והוא העיקר, דא הייבט מען אהן א נייע סארט אריינמישעכץ אין אונזערע ביזנעס.
און צו דיין עיקר נקודה, האסט אביסעל צופיל בטחון אין דער גוי. עס איז דא א סיבה פאר מסירה, וזהו העיקר אז ווען דער גוי מישט זיך וועט ער זיך מישען אין אלעס.

כל זמן עס איז נישט קיין סכנה, טאר מען דאס נישט צולאזען.