קאווע שטיבל

נשלח: **דאנערשטאג פעברואר 20, 2014 10:39 pm**

געפילטע פיש האט געשריבן:פארוואס קען איך נישט טרעפן די פאוסט וואס האט היינט געשריבן אז ביי אונז איז anecdotal evidence גענוג אפצופסקנ'ן ב"ק מיטלען וואס מיליאנען מענטשען ארום די גארע וועלט נעמען?

viewtopic.php?p=185062#p185062

נשלח: **דאנערשטאג פעברואר 20, 2014 10:51 pm**

געפילטע פיש האט געשריבן:מ'זעט דאך אז אפילו ווען מ'האט שוין געטראפן די "ריכטיגע" שידוך איז מען נישט מחוייב גלייך מקיים צו זיין מצוות פרי' ורבי'. נאר מ'קען ווארטן א יאר ביז די אומשטענדן ארבעטן זיך אויס. איז יעצט וועגן ער האט געלייגט א רינגל אויף איר פינגער מוז ער גלייך לויפן מאכן קינדער?

לדעתי מוז יעדע קאפל זיין אויף ב"ק פאר די ערשטע צוויי יאר, אז מ'גייט זיי נישט לאזן באקענען בעפארן חתונה האבן, לפחות זאלן זיי קענען די מענטש מיט וועם זיי פלאנען צו ברענגן קינדער אויפן וועלט פאר ס'איז צו שפעט.

לשיטתך, פאר מען מאכסט חתונה זאל די בחור אין מיידעל זיך בעסער באקענענן, פארוואס נאר איין אדער צוויי בישאויס?

נשלח: **דאנערשטאג פעברואר 20, 2014 10:54 pm**

הלוואי! אבער אז דאס גייט זיך נישט פיקסן, איז כאטש דאס געב מיר.

נשלח: **פרייטאג פעברואר 21, 2014 12:05 am**

געפילטע פיש האט געשריבן:
נולד מאוחר האט געשריבן:אויב מיר טרעפען א היתר. וויאזוי מאכט מען דאס געשען?
די החלטה דארףן זיי מאכן צווישען זיך די נאכט פון די חתונה מיט א מאן/ווייב צוויי וויילד פרעמדע מענטשען,וואס איינער האט נישט קיין מושג וואס דער צווייטער האלט איבער די נושא. איז עס נישט ריסקי ארויפברענגען זאלכע האקלע נושאים אזוי פרי?

א היתר דארף מען נאר טרעפן אויף א זאך וואס איז אסור, איך ווארט נאך צו הערן די איסור.

די סעלושען איז אז דער בחור\מיידל זאל זיין גענוג אויפגעקלערט פארן צוגיין צום שידוך, אז אויב גייען זיי יא מיט מיטן בעשוי סיסטעם, זאלן זיי וויסען וואס זיך דורכצורעדן, און נישט פרעגן אין וועלכע ישיבה קטנה ער איז געגאנגען אדער אויב זי האט ליב מער משה גאלדמאן אדער ירמי' דמן, נאר מ'זאל האבן אביסל שכל און רעדן פון זאכן וואס מאכן טאקע אויס, ווי למשל אויב זי גייט איין אויף צוויי יאר ב"ק.

די מעשה איז נאר אז זיי זענען נישט אין קענען נישט זיין אויפגעקלערט,
אפילו ווען זיי מיינען אז זיי פארשטיין/ווייסען אלעס..וד''ל
בקיצור לויט די חינוך סיסטעם ווילען רוב קאפעלס גראד האבען א בעבי.
אויב האלט מען שוין 3 חדשים נאך די חתונה אין ס'איז נישטא קיין נייעס
ווערט מען נערוועז,
בשעת ווען ס'קען זיין נישט מער אין נישט ווייניגער אז זיי זענען בכלל נישט בקי בחורין ובסדקין
און זיי האלטן נאך קודם הנשיאון,(עובדא ידענא..)

קען זיין אז די איסור איז משום ביטול מצוה חיובית בקום ועשה,

נשלח: **פרייטאג פעברואר 21, 2014 1:02 am**

דער פראבלעם איז בכלל נישט אן הלכה שאלה נאר א פראקטישע. אפילו לאמיר שוין זאגן אז איך קלער אויף מיין קינד אז די ערשטע שטיק צייט זאל מען נעמען בי סי. ווען עס קומט למעשה איז דאס מורא'דיג שווער צו אויספירן. אזוי ווי געפילטע האט דערמאנט, ביים בעשוי רעדט מען פון פוסטע שטותים, ביים תנאים עפענט מען מתנות צוזאמען. אין יחוד שטוב כאפט מען בילדער און ביים מצווה טאנץ איז מען מסביר דעם בדחנ'ס וויץ אין קעיס מ'האט דאס פארפאסט. יא אויך וועלכע פעטער ס'האט יעצט געטאנצט . דערנאך גייט מען אהיים און מ'פארלאנגט פון איינעם א יונגער צוריקגעצויגענער... זיינע איברים ווארפן זיך פאר שרעק פונעם קומענדע ... צו זאגן. דעם טאבא סטיעטמענט " איך וואלט געקענט באשטיין צו ווארטן א יאר צוויי..... העל נאו!! !! .
אלזא נישט דא קיין לייזונג עט די מאמענט צו דעם . חוץ ביי צוויי אויפגעקלערטע וואס גייען מתחילה צו צום גאנצען נושא מיט אן אויפגעקעלרטקייט.

נשלח: **פרייטאג פעברואר 21, 2014 8:13 am**

איך פארשטיי נישט פונקטליך מ׳האט אנגעהויבן מיט א שאלה להלכה
צי איז דא א פראבלעים מיט ב״ק לצורך קשר הזויג לפי חז״ל ווערט נאר א קשר שטערקער מיט קינדער אין די מציאות זאגט אויך אזוי אוודאי איז דא פעלער וואס איז יוצא מן הכלל קומט אויס די גאנצע סברא לצורך קשר האלט נישט אויס , ממילא פאלט ארויף די חיוב פין פרו ורבו וואס ווען מ׳האט די מעגליכקייט מקיים צי זיין אין מ׳ען איז נישט איז אזוי ווי איינער לייגט נישט תפילין אדער שאקעלט נישט לולב , די איינציגסטע וועג ארויס להלכה קען זיין אויב די פרוי וויל נישט האבן קינדער גלייך זי האט נישט די חיו פין פרו ורבו אין לויט אסאך פוסקים אפילו לשבת אויך נישט, אבער מצד די מאן גלייב איך זייער שווער איינער זאל מתיר זיין אין נאכמער אויב די פרי וויל נישט להלכה פין זיין זייט דארף ער פרובירן איר איבער רעדן וויל אויף עים ליגט א חיוב אין ער פין זיין זייט דארף אלעס פרובירן

נשלח: **פרייטאג פעברואר 21, 2014 10:06 am**

ווי איינער האט שוין ערווענט איז לכאורה נישט פראקטיש דאס גאנץ עסק. ביים היימישן ציבור הערשט א געוואלדיגע פחד, און אפשר מיט רעכט, אויב חלילה מען קען נישט האבן קינדער.
אינגעלייט דרייען זיך ארום אין די שנה ראשונה באזארגט ביז איבערן קאפ, הלמאי ס'איז שוין דורך דריי חדשים און גארנישט... אויטאמאטיש קומט אפיר קאשמארישע זכרונות פון שלמה באכנער'ס דרשות ביי די בוני עולם דינערס און מען שטעלט זיך שוין פאר אלעס ערגסטן. מענטשן ווילן זיין רואיג אז מען קען האבן קינדער. אויב עפעס וואלט געווען ראטזאם דער איינפיר באלד נאכן ערשטן קינד, דער מצב איז שוין רואיגער און בנוסף האט מען שוין מער א שפראך איינער צום צווייטן.

נשלח: **מוצ"ש פעברואר 22, 2014 9:36 pm**

זייער אן אינטערסאנטע און חשובע נושא, ראש הישיבה. ווי דער רוב עולם דא בין איך אויך ביי די מיינונג אז זיין אויף ב"ק יעדער איינער ווי לאנג עס נעמט אים זיך באקוועם צו מאכן מיט זיין בת זוג דארף זיין א חלק פון די כתובה.

מיין שאלה איז אבער, אז ווען מ'קוקט אריין אין די ספרים איבער דעם נושא זעט מען אז רוב רבנים וואס רעדן דערוועגן און זיי האלטן אז עס איז אפילו א חיוב צו נעמען ב"ק איז דאס נאר נאך מ'האט שוין מקיים געווען פו"ר, וזה פלא. ס'קען זיין אז זיי גייען מיט די הנחה אז ווען איינער האט חתונה האט ער זיך שוין באקענט מיט זיין בת זוג - כאטש אביסל - און ער האלט שוין ווייטער ווי דעם אויבענדערמאנטעם גאלדמאן ווס. דמן שמועס.

לגבי די פראקטישע חלק וואס עס איז געווארן דא אויסגעשמועסט: ווי לאנג ב"ק וועט זיין די טאבא נושא וואס עס איז יעצט, וועט דאס טאקע זייין א מעידזשער פראבלעם, אבער לאמיר האפן אז דאס וועט זיך טוישן. והיה אז נישט קען מען אלעמאל זאגן פאר די חתן מדריך אז מ'לייגט עס עליו ועל צווארו דאס אויסצופירן.

נשלח: **זונטאג פעברואר 23, 2014 2:08 pm**

געהערט פון א פוסק מובהק אנגענומען ביי אלע קרייזען, און וואס הערט צוגלייך אסאך פראבלעמען, זיך אויסדרוקען בהאי לישנא:
ווען כ'וואלט געהאט א כח, וואלט איך ארויפגעלייגט אלע פרויען אויף ב"ק כאטש דו ערשטע זעקס חדשים...

נשלח: **מאנטאג פעברואר 24, 2014 3:31 pm**

ודי למבין האט געשריבן:לגבי די פראקטישע חלק וואס עס איז געווארן דא אויסגעשמועסט: ווי לאנג ב"ק וועט זיין די טאבא נושא וואס עס איז יעצט, וועט דאס טאקע זייין א מעידזשער פראבלעם, אבער לאמיר האפן אז דאס וועט זיך טוישן. והיה אז נישט קען מען אלעמאל זאגן פאר די חתן מדריך אז מ'לייגט עס עליו ועל צווארו דאס אויסצופירן.

שכוח [tag]ודי למבין[/tag] פאר די עצה בנוגע אז די חתן מדריך זאל דאס אהנזאגן פארן חתן פאר די חתונה.

איך האב א בשורה טובה פאר די אלע וואס האבן יעצט א חתן פאר די חתונה וואס ווילן אז די חתן זאל וויסן אז עס איז גדאי צו נעמן ב"ק די ערשטע תקופה, אז איך האב גערעדט מיט א חתן מדריך וואס איז מוכן upon request צו זאגן פארן חתן די ישיעה פון ב"ק. ער זאגט אז מען מוז זיין זיכער אז די חתן גייט פרעגן אלע זיינע זאלות ביי אים, ווייל אויב נישט וועט זיין דיין אים דאס אסר'ן, ודי למבין.

דער וואס וויל קען שיקן א בקשה אין אישי.

נשלח: **מאנטאג פעברואר 24, 2014 6:02 pm**

R. Boruch Simon from YU (a talmid muvhak from R. Hershel Schachter) discusses heterim for BC straight after the chasseneh here (from 74:00):

http://www.yutorah.org/lectures/lecture ... %20Mitzvos

נשלח: **דינסטאג פעברואר 25, 2014 7:05 am**

רעדסט עינק נישט איין אז די רבנים ווייסן נישט די פראבלעם פון זיך גט'ן מיט א קינד אדער מער, זיי ווייסן דאס בעסער פון עינק אלע,
די סיבה פארוואס זיי זענען נישט מתיר ב"ק איז ווייל זיי ווייסן נאך זאכן וואס עינק ווייסן נישט,
חוץ מזה רוב מאל ווען מ'טוט פעולות נישט צו האבן קינדער אין אנהייב מאכט עס ערגער די שלו' בית נישט בעסער,
חוץ מזה איז דא זאכן וואס זענען אין געוויסע פעלער אדער מותר, אדער בבחינת בוחר הרע במיעוטו, אבער א רב אדער דיין טאר עס נישט פסק'נען מיט א ברירות,
יעדע פאל האט זיך זיינע דעטאלן און זיינע הלכות, מ'קען בשום אויפן נישט מתיר זיין ב"ק בכלליות, יעדער עקסטער דארף אויסוועלן א דיין וואס ער האלט אז ער קען די ה' חלקי שולחן ערוך,
או"ח, יו"ד, אבהע"ז, און די 5טע חלק דארף ער זיכער קענען

נשלח: **דינסטאג פעברואר 25, 2014 7:50 am**

העלא האט געשריבן:די סיבה פארוואס זיי זענען נישט מתיר ב"ק איז ווייל זיי ווייסן נאך זאכן וואס עינק ווייסן נישט,
חוץ מזה רוב מאל ווען מ'טוט פעולות נישט צו האבן קינדער אין אנהייב מאכט עס ערגער די שלו' בית נישט בעסער

וואס פאלט דיר ביי אז די דיינים ווייסן עפעס מער ווי מיר ווייסן? זיי האבן עפעס א סיקרעט קלאב? הלכה האמיר אלע די זעלבע ספרים ווי זיי האבן. איז וואס נאך קענען זיי דען וויסן? דו זאגסט אז רוב פעלער מאכט עס קאליע שלום בית. מהיכן דנתני? וויפיל פעלער קענסטו בכלל וואו מען האט גענומען ב"ק אנהייב און וויפיל פון זיי האט זיך נישט גוט אויסגעלאזט? מיט איין זאך ביסטו גענצליך גערעכט אז מען זאל נאר פרעגן א דיין וואס איז בקי אין די פינפטע חלק שו"ע.

.

נשלח: **דינסטאג פעברואר 25, 2014 11:02 am**

רעדסט עינק נישט איין אז די רבנים ווייסן נישט די פראבלעם

יפה דברת..... אונז רעדט מיר זיך נישט איין, אונז ווייסן באמת.

נשלח: **דינסטאג פעברואר 25, 2014 11:26 am**

רוב רבנים וואס זענען עוסק אין דעי ענינים
זענען זייער באגרעניצט און די פיפטע שולחן ערוך,
קוים וואס זייער מוח דערהייבט די דאלעט שולחן ערוכעס אויף אויסענווענדיג...

נשלח: **דינסטאג פעברואר 25, 2014 11:57 am**

העלא האט געשריבן:רעדסט עינק נישט איין אז די רבנים ווייסן נישט די פראבלעם פון זיך גט'ן מיט א קינד אדער מער, זיי ווייסן דאס בעסער פון עינק אלע,

דו פארפירסט די נושא. אונז רעדן ניש (בעיקר) וועגן מענטשן וואס ווילן ניש האבן גלייך קינדער ווייל זיי האבן מורא אז זיי גייען זיך גט'ן. ביי דעם פאל איז פשוט אז זי דארף נעמן ב"ק. אונז רעדן וועגן געבן צייט פאר די נייע פארפאלק זיך צו באקענען און מאכן באקוועם, אהן די שטערונגען פון עיבור מיט געבוירן א קינד.

נשלח: **דינסטאג פעברואר 25, 2014 12:14 pm**

הוגה האט געשריבן:
העלא האט געשריבן:...חוץ מזה רוב מאל ווען מ'טוט פעולות...

...דו זאגסט אז רוב פעלער...

קבלה היא בידינו, אז ווען רוב מאל ווען איינער זאגט אזעלכע לשונות ווי "רוב מאל", "יעדער ווייסט", "ביי יעדעם איינעם", און "רוב פעלער" מיינט מען די אייגענע עקספיריענס.

נשלח: **זונטאג יוני 08, 2014 7:50 pm**

אין מאחורי האט איינע געשריבען א לאנגס און ברייטס איבער אלע מיני ב"ק די מעלות וחסרונות
איך וויל זייער פרעגען עפעס פון עם למעשה היות איך האב נישט קיין רשות כניסה פליז קאנטעקט מיר אין אישי

נשלח: **מאנטאג יוני 09, 2014 2:46 pm**

ראש הישיבה האט געשריבן:איך וויל פארלייגן א שאלה לפני הקהל:

השתא אז מען האט מברר געוועהן אז עס איז נישט קיין חשש ז"ל, נאר א שאלה פון מדחה זיין פריה ורביה, אולי וואלטן מיר זיי דאס געקענט מתיר זיין?

פאר איינעם אזויווי מיר וואס זיכט די בירור, אט איז ער
viewtopic.php?f=13&t=5878&hilit

נשלח: **מאנטאג יוני 16, 2014 8:40 am**

הוגה האט געשריבן:ב"ק הרג'ט נישט אפ קיין סיסטעמס, מיליאנען נישט-חרדישע נעמען ב"ק פאר לאנגע יארן בלי שום פגע. עס האט געמוזט זיין עפעס אנדערש אדער האט די קאפל סתם אזוי געהאט א פערטיליטי פראבלעם.

בנוגע די שאלה. איך האב שוין לאנג געטראכט פון דער סברא. עס איז קלאר אז רוב קאפעלס קענען נישט געהעריג קאנעקטן אין די ערשטע פאר יאר פון די חתונה צוליב דעם ווייל מען ווערט באלד טראגעדיג. די תוצאות זענען נעגאטיוו סיי בגשמיות און סיי ברויחניות, וד"ל. איך האב אבער א פראקטישע שאלה. איך וויל אז מיינע קינדער זאלן ווארטן לכה"פ א האלבע יאר אדער א יאר. ווי אזוי ווייס איך אבער אויב די צד השני וועט מסכים זיין? אויסנעמען א תנאי איז נישט עטיש. וואס טוט מען?

איך האב פאר דיר א פראקטישע תשובה וואס דאס זאלסטו טהון הלכה למעשה אז ס'זאל דיר נישט איינפאלען זיך אריינצומישען דיין נאז ביי די יונגע קאפעל און זיי הרגענען די שלום בית, ס'איז קלאר אז דו וואלסט אויך נישט געוואלט אז דיין טאטע אדער שווער זאלן דיר זאגן וואס צו טהון, לאז די קאפעל האקן קאפ אין וואנט און זיך באגענוגען צוישען זיך פונקט ווי דיר נאך דיין חתונה, דווקא דאס אז די עלטערען מישן זיך הרג'עט אוועק די גאנצע שלום בית, אזוי אז די גאנצע מו"מ אויב יא נעמען ב"ק צו נישט וועט בלייבן איבריג!!!
אז דו ביסט נישט זיכער צו די קאפל איז פאסיג צו נישט האסטו גיהאט די ברירה נישט צו טוהן דעם שידוך, אבער נאכען חתונה שטיי אין זייט און גיב זיי האקען קאפ אין וואנט

נשלח: **מאנטאג יוני 16, 2014 9:52 am**

וואס ווערסטו אזוי ווילד? וואס איז דאס אנדערש ווי זאגן פארן בחור וויאזוי צו מאכן די מצוה, אדער עם אויסלערנען צו קויפן בלומען פון צייט צו צייט און זאגן איי לאוו יו? סך הכל איז עס נאך א שטיקל עדוייס אין שלום בית, זיי זאלן וויסן וואס דאס איז, וויאזוי מ'באקומט דאס, און אז מ'מעג עס נוצן.

אתא קלילא האט געשריבן:אז די ביסט נישט זיכער צו די קאפל איז פאסיג צו נישט האסטו גיהעט די ברירה נישט צו טוהן דעם שידוך אבער נאכען חתונה שטיי אין זייט אין גיב זיי האקען קאפ אין וואנט

אינטערעסאנט, פון הערן אינפארמאציע און שמועסן צוויי שעה קען מען וויסן אויב די פארפאלק וועט זיך ליב האבן שפעטער? וועמען מיינסטו צו נארן? ביז ווילאנג מ'וואוינט נישט צוזאמען ווייסט מען נישט אויב ס'איז א עכטע פאר, אפגעזען וויפיל ריסוירטש ס'גייט אריין אין דעם.

נשלח: **מאנטאג יוני 16, 2014 10:14 am**

וואס פאלט דיר ביי אז איך בין נישט זיכער אויב די קאפל איז פאסיג? אוודאי זענען זיי פאסיג, מ'דארף זיי נאר לאזן זיך באקענען אביסל, אן די פרעשור פון א טראגעדיגע ווייב וואס קען זיך נישט באכלעפטשענען, און אלעס וועט זיין גוט.

ובנוגע מיין טאטע זיך אריינמישן, הלוואי וואלט מיין טאטע זיך אריינגעמישט און מיר מייעץ געווען צו נוצען מניעת הריון פאר די ערשטע שטיק צייט, ס'וואלט מונע געווען ביי מיר אין שטוב אסאך עגמת נפש. איך קען זאגן אז די שלום בית ביי מיר אין שטוב און דאס צופרידנקייט איז געקומען ערשט נאך מיין צווייטע קינד ווען כ'האב געהאט צוויי יאר אן קיין טראגן אדער זייגן. איך בין א גוטע טאטע און איך בין מייעץ מיין קינד אז אויב מאכט מען געלט אן צאלן שטייער איז דא שווערע קאנסיקווענסן, אויב דרייווט מען אן לייסענס איז דא שווערע קאנסיקווענסן, און אויב "האט מען חתונה" אן פראטעקשאן איז דא שווערע קאנסיקווענסן.

קאווע שטיבל

מניעת הריון ביי יונגע קאפלס