קאווע שטיבל

רויטע וואנצעס האט געשריבן:אויב א שטאטישע אונטערנעמונג איז צו גרויס, איז דא נאך א פארשלאג. פריוואטע ביזנעסער קענען האבן אזא פאבליק ביה"כ, פונקט ווי זיי וואלטן געהאט א ווענדינג מאשין. 75 סענט פאר אן אשר יצר. די ביה"כ דארף זיין אויסגעהאלטן לויט די קאודס און קען ווערן אינספעקטעט יערליך. יעדע געשעפט מיט די סערוויס קען האבן א פלעק אין די ווינדאו אז זיי זענען א חלק פונעם "NYC RESTROOM" פראגראם. די סיטי קען האבן אן עפפ מיט א מאפע פון די אלע לאקאציעס. די מעלה פון דעם איז אז די גאווערמענט דארף נישט אינוועסטין אין דעם, חוץ פון אפאר אינספעקטערס.

אין תל אביב האט זיך געעפנט אזא ביזנעס אפאר יאר צוריק און ס'גייט אן מיט גרויס הצלחה. ס'קאסט 3 שקל פתיחת שערים און מ'קען זיין אינעווייניג אנלימיטעד...
כ'מיין אז אין חרדי'שע געגענטער וואלט עס נישט געארבעט

[tag]עזריאל[/tag], כ'האלט אז דו ביזט הונדערט פראצענט גערעכט.

א חוצפה פונעם שטאט מיך איינצוטיילן וואס צו טון אין מיין פריוואטער ביזנעס! און די טענה פון 'כופין אותו על מידת סדום' איז היפאקריטסווע במילואו, פאר צוויי טעמים:

1. ווער האט געשטעלט די שטאט קעיר צו נעמען פון מיין מידת סדום?! די שטאט דארף זיך נישט אריינצומישן אין מיינע געהירן, אפילו ווען ס'איז 'שלי שלי ושלך שלך'!!! די חוצפה הייבט זיך אן ביי אלע גוטע זאכן ווי פוד סטעמפס וכו', וואס פארשטייט דיך אז דער צווייטער דארף דיך אויסצאלן, און ס'גייט אזוי ווייט אז זיי גייען זיך אריינשטעקן די קאפ אין מיין בית הכסא. ס'איז אומגלויבליך ווי עולם גולם טאנצט נאך מיט מיט דעם בקשה, כאילו דאס איז ווען די נארמאלסטע זאך צו טון. דאכצעך מיר, אז ווער ס'איז נישט קיין ליבעראלער פערד וואס איז פארליבט אין 'ביג גאווערמענט', און כתוצאה מזה וועט ער איינטיילן צו ס'זאל זיין 'שלי שלי ושלך שלך' - צו נישט, פארשטייט זייער גוט אז די מערסט נארמאלע צוגאנג צווישן דעם יחיד און דעם רבים איז דווקא יא אויף אן אופן פון שלי שלי ושלך שלך.

און וואס די תורה איז מיר מחייב, איז לגמרי נישט קיין סיבה פארוואס די שטאט זאל מיר דאס מחייב זיין. פונקט אזויווי כ'קען - לעגאלערהייט - מזנה זיין וויפיל איך וויל מיט אן אשת איש, און כ'מוז נישט געבן קיין 'טשאריטי', וואס ע"פ תורה קען איך נישט טון. ה"ה מיטן מושג פון כופין אותו על מידת סדום, וואס דו קענסט אונטערווארפן אין מצות 'ואהבת לרעך כמוך' וכדומה, אבער איז זיכער נישט קיין סיבה פארוואס ע"פ מענטשליכקייט אליינס זאל מען מיר קענען כופה זיין על מידת סדום.

2. שנית והיא העיקר: ווען איך האב צוויי ארבעטער'ס, איז מיין בית הכסא נאכאלס א פריוואטע בית הכסא. ריין און ציכטיג. ווען ס'ווערט אפן צום רבים, אפילו נאר צו א חלק פונעם רבים, ווערט עס שמוציג. דאס איז דער פאקט. [און אסאך וואס ליידן אויף קראנקייטן, מאכן נאכמער שמוציג די ביה"כ ווי א צווייטן, ואכמ"ל]. און אין אזא פאל איז שוין נישטא דער גאנצער קאנצעפט פון 'מידת סדום', ווייל די רגע איך לייד אפילו א טראפקעלע אומבאקוועמליכקייט, איז עס שוין נישט בגדר מידת סדום [זה נהנה וזה לא חסר]. און כ"ש בנוגע אזויגערופענער 'מענטשליכקייט', איז שוין נישטא קיין סיבה זיך אומבאקוועם צו מאכן פאר א צווייטנס באקוועמליכקייט. אפגעזען וואספארא גרויסע רחמנות ער זאל זיין!

כ'ווייס אז ס'סאונט אביסל עגאיסטיש, אבער דאס גאנצער מושג פון קאנסערוואטיזם איז געבויט טאקע אויף דעם: לעב און לאז לעבן. און ס'איז נישט מיין עסק וויאזוי דו וועסט לעבן, פונקט אזויווי ס'איז נישט דיין עסק וויאזוי איך וועל לעבן. די תוצאה פון טראכטן פארקערט, פירט צו קארל מארקס, צו דו ווילסט צו נישט.


און צום לעצט, אוודאי וועל איך אריינלאזן א מענטש וואס דארף נוצן דעם ביה"כ, און כ"ש ווען יענער איז ל"ע קראנק. כ'וועל עס טון אן א געזעץ אויך. אבער איך וועל עס טון צוליב איינס פון די צוויי: א' - די תורה הייסט אזוי צו טון. ב' - מיין געוויסן דיקטירט אזוי צו טון. אבער ווען די שטאט צווינגט מיך עס צו טון, איז עס אומריכטיג, שלעכט, און 'ליבעראליזם' ווי איבעראל - גוט אויף יענעמ'ס חשבון.

אמת קנה ואל תמכור, אפילו ווען ס'ציפט.

קען זיין אז געפיליש און פיילאזאפיש וואלט איך געשטוצט די געזעץ. איך וויל אבער פארשטיין טעכניש וויאזוי קען די גאווערמענט מיר צווינגען וואס צו טוען מיט מיינע זאכן?

הרב שש
אפשר ביזטו גערעכט מיט דיין טענה , אבער וואס מיינט דעס ? און 'ליבעראליזם' ווי איבעראל גוט אויף יענעמ'ס חשבון.

אפשר זיי דיך בעסער מסביר ? משא״כ קאָנסערוואַטיווען און קאַפטיליסטן זארגן זיך שטארק פאר יענעם און פאר יושר און איקוואַליטי ? והא ראי׳ אז האלב פון די ריעל עסטעיט אין די פאראייניגטע שטאטן אין אמעריקא באלאנגט פאר אינגאנצן 400 מענטשען !!! און 80 מענטשען אין די קאפיטליסטישע אמעריקע האבן מעהר געלט און פּראספערעטי ווי אלע אנדערע אכט ביליאן מענטשען אויף די וועלט !!!

קען זיין קארל מארקס איז נישט געוועהן אינגאנצן גערעכט אבער די אנדערע זייט זיכער נישט ! מיר זעט אויס אז דער אמת איז מעהר נוטה צו מאַרקסיסם און סאָציאַליזם,

עני וועי צוריק צו די טוילעטס

@שבת אחים קען זיין דו ביסט גערעכט אז מארקסיזים איז מער 'אמת' אבער ווי די ווערטל גייט 'דעמאקראטיע איז א שלעכטע פארעם פון גאווערמענט אבער די איינציגסטע וואס ארבעט,

לגבי די שאלה פון די געזעץ, איך פארשטיי אז איינע פון די אויפגאבעס פון די גאווערמענט איז אנצוהאלטן די סאציאלע זיכערהייט און אויב דער עולם פארשטייט נישט אליין דארפן זיי עס אינפארסן,

גראדעמעכעלע האט געשריבן:@שבת אחים קען זיין דו ביסט גערעכט אז מארקסיזים איז מער 'אמת' אבער ווי די ווערטל גייט 'דעמאקראטיע איז א שלעכטע פארעם פון גאווערמענט אבער די איינציגסטע וואס ארבעט,

זיכער אזוי ! ווער רעדט פון דעמאקראטיע ? פינלאנד שוועדן דענמארק בעלגיע האלאנד קאנאדא און אסאך אנדערע זענען אלע סאָציאַליסט לענדער און האבן א גיטע עקאנאמיע, סאָציאַליזם איז נישט קיין פאָרום פון פאַסטשיסים אדער באַרבעריזאַם נאר אַ אידעאָלאָגיע!

שבת אחים האט געשריבן:הרב שש
אפשר ביזטו גערעכט מיט דיין טענה , אבער וואס מיינט דעס ? און 'ליבעראליזם' ווי איבעראל גוט אויף יענעמ'ס חשבון.

אפשר זיי דיך בעסער מסביר ? משא״כ קאָנסערוואַטיווען און קאַפטיליסטן זארגן זיך שטארק פאר יענעם און פאר יושר און איקוואַליטי ? והא ראי׳ אז האלב פון די ריעל עסטעיט אין די פאראייניגטע שטאטן אין אמעריקא באלאנגט פאר אינגאנצן 400 מענטשען !!! און 80 מענטשען אין די קאפיטליסטישע אמעריקע האבן מעהר געלט און פּראספערעטי ווי אלע אנדערע אכט ביליאן מענטשען אויף די וועלט !!!

קען זיין קארל מארקס איז נישט געוועהן אינגאנצן גערעכט אבער די אנדערע זייט זיכער נישט ! מיר זעט אויס אז דער אמת איז מעהר נוטה צו מאַרקסיסם און סאָציאַליזם,

עני וועי צוריק צו די טוילעטס

כ'האב קיינמאל נישט געזאגט אז די קאנסערוואטיוון און קאפיטאליסטן זארגן זיך פאר יענעם. ניין, ניין, און נאכאמאל ניין. זיי זארגן זיך פאר זיך אליינס, און לאזן די וועלט גיין א גאנג. דאס איז ריכטיג פון א ריין מענטשליכער בליק. איך בין עפעס שולדיג פאר יענעם? איך זארג זיך פאר מיך, און זאל יענער זיך זארגן פאר זיך.
די מושג פון ליבעראליזם איז נישט גוטס, נאר צונעמען מיין האב און גוטס כדי יענער זאל אויך האבן ברויט אויפן טיש. דאס געוויסן געבט אים גערעכט, די 'אמת' געבט אים נישט גערעכט.

און כ'רעד שוין נישט פון דעם, אז אריינבליקנדיג אביסעלע אין די פריוואטע אקאונטס פון די גרויסע ליבעראלע שוויצער'ס זעט מען אז זיי קענען פאר קיין פאל נישט ארויסנעמען קיין גרינעם גרייצער פאר אן ארימער מענטש, און די קאנסערוואטיוון זענען די גרעסטע צדקה טיילער'ס. דאס איז א דירעקטע תוצאה פון די ליבעראלע השקפה פון ביג גאווערמענט, די שטאט זאל צונעמען און זיך זארגן פאר די ארימע. פון וועם זיי זאלן צונעמען? פון 'יענעם'.

אבער שוין, צוריק צו די טוילעט'ס. זיי זענען סאך אינטרעסאנטער, און היבש ריינער פון ליבעראלע היפאקריטן.

אריגינעלער חסיד שרייבט
כ'ווייס אז ס'סאונט אביסל חסידיש, אבער דאס גאנצער מושג פון חסד איז געבויט טאקע אויף דעם: האב אינזין א צווייטן. צדק צדק תרדוף, און לא תעמוד על דם ריעך. פונקט אזויווי איך וואלט ערווארטעט הילף ווען איך בין אין א נויטפאל. די תוצאה פון טראכטן פארקערט, פירט צו מדת סדום, צו דו ווילסט צו נישט.

ממש אויף אזוי ווייט ביז מדת סדום? מהיכא תיתא?
_____
@גראדעמעכעלע,
שבת אחים האט מיר אויסגעכאפט. די אלע סאציאליסטישע לענדער האבן די העכטע לעבנס-סטאנדארטן אין דער וועלט אין כמעט יעדן מעזשורמענט.

לעבן זיי אונטער טיראניע? ניין און ניין, דא ווידעראמאל קומען זיי ארויס די העכסטע אין פרייהייט פון ווארט, פרעסע, גלייכבארעכטיגונג א.א.וו.


@שבת אחים, זינט ווען ביזטו אזא שטאלצע ליבעראל?


____

@שש,
אויב ליבעראליזם איז אזא שלעכטע, שעדליכע זאך. און אזויווי אלע ערשטע וועלט לענדער זענען היינט ליבעראל/סאציאליסטיש געשטימט, איינער מער איינער א טראפקעלע ווייניגער. וועלכע סאסייעטי אין היסטאריע איז לויט דיר געווען דער אידעאלסטן, מערסט אויסגעהאלטן, און די ווייניגסטע אנגעשטעקט מיט די שעדליכע באצילן פון 'ליבעראליזם'?

ביטע רעכן אויס די גאלדענע-גליקן-אוטאפיע וואס האט דארט געהערשט אויף אלע גאסן און מארקן.

#סדום

ישראל קאפקע האט געשריבן:@שש,
אויב ליבעראליזם איז אזא שלעכטע, שעדליכע זאך. און אזויווי אלע ערשטע וועלט לענדער זענען היינט ליבעראל/סאציאליסטיש געשטימט, איינער מער איינער א טראפקעלע ווייניגער. וועלכע סאסייעטי אין היסטאריע איז לויט דיר געווען דער אידעאלסטן, מערסט אויסגעהאלטן, און די ווייניגסטע אנגעשטעקט מיט די שעדליכע באצילן פון 'ליבעראליזם'?

ביטע רעכן אויס די גאלדענע-גליקן-אוטאפיע וואס האט דארט געהערשט אויף אלע גאסן און מארקן.

#סדום

אמעריקע, צוויי הונדערט יאר צוריק.

-----------
אגב, דו האקסט סתם א טשייניק. ווייל רוב ערשטע וועלט לענדער זענען איבערהויפט נישט געווען ליבעראל געשטימט 100 יאר צוריק, און זיי זענען שוין דעמאלס געווען ערשטע וועלט לענדער.

די סיבה פארוואס זיי זענען היינט ליבעראל, איז די זעלבע סיבה פארוואס משכ"ז איז אזוי מקודש היינט צוטאגס, און פארוואס די ערשטע וועלט לענדער האבן ליב הפקרות אויף אן אבנארמאלן פארנעם.

זאת ועוד, קוק נאך היינט אויף אמעריקע לעומת דענמארק. די ליבעראליזם פון דענמארק [נאר א משל, ה"ה האלאנד און בעצם רוב אייראפע] מאכט אמעריקע אויסזען ווי א קאנסערוואטיווע פעסטונג. איך זע נישט מיט וואס אמעריקע איז א צארישע רעזשים, וויבאלד אייראפע איז נאכמער ליבעראל. אלא מאי ביזטו מודה אז מ'מוז נישט גיין אזוי ווייט ווי זיי, נו זאג איך אז די 'טוילעט' איז שוין אויך געגאנגען צו ווייט. ובזה באנו למחלוקת ב"ה וב"ש, עעעההם, מחלוקת הישנה של ה'קאנסערוואטיוון וה'ליבעראלן, איבער ווי ווייט מ'קען - אדער מ'מעג - גיין מיט ביג גאווערמענט, אן זיין א דיקטאטורישע רעזשים. וה"ה להיפך.

אמעריקע איז נישט קיין צארישע רעזשים, בכלל נישט, אבער אמעריקע איז אונטערשטעליג פון רוב אנדערע מערב וועלט לענדער וואס זענען מער סאציאליסטיש גענויגט.

אין ערציאונג, געזונט, עקאנאמיע, יוסטיץ-סיסטעם, גלייכבארעכטיגונג און נאך.

הונדערט יאר צוריק איז קיין שום לאנד נישט געווען קיין ערשטע וועלט לאנד, דעם טערמין איז פון נאך די צווייטע וועלט קריג. רוב היינטיגע מערב וועלט לענדער זענען שוין דאמאלט געווען אנטוויקלטע לענדער, אבער די לעבנס סטאנדארט איז אזויפיל געשטיגן, טאקע אדאנק די אלע ליבעראלע סאציאליסטישע פראגראמען, און די 'פארשאלטענע' יוניאן'ס ימח שמם וזכרם, אז קיין שום "אנטוויקלטע לאנד" אין 1915 וואלט נישט צוגעקומען צו די נידריגסטע דריטע וועלט לענדער היינטצוטאגס.

דאס אנאלפאבעטיזם, אומוויסהייט, שמוץ, קרענק, ארעמקייט, קארופציע, קריים איז געווען פיל ערגער ווי סיי וועלכע דריטע וועלט לאנד היינטצוטאגס. אפילו אין אזא פארגעשריטע שטאט ווי ניו יארק אדער לאנדאן.

א גוטע בוך צו ליינען וואלט געווען "א בוים וואקסט אין ברוקלין", א גאר לעבעדיגע שילדערונג איבער דאס לעבן אין וויליאמסבורג אין די אנפאנג ניינצן הונדערטער.

אנשטאטס זיך צו טענה'ן איבער פאקטן, איז פשוט גוט אראפצוברענגען דיינע אייגענע ווערטער, כדי צו זען וויפיל אמת עס ליגט דערין:

ישראל קאפקע האט געשריבן:דאס אנאלפאבעטיזם, אומוויסהייט, שמוץ, קרענק, ארעמקייט, קארופציע, קריים איז געווען פיל ערגער ווי סיי וועלכע דריטע וועלט לאנד היינטצוטאגס. אפילו אין אזא פארגעשריטע שטאט ווי ניו יארק אדער לאנדאן.

אהא, הייסט אז ניו יארק 100 יאר צוריק האט אויסגעזען ערגער ווי אפריקע צו זאגאר אינדיע, היינטצוטאגס. מ'איז געשטארבן פון הונגער אין די גאסן, 50% איינוואוינער זענען געווען אנאלפאבעטן. און קריים איז געווען דאס לעבן שטייגער דאהי.

ענדזשוי דיין דמיון.
עס טראגט דיר ווייט.

א האלבע אמת איז ערגער פון א גאנצע שקר.

דו ברענגסט א דוגמה פון וועם? פון שווארצע? דאס דארף זיין א באווייז אויף אמעריקע'ס צוריקגעשטאנענהייט 100 יאר צוריק? לדעתי איז דאס די גרעסטע ראי' אויף פארקערט. ווייל חוץ פון שווארצע - וואס זענען דעמאלס ממש געווען א מיעוטא דמיעוטא - איז חינוך געווען געהעריג צוגעשטעלט. [אגב, פאר די שווארצע האט מען נישט צוגעשטעלט, אדער ס'האט זיי נישט פאראינטרעסירט?].

און דו האסט דיך לגמרי מתעלם געווען פון אלע אנדערע נקודות, ארעמקייט און הונגער, קריים, שמוץ און קרענק. בקיצור, טוב לו שלא נבראה התגובה משנבראה...

ארעמקייט, הונגער, קריים, שמוץ און קרענק איז שווערער צו קוואנטמיזירן. ופשוט.

אויב וואלסטו נישט געווארן אזוי אנגערייצט ביים זען דאס ווארט 'שווארצע' (יא יא, זיי, די שווארצע) וואלסטו געזען אז ער רעדט סיי פון שווארצע און סיי פון די אלגעמיינע באפעלקערונג.

די סך הכל ראטע פון איינגעשריבענע 5 ביז 19 יעריגע איז געשטיגן פון 51% אין 1900 צו 75% אין 1940"

דאס דארף נישט צייגן אמעריקע'ס צוריקגעשטאנענקייט, אדרבה אמעריקע איז געווען פון די מערסט פארגעשריטענע (אונטער ענגלאנד און קאנאדע, מעגליך פראנקרייך דייטשלאנד)

אגב, איך כאפ נישט פארוואס איך דארף ברענגען ציפערן, איך האב דאך קלאר געפרעגט גלייך אנהויב

ביטע רעכן אויס די גאלדענע-גליקן-אוטאפיע וואס האט דארט געהערשט אויף אלע גאסן און מארקן.

דאס האסטו לגמרי נישט ערפילט.
_______
@גבאים
#אפטיילן אשכול אלערט.

אדנירם האט געשריבן:

שבת אחים האט געשריבן:הרב שש
אפשר ביזטו גערעכט מיט דיין טענה , אבער וואס מיינט דעס ? און 'ליבעראליזם' ווי איבעראל גוט אויף יענעמ'ס חשבון.

אפשר זיי דיך בעסער מסביר ? משא״כ קאָנסערוואַטיווען און קאַפטיליסטן זארגן זיך שטארק פאר יענעם און פאר יושר און איקוואַליטי ? והא ראי׳ אז האלב פון די ריעל עסטעיט אין די פאראייניגטע שטאטן אין אמעריקא באלאנגט פאר אינגאנצן 400 מענטשען !!! און 80 מענטשען אין די קאפיטליסטישע אמעריקע האבן מעהר געלט און פּראספערעטי ווי אלע אנדערע אכט ביליאן מענטשען אויף די וועלט !!!

קען זיין קארל מארקס איז נישט געוועהן אינגאנצן גערעכט אבער די אנדערע זייט זיכער נישט ! מיר זעט אויס אז דער אמת איז מעהר נוטה צו מאַרקסיסם און סאָציאַליזם,

עני וועי צוריק צו די טוילעטס

כ'האב קיינמאל נישט געזאגט אז די קאנסערוואטיוון און קאפיטאליסטן זארגן זיך פאר יענעם. ניין, ניין, און נאכאמאל ניין. זיי זארגן זיך פאר זיך אליינס, און לאזן די וועלט גיין א גאנג. דאס איז ריכטיג פון א ריין מענטשליכער בליק. איך בין עפעס שולדיג פאר יענעם? איך זארג זיך פאר מיך, און זאל יענער זיך זארגן פאר זיך.
די מושג פון ליבעראליזם איז נישט גוטס, נאר צונעמען מיין האב און גוטס כדי יענער זאל אויך האבן ברויט אויפן טיש. דאס געוויסן געבט אים גערעכט, די 'אמת' געבט אים נישט גערעכט.

און כ'רעד שוין נישט פון דעם, אז אריינבליקנדיג אביסעלע אין די פריוואטע אקאונטס פון די גרויסע ליבעראלע שוויצער'ס זעט מען אז זיי קענען פאר קיין פאל נישט ארויסנעמען קיין גרינעם גרייצער פאר אן ארימער מענטש, און די קאנסערוואטיוון זענען די גרעסטע צדקה טיילער'ס. דאס איז א דירעקטע תוצאה פון די ליבעראלע השקפה פון ביג גאווערמענט, די שטאט זאל צונעמען און זיך זארגן פאר די ארימע. פון וועם זיי זאלן צונעמען? פון 'יענעם'.

אבער שוין, צוריק צו די טוילעט'ס. זיי זענען סאך אינטרעסאנטער, און היבש ריינער פון ליבעראלע היפאקריטן.

הרב שש , פארן אריינגיין אין פרטים פון ווי נעמסטו אז די ליבערעלס געבן נישט פאר קיינעם קיין גרינעם גרייצער ???? זאגסט א סטעיטמענט אן קיין שום דעקונג !!! נישט נאָר זיי געבן נישט קיין גרינע גרייצער נאר ס׳איז פונקט קאַפּויער פון וואס דו זאגסט ! לעצטעס יאהר האט די אידישע ביליאנער מאַרק צוקערבערג א אטיעיסט ליבעראַל געגעבן די מערסטע צדקה ! פאר איין וויואלטעטיגע ארגענזאציע אליינס האט ער געגעבן א ביליאן דאללער מיט א בי״ת! א צענטל פון זיין פארמעגן ! ווען בשעת מיט ראמני האט אוועקגעגבן רוב פון זיין צדקות במשך די יאהרן פאר די מאָרמאָן קירכע ... און אראפּגערעכענט פון שטייערן (וואס אין א נארמאלע סאסייעטי וואלט געדארפט זיין איליגעאל !) וואס איך און דו און רוב אמעריקאנער האבן נישט קיין הנאה אז אין סאן דיעגא איז דא א פּראכפולע 250 מיליאן דאללערדיגע קירכע!!!

דעס איז נאר איין משל ווילסט נאך ???

ס׳איז די גרעסטע ליגענט וואס איך האב געהערט אין א שטיק צייט !!!

קוק וויאזוי דיינע פארשאלטענע רעכטע walton family פון וואלמאַרט געבן זיך אפּ מיט זייערע ארבייטער און וויאזוי זיי שטיצן און געבן געלט און נדבות פאר אלע רעכטע פּאליטישאָנס וואס שטיצן נישט צו העכערן ח״ו די מינימום וועידזש פון בערך ניין דאללער וואס א עוורידזש וואָל מאַרט ארבייטער מאכט ! וואס אגב ס׳איז נישט מעגליך צו לעבן אויף אזא געהאלט אין אמעריקע !!! בשעת זיי זענען די רייכעסטע משפחה אויף די וועלט און שפּענדן ביליאנען אויף שטותים און הבלים! ביליאנען אויף נערישע אַרט וואס קיינער בענעפיט נישט פון דעם....

@שבת אחים, זינט ווען ביזטו אזא שטאלצע ליבעראל?

כ׳בין אייביג געוועהן מעהר גענויגט צו לינקס און צו ליבעראליזם ! אבער ווי עלטער איך ווער און וואס מעהר כ׳האב געליינט און נאכן אביסל אריינקוקן אין דעם און שטודירן האב איך געזעהן די בילד אביסלע קלאָרער!!!

ישראל קאפקע האט געשריבן:

_____
@גראדעמעכעלע,
שבת אחים האט מיר אויסגעכאפט. די אלע סאציאליסטישע לענדער האבן די העכטע לעבנס-סטאנדארטן אין דער וועלט אין כמעט יעדן מעזשורמענט.

לעבן זיי אונטער טיראניע? ניין און ניין, דא ווידעראמאל קומען זיי ארויס די העכסטע אין פרייהייט פון ווארט, פרעסע, גלייכבארעכטיגונג א.א.

@ישראל
אמת ויציב, הלואי וואלט אמעריקא גענומען א לעקציע פון די לענדער און געטוישט אביסל פון זייערע שטייפע קאפיטליסטישע פּאליסיס אפילו נאר למחצה ולשליש....

אדנירם האט געשריבן: quote]
דאס איז ריכטיג פון א ריין מענטשליכער בליק. איך בין עפעס שולדיג פאר יענעם? איך זארג זיך פאר מיך, און זאל יענער זיך זארגן פאר זיך.
די מושג פון ליבעראליזם איז נישט גוטס, נאר צונעמען מיין האב און גוטס כדי יענער זאל אויך האבן ברויט אויפן טיש. דאס געוויסן געבט אים גערעכט, די 'אמת' געבט אים נישט גערעכט.

און כ'רעד שוין נישט פון דעם, אז אריינבליקנדיג אביסעלע אין די פריוואטע אקאונטס פון די גרויסע ליבעראלע שוויצער'ס זעט מען אז זיי קענען פאר קיין פאל נישט ארויסנעמען קיין גרינעם גרייצער פאר אן ארימער מענטש, און די קאנסערוואטיוון זענען די גרעסטע צדקה טיילער'ס. דאס איז א דירעקטע תוצאה פון די ליבעראלע השקפה פון ביג גאווערמענט, די שטאט זאל צונעמען און זיך זארגן פאר די ארימע. פון וועם זיי זאלן צונעמען? פון 'יענעם'.

אבער שוין, צוריק צו די טוילעט'ס. זיי זענען סאך אינטרעסאנטער, און היבש ריינער פון ליבעראלע היפאקריטן.

שש איך דיסעגרי מיט א יעדע ווארט פון די תגובה , און אונז וועלן זיך נאך טעהנן וועגן דעם אין א אנדערע גלעגענהייט , כהאב ניט קיין נערווען יעצט !! 6:30 צופרי איז אביסלע צו פרי זיך אויפצורעגן ! אפשר נאכן אויסטרינקן די גלעזעל קאווע וועל איך קומען צו די כוחות !

איך זעה אז שבת זיכט שוין זיינע אחים׳לעך ער רופט שוין די יאניט׳ס צו קערנעמען
אבער כ׳וויל זיין א שואל ע״ה איך וויל פרעגן און פארשטיין ווי א גרינע אינגעל אין חדר וואס הייבט אויף די הענט און שרייט הא הא הא ...
איך וויל פארשטיין ווי ס׳קומט דא בכלל אריין די נושא פון ביג גאוועמענט און ליבעראליזעם וואס איז זייער א האקעלע נושא וואס כשם שאין פרציתיהם שוים אין דעתיהם שוים יעדער האט אנדערע גדרים און כללים און דעם אסאך מאל גענויגט לויט די אייגענע מצב און אינטערעסן
אבער יעדער פארשטייט אז אילמלא מורא מלכות איש את חבירו חיים בלעו און אז אויף גניבה וגזילה ורצוחה וכדומה דארף מען האבן געזעצן דאס איז אלעמאל געווען און כ׳האף אז יעדער פארשטייט אז פאר א מענטש מיט סעבילעטיס ער קען נישט פארדינען א גרייצער אפי׳ ער זאל וועלן און האט נישט קיין קרובים צו הילף דארף מען אויסשטעלן א סיסטעם וואס געט אים די מינימאלע זאכן וואס ער דארף נישט אויסצוגיין אויפן גאס און אין שפיטאל זאל ער אנגענומען ווערן בחינם יעצט ווען א מענטש איז אין א פקוח נפש מאמענט וואס נאר די איינער קען אים העלפן איז נישט מער ווי נארמאל אז די זאלסט אים העלפן און אז נישט ביסטו אן אכזרי פון ערשטע קלאס ולא בגדר אדם בכלל ס׳איז דא למשל א געזעץ אז איינער מיט אן emt לייסענס מוז העלפן אויב ער זעהט אז א מענטש דארף emergency הילף(כ׳בין עס נישט מדמה דארט איז עס א תנאי אין די לייסענס) באמת דארף מען ווען נישט צו דארפן א געזעץ אויף דעם אבער אז מ׳זעהט אז די עולם זענען רוצחים איז נישט דא קיין צוויי ברירות נאר צו נעמען די שטעקן די קלאפער אין די הענט אריין אין מאכן א געזעץ אויף דעם
דא רעדט מען פון א פקוח נפש שאלה וואס באמת פאר נארמאלע מענטשן דארף מען נישט מאכן א געזעץ אויף דעם נאר היות ב״ה ס׳איז דא אסאך מענטשן וואס האבן נישט קיין נאנטע וואס ליידן דערויף אין פארשטייען נישט די נחוצות הענין אזויווי די אלע אין אלבעני וואס קראצן די קאפ צו מ׳זאל מאכן די געזעץ אדער נישט אפי׳ גאנץ ליבעראלע פון זיי וואס סאדע האט זיי מורא׳דיג געשטערט דארף מען נעמען די בייטש אין די הענט אפילו ס׳גייט קעגן די שיטה הקדושה בלית ברירה

[ישראל קאפקע"]
@גבאים
#אפטיילן אשכול אלערט.[/quote]


כ׳וויל שוין לאנג וויסן צו אין אזא פאל דארף מען עס אפטיילן צו א צווייטע אשכול נישט צו פארדרייען די נושא אדער איז בעסער אז נישט ווייל אזוי ליגט די מעסיטש אויפן טיש אין פאלט נישט אראפ פונעם סדר היום
די וועלט זאגט קענסט רעדן אנטקעגן מיר אבער רעדט פון מיר

כ׳האב דאס נישט געלייגט אין אן עקסטע אשכול ווייל קודם ווארט איך אויף תשובה

איך זעה אז שבת זיכט שוין זיינע אחים׳לעך ער רופט שוין די יאניט׳ס צו קערנעמען

אבי געהאקט ! אבי אויסגעדרייט מיינע ווערטער! איך דארף נישט קיינער זאל קעיר נעמען פון קיינעם! , קוק איבער וואס כ׳האב געשריבן:

כ׳פרעג וואס איז געשעהן מיט זיי ווען אמאלדיגע צייטן וואלט זיך דא אין אזעליכע אשכולות געטוהן אויף טישן און בענק !, לעצטענס זענען זיי אלע שטיל מעהר ווייניגער! דאס אלעס!