קאווע שטיבל

די קעניג פין אמעריקע האט געשריבן:מיר מאכט צעפרידען אז אבאמא ווערט צוריק א פאשיטע סיטיזען ( אפשר דאס אויך נישט) אין ווייניגער ווי צווי יאר

און מיר מאכט עס אומצופרידן, צו טראכטן אז ס'וועט נאך דויערן באלד צוויי יאר אז דער מטורף אבאמא זאל זיך אפטראגן פונעם שווארצן הויז.

דאס לייג אין די אנדערע עשכול. דא לייגט מען די האלב פילע קאפ

אינטרעסאנט אז די אלע צופרידענע זאכן מוז קומען נאכן האבן געליטן פון עפעס. א מענטש ווערט נישט סתם אזוי פלוצלינג צופרידן אוט-אף-דע-בלא.
(דאס איז נאך א ראי' צו מיין טענה אז די וועלט איז נישט באלאנסירט מיט טוב ורע, דער רע איז פיל מער ווי דער טוב, וכמ"ש ורהבם עמל ואון.)

שמעקעדיג האט געשריבן:אינטרעסאנט אז די אלע צופרידענע זאכן מוז קומען נאכן האבן געליטן פון עפעס. א מענטש ווערט נישט סתם אזוי פלוצלינג צופרידן אוט-אף-דע-בלא.
(דאס איז נאך א ראי' צו מיין טענה אז די וועלט איז נישט באלאנסירט מיט טוב ורע, דער רע איז פיל מער ווי דער טוב, וכמ"ש ורהבם עמל ואון.)

די לעבן איז אזוי ווי א פלעי. ס'איז נישט אינטערעסאנט נאר אויב דארכאויס איז דא גאר אנגעצויגענע מאמענטן.

אדנירם האט געשריבן:

די קעניג פין אמעריקע האט געשריבן:מיר מאכט צעפרידען אז אבאמא ווערט צוריק א פאשיטע סיטיזען ( אפשר דאס אויך נישט) אין ווייניגער ווי צווי יאר

און מיר מאכט עס אומצופרידן, צו טראכטן אז ס'וועט נאך דויערן באלד צוויי יאר אז דער מטורף אבאמא זאל זיך אפטראגן פונעם שווארצן הויז.

און מיך מאכט באזארגט, טראכטענדיג אז אין בלויז 2 יאהר גייט מען זאגן, איי ווי נעמט נאך אזא אבאמא, קוק נאר וואס א חורבן דער נייער חכם ברענגט דא אן אויף אונז, אין אבאמאס צייטן איז אזוינס נישט געשען

איך בין העפי ווייל איך האב אויסגעהערט א אנאליז פון שמעון ראלניצקי מיט יונה כהן איבער רעסיזם און איך זע אז עס איז נאך דא נארמאלע ראציענאלע מענטשן ביי אונז בכלל און אין אונזער מידיע בפרט.

איך האב געזען אין די צייטונגען די פרסומת פון תהלים - כולל, מיט זייער ליסטע פון פלעצער אין די וועלט, און אין לעיקוואוד איז ביזדערווייל נשיט דא איינס!
הלוואי ווייטער!

שוין לאנג וואס איך עס מיך דאס געזונט מיט צפון קארעא. יא יא, לאכט נישט. וויפיל איך לייען צוזאם פון די שרעקליכע רשעות וואס גייט דארט פאר אונטער דעם רעזשים, ווי מען פייניגט מענטשן אויף שטותים והבלים, דורך דעם וואנזיניגן קים איל יאנג פאנג (עפעס אזוי) וואס גייט בדרכי אבותיו בלי שום שינוי כל דהוא ח"ו, זיינע מענטשן הונגערן אוועק בשעת דער גראביטשקער אנגעפרעסענער טונקט זיך איין אין תאוות אכילה, מען ציטערט פון אים ווי פון די מלאכי חבלה, איך מיין אז מען דארף נישט צופיל שרייבן, המפורסמות אין צריך באשרייבונג, וכבר אמר הצייטונג, קאמענטארן זענען איבריג.

איז מיר געווען א נחת צו ליינען אינעם 'שטערן' אז מאחורי הפרגוד זענען פאראן פאררעטער (בעיקר אנטלאפענע און געפייניגטע פונעם רעזשים) וועלכע טוען אריינשמוגלען אויף פארשידענע אופנים מערב וועלט פראפאגאנדע און לייען מאטעריאל, און טוען אויפקלערן די פאנאטישע יושבי חושך אז זיי זענען בכלל נישט די גליקליכסטע אין די וועלט ווי מען פרובירט זיי אראפמאלן, נאר אדרבה, אינדרויסן פון זייער באקס מאכט מען א לעבן, און זיי לעבן גאר אונטער א דיקטאטורישע הערשאפט וועלכע וועט פריער אדער שפעטער מוזן צוזאמפאלן, און וועט גיין אין די זעלבע וועגן פון זייערע פארגייער, אנדערע דיקטאטורן וועלכע זענען סוף כל סוף פארפאלן געווארן... זיי שאצן אז ארום 30 פראצענט (!) פונעם לאנד איז שוין באוואוסטזיניג דערצו, און עס פארשפרייט זיך אלס מער, און זיי גיבן עס מאקסימום א 10 יאר, זיי גלייבן אז ביז דאן וועט די רשעות'דיגע מלוכה זיין א פארגאנגענהייט.

פארשטייט זיך אז די חברה ביים רעדל זיצן נישט שטיל, זיי פרובירן מיט אלע זייערע כוחות צו כאפן די יעניגע, און באשטראפן די וועלכע מען כאפט ליינען די מאטעריאל, און דערווייל ברעינוואשן די אונטערטאנען ווי גליקליך זיי זענען... אבער די שמוגלער זאגן אז עס וועט זיי ווייניג וואס העלפן, און בקרוב וועט מקויים ווערן וכל הרשעה בעשן תכלה... כי תעביר ממשלת זדון מן הארץ.

די פאלגענדע איז א שטות, קאמפערד צו מיינע אנדערע זאכן, אבער דאך וועל איך עס מענשענען.

נאך יארן וואס מייקראסאפט האט געטון מיט די קאנסומער וואס זיי האבן געוואלט, זיי האבן (געשפירט ווי זיי) דאמינירן די וועלט, זייענדיג די גרעסטע און רייכע קאמפאני, האבן זיך זאכן א שאקל געטאן. עפל און גוגל זענען אריינגעקומען אין די פיקטשער און מייקראסאפט האט אנגעהויבן פאלן און שפירן די היץ, און ווען זיי האבן ארויסגעגעבן דעם לעצטן אפערעטינג סיסטעם, ווינדאוס 8 - מעגליך זיי האבן געוואלט בעסער מאכן, אבער די וועלט האט עס נישט געקענט דערליידן, זיי האבן גענומען א גוטן ווינדאוס 7 און געמאכט א חורבן פון ווינדאוס - האט די קריטיק נישט געשפעטיגט צו קומען, וואו אימער מען האט נאר אריינגעלייגט א סוירטש פון ווינדאוס אכט האט מען געקענט טרעפן נעגאטיווע קאמענטארן פון וועלכע עס האט געשפריצט ווייטאג און שנאה...

מייקראסאפט איז נישט פלוצים געווארן גוטהארציג, נאר פשוט באקומען אביסל מער הכנעה זעענדיג אז זיי וועלן נישט פארבלייבן לעולם ועד אלס דער דאמינירנדע קאמפאני וואס יעדער דארף צו זיי צוקומען, און זיי האבן אויפאיינמאל אנגעהויבן צוצולייגן אן אויער צום דעת הקהל, טוהן ריכטיגע ריסוירטש, און זיך צושטעלן צום רצון פון זייערע קאסטומערס.

אויסצורעכענען אין איין תגובה אלע שינויים פון די לעצטע פאר יאר ביי מייקראסאפט איז כמעט אוממעגליך, פון די נייע ווינדאוס 10 בקרוב, די וועג ווי אזוי מ.ס. אפיס ארבעט, 365, סיי אויף קאמפיוטער'ס און סיי אויף זייערע טעלעפאנען, אויך אויף אנדרויד און עפל, ווי אויך זייער אוטלאק וועב-אימעיל, ווי @קורקלענד און @אפשר שרייבן שוין דא, הצד השוה איז אז די ליסטע איז גאר א לאנגע, און עס זעהט אויס ווי עס קומט בעסערע צייטן. וואס דארפן מיר מער ווי דעם אז מייקראסאפט - נאכן איינזעהן די דיסעפוינטמענט פון ווינדאוס 8 - האט געאפפערט צו געבן ווינדאוס 10 גענצליך אומזיסט!! פאר די ווינדאוס 7 און 8 באנוצער.

איינע פון די בעסטע איידיעס וואס האט מיר שטארק געכאפט, איז אז מייקראסאפט האט געטון א זאך וואס יעדע קאמפאני וואלט מלכתחילה געדארפט טון - און ערלויבט יעדן אינדיווידואלער מענטש אריינצושיקן זייערע פידבעק און איידיעס צו פארבעסערן זייערע פראדוקטן. ביי אוטלוק האבן זיי געעפנט א געהעריגע פארום און זיי רעספאנדן צו מענטשן ווי נאנטע חברים... עיי' בלינק הנ"ל; פאר ווינדאוס 10 האבן זיי געגרינדעט א ספעציעלע סייט ווי יעדער שמויגער קען אריינקלאפן זיינע האפענונגען, ווי אויך קען מען וואוטן אויף יעדע איידיע, כדי זיי זאלן קענען מעסטן די אינטערעסע שטאפל ביי יעדע עצה. די סייט האלט שוין ביי קרוב צו 7,000 עצות... עס איז נאך נישט צו שפעט, איר קענט אויך אריינלייגן אייערס.. נאר ס'איז קרוב לודאי אז אויב באדערט אייך עפעס האט עס שוין איימיצער מקדים געווען. כמעט יעדע איידיע וואס איך האב געוואלט שרייבן איז שוין געשטאנען דארטן, חוץ ממש איינס-צוויי. (הלואי טוט גוגל אזוינס מיט זייער ענדרויד!)

מייקראסאפט וועט אודאי נישט זיך צושטעלן 100% צו אלע עצות, ניטעמאל קען מען דאס ערווארטן, אבער צו זעהן ווי זיי גייען ארויס פון זייער וועג און וואס זיי טוען אלס לטובת זייערע קאסטומערס - און בכלל די האפענונג פאר א בעסערע מייקראסאפט - איז דערפרייענד, דערפרישענד, און כמים קרים על נפש עייפה.

ווי אזוי פלעגט ר' שמואל זאגן? כה לחי.

אז איך האב זוכה גיוועהן צו די ערשטע לייק פון ר' יחיאל יעקבזון און זיין יאר צייט וואס ער איז דא!!!
אין דיזע אשכול

שמעקעדיג האט געשריבן:אינטרעסאנט אז די אלע צופרידענע זאכן מוז קומען נאכן האבן געליטן פון עפעס. א מענטש ווערט נישט סתם אזוי פלוצלינג צופרידן אוט-אף-דע-בלא.
(דאס איז נאך א ראי' צו מיין טענה אז די וועלט איז נישט באלאנסירט מיט טוב ורע, דער רע איז פיל מער ווי דער טוב, וכמ"ש ורהבם עמל ואון.)

שמעקעדיג: אפילו די גמ' רעדט פון דעם עניין. (כ'מיין אין ערשטן פרק פון מס' פסחים...)...ווי די פאלגנדע מימרא שטייט געשריבן..."היינו דאמרי אינשי. חברך מית, אשר. איתעשר, לא תאשר"...אויף אידיש געטייטשט הייסט דאס אזוי...אויב מ'זאגט דיר אז דיין חבר איז (פלוצלונג) געווארן אן עושר, זאלסטו נישט גלייבן. אבער אויב מ'פארציילט דיר אז דיין חבר איז (ל"ע) געשטארבן, זאלסטו עס יא גלייבן...!...

ליטוואק פון בודאפעסט האט געשריבן:איך בין צופרידען אז אין ק''ש, וואס איז למעשה אפען פאר אלע היימישע פראבלעמען, למעשה איז צימעס גאנץ ווייניג באנוצט. דער עולם שטייט העכער, עפ''י רוב, פון געמיינע שטותים.

ליטוואק פון בודאפעסט:...לא דיברה תורה אלא כנגד יצר הרע...!

שמעקעדיג:...און ר' מנשה...?

הא?

וואס מאכט מיר צופרידען ??? עעהההעעעםםם?? אה !! שוין ענדליך צו זיין א מעמבער אין קאווע שטיבל..
און צו באקומען לייק'ס פון אלט געזעסענע תושבים...
ווי למשל שמעקעדיג ( עס "שמעקט מיר זייער זיינע לייק'ס..)

האמת לאמיתו האט געשריבן:וואס מאכט מיר צופרידען ??? עעהההעעעםםם?? אה !! שוין ענדליך צו זיין א מעמבער אין קאווע שטיבל..
און צו באקומען לייק'ס פון אלט געזעסענע תושבים...
ווי למשל שמעקעדיג ( עס "שמעקט מיר זייער זיינע לייק'ס..)

דארפסט נאר ציוויסען אז א לייק פון שמעקעדיג קומט נישט ווייל מ'פאריפט זיך אויפ'ן אמת, נאר ווייל מ'האט טאקע געשריבן אמת, ודו" ק.

אנפאנג איז מיר אויך געווען א גדולה זוכה צו זיין צו א לייק פון שמעקעדיג ביז כ'האב גערילייזט אז נישט נאר איך נאר יעדער וואס זאגט עפעס צו דער זאך באקומט עס, האט עס אביסול פארלוירן די חשיבות. אבער נעווערמיינד שמעקעדיג, איך פאטש מיך נאכאלץ די בויך יעדס מאל די ווארפסט צו א לייק

שמעקעדיג האט געשריבן:הא?

מיין בעסטער קאסטומער. הרב י.מ. סופר. המכונה מנשה פליפ-פלאפ...

...אז מעיאר דע בלאזיא האט באשטימט אפאר מיליאן אנצוהויבן א מלחמה מיט די ראטן אין די סיטי.
שוין די העכסטע צייט, כאטש כ'האב מורא אז דאס איז.......... too little, too late

די גאווערנאר פון דרום קאראליינע איז ענדליך נאכגעקומען די ברייטע פארלאנגען אראפצונעמען די פאן פון די קאנפעדערעט סטעיטס. עמעזאן און איבעי האבן אויך ביידע געמאלדן אז זיי גייען נישט ערלויבן צו פארקויפן דעם פאן, אדער אייטעמס וואס האבן דעם פאן אויף זיך, אויף זייערע וועבזייטלעך.

געלעזט די ראסיזם פראבלעם אין אמעריקא, ב"ה.

עס מאכט מיר נישט צופרידן אז די לעצטע תגובה אין די אשכול איז איבער א יאר אלט, עס מאכט מיר יא צופרידן ווען איך האב געפילט היינט אז איך האב געהאט עפעס א געוויסע צורך און עס איז מיר געווארן מסודר עפעס אויסטערליש, השי"ת אהבה האב איך דאן געפילט.