קאך_לעפל האט געשריבן:יואב האט געשריבן:קאך_לעפל האט געשריבן:
יא ווען דער נער איז נישט מיינער לאך איך ווען אויך....
מיט דעם נאר מיינסטו "רעבארן"?( קרעדיט: בר דעת)
כ'האב דיך שוין אמאל געזאגט: דיינע טענות אויף די רע-בנים זענען זייער גערעכט. דו האסט אבער מודה געווען צו מיר אז עם כל זה וועסטו רעבארן נישט איינטוישן מיט קיינעם. חינוך הייבט זיך אן אינדערהיים, און דיינע אשכולות איבער רבנים זענען ווערדלאז.
viewtopic.php?p=253178#p253178
אדוני יואב ביזטו מודה אין דער פונקט וואס איך האב געשריבען? יא אדער ניין?
די ווילסט דיך נעמען אצינד צו מיר פראזענדליך און פארדרייען דעם אשכול אדש אז אלע לעצטע איבלען וואס האבן לעצטענס פארפלייצט דעם שטיבל וועלן מאכן פון דעם אשכול א חורבן? בעהט איך דיר טוה עס נישט, קום אריבער אין צימעס עפען אויף אן אשכול און מיר וועלן האבן א שיינער פארמעסט. בסדר?
איך טרעט נישט איבער דעם שוועל פון צימעס אזוי גרויס ווי די שמיטה איז. וואס איז שייך דעבאטע? האסט מיך קלאר מודה אין יענעם אשכול אז אלעס שטעלט זיך אפ ביי דיין רבי'ן און דו וועסט אים בשום אופן איבערלאזן אפילו אויב דאס זאל זיין אומגערעכט קעגן דיין אייגענער שיטה. דאס שליסט איין די אלע קורופציע און שיגעון און נאך אפילו מער. איז וואס ביזטו מיר געווארן דא א גאנצע מוסר זאגער און רבנים האקער. חינוך הייבט זיך אן אינדערהיים.
צי איך האלט אז דו ביזט גערעכט מיט דעם עצם תוכן פונעם ארטיקל? יא, זיכער איבער דעם היינטיגן מצב און דערפאר האב איך דאס טאקע געלייקט.( וואס ווייס איך פון דעם אזויגערופענעם צדקות פון אמאל. סאונדס בעלוני.)
ס'האט אבער יענץ פנים. שטעל דיך פאר א מאלעסטער שטעלט זיך אויף האלטן א פלאמפייערדיגע דרשה אנטקעגן מאלעסטעישאן. ער דערקלערט קריג קעגן זיי, קעגן די וועלכע טאלערירן זיי אא"וו, איז ער דען נישט גערעכט? אוודאי איז ער גערעכט. ס'קומט זיך אים אבער אזא שטויס פון הינטן אדער אפשר טאקע דוקא פון פארענט. ביזט עוסק אין חזעריי? שווייג כאטש. בארעדסט דאך דיך אליינס. ווילסט נאכטאנצן דיין רבי'ן מיט אלע משוגעת'ן און שרייבן אשכולות איבער זיינע פראפאגאנדע, פיין און וואויל. דו מאכסט אבער לצנות פונעם עולם און פון דיר אליינס.
ואפעפ"כ האלט איך אז אויב דו ווילסט זאלסטו ווייטער שרייבן. ערשטנס ווייל יעדער מעג שרייבן וואס דער העק ער וויל; והשנית ווייל דו זאגסט דאך זייער גוט. הן די נקודות ווי אויך דיין רייכער פעדער. קיפ אפ, זאל מען אזוי לאנג מישן מיט דעם קאך לעפל אז ס'זאל שוין מקוים ווערן דעם נמשל פון קריעת ים סוף מיט די מצרים.
בד"וו, פאר דו כאפסט זיך ארויף אויף דעם צוגלייך צו מאלעסטעישאן, כ'האב דיך חלילה באשולדיגט דערין אדער געזאגט אז ס'איז ממש די זעלבע זאך. כ'האב דאס נאר גענוצט לסבר את האוזן, און כדי די קליינע קינדער זאלן נישט איינשלאפן.
איך שלאף שוין, א גוטע נאכט.
