קאווע שטיבל

יואב האט געשריבן:פאר געוויסע איז דאס ממש א פשטות, ווארום יואב איז דאך בגימטריה "מאדי", מיט דער מ"ם במספר קטן. און פאר די וואס ווילן דוקא שרייבן "מאאדי",  איז דאס יואב מיטן כולל. און אז מ'לייגט שוין יואב'ן אריין אין כולל טרעפט ער זיך אויך אן מיט דעם אויבן-דערמאנטן "הוט".  איך וואלט אבער געוואלט בעטן מ'זאל מיך ארויסלאזן פון דעם כולל, איך גלייב אז דאס לעבן וועט מיך זיין באקוועמער אן אים.

יואב, איך האב נישט די ווערטער אין מויל! האבן מיר הייסט עס טאקע זוכה געווען אז שלום עליכם, אדער א גלגול זיינער, זאל זיך מיען צו באשרייבן אונזער היינטיגן לעבנסשטייגער?

די לעבעדיגע שילדערונגען, די מליצות, די פארגלייכונגען (ברייטער הוט = אינטערנאציאנאלער לופט-פעלד; די פארשוואנגערטע חלה, און דער הוט וואס איז נאך גרעסער פון דעם...), יעדעס איינע פאר זיך איז פול מיט אידישער פאלקסטימליכקייט און פארדינט א מעדאל.

אן ערשטקלאסיג ליטעראריש ווערק, אויב מיין ארעמע אפשאצונג איז ווערט עפעס.

פלאוויוס האט געשריבן:יואב, איך האב נישט די ווערטער אין מויל! האבן מיר הייסט עס טאקע זוכה געווען אז שלום עליכם, אדער א גלגול זיינער, זאל זיך מיען צו באשרייבן אונזער היינטיגן לעבנסשטייגער?

די לעבעדיגע שילדערונגען, די מליצות, די פארגלייכונגען (ברייטער הוט = אינטערנאציאנאלער לופט-פעלד; די פארשוואנגערטע חלה, און דער הוט וואס איז נאך גרעסער פון דעם...), יעדעס איינע פאר זיך איז פול מיט אידישער פאלקסטימליכקייט און פארדינט א מעדאל.

אן ערשטקלאסיג ליטעראריש ווערק, אויב מיין ארעמע אפשאצונג איז ווערט עפעס.

חזו מאן דקא מסהיד עליה. אנטשולדיגטס פאר'ן שרייבן טערקיש. אדער אראמיש. קוקטס ווער ס'זאגט איידעס (עדות) אויף איהם (יואב). דער סאמע געווינער פון דעם סופערבאול פון פאעזיע פארמעסטן. דער "שושנים" קאנטעסט. דער הער פלאוויוס בכבודו ובעצמו. און אז ער זאגט מעגט עטס גלייבן...

אזא שפראך, אזא רייכע דמיון, די אויסדריקן אין די בייפעלער, פויפויפוי
איינס אין די וועלט !!

יעצט געענדיגט דורכליינען בעיון. אן ארטיקל איינס אין די וועלט. דער [tag]יואב[/tag] האט עפעס א שפראך און כח הדמיון וואס איז שווער צו געפינען.

איך וואלט געזאגט אז [tag]יואב[/tag]'ס כח ליגט אין באבאכטן מענטשען. ער כאפט אויף ניואנסעס וואס ביי א צווייטער רעדזיסטערט בכלל נישט. ער שרייבט נישט קיין דמיון. ער שרייבט רעאליטעט. א רעאליטעט וואס קיינער באמערקט נישט עד שיואב מאיר את עיניהם, שנאמר וכו'.

און נאך א שטארקע כח איז דער כח הדמיון והמשל, צו פארגלייכן יעדע זאך צו זיסע מאדנע משלים.

צב"ש,
- איינגעהילט אין זילבער-פאפיר ווי א דריי יעריגס אינעם טלית
- דער שטורעם, הגם שוין אין א מער מילדן זין, ווילדעוועט נאך אלץ איבער די גאסן מיט א ברויזנדן הפקרות, ווי א בייז-פאר'ייאוש'טן דיבוק וואס האט זיך שוין געבראכן צו די מקובלים אבער קען זיך פארט נישט דערשלאגן צום קליינעם פינגער
- ער שווימט אין זיינע בגדים א צעמישטער, ווי א קליין פישל פארכאפט אין א בעקעלע מיט קאטשניו וואס לאזט זיך נישט פארגליווערן אבער איז אויך נישט פליסיג
- די געהירן זענען צוליב תרי"ג סיבות שוין צעהאקט און צעטראטן געווארן ווי דעם עמלק נאך אן אויסגעקלארטער זכור-זכר נעפלדיגער דילעמע
- זיינע פונק-שפריצענדע אויגן קריכן ממש ארויס פון זייערע ראמען ווי אן אנגעבראכענעם שיכור וועמענס ווילדן פרואוו צו טרעפן א מנין מעריב שושן-פורים פארטאגס האט זיך אויסגעלאזט אומדערפאלגרייך
- אזש נשמת רוח אפו הענגט ביים שפיץ ווי א זעלבסטמערדער אויף דער צוים פון א בריק אין זיינע לעצטע רגעים
- ווי אן אויסגעצויגענע גומע-באנד וואס גייט אט דורכלעכערן די אומשולדיגע בעקעלעך פון א פאר'גולמ'ט קינד
- זיינע בייז-קריצנדע פיפיות'דיגע ציינער וועלכע זענען נישט ווייניגער אין אומשטאנד איינצושלינגען דעם ייצר טוב'ניק ווי דער שלאנג-פארשטעלטער מלאך משה רבינו
- קומט ערשט צו קריכן מיט א הוט אזוי קליין ווי דאס שווארצאפל פון א שטיקל כרפס

וכדומה הרבה,
נקוט האי כללא בידך, ווען אימער דו טרעפסט דעם ווארט "ווי" אין א יואב ארטיקל, קומט אן אויספלאץ...

זייער רייך באשריבן. אינטערסאנט, מיט א שטארקער כח הדמיון צו ממחיש זיין מחשבות. אבער קריטיק מעג איך אויך געבן? עס שפירט זיך ווי א טעלער געשמאקער זיפ מיט א באקס זאלץ אריינגעגאסן. איבער די מאס אויסדריקן אין איין פראזע, צופיל נעגעטיווס אדער פאזיטיווס אין א סטעיטמענט, און די הומער איז געפאטשקעט. דאס איז מיין מיינונג.

פרייוויליג האט געשריבן:זייער רייך באשריבן. אינפארמאטיוו, מיט א שטארקער כח הדמיון צו ממחיש זיין מחשבות. אבער קריטיק מעג איך אויך געבן? עס שפירט זיך ווי א טעלער געשמאקער זיפ מיט א באקס זאלץ אריינגעגאסן. איבער די מאס אויסדריקן אין איין פראזע, צופיל נעגעטיווס אדער פאזיטיווס אין א סטעיטמענט, און די הומער איז געפאטשקעט. דאס איז מיין מיינונג.

א יישר כח פאר דער קריטיק, באמת. א קאמפלימענט גיבט כח און חשק ווייטער צו שרייבן; קריטיק זאגט אבער וויאזוי מ'זאל ווייטער שרייבן, וואס דאס איז פונקט אזוי צו לכאורה נאך מער וויכטיג.

פון דער באלדיגער קריטיק אבער וואס אני הקטן האב אויף אייערער קריטיק, איז דאס וואס איר שרייבט אז ס'איז געווען "אינפארמאטיוו". מצידי האט מען קיין ערנסטע אינפארמאציע נישט געקענט קריגן דא; אדרבה, אפשר עלאבארירט איר אביסל. און אז איר עלאבארירט שוין, וואלט איך הנאה געהאט אויב איר צייגט מיך אן ביי וועלכן לעפל איר האט געשפירט דאס זאלץ. ס'וואלט מיר געווען א טובה, פאר צוקונפטיגע ארטיקלען. ס'קען זיין אין אישי אויב שפירט איר נישט באקוועם דאס צו שרייבן אין פאבליק.

שכח נאכאמאל

נ.ב. פארגעס נישט אז דא איז שמייכל פארום, נישט קונסט. אבער אפילו אזוי איז דיין קריטיק וועל-טעקען.

פאר מיר איז עס אויך געווען אינפארמאטיוו. עס האט מיר געשאנקען א שפיגל בערך ווי אזוי איך קוק אויס ווען איך הייס מיין בחור'ל אפלאזן זיין הוט...

אינפארמאטיוו? נישט פאסיגער אויסדריק טאקע. זייער אינטערסאנט איז דאס ווארט. יעצט קען מען מאכן פשטלעך אויף די ווארט אינפארמאטיוו. וואספארא אינפארמאציע מען האט געקענט דא יונק זיין.

איך האב יונק געווען נאך א מופת פון תהילם כולל...

און דעס איז נישט סתם א מופת וואס מ'ליינט אין די פלוג-בלעטלעך, דעס איז עפעס וואס אונזער יואב האט אליין מיטגעהאלטן.... ווער לייקענט??....

שיעור פארגעסן, יישר כח יואב! זייער זייער רייך געשריבן, רייכע אויסדרוקן צום וויינען און צום לאכן!! קיפאיראפ!!

פרייוויליג האט געשריבן:אינפארמאטיוו? נישט פאסיגער אויסדריק טאקע. זייער אינטערסאנט איז דאס ווארט. יעצט קען מען מאכן פשטלעך אויף די ווארט אינפארמאטיוו. וואספארא אינפארמאציע מען האט געקענט דא יונק זיין.

פרייוויליג, (און יואב)...! לפענד"ד איז די געאגראפישע אינפארמאציע זייער קלאר יוצא פון די כאראקטער שטריכן פונ'ם טאטן זאל זיין געזונט און שטארק עד מאה ועשרים שנה. וועלכער איז געבוירן און אויפגעוואקסן אין אן אמעריקאנער-אידישע שטוב, וואו אידישקייט איז פראקטיצירט געווארן אויפ'ן שפיץ גאפל. אין די בראשית יארן איז מען נאך געגאנגען לערנען אין פאבליק סקול, אין ראמאפא. שפעטער, ווען די חסידים זענען אנגעקומען, האט מען אנגעהויבן נתקרב צו ווערן צו חסידות, און מ'האט געוואלט ווערן א מעמבער פון די "בני תורה" גרופע. מ'האט נאר נישט געוואוסט וויאזוי. ווייל דער ישיבה בעקגראונד האט געפעלט. אבער יראת שמים האט מען געהאט איבערגענוג. ספעציעל אויפ'ן חשבון פון די בני בית און די קינדער...!

ווען יואב בן צרויה זאל ווען זיין אזוי הומעריסטיש ווי אונזער [tag]יואב[/tag], וואלט מסתם אסאך בלוט נישט פארגאסן געווארן, דער האט מיר געמאכט לאכן ווען איך האב דאס געליינט, ווען איך האב דאס אריינגעלייגט אינעם "פרי עט הדר" און נאכאמאל ווען איך האב דאס געליינט אין יו"ט, איך ציטער צו דאס ליינען ווייל יעדעס מאל קאסט דאס מיר אן אויספלאץ.

און מיר זיצען שוין א יאר צייט מיט די צונג אונדערויסען ווארטענדיג, ווען גייט קומען דאס פשעט'ל זאגען, מיט די שוואגער'ס אריינזינגען, די פעטער'ס פארשטילען די זינגען, די אנדערע פעטער'ס זינגען העכער, דער טאטע'ס קלאפען אויפ'ן טיש, און דער נייע חתן בחור'ס ענדליכע זיך אראפזיצען. און וואס איז מיט באבי'ס קיש? ווען קומט עס? און דאס אנקומען פונ'ם דיין אין מיט'ן א צווייטנ'ס דרשה אינ'ם באגלייטונג פון זיין אייניקעל און זיין שטעקען (צומאל מישט ער אויס די צוויי, פרעג נישט וואס פאסירט ווען ער שרייט אן חיים יוסעל'ע און ער דרייט ניטאמאל זיין טאטענ'ס נאז צו איהם) און ער מוז מזל טוב'ן פונקט בשעת דער דרשן ענטפערט אפ דער מדרש פליאה, און יעדער בלייבט מיט'ן הדא הוא דכתיב אן א לעזונג. און וואס איז מיט די קאלטע יויך און די ווארעמע אייז קרים?
מ'האט אונז געגעבען טועמ'ן פונ'ם עץ הדעת, דער"ס נאו"ו ווע"י בע"ק

Sent from my HTC Desire 510 using Tapatalk

גם אני מצטרף. כ'קוק ארויס יעדן טאג אויף א פרישע תגובה פון יואב. ס'מוז זיך נישט רעדן דוקא פון די בר מצוה, אפילו פון שבעה זיצן איז אויך גוט. אבי עפעס

די זאך איז כ'האב געהאט געדרוקט עטליכע בלעטער אויף "ווארד", עפעס האט זיך דאס געגעבן א גליטש אראפ ווי ס'זאל האבן געטראפן ביי א רייע ניקס אין דער פארגאנגענהייט, און דאס גאנצע ארבעט איז אונטער איין רגע פארשווינדן און אפגעמעקט געווארן ווי עמלק אין א שבת כי תצא. נישט עפעס אזוי ברויך מען זאגן ווען מ'האט אפגעפוילעצט און גארנישט געשריבן? בקיצור, איך בין ביזי, אבער איך בין דא. מ'האמער א סך רויע טייגלעך אין פריזער, אפשר ערגעצוואו אין די שלושים יום פאר פסח עמער דאס אריין שטעלן און אויוון, אפגיסן אביסל טשאקלאד און דאס אראפשטעלן אין שטיבל צוזאמען מיט די נותר און פיגול פון כלל ישראל'ס שלועכמאנעס אויף וועלכע ס'דראעט ליקווידאציע. גענאציד, ניין? יעדעס מאכל מיט א חשש פון חמץ ווערט עלימענירט בלויז צוליב גענעס און ראסע. עניוועי, "עמער זיך גיין לייגן; מארגן איז אויך א טאג" פלעגט מיין פאטער שטענדיג זאגן. מסתם האט ער געוואוסט וואס ער זאגט.

הלו, די אלע לייקס איז נישט פאר די רויע טייגלעך, עס איז געגעבן אין עדווענס פאר פרישע געבאקענע סחורה במוקדם האפשרי.
דרך אגב, כ'מיין קענסט מאכן שיין געלט יעצטיגע אדר טעג מיט אריינשיקן דיינע סחורה צו אידישע אויסגאבעס. לענ"ד קענסטו שיקן דיינע פארטיגע ארטיקלען פון ק"ש

Sent from my SPH-L900 using Tapatalk

יואב האט געשריבן:מ'האמער א סך רויע טייגלעך אין פריזער, אפשר ערגעצוואו אין די שלושים יום פאר פסח עמער דאס אריין שטעלן און אויוון, אפגיסן אביסל טשאקלאד און דאס אראפשטעלן אין שטיבל צוזאמען מיט די נותר און פיגול פון כלל ישראל'ס שלועכמאנעס אויף וועלכע ס'דראעט ליקווידאציע. גענאציד, ניין? יעדעס מאכל מיט א חשש פון חמץ ווערט עלימענירט בלויז צוליב גענעס און ראסע.

[tag]יואב[/tag], מוצא שפתיך תשמור.
אין די אנגעצויגענע זמנים בעפאר פסח, קענסטו זיך איינקויפן עולם הבא דורכן מאכן דעם עולם זיך פריש דערווערגען פאר געלעכטער, פון דיינס א פריש ארטיקל/טייגל פון פריזער.

די פריזער איז געווארן אזוי אנגעשטאפט מיט די טייגלעך, אזש ס'האט זיך פארקלעבט דעם טיר צום פריזער, נ'ער קען זיך נישט קיין עצה געבן.

נו חמץ!! אלע טייגלעך ארויס שנעל פאר פסח!!

און איך הייסט עס האב געברויכט וויסן אז אן אלט כוכב גייט אויפשטיין תחיית המתים מוצאי שושן פורים? די טייגלעך פון פריזער האט שוין די גויטע מעביר געווען.

בל"נ אבער, כ'האלט אינמיטן שרייבן אן עקסקלוסיוו ארטיקל פאר'ן פה-סח. נישט פון פריזער, נאר א פריש שטיקל . #ישן_אלערט

פון די רעדאקציע געבט מען איבער אז יואב'ס ארטיקל זאל נישט געליינט ווערן בהסיבה, מ'קען זיך חלילה שטיקן.