קאווע שטיבל

נשלח: **דינסטאג מערץ 18, 2014 11:09 pm**

מעג איך דעמאנען די מערכה פון ״דער איד״ יארן צוריק קעגן די ״בית המינות״ (The Boro Park Y).

נשלח: **דינסטאג מערץ 18, 2014 11:16 pm**

מ'דארף אויך מזכיר זיין די מערכה פון ארונים קעגן זלונים און זלונים קעגן ארונים וואס קיינעם איז נישט געלונגען צו ציברעכן דעם צד שכנגד

נשלח: **מיטוואך מערץ 19, 2014 7:17 am**

לדראון עולם זאל געדענקט ווערן די שמוציגע עקלהאפטיגע מערכה וואס די ירושלימע בעסטערדס האבן געפירט קעגן ישראל אהרן קלצקי, א געשמאקע עהרליכע אינגערמאן וואס זיין גאנצע חטא איז געווען אז די קנאים האט זיך פארגלוסט צו עפענען א קאנקורענץ צו זיין דרוקעריי און האבן אריינגענומען דעם אייבערשטען אין דעם ביזנעס געפעכט און אים טערארעזירט און באשמוצט און גערודפ'ט עד חורמה ועד בכלל, ביז ער האט געמוזט אפציען פון ירושלים ווי זיין משפחה וואוינט שוין דורי דורות.

די נארישע ווילימסבורגע רבנים האבן אהנע בושה ארויסגעגעבן א קול קורא קעגן אים פאר גארנישט און פאר נישט, און מיט דעם צוגעהאלפן גיסן זיין בלוט, מפי השמועה האט אים ר' זלמן לייב מסאטמאר לעצטנס איבערגעבעטן און זיך פארענטפערט אז מען האט אים געפיטערט מיט פאלשע אינפארמאציע....

נאך א רינגעלע און די לאנגע קייט פון רשעות און שפיכת דמים דורך די פארשאלטענע רשעים, דער אייבערשטער זאל העלפן אז די מלכות הרשעה פון וויליאמסבורג זאל אונטערגיין אהן קיין שאדן פאר קיין שום איד בקרוב ממש

נשלח: **מיטוואך מערץ 19, 2014 3:04 pm**

איש עברי. דו ווייסט וויפיל "עבירות" דו האסט יעצט עובר געווען.?! איך קען אפציילן לכה"פ 3. און נאך פון די הארבסטע עבירות!!!

נשלח: **מיטוואך מערץ 19, 2014 3:40 pm**

דריידל האט געשריבן:מ'דארף אויך מזכיר זיין די מערכה פון ארונים קעגן זלונים און זלונים קעגן ארונים וואס קיינעם איז נישט געלונגען צו ציברעכן דעם צד שכנגד

דאס איז א פאליטישע מחלוקת. כ'מיין אז ביידע צדדים קענען זיך, ב"ה באשטיין זייער שטעיטל. אבער די גרעניצלאזע רשעות איז ווען זיי (די רשעים הידועים לשמצה) נעמען זיך איבער יחידים אדער חסידות וועלכע זיי געפעלט נישט און קעמפן אקעיגן זיי עד חורמה.

נשלח: **דאנערשטאג מערץ 20, 2014 6:54 pm**

ביי דעי וועי די נאמען "סיקרירין" האט די קלעצקי זיי געגעבן דעמאלטס ביי זיין מערכה, איך מיין אז דאס איז די איינציגסטע זאך וואס איז עם געבליבן פון דעמאלטס.

נשלח: **זונטאג מערץ 23, 2014 2:13 pm**

אדמיניסטראטער שלום עליכם:
א וויילע צוריק האט איינער געשריבען איבער א מעמד חיזוק וואס איז פארגעקומען פאר די אלע פעולות קעגן די געשעפטן, איך מיין אז דיין אשכול געט חיזוק פאר אזא מסיבה,
די העדליינס ביים רופען דעם עולם אין וויליאמסבורג צום מלוה מלכה השניי', וועט מסתמא זיין די רייד פינעם נייער אדמיניסטראטאר יר''ה.

נשלח: **זונטאג מערץ 23, 2014 3:10 pm**

http://www.bhol.co.il/article_old.aspx?id=32336
דא איז דא א אינטערוויו מיט קלצקין. איך האב אבער פראבלעמען צו עפענען די ווידיאו.

ער האט געפענט א סאשי סטאר, אבער ס'איז שוין לויט yelp ליידער פארמאכט .

נשלח: **זונטאג מערץ 23, 2014 4:54 pm**

ליין אביסל די קאממענטס דארט און וועסט זעהן אז קלעצקין איז גאר ווייט פון א טלית שכולה תכלת. כאטשיק די סיקריקים זענען א באנדע אין-דער-ערד-ליגערס און איך גיי זיי זיכער נישט פארטיידיגן האט ער אויך א פולע קופה של שרצים מאחוריו.

נשלח: **זונטאג מערץ 23, 2014 5:31 pm**

קעגן די קאמפיוטער קיאסק'ס פלעגט אויך זיין מחאות, נישט זיכער צו ס'גייט נאך אן.

קאווע שטיבל

היימישע-טעראר שאנד וואנט