קאווע שטיבל

עפל סיידער הער אויף צו טאטשן קינדער וועסטו נישט האבן בויך וויי אין קאפ.

אלס פותח האשכול וואלט איך געראטן צו לאזן דעם אשכול שטארבן א נאטורליכע טויט ס'גייט שוין אראפ פון די רעלסן

פאר איך פאנג אן מיט מיין שיטה הקדושה הנראה לעשירות דעתי, וויל איך מאכן צוויי הקדמות. ראשית כל, איינער וואס איז דאס נישט אדורך, וועט קיינמאל נישט פארשטיין איינער וואס איז יא נפגע געווארן, ווי איך זעה פון געוויסע תגובות וואס וועלן קיינמאל פארשטיין, פארוואס מען ווערט געדעמעדשט, סטרעספיל וכד'. דו ביסט דאס נישט אריבער! וועסט דאס נישט פארשטיין! נאר א גרויסע בעל מדריגה וועט זיך ריכטיג קענען אריינלייגן אין א צווייטענס מצב אן זיין דארט!
צווייטענס, ווען א וויקטים (אדער ווי מען קען עס אנרופן א סורווייווער) פון אזא הייניעס קריים (קרעדיט: נידערמאן) רעדט זיך אפ אז ער איז איז געווארן געדעמעדשט כך וכך, פארלוירן די טראסט אין מענטשען וכדו' קום מיר נישט צו לויפן מיט א ליסט פון 10 אנדערע וויקטימס וואס עס האט זיי נישט געשאדט! זיי נישט און אים יא! הכל לפי המבייש ומתבייש, יעדער נעמט דאס אנדערש אויף, ולא עוד נאר חוץ פון די בושת, סטרעס, פון די מעשה אליינס, באקומט מען אזא קאמפלעקס, אז יענער האט עס יא געקענט הענדלע"ן אין איך קען נישט, און מען באקומט א פיהלונג פון א שוואכלינג וכדו', מ'לייגט נאר צו אזוי זאלץ צו די וואונדן.
אוי איך דארף שוין גיין, ועוד חזון למועד, דאס איז נאר די הקדמה, אבער מען זאל נישט מיינען אז איך זאג דאס רואיג, איך שריי עס מיט מיין דם התמצית!
איך בין נאכנישט אנגעקומען צו ליינען אלע תגובות ביז אהער, נאר דאס איז די אימעדש וואס איך האב באקומען פון די ערשטע פאר בלעטער פון די אשכול. האב איך גע'עירט' חוות דעת קדשי.

איך האף אז איך האב נישט מעלה גרה געווען...

שוסעת שסע געטריקען א געטרינקאכץ

נאכן דורכלייענען די אשכול, האב איך בלויז איין זאך צוצולייגן.

יישר כח טייערע מנהלים פאר די נודניק אפציע!

איך קען נישט זען וואס דו האסט געשריבן

די אשכול הייסט טאקע "ווען איינער רירט אן א בחור"

מיין שאלה צו אלע וואס פארפירן דא אז מען דארף שחטן די אנרירערס.. וואס זאגן זיי ווען איינער רירט אן א פרוי/מיידל?

די זעלבע הלכה? אדער וויבאלד דאס איז א תאווה וואס די פארשטייסט יא, טוישט זיך די הלכה.. ודו"ק

פאר עטליכע יאר צוריק איז געווען פאשקעווילן קעגן א היימישע רב אין וומ"ס (פונעם סאטמארן חדר) וואס איז גאר שטארק ביי דער מיינוג צו גיין צו די פאליציי ווען איינער טאטשט א קינד/בחור.

כ'דענק שוין נישט די נאמען פונעם רב, איינער ווייסט פון וואס איך רעד?

קיינער ווייסט טאקע נישט?

‎
וחוזר חלילה... רינג עראונד דע ראוזי, יעדער שרייבט זיך זיין מיינונג און קיינער וועט נישט טוישן קיינעם.

למעשה אלס איינער וואס האט שוין באשריבן זיין אייגענע עקפיריענס, קען איך אזויפיל צולייגן, איך פארשטיי [tag]שאולי[/tag] הונדערט פראצענט, טראץ דעם וואס איך האב נישט מיטגעמאכט דערנאך וואס ער האט מיטגעמאכט, איך ח"ו פרעג נישט אפ קיין איין איינציג ווארט וואס ער שרייבט) ס'איז ביי מיר נישט ‏קיין שאלה אז ער איז אדורך טראמא, און נאר איינער וואס איז אדורך די טראמא ווי ער גייט אים פארשטיין, אפילו איינער וואס איז מאלאסטירט געווארן אבער ס'האט אויף אים נישט געהאט דעם אפעקט וועט דאס נישט פארשטיין.

איך דערמאן דא שאולי, ווייל ס'האט מיך צונומען זיין מעשה ביזן גרינד, אן אינאסענט קליינער קינד איז געווארן א טוי פאר אן עלטערן הונגעריגער, אבער ס'דא דא מסתמה צענדליגע וואס זענען עס אדורך, און די גרעסערע חלק שעמט זיך דערמיט אדער האבן פלעין נישט די גאטס עס צו שרייבן.

באוט.... יא באוט.... וואס פונקטליך צו טוהן וועט בלייבן א חידה סתימה און א "תיקו" ביז אליהו וועט טאקע דא זיין.
אודאי איז דא חילוקים פון א מעגא מאלעסטער צו אן איינמאליגע דורכפאלער, קודם איז דאך פשוט, א מעגא מאלעסטער איז שוין געווארענט געווארן, שוין בארעדט געווארן - און ער דא און דארט זעהט ער ווי קליינע בחורים שארן זיך אוועק ווען ער שפאצירט אריין אין מקוה, צו זעהט ווי איינע פון זיינע אנטלאפענע חברה בליקט אזוי מיט א חבר אויף אים ווי איינער זאגט "דאס איז עס, ער האט מיך געוואלט טאטשן", און דאך האלט ער זיך נישט צוריק און האונט ווייטער אן קיין אפשטעל אויף פרישע קרבנות, אפגערעדט אויב ער האט שוין געכאפט פעטש, געצאלט געלט פאר וועד הצניעות וכו' אז מ'דארף אזא איינעם אוועקלייגן אין תפיסה אריין, יעצט ווי לאנג? א פרישע איסתפקתא... אפשר איז אפילו זעקס חדשים אין רייקערס איילענד מיט אפאר געזינטע פראסקעס פון די אכט פיסיגע שחורים און א רעיפ דא און דארט גענוג, אדער אפשר ניין! לייג אים אוועק פאר גוד, ער איז צו אבסעסט אז געב עס א יאר נאכן ארויסקומען און מפטירין כדאתמול. דריטע צד, לייג אים אוועק פאר א יאר און אז ער טוהט עס נאכדעם נאכאמאל זאל ער מער נישט קענען זעהן די זון (און די ווייטאג איז ווידער אז מ'האט זיך געלערנט אויפן הארד וועי און נאך א קרבן'דל געקאסט).

פון די אנדערע זייט, דער ערשטמאליגער, איז אזוי, קודם פון ווי ווייס איך אז ס'איז טאקע זיין ערשטע מאל, אים מילא גלייב איך נישט‏, דעס אז ס'איז די ערשטע מאל ס'דא א קאמפלעין, איז אויך נישט יוכיח, איז ער אן אויסגערעכענטער און ס'ערשטע מאל אריינגעביסן אין א הארט ניסל.. אבער קיין שאלה אז ס'קומט זיך אים נישט קיין מיתה, יעדער פאלט אדורך (ניין נישט מיט מאלעסטעישאן, אבער יא מיט אנדערע עבירות ותאוות) געב אים א טשאנס קער צו נעמען פון אים, קוק אים נאך מיט הונדערט אויגן, רעסטריקט אים פון געוויסע זאכן ווי גיין אין מקוה, שטיין אויף די פארענטשעס, זיך צופיל דרייען צווישן בחורים און קינדער, ער קען נישט ניצן די ביה"כ אין שוהל נאר איין גאר ביזי אויב ס'דא, און נאך אנדערע זאכן און האפענטליך וועט דאס העלפן, איי כ'שטעל איין אז מ'גייט זיך ווידער לערנען אויפן הארד וועי און ס'קען אפקאסטן נאך א קרבן, דא קומט שוין יא אריין ס'ביסל רחמנות וואס מ'דארף האבן אויף אים (נישט דייקא אים, נאר) משפחה, קינדער און ארימיגע. יעדער מענטש דיזערווט א סעקאנד טשענס!

כ'וועל גיין א טריט ווייטער, ס'האט זיך געקאכט ביי אונז אין שוהל א מעשה פון. אינגערמאן וואס איינער פון אונז האבן אים געזעהן פרובירן צו מאכן קאנטעקט מיט א אינג בחור'ל אין מקוה, דער בחור'ל שרייט חי וקיים אז ס'האט גארנישט פארסירט, דער אינגערמאן וואס האט דאס צוגעזעהן האט טאקע גארנישט געזעהן חוץ צוגעקוקט ווי יענער פארארבייט מעשים ביי זיך אין די שאוערס צו כאפן אן אויג ביים בחור'ל, מפני הפרגוד קען איך נישט צופיל פרטים שרייבן אבער וד"ל, יעצט למעשה האבן זיך צוויי אנדערע מענטשן מיטן רב הביהמ"ד אריינגעלייגט דערין, און האבן געטראפן אז דאס אינגערמאן גייט אדורך זייער שווערע צייטן אינדערהיים, מ'האט אים דערפאר נאכנישט געגעבן קיין פרי פעס, און דאס האט מען בכלל נישט אנגענומען פאר קיין תירוץ, און יא דער רב אונזערע האט געזאגט פארן אינגערמאן בזה"ל "איך וועל דיר ברענגן צוויי דריי אדרעסן פון מקום זונות און דזשאכע דיך דארט אויס! לאז אפ אונזערע קינדער!" דער אינגערמאן האט געכאפט דעם שאק אוו היס לייף אז מ'איז בכלל געוואר געווארן, און זיך אינטערגענומען אלעס וואס מ'האט אים געהייסן, מ'האט דעם אינגערמאן גאר גאר גאר שטארק נאכגעקוקט און מ'האט מער גארנישט געזעהן!
(זייטיגע נאטיץ... פון אזויפיל נאכקוקן האט איינער אפילו געזעהן ווי ער גייט טאקע למקום שאינו מכירו... אבער לפי ידיעתי האט יענער אויפגעהערט נאכדעם וואס א שרעקליכע קידנעפינג איז פארגעקומען..... וד"ל)

בקיצור פון 10 בלעטער גייט יעדער וואס שרייבט לכאן ולכאן איבער חזר'ן וואס איינער האט שוין געשריבן, אפשר נאר בעסער מסביר זיין צו שענערע משלים, אבער די קשיא גייט בלייבן פאר אייביג, און קיין לייזונג דערצו וועט קיינמאל נישט זיין... זייער פשוט, יא הונדערטער צו טויזענטער טאטע'ס זענען גרייט צו נעמען דאס געזעץ אין די הענט, אבער ווילן דאך נישט אז זייערע קינדער זאלן ווערן פאבליק וויקטעם'ס, איי ס'קינד האט גארנישט געטוהן? אבער דאך... (דאך וואס???? כ'ווייס אויך נישט און יענער אויך נישט..). צו מעג מען גיין צו פאליציי? להלכה איז דא אסאך מתירים, אבער אויך אסאך אוסרים... (שריי נישט!), מענטשליכקייט? יענער האט זיך מיט מיר אדער מיין קינד גאנץ ווייניג געקימערט, איך האב אים אקוראט אקעגן איבער ווי ער האט געטאטשט... איז מען מחיוב אים אפצושטעלן? אההה דאס זעכער יא! האלסט אדער קענסט נישט קיין מסר'ן, דאן באשייגעץ אים, אדער כאטש רוף אים אן שיינערהייט פשוט איינמעלדן אז כ'ווייס און סוף כל סוף גיי איך דיר באשמיצן! דאס גייט כאטש אויף אזויפיל העלפן אז ווען דו גייסט אריין אין מקוה קען יענער ניטאמאל בליקן אויף א אינג ביימל. ‏רוף אן זיין רב, זיין בעל הבית, זיין חבר בקיצור איינעם וואס קען אים אפשטעלן. אויב שטעלט דאס נישט אפ דאן נאר מסירה! נאר פאליציי!

כאשוין נישט קיין נערווען צו שרייבן ווייטער. ועוד חזון למועד.... מיט א לאנגע המשך‏

איך מיין די ביסט נישט גערעכט מיט דער הנחה אז איינער וואס קוקט נאך קינדער און האט א תאווה צו קינדער איז עס ווייל ער באקומט נישט אינדערהיים, צו טאמער וועט ער זיך אויסטשוכען מיט א זונה וועט זיין תאווה צו קינדער אוועקפאלען.

לויט ווי מבינים פארשטייען, לא קרב זה אל זה כלל, עס האט נישט איינס מיט דער אנדערע, פונקט ווי די זאלסט זאגען אז ווען איינער האט א תאווה צו חזיר, איז עס ווייל אינדערהיים גיבט מען אים נאר מילכיגס, און טאמער וועט ער באקומען טשיקען אינדערהיים, וועט זיין תאווה צו חזיר אוועק פאלען.

בפרט אז אין דיין מעשה שרייבסטו נאך אז דער רב און די עסקנים האבען אזוי געהאלטען, עס איז מיר שווער אנצונעמען אז א רב מיט עסקנים ווייסען נישט דאס, כ'וואלט ענדרעש געוואלט אננעמען אז די מעשה איז פין דיין דמיון ארויס, עכ"פ דער פרט פין די מעשה, ווייל איינער וואס איז א עוסק בצרכי ציבור, און האט נאר אנגערירט דער קלאמקע פין די סארט פראבלעמען, ווייסט אז דאס איז מחלה וואס ווערט נישט געהיילט דורך דער ווייב אדער א זונה.

ועוד, עס דערמאנט מיר ביי די מעשה פין לייבי קלעצקי הי"ד, ווען די געמיינע מענטשען וואס האבען די זעלבע טעות ווי אייך, געזאגט אז מן הסתם האט אים איינער פין די בעלי בתים צו אינגערלייט וואס די משפחה איז אין די קאנטרי, און איז געווען איינזאם, און עס האט אנגעכאפט א תאווה האט ער געכאפט דאס קינד צו זיך אהיים, און זיי האבען געזאגט אז מען ברויך אראנזשירען א זיך ביי אלע מענטשען וואס זענען דא אליין וכו'.

די אלע שטותים והבלים זאגען מענטשען וואס זענען נישט באהאווענט אין גארנישט, און מיינען אז אלעס איז איין גרויסע טשולענט, און אז מען האט נישט קיין ווייב, זוכט מען א קינד, און אז מען האט נישט א קינד, זוכט מען א הונט וכו'.

נאכמער נלענ"ד, אז איינער וואס זאגט אזוי, קען זיין אז ער אליין איז חשוד לאותו דבר, ווייל אויב נישט, פין ווי דען ווייסט ער?

סארי אויב איך האב איינעם אפענדעד.

איך דערצייל דיר א מעשה דברים כהוויתן. קענסטעס אפפרעגן מיט דיין עקספיריענס...

למעשה האסטו נאר ארויסגענומען איין פונקט וואס איך האב אגב פארציילט...

[youtube]http://www.youtube.com/watch?v=0xXYojUGT-g[/youtube]

סליחה אבער דאס איז זייער זייער שוואך
עס איז מסתבר....
מסברא מעג מען מציל זיין......
זייער ווייט פון א היתר ווען עס איז ווען מותר וואלט ער נישט אזוי פיל גיקעקעצט און געדרייט די קאפ

כ'האב עס נישט געברענגט פאר א ראי' אז מ'מעג גיין, כ'דארף עם נישט האבן פאר דעם, נאר פאר אינטרעסאנטקייט. אבער קוק אביסל ווידיאוס פון חגר"ח, ער ענטפערט אלעמאל אזוי.

איך האב נישט ליב צו רעאגירן אין זאכן וואס איך פארשטיי נישט צופיל דערין, אבער דא מוז איך ארויסברענגען א גאר מערקבארער נקודה וואס קיינער האט נישט עכט בארירט
דער אשכול הייסט "ווען איינער רירט אהן א בחור" און שאולי רעדט פון איינער וואס האט איהם געטשעפעט אלס "יונגל"
אז אן ערוואקסענער רירט אהן א מיינער אין די פריוואטע ערטער איז עס א אויסערגעווענליכע פארברעכן, אבער קען מען עס דען פארגלייכן צו אנרירן א תמימותדיג יונגל וואס האט נאך בכלל נישט די תאוות און ווייסט נישט וואס מ'וויל פון איהם האבן? איז די שאדן בכלל פארגלייכבאר?
און אזוי אויך ווען דער קרבן איז א בחור; איז עס בכלל א צושטעל צו ווען ער צווינגט אדער ער האט גאר הנאה געהאט דערפון? (יא! ס'נעבעך דא אזעלכע פעלער)
ס'איז דאך ממש הימל און ערד.

איך מיין חלילה נישט אוועקצונעמען פון די עוולה פונעם לעצטן. אן ערוואקסענער האט נישט וואס צו האבן באציאונגען מיט א מינדעריעריגער, פשוט ווייל ער איז ווי פארשטענדליך נישט אויפן זעלבן לעוול ווי איהם, און געווענליך האט עס א שלעכטן פסיכאלאגישן אפעקט אפילו דער מדובר האט קלאר מסכים געווען.
וואס דערפאר איז דער געזעץ קלאר אז א מיינער קען נישט געבן קיין הסכמה אויף די זאכן.
אבער אין אונדזער קראנקע געזעלשאפט קען אנדערש זיין די תוצאות פון אזא באציאונג און איך קען נישט צוקוקן ווי מען רעדט פון אלע סארט מאלעסטעישן ווי איין קוגל, כאילו אלעס זאל ווען זיין די זעלבע פארברעך וועלכער פארדינט די זעלבע שטראף. אפילו צווישן צוויי בחורים ווערט אין אן אנדערן אשכול דערמאנט בהעלם אחת אונטערן זעלבן נאמען. ("משכב זכר" רופן מאנכע דא אהן די געמיינע אקט פון טאטשן א בחור? זענט איהר אוט אף יור מיינד?)

איך וועל ברענגען צוויי מעשיות, וועלכע איך האב געהערט ביי באזונדערע געלעגנהייטן, וואס וועט בעסער מסביר זיין די פונקט וואס כ'וויל ארויסברענגען

א פרישער יונגערמאן וואס האט געחזירט אין מקוה מיט א צווייטע יונגערמאן איז געכאפט געווארן דורך די וועד און גערופן געווארן פאר אויספארשונג. צווישן די פראגעס האבן זיי איהם געפרעגט נישט מער און נישט ווייניגער "וויפל יונגלעך און בחורים האסטו שוין קאליע געמאכט"
איך האב נישט די ווערטער ארויסצוברענגען ווי אומריכטיג דאס איז און וויפל שאדן אזא צוגאנג טוהט אנמאכן

אן אנדערע גאר ווייטאגליכע עפיזאד איז געווען ווען א טאטע איז געוואהר געווארן אז זיין זעכצן יעריגער זוהן האט געהאט א נאענטע באציאונג מיט א יונגערמאן.
דער טאטע איז ווי פארשטענדליך ווילד געווארן און איהם געוואלט ארעסטירן אויפן ראט פון א באוואוסטער מחנך, אבער דער בחור האט געטענהט אז ער וועט בשו"א נישט עדות זאגן ווייל דער יונגערמאן האט איהם ממש געראטעוועט און איהם מסביר געווען זאכן וואס קיינער האט נישט געוואלט רעדן צו איהם וכדומה
פונקטליך וואס ס'איז געווארן האב איך נישט געהערט, נאר אזויפיל האט איך מיטגעהאלטן אז דער טאטע האט געלייגט פרעשור אויף א טעראפיסט זאל אנהעצן דעם בחור קעגן דעם יונגערמאן און א רב איז געווען דערקעגן

קאמענטארן זענען איבריג......

עכ"פ, ס'איז קלאר אז אונדזער סאסייעטי איז זיך נישט ווייניג שולדיג אינעם פראבלעם. רוב "נאן-ווייעלענט" מאלעסטערס קען מען לכאורה גאנץ גרינג פארמיידן.
דאס אז אין מקווה דרייען זיך בחורלעך בקומה זקופה ווי אדם פארן חטא ביינאזאם מיט ערוואקסענע געט בכלל נישט קיין תירוץ פאר א מאלעסטער, ער דארף זיך איינהאלטן אפילו ער האט גאר א שטארקע תאווה, אבער די וואס לאזן דאס צו קענען נישט זאגן ידינו לא שפכו פארן איהם צושטעלן א רייצנדער פתח.
ס'איז ראנג און מעגליך אומלעגאל. פינטל.
און נאך א נקודה, אסאך פון די זענען ניטאמאל אינפארמירט איבער די שטארקע שעדליכקייט פונעם פראבלעם. ער טראכט אז ס'העכסטנס א קדושה פראבלעם אויף וואס ער קען זיך נישט מתגבר זיין און וועט תשובה טאן יו"כ, ער האט נישט געארבעט אויסצואוואקסן די מעשי ילדות און ער מיינט אז דאס וועט אוועקגיין פון זיך אליין. ווען ער זאל ווען צב"ש זעהן די קליפ פון פיני גאלד'ס דרשה און ער זאל וויסן וואספארא שרעקליכע אפעקט עס קען האבן אויפן קרבן וואלט ער אפשר זיך צוריקגעהאלטן. ווען ער זאל וויסן אז עס קען נעבעך ווערן א עדיקשן און ווי אוממאראליש, אומריכטיג און קראנק דאס איז וואלט ער אפשר געטוהן מער פעולות זיך צוריקצוהאלטן פון אנהייב אהן, בעפאר ער ווערט טיפער ארייגעשלעפט דערין וואס דעמאלטס פארלירט מען דעם קאנטראל אויף זיך.
זיי זענען נישט קיין שלעכטע מאנסטער, זיי האבן פשוט נישט די נאלעדזש און אומשטענדן וואס רוב גוים האבן אין די ענינים. ווי אזוי קען מען טראכטן איהם צו באהאנדלען מיטן זעלבן דין?

וואס עס קומט ארויס למעשה צום הויפט פראגע צו מ'זאל איבערגעבן צו די פאליציי, וואלט איך געזאגט אז עס ווענדט זיך אינעם פארברעכן זעלבסט. אויב איז עס נישט געווען מיט קיין געוואלד, ד"ה דער קרבן האט זיך נישט קעגנגעשטעלט אדער געבעהטן ער זאל איהם אפלאזן, זאל מען אפשר טראכטן צוויי מאל בעפארן גיין צו די פאליציי וואס די שאדן קען אמאל זיין מער ווי דער ריוח.
ווייל דער פאקט איז ליידער אז ביידע זענען א ביטערער קרבן פונעם ליידיגן סיסטעם. ממילא ברויך מען זיך רעכענען מיטן מאלעסטער גלייך ווי מיטן קרבן.
און פארשטייט זיך יהיה איך שיהיה ברויך מען זיכער מאכן אז עס קומט נישט פאר נאכאמאל. און אויב איז דא א שטארקער ספק אז עס קען נאכאמאל פאסירן איז פאליציי "מעגליך" א שטארקער מיטל עס אפצושטעלן.

און אגב, איך בין נישט אזוי זיכער אז ארעסטירן העלפט צו פארמיידן אנדערע אינצידענטן. אפשר ביי דעם יעניגן, אויך נאר ווילאנג ער זיצט.....
תפיסה היילט זייער זעלטן פראבלעמען, אויב עפעס ברענגט עס מער.

אנטשולדיגט פארן ארויסקומען אביסל צומישט, איך האב דאס געקלאפט מיט א פארקלעמט הארץ און טרערן אין די אויגן נאכן לייענען וואס רבי שאולי און אנדערע וויקטעמס גייען דורך. מיין וואונטש פון טיפן הארצן פאר אלע וואס זענען פארמישט אין אזא סארט טראמא אז זיי זאלן האבן די ריכטיגע שכל וואס יא און נישט צו טוהן און זיי זאלן ווי אמשנעלסטן אויסגעהיילט ווערן דערפון אהן קיין שום פגם. אמן כן יהי רצון.

שכוח קרעמער פאר'ן נעמען די מי און אזוי שיין שטארק און קלאר ארויסברענגען דעם ענין

ס'איז אייגנטליך לכוארה די געדאנקען גאנג פון אסאך אירע דא אבער דו האסט עס שיין און שטארק און קלאר ארויסגעברענגט

צו מ'דארף רופן פאליציי צו נישט ווענדט זיך אין די מצב

קרעמער1
אלע דיינע חשבונות מאכט דער געזעץ אויך.

ווען מען גייט פרעגען יא איינזעצען נישט, איז אייביג די תשובה ניין, און פארדעם האט אונזער סאסייעטי א פנים ווי אין סדום.

אבער צומאל איז דער געזעץ מוסיף נופח משלו כדי צו שיקן 'א מעסעדזש'.

אין הכי נמי, נישט צומאל, נאר דער איינמאל וואס מען קומט שוין יא אהן, על אפם וחמתם פין אלע שמעקערס, דעמאלס שיקט מען א מעסעדש וואס ווערט פארלוירען אין הונדרעט בלעטער אין ק"ש

איחוד פעלד האט געשריבן:על אפם וחמתם פין אלע שמעקערס

מרשות פון הר' איחוד וועל איך זאגן וואס איך פארשטיי אין זיין קורצע תגובה

אז אפי לו נאמר אז מר. קרעמער איז גערעכט און מ'דארף טאקע נישט לויפן צו די באערדע ווען א יונגערמאן ווערט איבערגעהיצט איינמאל

זאגט איחוד אז ס'דארף נאך אלס זיין א זאך אז מ'מעג רופן פאליציי משום חשש אז מהיום והלאה וועט יעדער ארויפקומען מיט די תירוץ און מ'וועט יעדעם מצדיק זיין און זאגן נא ס'איז געווען חימום יותר מדי

מילא דער שליסל איז קודם צו פיקסען די סאסיעטי

דאס, און נאך הונדרעט פיפציג פשטים