קאווע שטיבל

פריעד באטשי האט געשריבן:ערעב מושב, אלץ אן עלטערע באטשי זאג איך דיר אז די פארשטייסט נישט צו אונזערע אייניקלעך......
יעצט אז איך רעד שוין צו דיר, וועל איך דיר מסביר זיין א פשוטע זאך וואס איך זע אז די פארשטייסט נישט, ביי אונז אידן האט האט מען אייביג געוויסט אז עניני קדושה איז די יסוד פונעם מענטש און פון עבודת השם, וכשחרב היסוד נחרב כל הבנין.....
יעצט אוודאי דארף זיין מידות אויך, און אויב איינער איז (שפיעלט) ערליכע יוד אבער האט נישט קיין מידות איז ער קיין מענטש נישט, אז עס איז בכלל א שאד צו רעדן פון אים דא, און וועגען דעם זאגן מיר יעדן טאג, לעולם יהא אדם: קודם זיי א מענטש, ירא שמים: און נאכדעם אז ווילסטע ארבעט אויך אויס דיין יראת שמים וכו׳.

"אלעמאל געוויסט אז דאס איז דער יסוד אין עבודת ד' ",

מהיכי תיתי? פון די עשרת הדברות? פון די סיפור מעשה בראשית? פון סיפור המבול וואס לא נחתם גזר דינם אלא על הגזל? פון פרשת משפטים? פון בניית המשכן? פון די פרשיות הקרבנות? פון די פרשיות מצורע? (דו געדענקסט וואס מען האט געלערנט אין חדר פארוואס קרעץ קומט). פו די שלל מצוות אין קדושים אמור בהר?(אפילו דער ווארט קדושים איז נישט פשוט אז עס מיינט בלויז שמירת הברית). פון די ברכות און קללות אין בחקותי?

אפילו די פרשה פון די בנות מדין באציט דעם עיקר חטא צום עבודת הפעור . און די מעשה דוד ובת שבע בעיקר צום תחבולת הרצח אויף בת שבע'ס מאן. נאר ביי ביידע מעשיות איז דער גורם צו די טראגישע חטאים געווען א קלענערע חטא וואס דאס איז זנות וואס איז אזוי ווי געלט און כבוד מטריפין דעתו של אדם.

פרשת דברים און רוב מוסרי הנביאים זענען בעיקר עוסק אין עבודה זרה, כישופים, און הנהגות אכזריות ומשונים ממעשה הגוים השכנים.

איז תהילים משתוקק אויף נזירישע ריינקייט אדער אויף תורה אהבת ד' און גוטסקייט?

איז דער סיפור פון איוב איבער א נסיון אין שמירת הברית, אדער אין בטחון אין באשעפער?

שמירת העניים והברית איז טאקע נישט קיין אויסגעטראכטע מצווה, עס איז א געהעריגער טייל פון תורה, אבער עס איז קלאר אז עס איז ביז די לעצטע פאר הונדערט יאר נישט געווען עפעס א אויסערגעווענליכער יסוד פון יהדות. מעגליך דער יסוד פון נזירות וואס דאס איז א לייף סטייל פון זעלבסט הקרבה פארן אייבערשטן, וואס איז כולל הפרשה פון אנדערע תענוגים אויכעט.

איך בעט דיר, טרעף מיר נישט אין די אלע פרשיות דא אין דארט קרישקעלעך פון עיניני שמירת הברית, ווייל די רעדע איז דאך דא צו דאס איז דער יסוד. און אוודאי קום נישט מיט קיין אריין געטייטשטע דרשות און רמזים לטובת שמירת הברית פון לעצטיגע בעלי דרוש וחסידות.

די גמרא אין ב"ב קס"ד: זאגט

אמר רב עמרם אמר רב שלש עבירות אין אדם ניצול מהן בכל יום הרהור עבירה ועיון תפלה ולשון הרע

ס'איז ידועה אז סתם עבירה אין ש"ס מיינט עריות. אין דגמרא זאגט "אין אדם ניצול בכל יום" מיינט עס אז די יצר הרע האט זיך זיינע וועגן אנצוקומען צו יעדעם.

לכבוד שבת קודש האט געשריבן:איך וויל נישט אריינגיין אצינד אין דער הלכה חלק אדער אין חסידות חלק, וואס מען מעג, מידת חסידות, טאר נישט וכדו'. איך וויל וויסן א פשוט'ע מציאות, עס איז היינט א וועלט פון אינטערנעט, דער אינטערנעט דיקטירט דאס לעבן פון רוב באזעצענע מענטשן וואס דארפן דערצו צוקומען.

מיין שאלה איז אצינד:
א. איז מעגליך אז א חסידי'שער איד, וועמען מען האט אויסגעלערנט אז מען קוקט נישט אויף קיין פרוי, איז מעגליך אז ער זאל באזיצן אינטערנעט, און זאל קיינמאל נישט נכשל ווערן מיט זען א פרוי, אפילו א צנועה און מסתכל זיין אויף איר?
יא
ב. איז מעגליך פאר א חסידי'שער איד צו האבן אינטערנעט, און קיינמאל נישט נכשל ווערן מיט א פריצות'דיגע פרוי און מסתכל זיין אויף איר?
יא
ג. איז מעגליך פאר א חסידי'שער איד צו האבן אפענע אינטערנעט, און קיינמאל נישט נכשל ווערן אין קוקן פארן?
איך ווייס נישט
ד. איז מעגליך פאר א איד, צו האבן אפענע אינטערנעט און קיינמאל נישט נכשל ווערן מיט הוצז"ל אין פארנט פון תמונות תועבות אדער ווידאוס?
איך ווייס נישט
ה. אויב הרה"ק ר' אהרן מבעלזא זיע"א, אדער טאהשער רבי שליט"א ולרפוא"ש, וואלט געדארפט האבן אינטערנעט בקביעות אין די יונגע יארן, וואלט ער געקענט אויסוואקסן מיט די גרויסע קדושה און הייליגקייט וואס נעמט אים ארום? (הבהרה: אויב זענט איר נישט קיין גלויביגער און די אויבנדערמאנטע, דאן לייגט עס אויף אייער רבי, מורה-דרך, אדער מענטש וואס איר האלט אז ער איז קדוש מרחם וכו').
איך טראכט אז יא
ו. אין אנדערע ווערטער: איז מעגליך אויסצואוואקסן מיט די אפגעהיטנקייט וואס מען האט אונז איינגעבאקן אין די יונגע יארן, אינאיינעם מיט אינטערנעט, אפילו געפילטערטע?
ז. וואס טוט זיך מיט נישט געפיטלטערטע? - איז דאס אויך מעגליך?

ביטע ענטפערן אויף די פראגעס.

איך זאג נישט אז איך בין אזוי אבער איך האלט אז מען קען זיין א ערליכע איד מיט אינטערנעט

עזריאל האט געשריבן:איז מעגליך צו גיין ארבעטן אין מאנהעטן אן נכשל ווערן?

איז געווען איינער פון די פריערדיגע רבנים וואס זענען געווען דערקעגן ווען אונזערע עלטערן וואס האבן געארבעט אין מאנהעטן?

האבן איינער פון די פריערדיגע רבנים ארויס געגעבן א איסור קעגן גיין קיין וועגאס פאר ביזנעס?

פארוואס זענען אונזערע עלטערן געפארן צום יריד? האבן זיי דען נישט געוויסט אז דארט מ׳קען דארט זעהן זאכן וואס ביי זיי אין שטעטל האט מען נישט געזעהן אין דרייסיג יאר?

האט מענהעטן אויסגיזעהן 30 יאר צריק אזוי ווי עס זעהט היינט אויס? גייט נישט די גוי'שע וועלט מער אויסגעלאסן אנגעטוהן היינט ווי אמאל?
איך פרעג נאר

ועוד איך מיין אויף מענהעטן וואלט מען רואיג גיקענט ענטפערן אויף די צוויי שאלות יא

לכבוד שבת קודש האט געשריבן:ג. איז מעגליך פאר א חסידי'שער איד צו האבן אפענע אינטערנעט, און קיינמאל נישט נכשל ווערן אין קוקן פארן?
ד. איז מעגליך פאר א איד, צו האבן אפענע אינטערנעט און קיינמאל נישט נכשל ווערן מיט הוצז"ל אין פארנט פון תמונות תועבות אדער ווידאוס?

מיט אינטערנעט אהן א פילטער איז זייער שווער צו ענטפערן אויף די צוויי שאלות יא

עס איז ממש אפסורד צו פארגלייכן אינטערנעט צו די גאס, עס איז דאך אן אנדערער מציאות אינגאנצן:
שטעלט אייך פאר ווען איר האט נישט אינטערנעט, עס פאלט אייך דורך א שווערע מינוט (וואס יעדער האט), איר קלערט פון גיין צו א שוק של זונות, דארפט איר זיך אויפהייבן, זוכן, גיין, צאלן געלט, מורא האבן אז מען וועט אייך נישט כאפן וכו' וכו', ביז וואס ווי ווען שטילט זיך אלעס אפ, עס לוינט זיך נישט די טירחא און פארטיג.

איך וועל צוגלייכן אינטערנעט צו עפעס אנדערש: איר ארבעט אין מאנהעטן, קעגן איבער א בית-זונות, אויף אן אופן אז קיינער וועט נישט וויסן אויב איר גייט אריין אהין 'א בליק צו געבן' דארט. יעדער מינוט קענט איר עס טון, אן ארויסווייזן פארדאכט.
איז פאראן א זיכערע גאראנטי אז דער מענטש וועט קיינמאל נישט א קוק געבן אויף א נאקעטע פרוי? - דאס איז אינטערנעט!

אינטערנעט איז טאקע די גאס - אזוי ווי הוגה שרייבט - אבער עס איז די גאס עוועלעבל א קנעפל אוועק, אן דעם וואס איינער זאל דאס וויסן.

ממילא איז דער דמיון דערפון כרחוק מזרח למערב, וד"ל כי קצרתי.

וואוינט זיך א איד אין ליאן פראנקרייך, צווישן רייצנדע אויסגעלאסענע פראנצויזישקעס, און לוסטוגע רעסטוראנען און ווערץ הייזער, און אין די אלע גאסן ארום אים וואוינען נישט קיין אידן, ער באפריינדעט זיך מיט די גוים, באגריסט די שכינות'דיגע אויסגעלאסענע בעסערע דאמעס, גייט דורך די אויגנפארבלענדענישע טיאטערס און בתי הוללות יעדן טאג אויפן וועג צום ארבעט.

ער גייט צום שול דריי מאל א טאג און שבת איז ער פון די אנשין מכובדים.

ווי ווייט איז דאס פון דער מציאות פון אינטערנעט?

גוט ארויס געברענגט, און...

באשטעטיגט האט געשריבן:איך מיין אז א' אין ב' איז כמעט נישט מעגליך
ג' איז מעגליך
ד' איז זיכער מעגליך
ה' איז אויך מעגליך(במקום שבעלי תשובה עומדין...)

אין די זעלבע תשובה כנ"ל איז ווען מען גייט אין די גאס!

א גיטע אייצע ,"איידער" מ'גייט אויפ די גאס אדער אינטערנעט ,לחשוב הרינו מקיים מצות לא תתירו..."ולהיות בשמחה שזוכה להמשיך קדושה נפלאה על עצמו ועל כל העולם כולו...(בדוק ומנוסה)

אמת לאמיתו וכמבואר בכל ספרי קודש

איז מעגליך פאר א מענטש צו האבן חברים און דורכגיין זיבעציג יאר אן רעדן לשון הרע, ווי דער חפץ חיים האט אונז געלערנט?
איז מעגליך פאר א מענטש צו שמועסן דברים בטלים און קיינמאל נישט נכשל ווערן אין שמועסן אינמיטן לערנען, עובר זייענדיג אויף די הארבע חטא הידוע אויף וועלכן מען ווערט באשטראפט מיט גחלים רותחות?
איז מעגליך פאר דיר נישט צו טראכטן פון ווייסע בערן אין די קומענדיגע צוויי סעקונדעס?
איז מעגליך פאר א מענטש צו האבן א קאפ אן דעם וואס עס זאלן אריינגיין אין דעם כל מיני נארישע מחשבות און פאביעס?

איז מעגליך (עכ״פ פאר די רוב) צו מאכן פרנסה אן אינטערנעט?

איך האלט אז דער בעל האשכול האט גענומען א גוטע טעמע, נישט ווי אנדערע וואס ווילן זאגן, וואס רעדסטו פון שמירת עינים, רעד פון שמירות הלשון. די סיבה איז, אז שמירת עינים איז 98% די עיקר נסיון פון די מענטש. (איך האב איבערגעלאזט 2% פאר די וואס דארפן עפעס אנדערש) אמר הקב"ה: אי יהבת לי לבך ועינך אנא ידעית דאת דילי. דער אייבירשטער זאגט: אז דו געבסט מיר דיין הארץ מיט די אויגן, ווייס איך אז דו ביסט מיינס.

מיין דעה האב איך שוין כמ"פ געשריבן דא און דארט.
איך האלט קלאר אז עס איז זייער שווער צו זיין אן אמת'דיגער, תמימות'דיגער, פארצייטישער, ערליכער איד מיט אינטערנעט, אפילו געפילטערט.
אבער מה נעשה אז הקב"ה וויל אנדערש! אויב השי"ת האט טאקע אזוי פיינט די אומאיידעלע בילדער, פארוואס מאכט ער אז יעדער זאל דארפן צוקומען צום אינטערנעט לצורך פרנסה?
אלא מאי דאס איז די נסיון פון וואס אלע צדיקי הדורות פון חז"ל און אראפ האבן גערעדט און פארפירט אז בעפאר משיח וועט קומען וועט זיין שווערע נסיונות, און זעירון אינון וועלכע וועלן בלייבן ערליך בתכלית השלימות.

עס איז נישט קיין קונץ זיך איינצושפארן אין א שטוב און דארטן היטן די תורה. עס איז דא פארדעם גענוג מלאכים.
השי"ת וויל דייקא מיר זאלן זיך איינטינקען און אפהיטן אויף ווי ווייט מעגליך, און דאס איז זיין נחת רוח פון אונזער שוואכן דור.
ודו"ק כי קצרתי.

שמעקעדיג האט געשריבן:עס איז נישט קיין קונץ זיך איינצושפארן אין א שטוב און דארטן היטן די תורה. עס איז דא פארדעם גענוג מלאכים.
השי"ת וויל דייקא מיר זאלן זיך איינטינקען און אפהיטן אויף ווי ווייט מעגליך, און דאס איז זיין נחת רוח פון אונזער שוואכן דור.
ודו"ק כי קצרתי.

מהאי טעמא זענען חסידים ואנשי מעשה זיך נוהג צו קוקן פארנאגראפיע לכל הפחות פופצן מינוט א טאג. סתם זיצן און לערנען חובת הלבבות און ארבעטן אויף הייליגע מחשבות איז נישט אינטערעסאנט. אז דער באשפער האט אונז צוגעשיקט אן אינטערנעט וויל ער אז מיר זאלן קומען אין די ד' אמות פון דעם שאול תחתית און באלד נאכדעם ארויסטאנצן דערפון און מסיח דעת זיין.

עפעס פייפט דא.

שמעקעדיג האט געשריבן: אן אמת'דיגער, תמימות'דיגער, פארצייטישער, ערליכער איד

איז מעגליך אז די סארט אידן וואס מיר רעדן מיט אזא נאסטאלגיע איז גאר א פיקטיווער פאנטאזיע און אינדערהיים איז נישט געווען אזוי "אפגעהיטן" ווי מ'מיינט און אז באמת זייט קבלת התורה זעמער נישט געווען אזוי אפגעזונדערט פון די אנדערע מין מיט אזוי פיל צניעות און מחיצות? קען אפשר אפילו זיין אז דאס איז גאר גאט'ס וועג פון צוריק ברענגן אן איקוואליבריאום?
איך ווייס נישט, איך פרעג נאר. זאלן די וואס "ווייסן" ענטפערן.

כ'זעה באשטרעכלסט דאס ווארט "ווייסן". כאילו איינער דא איז נאך געווען אמאליגע צייטן און ווייסט.
וואס מיינט דען ביי אונז ווייסן? אשר שמענו "ונדעם", ואבותינו ספרו לנו.

די אמאליגע תמימות און יראת ה' איז קלאר געווען אויף א העכערע סטאנדארד ווי היינט. א פחד פאר ה', פאר א יום הדין, וכו'.
כ'האב עס קלאר געזען ביי מיין טאטן און זיידן, און זיי האבן פארציילט אז דאס איז גארנישט אקעגן זייערע זיידעס.
דאס אויפשטיין 4 פארטאגס מיט א תהלימ'ל. יראת החטא. די וועלט איז בכלל נישט געווען אזוי מגושם ווי היינט.

דער אשכול איז אייגענטליך נישט דער ריכטיגער פלאץ דערפאר, מען האט עס שוין כמ"פ אויסגעשמועסט אין שטיבל עיי"ש ותמצא נחת.

חקרן האט געשריבן:עס איז ממש אפסורד צו פארגלייכן אינטערנעט צו די גאס, עס איז דאך אן אנדערער מציאות אינגאנצן:
שטעלט אייך פאר ווען איר האט נישט אינטערנעט, עס פאלט אייך דורך א שווערע מינוט (וואס יעדער האט), איר קלערט פון גיין צו א שוק של זונות, דארפט איר זיך אויפהייבן, זוכן, גיין, צאלן געלט, מורא האבן אז מען וועט אייך נישט כאפן וכו' וכו', ביז וואס ווי ווען שטילט זיך אלעס אפ, עס לוינט זיך נישט די טירחא און פארטיג.

איך וועל צוגלייכן אינטערנעט צו עפעס אנדערש: איר ארבעט אין מאנהעטן, קעגן איבער א בית-זונות, אויף אן אופן אז קיינער וועט נישט וויסן אויב איר גייט אריין אהין 'א בליק צו געבן' דארט. יעדער מינוט קענט איר עס טון, אן ארויסווייזן פארדאכט.
איז פאראן א זיכערע גאראנטי אז דער מענטש וועט קיינמאל נישט א קוק געבן אויף א נאקעטע פרוי? - דאס איז אינטערנעט!

אינטערנעט איז טאקע די גאס - אזוי ווי הוגה שרייבט - אבער עס איז די גאס עוועלעבל א קנעפל אוועק, אן דעם וואס איינער זאל דאס וויסן.

ממילא איז דער דמיון דערפון כרחוק מזרח למערב, וד"ל כי קצרתי.

חקרן פיין געזאגט, כ'וועל גיין איין סטעפ מער:

אפענע אינטערנעט אז ווי א קאר מיט פארמאכטע פענסטער וואס קען איבעראל פאר'ן מיט א מורא'דיגע ספיד - מיט איין דריק אויף די געז פעדל ביזטו אין טעאטער, א רגע דערויף ביזטו אין א בית המרחץ (בלשון נקיה) און די "קאשטקעס" מאכן א כמו-ליייוו שאו בחינם ממש, ווי לאנג דו ווילסט, וואס דו ווילסט ממש פאר דיין ווינד-שילד, דו ביסט אין דיין קאר קאמפליט באהאלטן. א רגע דערויף ביסטו מיט דיין קאר אויפן קאוטש אין דיינינג רום און קיינער האט קיין שום השגה נישט אז דו ביסט ערגעץ געווען.

קיין רעסיט,
קיין ביל
קיין רעקארד
קיין עדות
קיין פרוטה געקאסט
קיין שום טירחא!

סמאל וזוגתו האבן געמאכט א גוטן פאטענט! בראווא!

יאיר האט געשריבן:איז מעגליך פאר א מענטש צו האבן חברים און דורכגיין זיבעציג יאר אן רעדן לשון הרע, ווי דער חפץ חיים האט אונז געלערנט?
איז מעגליך פאר א מענטש צו שמועסן דברים בטלים און קיינמאל נישט נכשל ווערן אין שמועסן אינמיטן לערנען, עובר זייענדיג אויף די הארבע חטא הידוע אויף וועלכן מען ווערט באשטראפט מיט גחלים רותחות?
איז מעגליך פאר דיר נישט צו טראכטן פון ווייסע בערן אין די קומענדיגע צוויי סעקונדעס?
איז מעגליך פאר א מענטש צו האבן א קאפ אן דעם וואס עס זאלן אריינגיין אין דעם כל מיני נארישע מחשבות און פאביעס?

א- יא ווענט זיך וואס פארא מינע חברים די זיכסט
ב- יא אבער ס'איז א ביטער שווערע מערכה
ג-ניין אבער אויב די ווילסט שטארק- נעקסט טיים הייס נישט וועל איך קענען
ד- יא (אויב מ'ליינט נישט קאווע שטיבל נאר מפילט עס אן מיט ידיעות )

בוךווארעם האט געשריבן:

שמעקעדיג האט געשריבן: אן אמת'דיגער, תמימות'דיגער, פארצייטישער, ערליכער איד

איז מעגליך אז די סארט אידן וואס מיר רעדן מיט אזא נאסטאלגיע איז גאר א פיקטיווער פאנטאזיע און אינדערהיים איז נישט געווען אזוי "אפגעהיטן" ווי מ'מיינט און אז באמת זייט קבלת התורה זעמער נישט געווען אזוי אפגעזונדערט פון די אנדערע מין מיט אזוי פיל צניעות און מחיצות? קען אפשר אפילו זיין אז דאס איז גאר גאט'ס וועג פון צוריק ברענגן אן איקוואליבריאום?
איך ווייס נישט, איך פרעג נאר. זאלן די וואס "ווייסן" ענטפערן.

אינדערהיים איז אויך געווען שווערע צייטן אבער נישט אזוי ווייט מיט אינערליכע יודושקייט נאר בעיקר מיט מצוות מעשיות (און אפילו און חילול שבת!! און אויב ווילחסטו זיך איבער צייגן קוק אביסל און די דרשות פון אמאל ווי למשל ערבי נחל און חתם סופר וכדו' ) משא"כ היינט וואס אינדרויסן זענעןמ מיר אלע ערליכע יודין האבען מיר פארלוירען דאס פארצייטישע אמת'ע תמימותדיגע ערליכקייט (וכלשון שמעקעדיג) במילא אלו ואלו נאר ווענט זיך פון וואס די ביסט דן

חקרן האט געשריבן:עס איז ממש אפסורד צו פארגלייכן אינטערנעט צו די גאס, עס איז דאך אן אנדערער מציאות אינגאנצן:
שטעלט אייך פאר ווען איר האט נישט אינטערנעט, עס פאלט אייך דורך א שווערע מינוט (וואס יעדער האט), איר קלערט פון גיין צו א שוק של זונות, דארפט איר זיך אויפהייבן, זוכן, גיין, צאלן געלט, מורא האבן אז מען וועט אייך נישט כאפן וכו' וכו', ביז וואס ווי ווען שטילט זיך אלעס אפ, עס לוינט זיך נישט די טירחא און פארטיג.

איך וועל צוגלייכן אינטערנעט צו עפעס אנדערש: איר ארבעט אין מאנהעטן, קעגן איבער א בית-זונות, אויף אן אופן אז קיינער וועט נישט וויסן אויב איר גייט אריין אהין 'א בליק צו געבן' דארט. יעדער מינוט קענט איר עס טון, אן ארויסווייזן פארדאכט.
איז פאראן א זיכערע גאראנטי אז דער מענטש וועט קיינמאל נישט א קוק געבן אויף א נאקעטע פרוי? - דאס איז אינטערנעט!

אינטערנעט איז טאקע די גאס - אזוי ווי הוגה שרייבט - אבער עס איז די גאס עוועלעבל א קנעפל אוועק, אן דעם וואס איינער זאל דאס וויסן.

ממילא איז דער דמיון דערפון כרחוק מזרח למערב, וד"ל כי קצרתי.

שטעלט אייך פאר עס פאלט אייך אן א גוטע מינוט, איר ווילט לערנען, זאגן תהילים, טון צדקה, עניטינג, בקיצור איר ווילט מאכן א חפץ א כלי פון אייער התעוררות, אבער ביז ווי וואס ווען, ווי לאנג איר דערזעט זיך עס טון בפועל, איז שוין די התעוררות לאנג אויסגעוועפט.

היינט, מיט די אינטערנעט איז א מחיה, מיט א קוועטש פון א קנעפל גייסטו ארויף אויף דיין פעיוואריט מוסד'ס - צוועק'ס - ארג.'ס וועבסייט און דו גיבסט א ברייט הארציגע נדבה, **דו עפנסט דיין תורתך שעשועי עפפ און די קאנעקסט לייוו צום שיעור, זכרו עפפ איז אפילו מער אינטערעקטיוו קענסט אריין פרעגן אינמיטן, אפגערעדט פון אלע ריסאורסעס, ספרים, מראי מקומות וואס דו האסט צו דיינע פינגער שפיצן אז דו קענסט נישט בלייבן שווער און אומפארשטענדליך אפילו דו ווילסט, ענד סאו אן. ווילסט זאגן תהילים האסטו א ווירטואלע מנין און קענסט אפילו מיטזאגן מיטן מנין אין מירון ביי ר' שמעון.

און אזוי קען יעדער איינער צולייגן בעניני קודש כפי חלומותיו און פאנטאזיעס. אפגערעדט אז בעניני חולין, נישט איסור און נישט היתר, איז עס אזוי אז דו האסט אלעס ביי דיינע פינגער טיפס.

פארשטייט זיך אז אין די וועלט איז דא טומאה און איסור אויך, און דערפאר טאקע, מיט די גרויסע פארשריט פון טעכנאלאגיע איז דאס אויך מער עקסעסיבל. אבער דאס איז פשוט די שיינקייט פון די טעכנאלאגיע, עס ברענגט צוזאם פון אלע עקן וועלט, דעם עבר מיטן הוה, אין א בליציגע שנעלקייט.

פונקטליך אזוי ווי די טעכנאלאגיע טוט שוין מיום היווסדה, עס מאכט אלעס שנעלער, נענטער און בהישג יד. אנגעפאנגען מיט למך'ס געניאלע ערפינדונגען אין כלי שיר, און נח'ס קאמביין ביז 5 דזשי און ארטיפישל אינטעליזשענס.

איט'ס די טעקנאלאזשי, סטופיד!

עס איז פשוט נישט שיין, נישט קיין דרך ארץ צו פרובירן אריין ווארפן א פלאקן פארנט פון דעם שנעלצוג וואס גאלאפירט שוין פאר 5,775 יאר, אפגערעדט אז ס'איז גאראנטירט צו פארלירן די מלחמה.

איך ווארט שוין אויף ווען טעכנאלאגיע וועט האלטן ביי דעם אז מען קען מיט א קוועטש אויפן קנעפל זיין אינסטענטלי אין עני זשי פי עס קאארדינעיטס אויף די גלאבאלע מאפע, אויב נישט אויך אין ספעיס. און מען וויינען אויף דעם אז מ'קען אינסטענטלי זיין בפועל אין א בית זונות און טון כל עבירות שבתורה, און די אויבער חכמים וועלן דאן מסביר זיין אז ס'איז גארנישט ערגער ווי די ווירטואלע אינטערנעט (וואס יעדער איינער, אריין גערעכנט דער הייליגער ניינציג יעריגער רבי נוצט היינט. (היינט עז אין דעמאלטס). - פארשטייט זיך אז דער רבי האט א גאלדענע סקרין און א אנטיק לעדערנע פרעים).

(** ליידער איז דער מצב נישט אזוי בעניני קודש, טענקס צו די אלע צרי עין ואופק וואס זענען בלינד צו זייער (נישטיגע) פאזיציע אויף די מאפע און צייט, און כאפן בכלל נישט פון וואס דער מדובר איז. האבן זיי סוקסעספול באוויזן דערווייל צו אראפ סלאוען די פאטענציעלע כוחות הקדושה פון די טעכנאלאגיע (א.ק.א. אינטערנעט בימינו אלה), און נאכער קענען זיי טאקע טענה'ן מיט א בלעכענעם פנים אז די אינטערנעט איז א כלי טמאה).

שמעקעדיג האט געשריבן:כ'זעה באשטרעכלסט דאס ווארט "ווייסן". כאילו איינער דא איז נאך געווען אמאליגע צייטן און ווייסט.
וואס מיינט דען ביי אונז ווייסן? אשר שמענו "ונדעם", ואבותינו ספרו לנו.

די אמאליגע תמימות און יראת ה' איז קלאר געווען אויף א העכערע סטאנדארד ווי היינט. א פחד פאר ה', פאר א יום הדין, וכו'.
כ'האב עס קלאר געזען ביי מיין טאטן און זיידן, און זיי האבן פארציילט אז דאס איז גארנישט אקעגן זייערע זיידעס.
דאס אויפשטיין 4 פארטאגס מיט א תהלימ'ל. יראת החטא. די וועלט איז בכלל נישט געווען אזוי מגושם ווי היינט.

דער אשכול איז אייגענטליך נישט דער ריכטיגער פלאץ דערפאר, מען האט עס שוין כמ"פ אויסגעשמועסט אין שטיבל עיי"ש ותמצא נחת.

די אמת איז אז אינז באגרייפן מיר דאס אפילו נישט

יעצט זע איך אז זוכער האט מיר שוין מקדים געווען מיט די טעכנאלאגיע וואס וועט מסתמא עווענטועל אויפקומען. לכאורה צוליב חסרון ידיעה און זכרון פילט ער נישט דעם דע זשא ווא פון די שמועסן אינדערהיים אין שטיבל ווען די עכטע, ריכטיגע רעוואלוציע איז אנטשטאנען, וואס האט ממש מהפך געווען קערה על פיה, נעמליך, די דאמף באן, וואס איז פאראנטווארטליך פאר - אדער עכ"פ די אנהייב פון - אלע איבערקערענישן אין סדרי בראשית די לעצטע 150 יאר.

(אויב וויל איך רעדן 'ראבינאוויטש' שפראך, קען איך למשל בלויז אנצייגן די טרוקענע פאקט אז די 6 מיליאן אידן זענען געפארן צו די לאגערן מיט די באנען, דאס דארף זיין גענוג פאר דעם גרויסן נגיד וואס נוצט נישט קיין אינטערנעט ווייל ס'איז א מעסער, ער זאל קיינמאל נישט ארויף טרעטן אויף קיין באן וכל שם וחניכא (קאר, באס, וכו') דאית להו).

ליידער איז די טעכנאלאגיע נאכנישט געווען אזוי פארגעשריטן סאו ס'איז שווערליך פארבליבן דאקומענטירט זייער טיפע זארג איבער וואס די נייע טעכנאלאגיע וועט אנמאכן. אדער, ס'איז אויך פארהאנען א סלייט פאסיביליטי, זינט דער עולם האט מער געארבעט, געשוויצט צו לייגן ברויט מיט פוטער אויפן טיש, האבן מענטשן געלעבט מער מציאות'דיג, און אנגענומען די באן פשוט אזוי ווי ס'איז.

דער פותח האשכול האט אראפגעלייגן אן הנחה, אז אויב פאטשקעט מען אין די יונגע יארן קען מען קיין טאהש'ע רבי נישט אויסוואקסן. איך בין נישט איבערצייגט, אדער בעסער געזאגט, איך בין איבערצייגט אז נישט.