קאווע שטיבל

ביטע העלפט ארויס אחבנ"י וואס שמאכטן אין תפיסה נישט צו פארלירן טייל פון זייערע וויזיטינג טעג.

https://www.change.org/p/new-york-state ... facilities

ב"ה, א געוואלדיגע זאך פאר אחבנ"י היושבים.

https://www.nytimes.com/2017/03/28/opin ... tions.html

ב"ה אז ס'איז געבליבן ביים אלטן.

מיט גרויס פרייד ווערט אויפגענומען די בשורה אז דער ניו יארק סיטי מעיאר, ביל דע בלאזיא, האט געמאלדן אז די טרויעריג-בארימטע פינסטערע טורמע אין רייקערס איילענד, וואס איז פון די שווערסטע סכנה'דיגסטע תפיסות אין אמעריקע, און איז געווען א מקור פון אומצאליגע רציחות און רדיפות סיי צווישן די ארעסטאנטן צווישן זיך און סיי פון די ברוטאלע קארופטירטע אפיצירן, וועט צוביסלעך ווערן גענצליך אפגעשפארט.

די תפיסה וועלכע געפינט זיך אויף אן אינזל, איז איין קייט פון ווייטאג און צער, סיי פאר די ארעסטאנטן זעלבסט און סיי פאר זייערע משפחות. עס האט געהאט אומצאליגע חסרונות, שווערער ווי אנדערע טורמעס. דאס זיצן אפגעזונדערט ווי א מצורע האט גורם געווען אז מען האט לענגער געדארפט ווארטן צו קענען זעהן א ריכטער, שווערער געמאכט וויזיטאציעס, און בכלליות געגעבן דעם איינדרוק ווי דער פלאץ איז נישט די זעלבע מענטשליכע ניו יארק ווי ארום דעם אינזל. עס האט געהערשט א קולטור פון פארפוילטקייט, גרויזאמקייט און קארופציע. דער מעיאר זאגט אז עס איז אזוי דורכגעפוילט, אז עס איז כמעט אוממעגליך צו פאררעכטן, און מען מוז דאס אפשפארן.

דער פלאן איז יעצט צו צעטיילן די טויזענטער ארעסטאנטן אין 5 קלענערע, מער מענטשליכע תפיסות לענגאויס די 5 באראס אין די סיטי. דער פראצעדור קען נעמען א לאנגע 10 יאר, און אפקאסטן פאר די סיטי איבער 10 ביליאן דאלער. כאטש די געלט וועט נישט פארלוירן גיין, ווי שפעטער ערקלערט. ווי אויך איז דער פלאן אפצושאפן געוויסע קריימס און פארגרינגערן די עונשים (צב"ש פראסטיטוציע וועט מער נישט זיין א קרימינאלע אקט, נאר אנשטאט וועט מען באקומען מער א ציווילע עונש ווי א טיקעט). ווי אויך רעדוצירן די צאל ארעסטאנטן אויף פארשידענע אופנים. דער מעיאר זאגט אז די לעצטערע יארן זענען די צאל ארעסטן אין ניו יארק געווארן שטארק פארמינערט, וואס גיט האפענונג אז דאס איז די ריכטיגע מהלך צו טון, אפשאפן רייקערס און מסדר זיין די אינמעיטס אין אנדערע תפיסות אדער זעהן זיי זאלן גיין פריי.

אויסער זיך שפארן אסאך געלט (ארום 1.4 ביליאן א יאר) דורך דעם פלאן, וועט דער אינזל צוניצקומען און ברענגען איינקונפט פאר די סיטי אין אנדערע וועגן, דערווייל נאך נישט באשלאסן. איין אפציע וואס וועט מסתם נישט צושטאנד קומען, איז צו מאכן נאך א ראנוועי צו דעם דערנעבנדיגן לאגווארדיע לופטפעלד. אנדערע מער מסתבר'דיגע פלענער איז צו העלפן די סיטי מיט וואסער רעזערווארן אדער מיסט וכדו'.

Mayor Backs Plan to Close Rikers and Open Jails Elsewhere
https://www.nytimes.com/2017/03/31/nyre ... sland.html


Rikers Island Commission Unveils Plan to Shut Down Jail Complex
https://www.nytimes.com/2017/04/02/nyre ... -plan.html


Closing Rikers Island Is a Moral Imperative
https://www.nytimes.com/2017/03/31/opin ... ative.html

אין אנדערע, ענליכע גוטע נייעס, ווערט געמאלדן אז די ברוטאלע "טענט סיטי" טורמע אין אריזאנע, וואס דער 84-יעריגער רשע דזשאו ארפעיא (וואס פלעגט זיך רופן "דער שעריף פון אמעריקע" – און איז ענדליך ארויסגעשטויסן געווארן דורך זיין קעגנער, כנ"ל) האט אויפגעשטעלט ספעציעל כדי צו פייניגן און דערנידערן די ארעסטאנטן, וועט ווערן פארשלאסן בקרוב, און די ארעסטאנטן וועלן אריבערגעפירט ווערן צו אנדערע מער מענטשליכע תפיסות.

http://www.msn.com/en-us/news/crime/ari ... ar-BBzm2XW

פרעג איך ענק....

.

האסט ערווארטעט עפעס אנדערש? רעפובליקאנער האבן פון אייביג אן געהאט א hard-line צוגאנג צו קרימינאלן, חוץ די פון די "ווייסע קראגן" חדר. לעומת זה די דעמאקראטן האבן פונקט די פארקערטע צוגאנג.

יא. איינער פון די גרויסע חסרונות פון די טראמפ אויפשטייג איז סעשאנס. מיט איהם איז קרימינאל יוסטיץ אביסעלע איבערגעטריבן. אבער למעשה האט ער א טענה מיט דעם אז למעשה זענען די געזעצן ברוטאלע געזעצן. און ס'איז די אחריות פון קאנגרעס צו מאכן רעפארם. איצט אז די געזעצן זענען אזוי דארף ער עס אינפארסירן. אולי אז ער וועט עס אינפארסירן וועט עס ערוועקן קאנגרעס צו מאכן טויש שנעלער. די חיסרון פון לאזן די געזעצן אבער נישט אינפארסירן ברענגט עווענטועל א רעגירונג ווי מען אינפארסירט נאר דאס געזעץ סעלעקטיוולי אויף דער וואס די פאליטישאנס וועלן זיך. וואס שטייט אויס צו ברענגען א ריזיגע חורבן.......

החוקר האט געשריבן:רעפובליקאנער האבן פון אייביג אן געהאט א hard-line צוגאנג צו קרימינאלן

נישט צו קרימינאלן נאר צום געזעץ. איז עס געזעץ דארף מען עס אינפארסירן. וואלט די געזעץ געווען אז מען זאל עס אנדערש אינפארסירן וואלט ער ווען נישט געקענט טוהן אזוי.

החוקר האט געשריבן:חוץ די פון די "ווייסע קראגן" חדר. לעומת זה די דעמאקראטן האבן פונקט די פארקערטע צוגאנג.

פארוואס איז איינס אנדערש ווי די אנדערע? לשיטתי דארף מען ביידע פארמינערן אויף וואס מער. אבער בעיקר פון די זייט פון געזעץ אז די רעגירונג זאל נישט האבן אזא שטארקע כח צו לייגן סיי ווער אין תפיסה פאר א גאנץ לעבן. צו האבן אזעלכע ברוטאלע געזעצן און מ'זאל זיך דארפן פארלאזן אויף די רחמנות פון די פראסעקיוטער'ס איז נאך א שוואכערע מהלך. ווייל ווען זיי מאכן אפ סעלעקטיוולי ווער יא און ווער נישט וועט די עליטע אייביג פארקוקט ווערן אבער סתם מענטשן וועלן מיט מאכן.

מען קען משוגע ווערן פון די געמיינע פאליציי, דעטעקטיוון און פראסעקיוטערס.

נאר 9 יאר פאר אזא מאסן מערדער? און פאר אביסעלע שווינדל טיילט מען 20-30 יאר אן רחמנות?

.

שמעקעדיג האט געשריבן:נאר 9 יאר פאר אזא מאסן מערדער?

.

ער האט דען בזדון גע'הארגעט
ער האט אומוויסענדיג געהאנדעלט אן אחריות

איש את רעהו האט געשריבן:

שמעקעדיג האט געשריבן:נאר 9 יאר פאר אזא מאסן מערדער?

.

ער האט דען בזדון גע'הארגעט
ער האט אומוויסענדיג געהאנדעלט אן אחריות

אמת, אבער פארוואס איז איינער וואס גנב'ט (סך הכל פינאנציעלע שאדן) ערגער ווי איינעם וואס איז גורם מענטשן זאלן שטארבן. געב אים טאקע נישט 35 יאר, אבער אויך נישט פאר א שווינדלער.

ענדליך האט א דזשאדזש געפינען שולדיג דעם שעריף פאר 'קאנטעמפט אף קאורט', און וועט מעגליך (האפענטליך) מוזן בקרוב דינען א טורמע אורטייל.

א לאנגע ארטיקל אינעם 'ניו יארק טיימס' איבער פראסעקיוטערס און עווידענץ, באגלייט מיט עטליכע געשיכטעס ווי יוסטיץ קען גיין ראנג

https://www.nytimes.com/2017/08/01/maga ... d-her.html

הימל שרייענד

.

שמעקעדיג האט געשריבן:ענדליך האט א דזשאדזש געפינען שולדיג דעם שעריף פאר 'קאנטעמפט אף קאורט', און וועט מעגליך (האפענטליך) מוזן בקרוב דינען א טורמע אורטייל.

פון JP נייעס:

פרעזידענט טראמפ באטראכט פארדאן פאר שעריף דשאו ארפייא

פרעזידענט טראמפ האט אין א שמועס מיט די פרעסע געזאגט אז ער טוט ערנסט באטראכטן צו שענקען א פרעזידענטליכע פארדאן פאר דעם בארימטער שעריף פון אריזאנע דשאו ארפייא. "איך באטראכט ערנסט אים צו פארדאנירן, ער איז אן אמעריקאנער פאטריאט וועלכער האט געטון אסאך צו לינדערן דעם פראבלעם פון אומלעגאלע אימיגראציע, איך האב פיינט צו זעהן וואס עס האט פאסירט צום אים", האט דער פרעזידענט געזאגט פון זיין רעזידענץ אין בעדמינסטער פאר די 'פאקס ניוז' נעץ.

דער 85 יערגיער ארפייא - וועלכער האט זיך באקאנט געמאכט מיט זיין אויסנאם שטייפע און ברוטאלע צוגאנג קעגן פארברעכן - איז געפונען געווארן שולדיג אין פארלעצן א געריכטליכע באפעל צו ענדיגן א פראצעדור פון אפשטעלן אימיגראנטן אין טרעפיק פארלעצונגען. ער שטייט אויס 6 מאנאטן טורמע, און דער פרעזידענט וועט ווי עס שיינט אים פארדאנירן אין פאל ער וועט דארפן פאקטיש דינען א טורמע טערמין.

דאס איז שוין סתם שלעכט!!! זייט ווען רעכנט מען זיך מיט די גוטע זאכן וואס א באנדיט האט געטון כדי אים צו פארדאנירן?
איך גלייב אז עס איז ממש נישט לעגאל, כאטש א פרעזידענט מעג פארדאנירן, זעהט מען דא אפענע נגיעות און בייעס.

.

שמעקעדיג האט געשריבן:
דאס איז שוין סתם שלעכט!!! זייט ווען רעכנט מען זיך מיט די גוטע זאכן וואס א באנדיט האט געטון כדי אים צו פארדאנירן?
איך גלייב אז עס איז ממש נישט לעגאל, כאטש א פרעזידענט מעג פארדאנירן, זעהט מען דא אפענע נגיעות און בייעס.

.

דעס אז טראמפ האנדעלט נישט ריכטיג דא איז אן אנדערסטעיטמענט, אבער וואס קען מען טוהן, ס'איז הונדערט פראצענט לעגאל, אבאמא האט אויך געפארדענט לויט זיינע פאליטישע נגיעות צו מאכן גרינגער פאר נאן וויאלענט דראג קרימינאלס, און קלינטאן נאך ערגער עד כדי כך ס'איז געווען עפעס א סקאנדאל אז ער האט געפארדענט א גרויסע באשטייערער אויב איך געדענק גוט.

זאל יענער זיצען אזוי ווי ס'קומט זיך עם, אבער דאך, ס'איז א פרעזידענטיעל פריווילידזש.

קומט א מענטש וואס הערט די שוועת עניים און ווידמעט זיין פאליטישע קרייערע פאר די הייליגע צוועק. ער פראבירט ווי ווייט מעגליך צוריקצודרייען די חוקי סדום אן קיין בירגער-קרוג וכמעט ולא עלתה בידו.

א יאר דערנאך ויקם מלך חדש, אשר לא ידע קרי וכתיב, און דער לייגט נאך צי צום סדום א גאנצע עמורה. און מ'איז זיך תולה באילן גדול פון אן אבי יתומים ואלמנות אז האט אויך געהאט פאליטישע חשבונות. פארוואס? ווייל אבאמא האט פון עלתה רעתם געמאכט זיין פאליטישע קרייערע?

ליידער אכן דיברת מיט קלינטאן. כעשן בעשן תכלה.

ביסט אפשר גערעכט אז ס׳איז לעגאל, אבער די מאראלישע פראבלעם איז אסאך מער דא.

קלינטאן האט געטוהן זיינס, א נארמאלע קאראפטשען. טראמפ זוכט דא אויסצומיידען דער סיסטעם און אונטער ברעכען דער ׳רול אוו לא׳, דער געזעצליכע רוקביין פון דער סיסטעם. דער שעריף האט ריכטיג געטוהן פאר׳ן אנפייפען דער געזעץ, און דעריבער וויל ער איהם באגענאדיגען. דאס איז א פראבלעם, אפילו ווען ס׳איז לעגאל.

איי, וועסטו פרעגען אז אבאמא באגענאדיגען נידריגע דראג פארברעכערס איז אויך אזוי? ס׳איז נאר האלבוועגס. באגענאדיגען מיינט גומל חסד זיין, אריין נעמען אין חשבון דער נעבעכדיגע צושטאנד פון דער יושב. דער שעריף איז נישט קיין נעבעך, ס׳איז בלויז א פאליטישע זאך. די דראגיס זענען נעבעכס, און דוקא פאר דעם דארף דער געזעץ געטוישט ווערען. ס׳איז פאליטיש און גמילות חסד, בשעת אז יעצט איז עס בלויז פאליטיק.

Sent from my LG-K373 using Tapatalk