קאווע שטיבל

רויטע וואנצעס האט געשריבן:sign Facebook petition
https://www.facebook.com/menachemstark

ישמעאל הכהן האט געשריבן:וואס גייט עס אן פארן פאוסט אז ס'האט אסאך חתימות?

יואליש האט געשריבן:

איינגעמיירעט האט געשריבן:די ליבעראליוזים און די גרויזאמע געמיינקייט און השחתה פון די רעדאקציע איז ארויס פון אלע גבולים.

די ניו יארק פאוסט איז א קאנסערוואטיווע טעבלאויט. א חיים שאולזאהן שמוץ פעפער, א פעילד-מאסייע-סטיל, וואס זייער גאנצע חיונה ציען זיי פון קאנטראווערסיאלע העדליינס, קעגן יעדעם איינעם אן קיין דיסקרימענאציע. זיי זענען אן Equal Opportunity Offenders גאסיפ בלעטעל. און איינער וואס ליינט זיי יעדען טאג ווייסט אז זיי טוהן דאס מיט יעדן, זייענדיג א צוזאמשטעל פון קאנטראווערסיע-הינגעריג און איפכא מסתברא. דער "פאוסט" פארטרעט "דער גוי" אזוי ווי שמריה און שאולזאהן פארטרעטן "דער איד."

אעפ"כ א טעבלויט האט נישט לייסענס צו אפענדן און טאנצען קאדאטשקאס אויף טראגעדיעס, שווימען אין די בלוט און טרערן פון דעם נרצח'ס פארווייטאגטע משפחה און א שאקירטע געמיינדע. מ'ברויך מען מאכן א ויצעקו און זיי לייגן אין פלאץ, אזוי ווי ס'פאסירט אפט ווען זיי ציען איבער דאס שטריקל און בא'עוולה'ן אנדערע מינאריטעטן.

ס'קומט זיך א שכוח פאר יוסי געשטעטנער פארן אנהייבן די "איך האב אים נישט געוואלט טויט" קאמפעין נעכטן. (די פראבלעם איז אז ער שרייט וואלף און וויינט אויף טוויטער "מידיא באקריוועדע" יעדע שני וחמישי. און ס'איז שוין היינט א "טאקטיק" און זיין "ענטפער" צו יעדע אומבאקוועמע נייעס.)

“His slanted shtreimel on his head gives his crookedness away,” one commenter wrote on FailedMessiah.com, referring to the victim’s fur hat in a photo.

ברסלבער האט געשריבן: יעדער האט ארויסגעברענגט אויף זיין שטייגער די גוטע זיטן פונעם נפטר, ער האט מרבה געווען בצדקה וחסד, געהאלפן אסאך במתן בסתר, שטענדיג געהאט א שמייכל צו יעדן, זיך נישט געקריגט מיט קיינעם, מען האט אויפגעזוכט אלע גוטע נקודות וואס ער האט געטוהן ביי זיין לעבן, איינער האט געזאגט אז ער פלעגט אויפשטיין יעדן טאג פארטאגס צו גיין לערנען און באגלייטן זיין זוהן אין ישיבה. און אזוי ווייטער האט יעדער ארויסגעברענגט די שבחים אויפן נפטר.
קיינער האט נישט גערעדט פון זיין שיינע קאר וואס ער האט געהאט, אדער פון זיין שיינע הויז, אדער פון אנדערע באקוועליכקייטן וואס ער האט פארמאגט. פארוואס? ווייל יעצט זענען די אלע זאכן נישט רעלעוואנט, די אלע זאכן לאזט מען דא, מען נעמט עס נישט מיט אויבן. פון וואס האט מען גערעדט? נאר פון די גוטע זאכן וואס ער האט געטוהן, נאר דאס איז יעצט נוגע, נאר דאס נעמט מען מיט נאכן שטארבן.

לאמיר דאס נעמען פאר א מוסר השכל. מען דארף זיך טאקע נישט פייניגן, מען דארף נישט אוועק ווארפן אלע עוה"ז'דיגע זאכן, מען מעג זיין באקוועם אויף דער וועלט. אבער אין בעק פון מח דארף מען געדענקן אז איין טאג וועל איך אויך ליגן דארט אין דעם ארון אינדערמיט, איבערגעדעקט מיט שווארצן ליילעך, און דאן וועט נאר זיין רעלעוואנט די גוטע זאכן וואס איך האב אריינגעכאפט אויף די וועלט, און ב"ה אז מיר זענען נאך דא און מיר האבן נאך די מעגליכקייטן זיך אנצופילן גאנצע זעק דערפון.