קאווע שטיבל

שמואל פרימו האט געשריבן:טעמע: הרב שלמה העלבראנץ וכת דיליה

Kool man האט געשריבן:ביז יעצט האב איך זיך געקענט איינהאלטען און שטיין אין די זייט, זייטס נישט ברוגז, מיין מיינונג איז איז אז שמואל פרימו איז ארז אלבראנץ אליין, ער האט פארלוירען די געדולד אדער פילט ער ווי מ'קארנערט אים, ס'איז שוין עכט פערזענליך, דעריבער וויל ער אויפהערען די געשרייבעכץ, מ'זעט פון זיין שרייבעכץ אז ס'איז איינער וואס איז זייער נאנט צו אים, און דארט האט קיינער נישט קיין עקסעס צו אינטערנעט חוץ ער מיט זיין רעכטע האנט מר. גאלדמאן (א ספרדי'שער וועם דער קולט פירער האט געטוישט זיין נאמען צו אשכנז'ישע פונקט ווי ער האט געטון צו די אנדערע), אויב מ'כאפט דארט איינעם אויף אינטערנעט באקומט ער מלקות מיט געבראטענע נעגל, לאנגע תעניתים, גלגול שלג אדער איינטונקן אין א קאלטע קוואל פאר א לאנגע צייט ווי ס'איז דארט איינגעפירט די עינויים קשים ומשונים רח"ל.

הלואי די קאלערוואר פלאצט שוין אויס, און זיינע שעפסען טראגען זיך אפ פון דעם סאדיסט און גראבער אינג, און הייבען אן דינען דעם אייבערשטען און נישט מעבירים מזרעם למולך פאר דעם באנדיט..

הער מיר גוט אויס, אבער זייער גוט...
דו קענסט מיר נאכנישט און איך מיין אז דו ווילסט מיר נישט קענען. אויב דו ווייסט וואס עס איז גוט פאר דיר, זאלסטו שטיין ווייט פון אונזער הייליגע קהילה און מיר לאזן פריי פירן מיין חברייא אויפן דרך השם. און מיין נישט אז מיר קענען נישט אנקומען צו דיר ביז קיין אמעריקע.

בת קול האט געשריבן:באדאנק זיך נישט אזוי שנעל.

#ווארט מיט שפאנונג

שמואל פרימו האט געשריבן:ב. פארוואס טיילט דיין רבי מלקות? (אין קום מיר נישט זאגען אז סאיז נישט אמת ווייל איך קען פערזענליך איינעם וואס האט געכאפט מלקות)

ענטפער:
מיין רבי תמ"ל איז נישט קיין דיקטעיטאר וואס טיילט מלקות. ער פסק'ענט נישט קיין דיני נפשות און ער הייסט נישט סטאלין. וואס יא? - אין קהילת לב טהור דינט מען דעם אויבערשטן אויפן אלטן שטייגער, אזוי ווי פאר דריי-הונדערט יאר צוריק בזמני תלמידי בעל-שם-טוב. ריכטיג, מען זעט שוין נישט היינטיגע צייטן אזעלכע סארט עבודת-השם, אבער אין קהילת לב טהור זעט מען נאך יא. דארט קען נאך יא זיין אידן וואס זאלן חלש'ן ביים דאווענען, דער רבי שליט"א האט געוויזן אז זאת התורה לא תהא מחולפת, און עס איז נאך פאראן עבודת השם אויף דער וועלט.

אז מען קוקט אריין אין זוהר, אין ראשית-חכמה און אין חסידי'שע ספרים, קען מען זיך נישט פארהוילן פון א וועלט מיט סיגופים מיט וואס ערליכע אידן האבן זיך געפירט. ריכטיג, איינע פון די זאכן פון חסידות און פון בעל-שם-טוב איז געווען, אז מען זאל נישט פייניגן דעם גוף און אנגיין מיט סיגופים, און פאר דעם איז דער רבי שליט"א עומד על המשמר אויף די געזונט פון די מענטשן. אבער דער ענין פון סיגופים איז פאראן צווישן אונז, עס זענען פאראן עובדי השם וואס קענען פאסטן משבת לשבת, עס זענען פאראן אידן וואס מאכן גלגול שלג, די זאכן זענען דא, מען קען נישט אויסמעקן דעם זוהר מיט א וועלט פון ראשית חכמה, עס איז א חלק פון אונזער תורה.