קאווע שטיבל

אויב איינער האט ביז היינט געמאכט דעם טעות כאילו "קאווע שטיבל" איז עפעס א ווירצהויז, איז ער יעצט אויפריכטיג געוואויר געווארן אז "קאווע שטיבל" איז א וועג פון לעבן, א נקודה וואס רירט אן די נשמה פון דעם עם.
יעצט אז די סומאטוכע איז פערטיג קען מען ווענדן דעם גאנצן קאנצענטראציע פאר "פה-סח". די רעדאקציע קען נישט גאראנטירן ווילאנג די טירן וועלן נאך זיין אפן פאר פרישע סחורה.
שיקט אריין אייער ארטיקל ווי אמשנעלסטנס.

ככככ כ'ווייס שוין נישט וואס די וויץ איז. כ'האב מורא אז ס'איז טאקע דא א נייע גייסט אין שטיבל און דער אשכול איז גאר די וויץ. אלנספאל, כ'האלט אינמיטן עפענען א נייע פארום "טיי אווענט". #סגעהערט א מעשה

בכגון דא זאגט מען:
די אפעראציע איז געלונגען - אבער דער פאציענט איז געשטארבן!

תמצית: די חברי השטיבל האבן א דינע הויט. א שוואכע פיוז, א קורצן טעמפער, א שוואכן חוש פאר הומור!
א שנעלן ריספאנס, פאראנויע פון הויכן קאליבער, קאפלעקס אז יעדער וויל אונז אונטערברעגען...

@קינד_און_קייט. און @אסף_המזכיר... JOB WELL DONE

פאר אזא וויץ איז נישט קיין וואונדער אז מ'האט גענומען א "קינד" פאר א גבאי

מ'טאר עכט נישט שפעקעלירן אין די אידענטיטעט פון ניקס, אבער אזוי נישט אום שבת גערעדט האב איך חששות אז קינד און קייט איז גאר דער מלך ההומאר, פינקי וועבער אליין. וויפיל הוגה און אני הקטן ווילן אראפרייסן די מייסטערהאפטיגע געלונגענע וויץ ווייסן מיר דאך יא אז אזא וויץ קומט נישט פון סתם פארפאטשקענען די צייט. ס'איז זיכער אז קייט און אסף האבן גראדוטירט הומאר-שולע און רעדן זיך דורך מיט דזשימי קימעל אן דעילי בעסיס. וואס איך פארשטיי נישט איז פארוואס דער מאמענט האט געברויכט איטערוויוען טורקס און נישט אסף אליין. אוי יוזל כ'שטיק מיר פאר געלעכטער!! חאחאחאחא!!!!

יענץ געלעכטער, ס'האט מיר געקאסט געלט. כ'האב געקויפט א domain פאר א נייע פארום.

@אסף איז לכאורה טורקס אליין.

פליקער האט געשריבן:און נאך צוויי ל"ע "נא"

קינצלעריש!

רבותי עס איז נאך אנמיטן, אפריל 1 איז נעסטע וואך דעמאלטס קומט די עכטע אויפדעקונג, סטעי טונד לאזט זיך נישט פארפירן !!!

מען פירט זיך טאקע צו טוישן די בעטטעריס פאר פסח..

[center]GET OVER IT!!![/center]

שמעקעדיג האט געשריבן:נאך אן אבזערוואציע:
די אוואטאר מענטשעלעך פון שטיבל (אויבן) האבן אנגעהויבן פלאפלען.
.

איך זעה אז די מענטשעלעך זענען שוין נמאס געווארן פון די נושא, זיי שמועסן שוין ווייטער אנדערע ענינים.

מיר האט מען אויסגעלערנט פאר די חתונה אז אפילו ווען קען זיך נישט איינהאלטן און מען מוז עפעס אריינפליקן די ווייב, זאל מען עס אבער טון אויף א וועג אז עס זאל איר נישט גיין עד דכדוכה של נפש, אז זי זאל דאס נאך קענען נאכדעם פארגעסן ווען מ'בעט זיך איבער.
זעט אויס אז דער אפריל-מוקדם וויץ איז טאקע געגאנגען צו ווייט.

אגב, גוגל האט פאריאר אפריל דער ערשטער צוגעשטעלט א קאווע שטיבל ביי יעדן אינדערהיים...

[youtube]http://www.youtube.com/watch?v=U2JBFlW--UU[/youtube]

לידיעה בעלמא, מיין אשכול איבער צענזורירן די מינאראטעטן האט קיין שום שייכות נישט מיט די שפיציגע וויץ פון די אנגעצויגענע לעצטע דריי טעג. ס'איז פשוט זיך אזוי אויסגעקומען אז די טעמע אדרעסירט אין מיין קורצע ווענדונג איז פונקט ארויפגעשווימען בין הדברים וואס זענען געווארן אויסגעלופטערט בדרך אגב און דערפאר האב איך געהאלטן אז ס'איז א זמן מוכשר צו ברענגן די טעמע פארן פאבליק'ס עטענטשען. דאס מיינט און קורצן, די פראבלעם איז נאך רעלעווענט. מיך האט מען 'נישט' געבעטן מיטצושפילן ווען מ'האט דא פארפאטשקעט מיינס א באשרייבונג און אזוי מיט אנדערע וואס גייען אדורך די פיינפולע סעלעקציעס דא אין שטיבל, ביי זיי איז אויך נישט אפריל אויפן קאלענדער.

מורי ורבותי איך וויל דא מיט טיילען א מעשה שהי'
ווען איך בין געווען א קינד האב איך אמאהל מיט די עצת מרגלים פון מיין מאמע לאוי"ט מיטגענימען מיין ברידער צו א קלאס שבת פארטי ביי א חבר שבת נאכמיטאג. כנראה האט די מאמע זאל לאנג לעבען זיך געוואלט לייגען שלאפען האט זי מיר מכבד געווען מיט א מצוה.
מיינע חברים האבען נישט געשמעקט אז איך האב מיטגעברענטג מיין ברידער'ל א קליינע פימפענאטע האבען זיי איהם געטשעפעט און געריפען "קליינע בעיבי". מיין ברידער האט עס נישט אויסגעהאלטען האט ער זיי געזאגט "נאר איך בין א בעיבי? מיין ברידער (אני הקטן) גייט שלאפט מיט א צאמי ביינאכט.... מער האט נישט אויסגעפעהלט (איך האב נאך געהאט בעק אופ מיינע חברים וואס איך האב געדארפט חנפ'נען) און איך האב גוט צושלאגען מיין ברידער בפני קהל ועדה מיט די הילף פון מיינע חברים.
ווען איך בין אהיימגעקמען און מיין טאטע האט מיר געפרעגט היתכן? האב איך געזאגט: טאטי עס איז נאר געווען א דשאוק! און איך ברויך נישט דערציילען צו מיין טאטע האט געקויפט מיינע לאקשען געבאקען אדער פריש געמאכט נאך פסח.

אט דאס איז דא געשעהן א נייע מנהל ר' אסף האט געוואלט ווייזען בעלות (אדער געוואלט טרייען די סיסטעם, יא אונז געדענקען נאך ווען יעדע איינער פון אונז האט אויספראבירט צו זעהן אויב ווען מען לייגט די לייט סוויטש פונק אינמיטען אויב עפענט זיך די לעקטער צו נישט.....) און האט אונז אלע אנגע'מקל'ט (די טייערער ניקס) און שפעטער ווען ער האט איינגעזעהן אז עס איז צרות זאגט ער "סארי עס איז געווען א דשאוק................."

ודפח"ח

נתן, ווען ס'ווען נישט אויפן קאלאנדער א וואך פאר עפריל דעם ערשטען וואלט איך געזאגט ביסט גערעכט

א פחד וואס מ'קען טהון מיט א ציבור און דער ציבור זאל זיך נאך לאזן... איך פארשטיי אבער נישט פארוואס איינער זאל בכלל ווערן אנגעצויגן, פרידאם אוו ספיעטש איז נישט עפעס וואס מ'געט, אייוועלט געט נישט, ק"ש געט יא, פרידאם אוו ספיעטש נעמט מען זיך אליין! אויב אין ק"ש איז דא צענזור איז אויס ק"ש נישט אויס פרידאם, דאס פריי ווארט וועט אייביג איבערלעבן! און קיינער קען עס נישט אוועקנעמען.

ובחדא מחתא וועל איך זיך שוין באדאנקן פאר די הנהלה וואס געט אזא ווארימע אכסניא פארן פרייען ווארט, אבער ווי די וועלט זאגט אונטער יעדער וויץ ליגט אביסל אמת, מען דארף מוחה זיין אויף די איינצעלנע אינצידענטן ווי מנהלים בעיקר די חודש גבאים טהון מעקן אדער פארעכטן, דאס איז א מעילה בהקדש ועון בל יכופר!

שוין, אז דער וויץ איז שוין פאריבער, לאמיר אריינווארפן מיינע צוויי צענט.
עס איז א שיינע זאך אז דער/די מנהל/ים האבן געוואלט פרייליך מאכן דעם עולם לכבוד אפריל דעם ערשטן, איך אפרישיעיט זייער אנשטרענגונג, כאטש ווי אנדערע האבן שוין אנגעמערקט, וואלט געמעגט אריינגיין מער פלאנירונג אזוי אז עס זאל מאכן סענס.
אבער ווי זאגט לעיקוואוד, פטור בלא ביקורת אי אפשר. עס שטערט מיר נישט אז מען האט געמאכט א וויץ, אדרבה, ס'איז אפשר א זיסע זאך. אפילו דאס וואס דער וויץ איז געווען אויפ'ן חשבון פון די פרה קדושה פון "דמוקרציה" (כנוסח הגאון בעל אגרות משה) וואלט איך אויך אראפגעשלינגען. וואס שטערט מיר אז א וויץ דארף האבן א נארמאלע בדחן, מ'קען זיך נישט עפענען א ניק מיט א כלומר'שטע אדער אמת'ע נייע מנהל, אנמאכן א מהפיכה, און נאכדעם ארויסגיין א צופרידענער און זיך קלאפן דעם בויך. ר' אסף טייערער, ווער אימער דו זאלסט נאר זיין, אויב דו ווילסט מאכן א וויץ פון דעם עולם, האב כאטש די כדורים עס צו טון אויף דיין אמת'ן ניק. נו, פארשטייט זיך אז ער האט צוואנציג אנדערע ניקים, גיי ווייס וועלכע איז די אמת'ע.
ווען עס איז לעצטנס געווען דער שמועס וועגן גילוי, האב איך מיך געהאלטן דאס מויל און נישט געזאגט מיין אייגענע מיינונג, פשוט ווייל איך האלט אז סיי די מחמירים און סיי די מקילים האבן איבערגעטריבן. ידאס איז א פערסאנעל החלטה וואס יעדער דארף מאכן פאר זיך. אבער געוואלד, מיר האלטן דאך נאך סאך פריער. ווער רעדט פון שרייבן די אייגענע נעמען? קודם זאל מען אויפהערן פארדרייען א קאפ מיט די הונדערט און איינס ניקים, שיקן די איידעלע בקשה מיט איין ניק און די שטרענגע בקשה מיט א צווייטער ניק. זיך אהערשטעלן אלס א פרומער אויף איין ניק און אלס אן אויפגעקלערטער אויף א צווייטער. איך פארשטיי אלע מיינען בלויז לשם שמים, אבער אפילו ווען דאס איז אמת, דער ציל הייליגט נישט די מיטלען, בפרט ווען ס'איז אויף א קביעות'דיגער אופן.
דאס, און נאר דאס, איז מיין פראבלעם מיט קאווע שטיבל. דאס אנאנאמיטעט ווי יעדער קען שפילן אויף דעם צווייטנס נערוון פארגרוילט מיר דאס פלאץ דא אין אלגעמיין, און דער געשעעניש האט היבש איבערגעצויגן דאס שטריקל. יא, מען מאכט טאקע לעבעדיג, מען שיקט איין ניק צו מעלדן מען שרעקעדיגע מודעות, א צווייטן שיקט מען אונטערהעצן וועגן די שרעקליכע עולה, א דריטן מוחה זיין, און אזוי ווייטער.
אנטשולדיגט, דאס איז נישט אן אפריל פול'ס וויץ. דאס איז ביליגע אפנארעריי. און כדי צו אויסדרוקן מיין מחאה דערויף מאך איך א נדר אז איך קום נישט אריין אין שטיבל פאר א וואך צייט, (לכל הפחות נישט מיט מיין אויפגעקלערטע "יאיר" ניק ).

די קענסט נאך שנעל מחליט זיין נישט ארויסצוגיין כדי נישט עובר צו זיין אויף דיין נדר

היות אסאך זאגען לעצטנס דא מיט א פשטות אז יעדער האט דא אפאר ניקס וואלט איך געוואלט בעטן באווייזן אויף דעם. איך האב נישט נאך א ניק און ס'מיר נישט בייגעפאלען צו האבן נאך ניק ישראל קאפקע האט אויך געשריבן אזוי לעצטנס. דער וואס רעדט אויף דעם און ער וויל גילוי האט דאך אויך נישט נאך א ניק ווייל אויב יא קען ער פשוט אויפגעבן זיין אנדערע ניק און ער דארף נישט עובר זיין אויף איסור גילוי ח"ו אויב אזוי פארוואס שמירען ענק ארויף אויפן ציבור דא מעשיות אן קיין באווייזען?!
(דאס גייט נישט ארןיף אויף אסף פארשטענדליך וואס האט בפשטות יא נאך א ניק ווייל ס'קומען נישט אריין פרישע גבאים פון די גאס)

יאיר וואס איז דער פארגלייך? סתם האבן מערערע ניקס כדי צו טעראריזירן איז אפשר נישט ריכטיג, אבער דא האט מען געוואלט די הילף פון א מנהל!

פארוואס טוט נישט די הנהלה בלאקן פון אויפמאכן צוויי ניקס. יעדער ניק מוז האבן אן אייגענע איי פי ( יוניק )

יאיר האט געשריבן:און כדי צו אויסדרוקן מיין מחאה דערויף מאך איך א נדר אז איך קום נישט אריין אין שטיבל פאר א וואך צייט

[tag]יאיר[/tag], הַכּל יִהְיוּ מֻתָּרִים לָךְ, הַכּל מְחוּלִים לָךְ, הַכּל שְׁרוּיִם לָךְ, אֵין כַּאן לא נֶדֶר, וְלא שְׁבוּעָה, וְלא נְזִירוּת, וְלא חֵרֶם, וְלא אִסּוּר וְלא קונָם וְלא נִדּוּי, וְלא שַׁמְתָּא, וְלא אָרוּר. אֲבָל יֵשׁ כַּאן מְחִילָה סְלִיחָה וְכַפָּרָה. וּכְשֵׁם שֶׁמַּתִּירִים הַבֵּית דִּין שֶׁל מַטָּה כַּךְ יִהְיוּ מֻתָּרִים מִבֵּית דִּין שֶׁל מַעְלָה:

קען א יחיד מומחה מתיר זיין אהן א פתח (און אהן אפילו בעטן) אדער איז דאס מדין טאטע?
שוין לאנג נישט געלערנט פרשת מטות