קאווע שטיבל

דאכט זיך אז רש"י איז קיינמאל נישט מפרש אז דער פסוק רעדט פון משיח והדבר צ"ע.

אין ספר יוסיפין ווערט שוין דערמאנט די געדאנק פון משיח, אבער כ'ווייס נישט אויב עס ווערט דערמאנט אין די ארגינאלע קדמוניות היהודים, צו נאר אין די געפעלטשטע לשון הקודש'דיגע יוסיפין.

Sent from my SM-G900T using Tapatalk

אויב עס פעלט אויס א מקור פון נ״ך אויב די ווערטער פון חז״ל זענען דיר נישט גענוג מה לנו ולאמונתך,
אויב וואולסטו סתם אזוי וויסען וואו סשטייט איז די שאלה יא כשר.
אבער פון דיי קעפל איז משמע מער וואו די ערשטע צד ,
מן הסתם א טעות און ביטע רעדאגירן.

פאראכטען

I can't believe I just said that...

די ברכה פון את צמח דוד איז א תפילה אויף מלכות בית דוד שישוב למקומה נאכדעם וואס זי איז אנידערגעפאלן מיטן גלות צדקיהו. די נבואה פון זכריה הנביא רעדט אויך פון דאס זעלבע ווי רש"י איז מפרש.

ויצא חוטר מגזע ישי ווידער איז א קלארע נבואה אויף חזקיהו המלך כמבואר בנפרשים.

דאס איז כמובן נאר על פי פשוטו של מקרא. חז"ל, נעמענדיג אין באטראכט אז די נבואות זענען נישט פארפולקאמט געווארן, האבן פארטיישט די פסוקים אויף א מלך המשיח מזרע דוד וואס וועט נתגלה ווערן באחרית הימים.

דער מאטיוו פון א אחרית הימים איז געווען ברייט פארשפרייט אין פארשידענע פארווארפענע רעליגיעס איבער די וועלט נאך זינט די אור אלטע צייטן, דעריבער (אפילו לויט די וואס פארלאזן זיך נישט בלויז אויף די פרשניות חז"ל) איז נישט קיין וואונדער א די פארנעפלטע פאיעטישע נביאות אין תנ"ך איבער א וואונדערליכער צוקומפט זאל טאקע רעדן פון אונזער אחרית הימים מאדעל (אפוקאליפסיקא-אן אריבערגאנג צו א נייערע בעסערע וועלט). ספעציעל אז דער מאטיוו איז געווען שטארק פארשפרייט ביי די רעליגיעס פון דעם ווייטן מזרח פון וואס די פערסישער זארואסטרו איז א טייל פון זיי. וואס כידוע האט די פערסישע שליטה איבער די מיטל מזרח געלאזט א שטארקער רושם אין אידישקייט. און ווי פארשטענדליך האבן די פערסישע מאטיוון געעפענט א פרישער מהלך אין מעטאפיזישע פרשניות התנ"ך (גלייך ווי דער גריכישער פילאזאפיע האט געעםנט א פרישער מהלך און קוק ווינקל אין פרשניות התורה נוסח רמב"ם, און די דארוויש-סופי שטערמונג א פרישער מהלך בפרשניות התורה והמצוות אין די תקופת האחרונים נוסח זהר הקדוש).

איך מיין אז עס איז נישט אפגעפרעגט צו זאגן אז אפילו אמת'ע הבנה אין אמונה קען גענומען ווערן בהשראת גויי הארץ. און אפילו דער פסוק זאגט אז מען זאל זיך פון די עובדי עבודה זרה לערנען וויאזוי צו דינען דעם אויבירשטן מיט געטריישאפט. און נאך פארשידענע דגמאות זעען מיר אין ספרי חז"ל ראשונים ואחרונים ווי מען האט ארויס גענומען באופן ישיר, רעיונות והבנה בעבודת השם פון די עובדי אלילים ופילאסאפים.

דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

נו געוואלדיג דא האסטו די ערשטע געלעגנהייט צו נוצן דיין נייע מעקער…

געוואלדיג האט געשריבן:דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

קענסט עס אזוי אויסטייטשן. אדער קען מען זאגן אז אלע פעלקער האבן געהאט מקובל פון זייער זיידע אדם אז די וועלט וועט באחרית הימים באקומען א משיח.

Sent from my SM-G900T using Tapatalk

געוואלדיג האט געשריבן:דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

די שאלה איז. אויף וואס האט דאס דער רמב"ם באזירט, ווען ר'האט דאס געמאכט פאר איינס פון די י"ג עיקרי האמונה...?

פונקט אזוי ווי די גריכישע פילאזאפן האבן אונז געעפנט די אויגן אז עס איז נישט יתכן אז דער באשעפער איז משגי הגוף, אזוי האבן אונז די פרסיים געעפנט די אויגן אז עס איז מוכרח אז עס איז דא א חיים לאחר החיים און א גאולה שלימה וכללית לעם הנבחר.

Wow wow wow !!!
גרעסערע חידושים פון מינוט צו מיניוט!
משיח פון די פרסיים אינו משיגי גוף פון די יוונים ,
נו וואס נאך ? שבת פון די נוצרים ? נבואה פון בלעם ?
יציאת מצרים פון ? תורה פון ? תורה שבעל פה ? קבלה ?
לאמיר הערן דעק אויף די מקורות פון אידישקייט .

ירא שמים האט געשריבן:Wow wow wow !!!
גרעסערע חידושים פון מינוט צו מיניוט!
משיח פון די פרסיים אינו משיגי גוף פון די יוונים ,
נו וואס נאך ? שבת פון די נוצרים ? נבואה פון בלעם ?
תורה פון ? תורה שבעל פה ? קבלה ?
לאמיר הערן דעק אויף די מקורות פון אידישקייט .

פטור געווארען פונעם קריסט איז אנגעקומען דער יווני....

I can't believe I just said that...

ירא שמים האט געשריבן:נו געוואלדיג דא האסטו די ערשטע געלעגנהייט צו נוצן דיין נייע מעקער…

איך וועל ניצן די געלעגנהייט צו מגלה דעת זיין אז מין רצון איז עכט אז יעדע הערה זאל דער כותב אליין מעקן, און פארדעם האב איך געוואלט קלאר מאכן וואס ער האט געמיינט מיט זיין תגובה, ער האט רעדאגירט און זיך בעסער מסביר געווען.

ירא שמים טשיל אף, אינו משיגי הגוף איז לויט פילע (וכלשון הראב"ד גדולים וטובים הימנו), נישט מעיקרי האמונה.
דער רמב"ם זאגט קלאר אז ער נעמט עס פון די ראיות היוונים הפילוסופיים.

Sent from my SM-G900T using Tapatalk

קרבנות פון די כנענים, תפילין פון די פרעונים, שבת און דער רעיון השבוע פון די בבלישע אכדים. די תורה האט טראנסארמירט די מנהגי זמנם צו דינען דעם אויבירשטן דערמיט, אנשטאט די עבודה זרות, גלייך ווי מיר זינגען פוילישע סטיל וואלסן צו זינגען קל אדון אנשטאט שטילע נאכט, און די בארוק און רענעסאנס סטיל דראמאס צו אפשפילן א פורים שפיל ווי מכירת יוסף און אנדערע מעשיות מיט א אידישער מוסר השכל בשלחנם של אדמורי"ם וצדיקים.

ואלה המשפטים פון די... [emoji6]

Sent from my SM-G900T using Tapatalk

שמערל האט געשריבן:ירא שמים טשיל אף, אינו משיגי הגוף איז לויט פילע (וכלשון הראב"ד גדולים וטובים הימנו), נישט מעיקרי האמונה.
דער רמב"ם זאגט קלאר אז ער נעמט עס פון די ראיות היוונים הפילוסופיים.

Sent from my SM-G900T using Tapatalk

נישט מעיקרי האמונה קען זיין , אבער קיינער דינגט זיך נישט מיט דעם אז אזוי איז עס לאמיתתו,
די רמב״ם : מקור ביטע?

זעצט אייך לערנען מורה נבוכים.

Sent from my SM-G900T using Tapatalk

יכול להיות אז ער ברענגט א ראי׳ מחכמתם אזויוואו א ראי׳ ברענגען אויף מציאת הבורא ,
נישט אויפן עצם מושג,
קען זיין שמערל?

וואס הייסט, פון ווי טראכסטו קען מען וויסן די עצם מושג.

Sent from my SM-G900T using Tapatalk

נאר פון די גריכען קען מען דאס וויסען ?
ביזן רמב״ם האט פון דעם נישט געוויסט ?
און די חכמי צרפת וואס האבן נישט געלערנט פילעזאפיע פון וואו האבן זיי געוויסט ?

א נידריג פאלק די אידן, יעדע געדאנק פלאיגירט פון אנדערע און נישט געגעבן קרעדיט, נידער מיט די אידן, מי כעמך הגוים.

moshav zekeinim האט געשריבן:קרבנות פון די כנענים, תפילין פון די פרעונים, שבת און דער רעיון השבוע פון די בבלישע אכדים. די תורה האט טראנסארמירט די מנהגי זמנם צו דינען דעם אויבירשטן דערמיט, אנשטאט די עבודה זרות, גלייך ווי מיר זינגען פוילישע סטיל וואלסן צו זינגען קל אדון אנשטאט שטילע נאכט, און די בארוק און רענעסאנס סטיל דראמאס צו אפשפילן א פורים שפיל ווי מכירת יוסף און אנדערע מעשיות מיט א אידישער מוסר השכל בשלחנם של אדמורי"ם וצדיקים.

סתם אזוי פון וואו בוסטו דאס אלס געוואר געווארן ? האסט געכאפט א שמועס מיטן באשעפער ?