קאווע שטיבל

נשלח: **דינסטאג דעצעמבער 30, 2014 12:43 pm**

משה, דיין מעשה איז הארצרייסנד, און איך באוואונדער דיין גוטע נשמה. ס'איז זיכער נישט כדאי איר צו ווייזן וואס דו שרייבסט דא. זי קען זיך פילן צו שטארק פארשעמט.

דיינע שילדערונגען פון בענקשאפט איז נישט קיין מאדנע פאקט, נאר עס צייגט ווייטער אויף א גוטער נשמה - וואס פארט זיך אגב זייער גוט מיט דיין עטוואס-צוריקגעצויגענעם כאראקטער, וואס דו האסט געשילדערט אינעם לאנגען אריינפיר צו דעם אשכול. איך בין זיכער ביי מיר אז דו וועסט איבערקומען אלע שוועריגקייטן, ווייל דיין בליק איבער'ן חתונה-לעבן, און בכלל איבער דעם שייכות צווישן מענטשן, איז גענוי דאס וואס די מענטשהייט פרובירט איבערצוגעבן פאר אירע מיטגלידער. נאכ'ן איבערקומען דעם בארג וועסטו מסתמא אליין קענען עצה'ן אנדערע וויאזוי צו טרעפן דעם גלייכן וועג אין לעבן!

האלט דיך שטארק, און כ'האף זאלסט ווי שנעלער געפינען דעם וועג צו איר הארץ. דו שרייבסט אז דיין אוועקפארן האט ערוועקט אין דיר בענקשאפט. די סיבה צו דעם איז, לויט מיין מיינונג, נישט נאר ווייל מ'איז פונדערווייטנס, נאר אויך ווייל מ'האט אפאר מינוט צו זיין אליין מיט זיך, אן דעם וואס די קינדער (און דער הו-הא פונעם לעבן) זאלן שטערן די ליבשאפט. האסטו גענומען אין באטראכט ארויסצופארן אמאל אינאיינעם מיט דיין ווייב? מאך א רייזע מיט איר קיין מיאמי, קיין שווייץ, אדער אן אנדערע פאסטורלישע ווינקל אין דער וועלט. די שטילע ווינקלעך אין שויס פון נאטור, דארט וואו קיין מענטשליכער נפש זעט זיך נישט ארום, איז גאר מסוגל אויף צו לאזן די הערצער זיך צועפענען.

נשלח: **דינסטאג דעצעמבער 30, 2014 12:55 pm**

פלאוויוס האט געשריבן:דיינע שילדערונגען פון בענקשאפט איז נישט קיין מאדנע פאקט, נאר עס צייגט ווייטער אויף א גוטער נשמה - וואס פארט זיך אגב זייער גוט מיט דיין עטוואס-צוריקגעצויגענעם כאראקטער, וואס דו האסט געשילדערט אינעם לאנגען אריינפיר צו דעם אשכול.

איך וויל נישט פארפארן פון די שמועס אבער סתם נייגעריג מיט וואס די צוויי זאכן האבן שייכות...

פלאוויוס האט געשריבן:האסטו גענומען אין באטראכט ארויסצופארן אמאל אינאיינעם מיט דיין ווייב? מאך א רייזע מיט איר קיין מיאמי, קיין שווייץ, אדער אן אנדערע פאסטורלישע ווינקל אין דער וועלט. די שטילע ווינקלעך אין שויס פון נאטור, דארט וואו קיין מענטשליכער נפש זעט זיך נישט ארום, איז גאר מסוגל אויף צו לאזן די הערצער זיך צועפענען.

יא איך האב דאס שוין קאנסידערד אבער ביזדערווייל האט זיך דאס נישט אויסגעארבעט, אבער איך מיין אז די האסט א שטארקע פוינט מיט דעם, זעהט אויס אז איך האב נאכנישט געטוהן אלעס וואס איז אין מיין מעגליכקייט צו טוהן, אבער איך וואונדער זיך אויב אוועקפארן וועט טאקע מאכן די זאך, ווייל באמת האט זי א יסודות'יגע פראבלעם מיט איר בעקגראוינד און אירע מענטל אילנעסעסס, אוועקפארן קען זייער מעגליך געבן א שטופ אויף פאראויס אבער עס קען נישט עוקר זיין הדבר משרשו

נשלח: **דינסטאג דעצעמבער 30, 2014 12:59 pm**

איך האב אסאך צי שרייבן, איך טראכט צי זאל איך דיר שרייבן אין אישי, אדער שרייבן דא אפען, אפשר וועט נאך איינער עפעס ארויס לערנען פאר זיך,
דאס וואס די שרייבסט אז זי האט נישט דע סקילס דיר ארויס ווייזען אירע געפילן, פין ווי זאל זי דאס האבען? פין אירע עלטערען? פין סקול? אין דאס וואס די פערבירסט איר ארויסווייזן אין אויס לערנען, ביי איר קיק עס אויס נישט יודישלעך זי קיקט דיך אהן פראסט, זי קען דאס האבען נאר פין א צווייטען למשל א פרענד אדער טעראפי אדער אינטערנעט, עס איז נישט יושר אז נאר איינער זעט אויפן אינטערנעט, למשל דער מאן, דאס זעלבע געשעט אויך פארקערט, אז נאר דע פרוי זעט דע אינטערנעט אין נישט דער מאן, דעמאלטץ איז דע שפיל פארקערט,

נשלח: **דינסטאג דעצעמבער 30, 2014 1:05 pm**

אבטולמוס האט געשריבן:פאר די כראנישע ציניקער רוקן זיך אן

נו ווי זענען זיי?

עניוועיס, כ'האף אז דער ווייב און משפחה ליינען נישט דא און קענען ניטאמאל משער זיין פון וועם עס רעדט זיך דא.

נשלח: **דינסטאג דעצעמבער 30, 2014 1:14 pm**

elter-zeide האט געשריבן:דאס וואס די שרייבסט אז זי האט נישט דע סקילס דיר ארויס ווייזען אירע געפילן, פין ווי זאל זי דאס האבען? פין אירע עלטערען? פין סקול? אין דאס וואס די פערבירסט איר ארויסווייזן אין אויס לערנען, ביי איר קיק עס אויס נישט יודישלעך זי קיקט דיך אהן פראסט, זי קען דאס האבען נאר פין א צווייטען למשל א פרענד אדער טעראפי אדער אינטערנעט, עס איז נישט יושר אז נאר איינער זעט אויפן אינטערנעט, למשל דער מאן, דאס זעלבע געשעט אויך פארקערט, אז נאר דע פרוי זעט דע אינטערנעט אין נישט דער מאן, דעמאלטץ איז דע שפיל פארקערט,

וואס הייסט פון ווי, זי איז א מענטש פונקט ווי אלע מענטשן [פארשטייט זיך געדעמיטשט], די מייסט אז איך האב מיך געדרייעט אויפן אינטערנעט מיינע בחורישע יארן? בכלל נישט. איך האב חתונה געהאט, און פראם די געט גאו האב איך שוין פארשטאנען פון די פשוטע חינוך וואס איך האב באקומען ביי אונז אינדעהיים וואס מיינט זיין א 'מענטש', גריסן, נישט איגנארירן, מאכן יענעם שפירן היימיש און וועלקאם, וויאזוי צו פאראמען א רילעינשיפ, וואס מיינט רעספעטירן א ווייב וכו' וכו', דאס איז נישט קיין באהלאטענע, סעקולערע אדער פראסטע זאכן וואס מען דארף האבן אינטערנעט פאר דעם.

די ווילסט מיר זאגן אז ביי איר קוקט אויס נישט אידישליך איר צו זאגן אויפן טעלעפאון איך בענק מיך נאר דיר?

אבער פון די אנדערע זייט זאגסטו פונקט דאס וואס איך האב געשריבן די גאנצע צייט אז פון אירע עלטערן האט זי זיך דאס נישט אויסגעלערנט, פון סקול? אתמהה! פארוואס האט זי זיך דאס טאקע נישט אויסגעלערנט אין סקול, לכאורה ווייל סקול איז נישט די פלאץ פון ווי א קינד פוקט אויף געפילן די מאמע און די טאטע זענען די וואס זענען ריספארסיבל פאר די מענטל העלט פון די קינדער.

נו בלייב מער ביים אלטן זי האט נישט די סקיל'ס בכלל ,זי האט קיין השגה נישט וואס מיינט האבן א עכטע נאנטע געפיל צו א מענטש. אויף אקאוראט טאקע אויף דעם זיך איך הילף

נשלח: **דינסטאג דעצעמבער 30, 2014 1:29 pm**

לעיקוואד האט געשריבן:עניוועיס, כ'האף אז דער ווייב און משפחה ליינען נישט דא און קענען ניטאמאל משער זיין פון וועם עס רעדט זיך דא.

ניין מיין ווייב ליינט נישט דא, איך גלייב נישט אז איך האב משפחה וואס דרייען זיך דא, אין אפילו אויב יא גלייב איך נישט אז יענער חלום'ט ווער איך בין און פון וועמען איך רעדט, און פון סתם גאס מענטשן בין 100% זיכער אז קיינער כאפט נישט ווייל קיינער וועט נישט חלום'ן (אפילו לעיקוואד וואס האט דריעמ'ס

כמו שהביא משם מרטין לוטער קינג) פון וועם איך רעד אין די גאס הייסט ער א חשוב'ער איד אין נאר פאזיטיווע געדאנקן דרייען זיך ארום איבער אים, אויב איך וואלט ווען געזאגט פון וועם איך רעד וואלט מען מיך קיינמאל נישט געגלייבט און א קאורט אוו לאו וואלט מען מיך ניטאמאל גערופן פאר עדות זאגן...

נשלח: **דינסטאג דעצעמבער 30, 2014 1:41 pm**

עוף השמיים יוליך את הקול. מ'קען קיינמאל נישט וויסען.
אפשר איז גלייך עכ''פ אריינפירען דער אשכול אין שבת אחים, אז עכ''פ עס זאל נישט זיין אויפן אינטערנעט אפען פאר ווער עס איז נישט קיין חבר דא.

נשלח: **דינסטאג דעצעמבער 30, 2014 1:55 pm**

גוטע עצה, אומר ועושה ישר כח

די שאלה איז נאר אויב די חברי השטיבל וועלן דאס זעהן גענוג אז איך זאל באקומען גענוג זאכליכע ריספאנסעס

נשלח: **דינסטאג דעצעמבער 30, 2014 4:47 pm**

איך קען דיר ליידער נישט העלפען אבער איך קען דיר יא זאגען וואס נישט צו טוהן
גיי נישט צו די פארשאלטענע שלום בית מאכערס וואס "טוען דערין"

נשלח: **דינסטאג דעצעמבער 30, 2014 6:31 pm**

איך בין נאמב פון דיין מעשה! שפראכלאז!

אבער דאס יא, לאז ארויס די שלום בית מאכערס און די טערעפיסטן! זאל זי (און דו) גיין צו א לייף קאוטש אויב עפעס, זיי האלטן דיך נישט האסטידזש און האסט מער שאנסן דארט צו מצליח זיין. אלעס נאר לדעתי הענייה

נשלח: **דינסטאג דעצעמבער 30, 2014 7:03 pm**

פון דיינע תשובת וואס די אנטווארסט כאף איך דע פיקטשער וואס ביי דיר (איר) גייט פאר (אזוי מיין איך), איך ווייס אזא פאל ביי מיין משפחה וואס עס העלפט נישט גארנישט, מ'קען צי איר רעדען אין מסביר זיין אין אויפקלערן, אבער זי האלט זיך ביי איהרס, אין אויב מ'פרעבירט אויס מיט שטרענגס מאכט מען נאר ערגער, איך ווייס נישט ווי פול יארען די ביסט שוין ציזאמען, פון וואס איך רעד איז שוין דא כמעט צוואנציג יאהר, דאס ווערט נישט בעסער נאר ערגער, עס האלט דארט וואס זי זאגט, אז זי וויל זיך גט'ן, אין אויב מ'זאל דעם מאן דערציילען אירע מחשבות? גלייב מיר, דאס ער וועט זיך ציכאפען דער צי, עס איז נישט גרינג, די זאכען דארפמען זיך א דארעך רעדען מיט דע ריכטיגע פראפעשנעלס, נישט מיט יעדען ווי וואס ווען,
ווען איך בין געווען ביי זייער תנאים האב איך אויף עם רחמנות געהאט, ער האט נישט געוויסט וואס אויף עם ווארט, איך ווייס נישט אויב מ'מעג אזא איינע חתנה מאכען,
איך פארגלייך נישט דיין פאל צי מיין משפחה מ'מיז קלאר וויסען אלע צדדים, די דערציילסט אויך נישט אלעס אין איך אויך נישט,
קיינער דא אין שטיבל זאל נישט טייטשן אין קלערן אין מיינען, ווער וואס אין ווען, ווייל דע בילד איז ווייט נישט וואס מע פארשטייט, איך שרייב "משפחה" דאס מיינט נישט דווקא,
איך אנטווארט דא פאר משה'ן אין איין וועגס אויב איז נאך איינער איז אין אזא פעקל זאל ער זען דעס ער איז נישט דער איינציגסטער, אויך איז דא פעלער וואס זי לייגט אהן דע שילד אויף עם, אין ער גלייבט איהר אין פילט זיך שילדיג אין ווייסט נישט וואס נאך ער זאל טאהן הערשט יארן שפעטר כאפט ער אין זעט איין דע ריכטיגע צרה, פארשטייט זיך אז פארקערט איז אויך דא, וואס דער מאן איז דער פראבלעם,

נשלח: **דינסטאג דעצעמבער 30, 2014 8:59 pm**

קרעקער האט געשריבן:איך קען דיר ליידער נישט העלפען אבער איך קען דיר יא זאגען וואס נישט צו טוהן
גיי נישט צו די פארשאלטענע שלום בית מאכערס וואס "טוען דערין"

עפעס האסטו די שוין אפגעבריעט, איך וואלט זייער הנאה געהאט צו הערן וואס די האסט צו פארציילן, ביטע אויב די האטס קאראש שרייב דיין מעשה פארשטייט זיך ברמז אז קיינער זאל נישט קענען כאפן

נשלח: **דינסטאג דעצעמבער 30, 2014 9:00 pm**

שעפטל האט געשריבן:איך בין נאמב פון דיין מעשה! שפראכלאז!

אבער דאס יא, לאז ארויס די שלום בית מאכערס און די טערעפיסטן! זאל זי (און דו) גיין צו א לייף קאוטש אויב עפעס, זיי האלטן דיך נישט האסטידזש און האסט מער שאנסן דארט צו מצליח זיין. אלעס נאר לדעתי הענייה

וואס איז דער חילוק צווישן א טערעפיסט אין א לייוו קאוטש?

נשלח: **דינסטאג דעצעמבער 30, 2014 9:08 pm**

elter-zeide האט געשריבן:איך ווייס אזא פאל ביי מיין משפחה וואס עס העלפט נישט גארנישט, מ'קען צי איר רעדען אין מסביר זיין אין אויפקלערן, אבער זי האלט זיך ביי איהרס, אין אויב מ'פרעבירט אויס מיט שטרענגס מאכט מען נאר ערגער, וכו' עס האלט דארט וואס זי זאגט, אז זי וויל זיך גט'ן, אין אויב מ'זאל דעם מאן דערציילען אירע מחשבות? גלייב מיר, דאס ער וועט זיך ציכאפען דער צי, וכו' ווען איך בין געווען ביי זייער תנאים האב איך אויף עם רחמנות געהאט, ער האט נישט געוויסט וואס אויף עם ווארט, איך ווייס נישט אויב מ'מעג אזא איינע חתנה מאכען,
איך פארגלייך נישט דיין פאל צי מיין משפחה מ'מיז קלאר וויסען אלע צדדים, די דערציילסט אויך נישט אלעס אין איך אויך נישט,
וכו' אויך איז דא פעלער וואס זי לייגט אהן דע שילד אויף עם, אין ער גלייבט איהר אין פילט זיך שילדיג אין ווייסט נישט וואס נאך ער זאל טאהן הערשט יארן שפעטר כאפט ער אין זעט איין דע ריכטיגע צרה, פארשטייט זיך אז פארקערט איז אויך דא, וואס דער מאן איז דער פראבלעם,

פון דיינע ווערטער זעהט מיר עפעס אויס אז די רעדט'ס פון א פרוי אן אביוזער און א שלעכטיקייט, די שרייבסט 'זי האלט זיך ביי זיך', מיין ווייב האלט זיך בכלל נישט ביי זוך, זי איז אזוי שיין פאלגעדיג, און וואלט גערן געלאפן צו טוהן וואס איך הייס איר אויף אלע פיר, און אלע אנדערע ענינים זעה איך דאס בחוש (נישט אז איך פרוביר איר אויסצוניצן אבער) זי וועט טוהן אלעס וואס איך בעהט ווילאנג עס קומט צו עמאציניאלע געשעפטן, דארטן איז זי פשוט נישט אינדעהיים און כפי הנראה פארשטייט זי נישט וואס איך רעד בכלל, און זי קען נישט עסן וואס אך גיב איר.

איך וואלט געווען זייער דיסעפוינטעד אז איך ווער געוואויר אז מיין ווייב וויל זיך גט'ן, איך האב איר ליעב, און איך בין פראוד פון איר אויף די פראגרעס וואס זי האט געמאכט ביז אהער, איך האב נישט קיין עקטיוו גיהנים ביי מיר אינדעהיים יעדן טאג, עס פליען נישט קיין טעפ, עס איז פשוט פארטריקענט אויף א געפערליכע אופן, ווען איך זיך אזוי שטארק איר לאוו און זי פארשטייט בכלל נישט די שפראך וואס איך רעד

elter-zeide האט געשריבן:עס איז נישט גרינג, די זאכען דארפמען זיך א דארעך רעדען מיט דע ריכטיגע פראפעשנעלס, נישט מיט יעדען ווי וואס ווען,

אפשר זאגסטו מיר טאקע וועם די וואלסט געראטן איך זאל זיך ווענדן?

נשלח: **דינסטאג דעצעמבער 30, 2014 9:38 pm**

איך רעד אויך נישט פון א עביוזער, איך רעד פון איינע וואס גלייבט נישט אז איר קען מען ליב האבען, וועם די קענסט דיך דארעך רעדען? איך קען אויף דעם נישט אנטווארטען, עס איז דא ארגאניזעשענס וואס קענען רעקאמענדען דע ריכטיגע אדרעסן, אין קראנהייטס איז דא וואס ווייסען, אויך אין בארא פארק איז דא, אין ווילימסבורג ווייס איך נישט,

נשלח: **דינסטאג דעצעמבער 30, 2014 11:59 pm**

משה לייזער האט געשריבן:
שעפטל האט געשריבן:איך בין נאמב פון דיין מעשה! שפראכלאז!

אבער דאס יא, לאז ארויס די שלום בית מאכערס און די טערעפיסטן! זאל זי (און דו) גיין צו א לייף קאוטש אויב עפעס, זיי האלטן דיך נישט האסטידזש און האסט מער שאנסן דארט צו מצליח זיין. אלעס נאר לדעתי הענייה

וואס איז דער חילוק צווישן א טערעפיסט אין א לייוו קאוטש?

סאיז שווער צי מסביר זיין די חילוק צווישען א לייף קאוטש און א לייסענסט, עקפעריענסט טעראפיסט ווייל די חצוניתדיקע חילוקים זענען זייער דקותדיג הגם די פנימיותדיגע זענען גאר ברייט. א טעראפיסט איז נישט איינער וואס טאנצט אריין אין ארויס אין זאכען כפי זיין טאגליכע געמאט,ער מיז אדורך גוטע טרעינינג, באקומען ערענסטע ביקורת פין געלערענטע דקטורים, אויסארבעטען זיינע אייגענע נפשיתדיגע צרכים אין supervision. א גיטע טעראפיסט איז איינער וואס איז אויך אינוועסטעט אין פערזענליכע טעראפי כדי אז ער זאל קענען גיט אויסהערען אין באמת פארשטיין א צווייטענס צער.

רוף Relief 718-431-9501
א ארגעניסאציע וואס וועט דיך קאנעקטען מיט א גיטן licenced דאקטער/טעראפיסט. זיי שיקען אסאך היימישע פרויען אין אינגעלייט צי מאנהעטען ווי זיי באקומען וואכענליכע טעראפי סעששינס פין גיטע דקטורים (סיי אידען אין סיי גוים, וואס זענען באקאנט מיט די היימישע עולם גאר גיט). פארשטייט זיך דאס דארף זיין א גיטע match. אבער הייב אהן. זאל זי זיך עהרענסט טרעפן (מיט דיר ציזאמען) פאר 6 חדשים אין נאכדעם וועסטו זעהן ווייטער. לייג אוועק אביסל געלט אבער.

נשלח: **מיטוואך דעצעמבער 31, 2014 12:21 am**

‏משה, איך בין ווערטערלאז..
‏זייער הארציג אראפגעשריבן. מיין הארץ גייט אויס פאר דיר.

א גוטע עצה ארויסצובאקומען אויב דא רעדט מען פון אמת'ע עביוז איז צו גיין צו א היפנאטייזער. דעי חברה קענען אויפשפילן די גאנצע יוגנט ווי אין א ווידיאו.

נשלח: **מיטוואך דעצעמבער 31, 2014 5:33 am**

משה לייזער האט געשריבן:גוטע עצה, אומר ועושה ישר כח

די שאלה איז נאר אויב די חברי השטיבל וועלן דאס זעהן גענוג אז איך זאל באקומען גענוג זאכליכע ריספאנסעס

מ'דארף רעדן מיט די גבאים זאלן דאס מסדר זיין עצהיו"ט.
[tag]קעלנער[/tag] [tag]באריסטא[/tag] [tag]גבאי[/tag]

נשלח: **מיטוואך דעצעמבער 31, 2014 12:05 pm**

משה לייזער האט געשריבן:
פלאוויוס האט געשריבן:דיינע שילדערונגען פון בענקשאפט איז נישט קיין מאדנע פאקט, נאר עס צייגט ווייטער אויף א גוטער נשמה - וואס פארט זיך אגב זייער גוט מיט דיין עטוואס-צוריקגעצויגענעם כאראקטער, וואס דו האסט געשילדערט אינעם לאנגען אריינפיר צו דעם אשכול.

איך וויל נישט פארפארן פון די שמועס אבער סתם נייגעריג מיט וואס די צוויי זאכן האבן שייכות...

אנטשולדיגט פאר'ן נישט ענטפערן נעכטן. איך בין געווען שטארק פארנומען.

וואס איך האב געמיינט צו זאגן איז אזוי: עמאציאנעלע מענטשן האבן געווענליך א מער ערנסטן צוגאנג צום לעבן. זיי זענען מער עמפינדליך (ווייל אפילו לייכטע געשעענישן אין לעבן האבן א שטארקן געוויכט אין זייערע אויגן), און אפט מאל וועלן זיי אויך מער ליב האבן צו זיין מיט ווייניג מענטשן וואו ס'איז דא שטילקייט, ווי איידער ארויסצוגיין צווישן גרויסע מאסן. ביי מענטשן מיט דעם כאראקטער פארנעמט אידעאלאגיע א משמעות'דיג פלאץ אין לעבן, צוליב דעם פארשטאנד אז פאר'ן אמת און פאר'ן יושר איז ווערט צו ליידן! דאס איז דער כאראקטער פונעם קינסטלער (ארטיסט), פונעם מאלער, פונעם שרייבער און פאעט, וועלכער זעט נישט די וועלט אין טרוקענע געגנווערטיגע טערמינען, נאר ער האט א ראמאנטישן, אידעאליזירטן בליק אויף אלץ און אלעמען, און ער בענקט נאך א בעסערער וועלט.

די אנטי-טעזע צו דעם כאראקטער איז דער ארויסגייענדיגער, לעבהאפטיגער "עסקן", וואס קען אנקניפן קשרים אין מינוטן מיט סיי וועמען, און ער געניסט פון גרויסע מאסן פון מענטשן. די קשרים וואס דער "עסקן" מאכט זענען געווענליך זייער אויבערפלעכליכע (בשעת די קשרים פונעם ערשטן טיפּ זענען טיפע). דער "עסקן" געניסט פון כבוד, און זיינע געזעלשאפטליכע באציאונגען זענען באזירט איבערהויפט אויף דעם געשמאק פון אנפירן זאכן. דאס הייסט נישט אז יעדער עסקן געהערט צו דער קאטעגאריע, נאר איך רעד וועגן א געוויסן טיפ וואס ווערט נאטירליך מער צוגעצויגן צו עסקנות. אין דער אלגעמיינער וועלט וועט דער טיפ ווערן צוגעצויגן צו פאליטיק, און פון דא קומען אפט ארויס די קארופטירטע פאליטישאנס וואס מאכן כסדר העדליינס (אין אונזער וועלט זענען די עסקנים געווענליך די יעניגע וואס שטופן די רעדער פון געזעלשאפטליכער קארופציע, בשעת די אידעאליסטן ווערן פארשריגן, און זיי האבן נישט די קוראזש צוריקצושמייסן... וד"ל). פארגעס נישט אז דער ארטיסטישער טיפ זוכט נישט אריינצוגיין אין פאליטיק בכלל, ווייל דאס איז א פעלד וואס שטויסט אים אפ.

ס'איז אודאי נישט ריכטיג אראפצומאלן די וועלט אין שווארץ-און-ווייסע פארבן, ווייל רוב מענטשן האבן א געמיש פון ביידע פערזענליכקייטן (ווי אויך פון מערערע אנדערע פערזענליכקייטן מיט וועלכע איך בין נישט באקאנט), אבער מיין כוונה איז נאר אראפצושטעלן צוויי ארכי-טיפּן, און ס'פארשטייט זיך אליין אז איך רעד נישט אין אבסאלוטע טערמינען. איינער האט מער פון דער זייט און איינער האט מער פון יענער זייט, און דאס דערקענט זיך אין פארשידענע אספעקטן פונעם לעבן. ווען איך האב געזען דיין שרייבן, די ווערטער וואס דו נוצט, און דער צוגאנג וואס דו האסט צום לעבן בכלל און צו חתונה-לעבן בפרט, האב איך געשאצט אז דו געהערסט צו דער ערשטער קאטעגאריע. אייגנטליך קען איך שווערן אז ס'איז אזוי!

אגב, ווען דו זוכסט א פסיכאלאג פאר שלום-בית וואלט איך גע'עצה'ט זאלסט זוכן א מענטש פונעם ערשטן טיפּ. אז נישט קען זייער מעגליך זיין אז ס'זאל זיין צווישן אייך א בראוקינג טעלעפאן, פשוטו כמשמעו.

משה לייזער האט געשריבן:
פלאוויוס האט געשריבן:האסטו גענומען אין באטראכט ארויסצופארן אמאל אינאיינעם מיט דיין ווייב? מאך א רייזע מיט איר קיין מיאמי, קיין שווייץ, אדער אן אנדערע פאסטורלישע ווינקל אין דער וועלט. די שטילע ווינקלעך אין שויס פון נאטור, דארט וואו קיין מענטשליכער נפש זעט זיך נישט ארום, איז גאר מסוגל אויף צו לאזן די הערצער זיך צועפענען.

יא איך האב דאס שוין קאנסידערד אבער ביזדערווייל האט זיך דאס נישט אויסגעארבעט, אבער איך מיין אז די האסט א שטארקע פוינט מיט דעם, זעהט אויס אז איך האב נאכנישט געטוהן אלעס וואס איז אין מיין מעגליכקייט צו טוהן, אבער איך וואונדער זיך אויב אוועקפארן וועט טאקע מאכן די זאך, ווייל באמת האט זי א יסודות'יגע פראבלעם מיט איר בעקגראוינד און אירע מענטל אילנעסעסס, אוועקפארן קען זייער מעגליך געבן א שטופ אויף פאראויס אבער עס קען נישט עוקר זיין הדבר משרשו

ס'איז זיכער כדאי זיך צו מאכן אן עקסטערן בודזשעט אויף אוועקצופארן פון צייט צו צייט. ס'איז נישט קיין לוקסוס, נאר א קריטישע זאך אין לעבן. דאס איז געזאגט געווארן פאר יעדן פארפאלק, נישט נאר ווען ס'איז דא אנגעשטרענגטע באציאונגען.

נשלח: **מיטוואך דעצעמבער 31, 2014 12:56 pm**

@פלאוויוס יו האסטו גוט ציגעטראפן צו מיין כאראקטער. WOW JUST WOW

נשלח: **מיטוואך דעצעמבער 31, 2014 1:33 pm**

א גיטן ר' משה לייזער
קודם זאלסטו וויסן אז איך האב שטארקע מיטגעפיל מיט דיר, איך ווייסט נישט צו איך אדער אנדערע וואלטן דאס געקענט מיטמאכן.....
אויך וויל איך מודיע זיין איך בין נישט קיין פראפעשינאל.... נאר איך וויל פשוט פארשטיין ווייל עפעס מאכט עפעס נישט קיין סענס מיט דייו סטארי, איך נאר נישט וואס (קען זיין ווייל די האסט עס בדוקא פארדרייט וועגן גילוי ח"ו).. איך האף אז די וועסט זיך נישט באליידיגען... שרייבסט דאך אז ווילסט הערן תגובות... און אפשר וועט ארויס קומען א טובה..
איך האב מורא אז די ביסט נאכנישט צוגעקומען צום אמת אדער דער שורש פונעם פראבלעם ווייל די אלע זאכן וואס דו פארציילסט וועגן דיין שווער מאכט נאכנישט אזא מין עפעקט אז דיין ווייב זאל נישט קענען אנהאלטן א נארמאלע שמועס אהין און צירוק מיט נארמאלע קאמיוניקאציע, איך רעד בכלל נישט וועגן לאוו וכו. מיט עמאושענעל און פילינגס.. איך רעד פון פשוט פון שמועסן נארמאל.. זאל שוין זיין אז זי האט מורא געהאט פון דיר אין אנהייב מיט נאך אביסל אבער עד היום הזה? איך האב א פילינג אז זי האט עפעס אן אנדערע "מחלה" וואס מען האט נאכנישט דערמאנט דא (סארי, אבער די ווילסט דאך הערן וואס מענטשן זאגן), ווייל פון א פשוט'ן געזונטען רשעות'דיגן שווער וואס איך גלייב אז עס איז נאכאזעלע ביי כלל ישראל ווערט מען נאכנישט אזא מין דעפעקט אז יארן נאכן חתונה האבן קען מען נישט האבן א בעק ענט פארט שמועס מיט א מאן, חוץ אויב דיין שווער האט איר עביוזט מיט א טרעקטאר טרעלער.. עס קען זיין אז מיט דיין ווייבס מחלה אדער משהו בדומה לו האט פשוט ארויס גענומען דיין שווער פון גלייכגילטיקייט... די זאגסט דאך אז נישט צו אלע קינדער איז ער די זעלבע רשע... דאס געבט אים נאכנישט קיין היתר און ער וועט פלאקערן.. אבער מען זיכט דאך הסבירים...
איך וויל דיר פרעגן, איז שוין דיין ווייב אליין אמאל געגאנגען צו א עכטע פסיכיאטער (מיט) אדער א ריכטיגע סייקאלעג'יסט (וואס האט זיך עכט געלערנט)? אדער נאר 'די' ביסט געגאנגען צו היימישע טערעפיסטן,שלום בית מאכערס, חתן רבי'ס, משגיחים והמסעסף.. איז זי בכלל אין די פיקשער? אדער די ביסט ביזי וועגן איר אגאנצען טאג אבער זי די "חפץ של הפראבלעם" איז נישטא... אפשר קען מען דאס פארעכטן איזי אויב מען זאל נאר ריכטיג דייעגנוזען.. און פארשטייט זיך אויב זי איז גרייט זיך צו לאזן העלפן... אז נישט, דאן הייבט זיך אן די ריכטיגע פראבלעם..
אויך פארשטיי איך נישט וואס די ווילסט פון דיין רבי זאל זיין געזונט, איז ער דען געמאכט געווארן צו פעמפערן און טערעפיסטן איעדער חסיד, חוץ אויב ער האט נאר אכצען און א האלב חסידים.. די דארפסט אן נארמאלע געשמאקן, ערליכן, פארשטענדליכן איד מיט וועם די פילסט זיך באקוועם..
יעצט אויב און בין ראנג דאן בעט איך דיר איבער.. זיי מיר מוחל...

נשלח: **מיטוואך דעצעמבער 31, 2014 2:00 pm**

איך האב טאקע נישט פארציילט אלעס און טאקע וועגן גילוי, און איך שרייב קלאר אז 'יותר ממה שקריתי לפניכם כתוב כאן'

און ניין איך האב קיינמאל נישט געזאגט אז ער האט נישט עביוזט אלע זיינע קינדער די זעלבע אדער נאכמער, (טראץ דעם וואס ביי אים גייט אן דעם משנה זיין בן בין הבנים מיטן גרעסטן פארנעם) איך האב נאר געזאגט אז אפאר האבן זיך ארויסדערזעהן פון זיין אביוז און זיי האבן אריבערגעמישט דעם בלעטל (עכ"פ אזוי קוקט דאס אויס אין מיינע אויגן) אין יא ער האט זיי עביוזט מיט די גרויסע פאדערשטע ציין פון א 'באלדהאוזער'. אבער עס קען טאקע זיין אז די ביסט גערעכט און עס איז דא נאך עפעס באגראבן אונטער דער ערד.

נשלח: **מיטוואך דעצעמבער 31, 2014 2:11 pm**

קאווע שטיבל

איך זיך אן עצה - מיין ווייב ליידט פון עביוז אלס קינד