קאווע שטיבל

ווען איך האב באשאפן מיין ק"ש אקאנטע, האב איך בכלל נישט געקלערט פון שרייבן. מילא האב איך קיין גרויסע דגוש נישט געלייגט דערויף.

כ'האב אבער יא געוואלט האבן א קליינעם ניק, איין נאמען, און א געהעריגע (?) נאמען. נישט רויטע וואנצעס, געפילטע פיש, זאלץ וואסער אדער מאראנצןזאפט וכדו'.

כ'האב געפריווט מאכן צוויי נעמען וועלכע שליסן איין מיין עכטע נאמען, אבער ס'איז צוריקגעוויזן געווארן מיטן טענה ס'ענדלט שוין צו אנדערע ניקס. האב איך שנעל געטראכט עפעס א קליינע פון נ"ך, און באלד איז ארויפגעשווימען "יואב", וכך הווה. כהיום וואלט איך גאנץ מעגליך געוועלט אן אנדערן ניק.

נב. די יעצטיגע שורות איז געשריבן געווארן דורכן יואב ניק.

איך האב שוין געשריבן פשט במקום אחר.
סארי, די בעסט ריזען איי קען טינק אף.

איך האב געטראכט און געטראכט וועלכע ניק צו נעמען, איך האב געוואלט א ניק וואס מען זאל געדענקען נישט קיין שבעה כוכבי לכת וכו׳ , האב איך געטראכט פון סאשי פיש וואס איז אויך אביסעל מאדנע אז מען זאל עס קענען געדענקען,
נאכדעם האב איך נאך געטראפען אזא אוועטאר וואס איך האלט איז פון די בעסטע אוועטארס דא אין שטיבעל!
ווי [tag]זר זהב[/tag] האט שוין געשריבען

זר זהב האט געשריבן:[tag]סאשי פיש[/tag] דיין אוועטער איז פוליצער מאטריאל

צום שלוס איך האב זייער ליב מיין ניק און מיט דעם בלייב איך אי״ה.

איך האב זייער נישט ליעב מיין ניק נאמען און סאו די גאנצע עולם דא, ס'האט נישט קיין שום משמעות, נאר בשעת'ן עפענען האב איך מיך געגעבען א קוקו ארום און דערעזעהן דעם טעפל גרייט פאר נטילת ידים, האב איך אריינגעהאקט דאס, יעצט טראכט איך אז נטילת ידים איז שוין בעסער..

שעפעלע ,פאר נטילת ידים זיצט מען. דער עולם האט דיך זייער ליב און עס אפילו דא אשכול מיוחד פאר די קענדיס וואס דו טיילסט.

איך אויך האט געשריבן:שעפעלע ,פאר נטילת ידים זיצט מען. דער עולם האט דיך זייער ליב און עס אפילו דא אשכול מיוחד פאר די קענדיס וואס דו טיילסט.

נאדיר האב איך דיר געגעבען איינס..
אפשר דארף איך גאר הייסען "קענדי טיילער"?!

אויב נחום לאזט... איז דאס טאקע די סיבה פארוואס די באליבטע קענדי טיילער איז אזוי שטילערהייט נעלם געווארן פון די בתי מדרשים? ווייל למשל טאביק טיילער זענען נאך יא בנמצא ביים יונגן דור.

[tag]בנימין נתניהו[/tag]
קענסט אפשר מסביר זיין פשט אין דיין מאדנע ניק?

כי כך קרא לי אבא, בנציון ז"ל, כשנולדתי.

הוא מותיב לה והוא מפרק לה

קינד אן קייט, עפעס טיף ליגט דא באגראבן. הסבר?

רויטע וואנצעס האט געשריבן:קינד אן קייט, עפעס טיף ליגט דא באגראבן. הסבר?

ס׳פארהאן אן אומזעהבארער חבל, א קייט, וואס פארבינדט דעם מענטש צו א מקור, אדער א מטרה.

למשל:

א נשמה - צום גוף
א קינד - צו די עלטערן
א איד - לאביו שבשמים
א גוי - לעלמא הדין
א חסיד - צום רבי׳ן
א ליטוואק - צום ראש הישיבה
א תלמיד חכם - צום גמרא
א סוחר - צו מסחר
א יגיע כפים - צו די ארבעט
א מאן - צום ווייב
א הונט - צום בעל הבית
וכו׳ וכו׳,

ואני, אנה אני בא?

כ׳בין א א וואנדערער - אן א שטעקן
דא אויפ׳ן ערד - אבער שוועב אין די לופטן
א רעדנער - אן קיין קול
א פריי פויגל - געבינדן אין קייטן
א שכל הישר - אין א קרומע קאפ…

קינד און קייט לאכט - און איך וויין...
קינד און קייט וויינט - און איך לאך…
קינד און קייט שרייט - און איך בין רואיג…
קינד און קייט איז גלייכגילטיג - און איך שריי…

דהיינו: קינד אן קייט.

דזשאסט צו זאגן העלא פאר יעדעם

כ'וויל דיר צוריק זאגן העלא, אבער איינער האט שוין פארכאפט די ניק נאמען..

[tag]פלאוויוס[/tag]?

עס איז א נאמען וואס איז געטראגן געווארן דורך פארשידענע גוטע אידן, מן הסתם מיינט ער יוסיפין.

פלאוויוס איז געווען דער נאמען פון דער צווייטער דינאסטיע פון רוימישע קייזערן. אספסינוס און טיטוס האבן געהערט צו דער דינאסטיע, און יאסעפוס (אדער יוסיפון) האט באקומען דעם נאמען נאכדעם וואס ער האט נושא חן געווען אין די אויגן פונעם קייזער אספסינוס, וועלכער האט אים געגעבן גלייכע רעכטן מיט אלע רוימער. ביים אויסקלויבן דעם ניק האב איך פארשטייט זיך אינזין געהאט יוסיפון, ווי ונבנתה העיר האט געזאגט.

אגוטען טאג,
לאמיר זיך פארשטעלען פאר די חשובע ליינער ווער איך בין אין וואס איז פשט אין מיין ניק,
איז אזוי, איך דריי זיך שוין דא אויף קאווע שטיבל אזוי אטליסט א מינימום פון א האלבע יאר פאר כהאב זיך איינגעשריבן מיט סוקסעס צו אונזער פלאץ, איך האלט מיט מיט שפאן משמרות הנכנסים ומשמרות היוצאים כהאב זיך אריינגשמאגעלט אויף א קליינעם טועמיה אין איי וועלט , און פון אונטער וועלט פון פאליש חברייא יושבי החושך וצלמוות האב איך זיך דערוואטערט אזוי וי א מענטש וי מיך וואס אנטלויפט פון אחמדינג׳אד וחביריו, נאך א קליינע טבילה אין בחדרי אין כהאב באשלאסען אז אלץ איז הבל הבלים נישט פאר מיינע נערווען געזאגט,
עד שמצאתי את שאהבה נפשי, דא האב איך געטראפען א פלאץ מיט חברה וואס טראגען די קאפ אויפן פלייצעס, אנטלאגענטען מיט געשלייפטע צינגען אין רייכע אשכולות דא האב איך געפילט אז כוועל זיך לכאורה טרעפען מיין פלאץ אויף די וועלט

די לעצטע יו״ט שבועות פארטאגס נאכען זיך טויבלען כדת היום אין זאגען שטילרהייט מיט א טיפען געשריי אין הארץ אין א ריינע כוונה נעשה ונשמע, בין איך אריין אין ביהמ״ד מיט א גלאז קאווע איך זיץ זיך מיט א ספר אין גרייט צו די קרעפעל תורה וואס איז געוועהן מיוסד אויף א חידוש פון דעם הייליגען חתם סופר זי״ע, איך האב שוין א פארטיגע דרשה אין איך שפאציר צו מיין היים, די ניגון פון די אקדמות קומט ארויף אין מיינע רעיונות אין די ליפען ברימען זיך אינטער מיט א הארציגען געפיל ״אקדמות מילין ושריות שותא אוולא שקילנא הרמן ורשותא״ - ביז איך שטעל זיך אפ ביי די חרוז ״ובאתא קלילא דלית ביה מששותא״
וואס שטייט דא קלער איך אריין??
די רבש״ע האט באשאפען די גאנצע בריאה מיט דעם אות ה׳ וואס ווערט אנגרופען ״אתא קלילא״ אזא מין גרינגען אות, ״דלית ביה מששותא״ קיין איינער קען דאס נישט טאפען,
איך שטעל זיך אפ איין מינוט אין איך שטוין, אזא גרויסער באשעפער האט באשאפען די גאנצע יקום פורקן, זיינע פינגער פרינט זענען דא אין יעדען הארט כבודו מלא עולם יעדער וויסט אז סאיז דא א בורא עולם, אבער דאך דער מענטש שטעלט זיך נישט אפ קיין רגע אין פראבירען צו טאפען אין פילען אז יעדער האטעם זיינע איז א האטעם פון אלוקות אין די גאנצע בריאה אין די לופט ארום אונז איז פיל מיט גלויים פון אלוקותו ממש מיר דארפען נאר אנהייבן טאפען דעם גייסט פון קדושה אין פילען אז מיר זענען א חלק פון דעם עם הנבחר אין קינדער פון אבינו שבשמים

וואס יא טראכט איך ביי זיך מיט א שטיקעל שמייכעל, קאווע שטיבל איז א פלאץ וי אינגעלייט זיצען אין שמועסן, אמאל קען זיך טהון אויף טישען אין בענק אין פלוצלינג קומט איינער מיט א ווערטעל אין דער עולם שמייכעלט, א מינוט שפעטער ווערט מען צוריק ערנסט סאיז א פלאץ וי מקען דבאטירען א נושא מיט א געשמאק אין די רויעך אין פארע איז אמאל אויך געשמאק
די גרעסטע געשמאק איז אז די קענסט זאגען וואס די האלטסט פאר א אמת אן צו מורא האבן פון קיינעם
אין היות סאיז דא און ק״ש א געזעץ אז סאיז אסור בתכלית צו גראבען אין יענעמ׳ס פאספורט קען קיין איינער נישט ויסען ווער די ביסט מקען דיך נישט גנבענען די וועש אין מקווה פאר׳ן זינד פון שרייבען וואס די האלטסט פאר אמת ויציב,
די קענסט זיך דרייען אין ביהמ״ד וואס איז פיל מיט ק״ש מיטגלידער אין אגענטען וואס רייסען זיך אויף די בלויע סקרין אין מגריסט זיך צוזאמען אבער דאך פאלט פאר קיין איינעם נישט איין אז איך בין ״אתא קלילא״, איך דערצייל קיין איינעם נישט אז איך בין א מעמבער דא אויף ק״ש אין שטעל א פנים פון א תם אין שאינו יודע לשאול
אין צו מזל אין ברכה האב איך זיך איינגעשריבען צום שטיבל מיט דעם ניק נאמען צוויי טעג נאך שבועות

וואס סאיז געשעהן איז יעצט אז איך קווינקעל מיך צו איך זאל טוישען דעם ניק נאך ווען מטייטשט אויס מיינע רייד כאילו איך בין עפעס א שעלטער וי בלעם אדער אחמדינג׳אד כהאב אויך נישט קיין פראבלעם מיט דעם וואס רופט מיך ״אותו קללה״ כהאב זיך אונטער געשמייכלט אין גיגאנגען ווייטער,באופן אישי שטערט מיר זייער ווייניג די נארישע גידאנק ווייל אזוי וי כאהב שוין דערמאנט ווייסט קיין איינער ווער איך בין איך פיר נישט קיין שום קאמפפף באופן אישי מיט קיין איינעם אין אז די שרייבסט א גוטען גידאנק וועל איך דאס לייקען מיט פרייד אין פארגעניגען
איך וואלט באמת גיוואלט שרייבען אויף אסאך ענינים אויסער די לאנג פארצויגענע מערכה מיט אחמדינג׳אד וסייעתו, וואס האט מיך פונקט יעצט באטראפען יעצט ווען מיטל מזרח פלאקערט אין גרויסען, אין איך בין אריינגעצוינגען געווארען אין די מערכה בעל כרחי אזוי אז כהאב זיך ארויסגעגעבען וואס ליגט אויף מיין הארץ שוין א שיינע פאר יאר לגבי די קבוצה וואס טאנצען אין שפרינגען אויף יידיש בליט וואס גיסט זיך וי נעגעל וואסער יעדען טאג פון פריש אין לדעתי שמעקט די גאנצע טאנצעריי מיט די בני ישמעאל פון ריין שנאת ישראל אין דאס איז וואס איך זאג, אין אויב עס וועט זיך אויספעלען וועל אין דאס נאכאמאל איבער זאגען מיט א מחשבה אז סוועט זיין דבריו עושים פירות אין מוועט מקבל זיין דעם אמת ממי שאמרו, אבער למעשה זייט נישט דערשראקען, איך האב נישט קיין שום ערנסטע פלענער פון טוישען דעם ניק נאמען, אין סוועט בלייבען אזוי עד ביאת הגואל

אין געדענקט׳ס גיט אז די ריכטיגע קללה פון אונזער יידישען פאלק, איז דער פאקט אז מהרסיך ומחריביך ממך יצאו,זיי זענען די גרויסע קללה אין קלקלה די חבורה פון די נטוריסטען והעומדים בראשם אותו קללה משה בערניו אין דער פאשטארבענער משה הירש וואס איז שוין ב״ה שוכן במעמקי האדמה אין שפאצירט מיט עראפאת אין תחתית שבתחתית שבשאול תחתית שאין למטה ממנו
איך בין נישט קיין ציוני סימפאטיקער אבער סאיז דא אמאל וואס סאיז עת לעשות לה׳ אין ווען סאיז דא אומאחריות׳דיגע מענטשען וואס גייען האנט ביי האנט מיט די ברברישע שונאי ישראל בין איך מקיים דאס וואס מזינגט ל״ג בעומר ביים ניגון בר יוחאי נאזרת בגבורה מיט אלע מיטלען
אין עס זענען פארהאן אסאך אסאך מיטלען וי אזוי צו מלחמה האלטען מיט די אומאחריות׳דיגע מענטשען וואס סאיז בעסער ווען סאיז בהצנע לכת...
אזוי אז סוועט פארגיין די אפאטיט פאר משה בערניו אין זיינע חברה צו פארען נאכאמאל קיין איראן וכדומה

סאיז נישט קיין סוד אז די כח הכתיבה פארמאגט א גרויסע השפעה אויף אונזער ארומיגע אין די חשובע ליינער, אין די אלע ענינים וואס דער עולם שרייבט אין דעבאטירט אין גרויסען, קומען אן אויך אינדרויסען פון אונזער שטיבל, אין דאס גייט אריין אין די מוחות אין דערנאך אריינגעקריצט אין הארץ, אין אסאך מאל לויפט דאס ווייטער, סאיז דא אן א שיעור פורומ׳ס אין בלאג׳ס און א ים פון מענטשען וואס האבן גאנץ ווייניג וואס צו טהון מיט זייער איבריגע צייט אין ליינען אין פירן אריבער די זאכען ווייטער אין די השפעה איז גיוואלדיג גרויס אין פארשטייט זיך אז די אחריות פון אונז שרייבערס איז נאך גרעסער, סאיז א זכות אין א חוב
עס זענען דא אסאך ליינער וואס זענען נישט קיין רעגיסטרירטע באניצער ביי אונז אין שטיבל און צומאל אויך פון אנדערע מדינות אין מקען טוישען דער גאנצער הילוך המחשבה זייערע אדאנק אונזער שרייבען אין אונזער שטיבל וואס לא היה כמוהו מיום היות ישראל לגוי

איך וינטש פון דא א כתיבה וחתימה טובה אין שנת ששון ושמחה פאר אלע ליינער, מזאל האבן די נעקסטע יאר א גייסט פון שרייבען וואס דאס מיינט אויך די באדייט פון ״כתיבה וחתימה טובה״ אין יעדער זאל הנאה האבן פון אונזער שטיבל סזאל גיין אין פולען זין פון סוקסעס אין א שטראל פון ליכטיגקייט פאר בעלי מדע אין שנראה כל אחד מעלות חברינו ולא חסרונם ושנדבר כל אחד את חבירו בדרך הישר והרצוי לפניך אין בקרוב זאלען מיר אלע גיין קעגען משיח צדקינו באנפין נהירין

טעפל האט געשריבן:איך האב זייער נישט ליעב מיין ניק נאמען און סאו די גאנצע עולם דא, ס'האט נישט קיין שום משמעות, נאר בשעת'ן עפענען האב איך מיך געגעבען א קוקו ארום און דערעזעהן דעם טעפל גרייט פאר נטילת ידים, האב איך אריינגעהאקט דאס, יעצט טראכט איך אז נטילת ידים איז שוין בעסער..

נאר מאך נישט קיין ״נטילת רגליים״ אזוי שנעל אין בלייב אין שטיבל עד זקנה ושיבה

איש עברי האט געשריבן:אז מ'דעדט שוין איך וואלט געהאלטן אז מען זאל בכלל נישט קענען מאכן קיין ניק'ס אויף ענגליש, איך ווייס נישט פארוואס אבער ס'גייט מיט עפעס אויף די נערווען די ניקס אויף ענגליש,
ווער ס'איז מסכים זאל געבן א לייק

איש עברי. נו, וואו איז דער דזשאוק?!...

שטערט מיר אביסל אז אתא קלילא האט אזוי שיין באשריבען און משבח געווען אונזער שטיבל, און מ'האט אים שוואך געלייקט. ודי בזה.

ווי אזוי האט דער ר׳ משה לייב סאסובער געזאגט, אז די יו״ט פסח איז געווען ווייל דער אייבערשטער האט געטאנצן אויף די אידישע הייזער, דא וואוינט א איד, דא וואוינט א איד.
דאס קען זיין פשט בדרך אפשר אין מיין ניק.
און איך בין שטאלץ דערמיט.
ויה״ר אז אונז זאלן זוכה זיין לביאת משיח צדקינו בב״א.

א איד האט געשריבן:און איך בין שטאלץ דערמיט.

נישט געוויסט ביסט א באבוב'ע