כ"ק אדמו"ר מ'מילק שעיק וועט נישט זיין חנוכה אין פאר-ראקעוועי

[קאווע טרינקער]

רבינו שליט"א האט פריער באקומען א דיקע ups envelope פון א דערנעבנדע דרוקעריי סענטער, און איז איינגעשפארט בחדרו פנימה, נישט ארויס געקומען צו מעריב.
ואין אתנו יודע עד ועד בכלל.

[קאווע טרינקער]

מר. מארק צוקערבערג איז יעצט געווען ביים רבין פאר א באשטעלטע וויזיט, לויט ווי הרה"ח המשב"ק שליט"א געבט איבער, האט זיך צוקערבערג אפגערעדט אויף די לעצטיגע ירידה אין קונים, בפרט אין די היימישע געגענט ווי מצודת מילקשייק פרוסה, ווי אסאך געוועזנע קליענטען נוצען מער נישט זיין גרינע עפפ (משב"ק געדענקט נישט די נאמען גענוי).

רבינו שליט"א האט אים געפרעגט וויפיל געלט ער איז גרייט צו געבן פאר די הוצאות פון איבערבויען די וואסער ברינען אין מילקשייק אירופה, צוקערבערג האט גלייך געשריבן א גרויסן טשעק, און רבינו שליט"א אף הוא ענה לעומתו ברוך, און האט מבטיח געווען אז ביז א וואך צוויי וועלן אלע גרופעס צוריק אויפגעלעבט ווערן.

[שבת אחים]

שקר וכזב, מאך נישט אויף קיין מעשיות!, כ״ק אדמור שליט״א האט זיך בשום אין פנים נישט געוואלט טרעפן מיט מארק צוקערבערג ווייל ער איז געוואר געווארן אז ער איז פארהייראט מיט א גויטע רח״ל.
גבאים, ביטע אריינלייגן אין פאלשע קלאנגן אשכול.

[קאווע טרינקער]

ביים תורה האט רבינו שליט"א מרמז געווען, שלח לך אנשים, באותה שעה כשרים היו, אז די מענטשן וואס פארן ארויס, באותה שעה כשרים, אפילו די ערליכע, ווערן במשך'ן זוממער מרגלים, מ'שפיאנירט דעם לאנד אין פארשידענע ערטער...

נאך הבדלה האט רבינו שליט"א צוגעלייגט: די טאטע זכרונו לברכה פלעגט זאגן אז מ'דארף געדענקען אז דער אויבישטער איז אין די קאנטרי אויך, און איך זאג אז מ'דארף געדענקען אז דער אויבישטער בלייבט דא אין שטאט אויך!

[קאווע טרינקער]

רבינו שליט"א האט באפוילן דעם גבאי, הרה"ח יד ימינו הי"ו זאל אויסרופן אז "היינט נאכט איז נישטא קיין טיש, ווער ס'גלייבט נישט זאל זיך קומען איבערצייגן.."

[געוואלדיג]

שמעתי אז לכבוד די הכרזה איז די ביהמ"ד געווען מלא וגדוש מזן אל זן, און רבינו שליט"א האט ארויסגעהערט פון חדרו נאוה קודש די געדרענג אין ביהמ"ד איז ער ארויס געקומען צום עולם ופניו להבים און האט ארויסגעברומט מיט א רויט פארפלאמטן פנים מנהמת ליבו הטהור, כהאי לישנא, "אין מיר גלייבט מען נישט, אין השי"ת גלייבט מען יא?!" וחזר על עקביו, ביז איינצעלנע מינוטין איז די ביהמ"ד געווען ליידיג און רבינו האט געקענט טוהן מה שליבו חפץ ב"ה,

מען זאגט נאך אז נאך שבת האט מען אפגעציילט גאנצע 12,328 ציין וואס איז ארויסגעפאלן פונעם ציבור מחמת פחד והוא פלאי.

[[NAMELESS]]

דאנקע [tag]קאווע טרינקער[/tag] פארן מיר מיטנעמען צום רבין פאר מלוה מלכה. אט דאס האב איך פארזענדליך מיטגעהאלטן די וואך:

תיקף נאכן טיילן קנאבל (אגב קאווע׳לע האט באקומען א צווילינג קנאבל און די רבי האט דאן געזאגט בזה״ל אין די ריכטיגע מינוט בשעה טובה עכלה״ק. ומי יעמוד בסוד קדושים) איז די רבי אריינגעפאלן אין א דביקות דער עולם איז געשטאנען ארום מיט א פחד, די רבי איז געווען לובש צורה ופושט צורה, בערך נאך א האלבע נאכט האט זיך באוויזן א הייליגע שמייכל אויפן רבי׳נס געזוכט, פארן עולם איז תיקף לייכטער געווארן און די רבי האט זיך ערוועקט.

די רבי האט דאן אנגעהויבן זאגן תורה וואס ער האט אקוראשט געהערט, סאיז זייער שווער געוועהן צו פארשטיין יעדע ווארט, אינצווישן האט זיך דער רבי אויסגעדריקט בצחות לשונו אז מ׳האט אים אנגעוויזן אין הימל פארוואס מ׳האט ביי חסידים נישט געזונגען דעם זמר למוצאי שבת אגיל ואשמח בלבבי, ווייל אגיל איז מלשון עגולה הקוראים במדינתנו #באל, און סאיז געווארן אזא מאדע ביי די יושבי הרים בזמני קיץ אז מוצאי שבת פארשטויסט א באל בבחינות #וואלי, דערפאר האט מען מתקן געווען דאס ארויסצונעמען פונעם סדר הזמירות.

או יאמר אז דער אגיל גייט ארויף אויף דעם וואס די פרויען זיצן אין עגולה סביב און הערן אויס מרת יענטא וואס יענטעט ארום פונעם שכנ׳ס שוועסטער און פונעם עלטער מומע׳ס פרישע שניר. אויף וואס מרת יענטא בתראי רעדאגירט מיט אייגענע האר-אויפשטעלענדע מקוה געשיכטעס, און שוויגער חוצפה׳ס.

[[NAMELESS]]

די חסידים היינט אינדערפרי שטייען אלע נערוועז, דער רבי עפענט נישט די טיר צו ברכות. די זייגער ריקט זיך פאראויס, אבער דאס דאווענען ווארט. נאך אן אנדערט-האלבן שעה האבן עטליכע פון די געהויבענע חסידים, יושבים נאך ביים אלטן רבי'ן, גענומען די דרייסטקייט און זיך געוואגט צו עפענען דעם טירל און געבליקט דורכן שפארע. א מאדנע מחזה האט זיך אנטפלעקט פאר זיי, דער רבי זיצט אויפן שטול די מלכות'דיגן בענקל וואס ער פירט טיש. די חסידים זענען שנעל אפגעטרעטן מיט פחד. אבער נישט איידער דער רבי האט זיי שוין באמערקט.

נאך עטליכע מינוט איז דער רבי ארויס צו ברכות. אויפן וועג ארויס רופט זיך דער רבי אן האלב צו זיך האלב צו די גרופע חסידים - וואס האבן געמורמעלט און גע'רעש'ט צווישן זיך, - מיט גאר קירצע דיבורים: "אז רבי יוחנן בן זכאי איז דא געווען ווי קען מען פראווענען אבילות?" און תיכף אנגעהויבן הנותן לשכוי מיט קרעכטצעניש.

[שמיטשיק]

איר האט נישט געענדיגט די געשיכטע,

דער רבי זיצט אויפן פלושענעם פאטעל, אין איין האנט א ווארעמע קאווע פון וואס עס גייט א פארע און אין די אנדערע האנט א ט"ו על ט"ו שטיק קעז קוכן באשמערט מיט שאקלאדע און מאן. האלב פון די קוכן ליגט אין הייליגן מויל אריינגעשטופט מיט די בלויזע הענט און די אנדערע האלב ווארט מיט שרעק אויפן טיש קוקענדיג צום קייענדע ציינער מפרכס וואס וועט איר אט נעמען צו די ענדגילטיגע רוה.


די חסיד שפרינגט צוריק צוויי צוויי אין שרעק אבער דעם רבינ'ס ליבליכע שטימע פארציילט אז דא קען מען גארנישט באהאלטן

"יענקל" הערט זיך די ווארעם ווייעכע שטימע

"ע.. . עע... רבי.." סקרופען ארויס די ווערטער אנע סדר

"יעקב בני" זאגט די הייליגע שטימע "כ'גלייב אז דיינע פליישיגע אויגן זעען נאר מספחת פונעם עולם הדמיון, די עלמא דשיקרא, קום אהער און עפעס וועט דיר אנטפלעקן"

יענקל גייט מיט טשערעפאכע טריט, ציין צו ציין שאקעלט זיך, די רבי נעמט אן די פאטשיילע און לייגט עס איבער יענקל'ס מויל און אויגן

....א הילכיגע ציפ באגלייט מיט צוויי קלינגעדיגע פעטש פאלן אויף שאקירנדע חסיד, פלינקערהייט נעמט די רבי ארויס די ספעציעלע איינשפרוץ געאייגענט פאר אזעלכע סיטואציעס, עפענט אויף דעם צוציקל'ס מויל און שפריצט אריין אחת למעלה ואחת למטה, יענקל שפירט די מוסקלען לאזן נאך און ער פאלט אריין אין א טיפע שלאף....

"ווען ער וועט זיך אויכאפן צוויי שעה ארום וועט די אמנעזיע שפריץ האבן אויסגערייניגט די זכרון פון אלע געשעענישן פון די לעצטע 12 שעה" טראכט די רבי גייענדיג צום טיר צו פארשליסן מיט נאך א שלאס, און קערט זיך צוריק צום קוכן און קאווע

[[NAMELESS]]

די רבי האט זיך שבת ביינאכט געשטעלט אויפן פסוק הנה לא ינום ולא ישן שומר ישראל, איז דען בכלל שייך שינה ביי הקב״ה? נאר קאן זיין אזוי, מ׳ווייסט אז סאיז מלא כל הארץ כבודו, אוי, אפילו אין די מייל ארום סקווירא, שטעלט זיך פון זיך אליין די שאלה דער אייבערשטער איז דאך שומר משמרתו של תורה און אז מ׳רעכענט די מייל לויט די לופט איז דאך דין למעלה כדין הצדדים (און מ׳קען נישט ענטפערן דופן עקומה אדער גוד או אגוד וכו׳) נו וויאזוי קען ער איבערשלאפן אין די מייל, דערפאר זאגט מען הנה לא ינום ולא ישן שומר ישראל ודברי פי חכם חריין

[שמעקעדיג]

שוין ר"ח כסלו. שוואכע שאנסן אז דער רבי זאל היי יאר זיין חנוכה אין פאר ראקעוועי. דער רבי האט געזאגט אז ער קען נישט ביישטיין דעם Rock, ע"כ וועט ער דאס יאר זיין Far Away, אנעם ראק.

[גראף]

רח''ל ווי ס'גויעשט זיך וכו'. מען פארט far away און מען טראגט נישט דארט דער אויבער ראק.

[קאווע טרינקער]

נישטא קיין טרוקען אויג. מי מילל מי פילל.

[[NAMELESS]]

חברה, גייט נישט אריין אינווייניג. ס'פליען בענק מיט טישען!! ושמרתם מאוד לנפשותיכם!!!

[רויטע וואנצעס]

געווען היינט ביים לעכט צינדן. צו מיין שאק האב איך געהערט איבער דעם מנהג אז די רבי איז זיך מייחד מיט'ן רעביצין ביפאר צינדן וגם נאכדעם. שפעטער האב איך געהערט פונעם דיין אז ס'גארנישט קיין מנהג נאר א הלכה מפורשת אז מ'דארף צינדן צווישן צוויי מצוות.

[שושן פורים]

געווען היינט ביים לעכט צינדן. צו מיין שאק האב איך געהערט איבער דעם מנהג אז די רבי איז זיך מייחד מיט'ן רעביצין ביפאר צינדן וגם נאכדעם. שפעטער האב איך געהערט פונעם דיין אז ס'גארנישט קיין מנהג נאר א הלכה מפורשת אז מ'דארף צינדן צווישן צוויי מצוות.

ווי דער רבי האט געטייטשט ביים קרעפל פשעטל נאך די הנרות, "ומנותר קנקנים" ווען מען פארלאזט די קריגלעך אויל פון די מנורה "נעשה נס לשושנים" טוט מען מעשה ניסים מיט די רביצין שושנה, און ווי דער רבי האט געפרעגט בלשון קדשו עס וואלט געדארפט שטיין עושים נס פארוואס נעשה וואס איז א לשון עבר? נאר האט די רבי אויסגעפירט מיט א זיגרייכע שמייכל מוז זיין אז מען האט שוין געטון פון פריערט און איצטערט גייט מען טון נאכאמאל לקיים מה שנאמר על מצות ומרורים יאכלוהו ומיד געו כל העם בבכי וזעקה גדולה ומרה רצוננו לראות את מלכינו

[אייז קריעם]

און דעי חנוכה איז אריין און היסטאריע ביכער מיט גאלדענע אותיות אלס דאס ערשטע יאר וואס דע רבי איז געגאנגען און מקוה סיי פאר חנוכה לעכט און נאך חנוכה ליכט. און אלע געהויבענע בחורים פירן זיך אזוי זינט דאמאלט.

[איסר האטלקי]

געווען היינט ביים לעכט צינדן. צו מיין שאק האב איך געהערט איבער דעם מנהג אז די רבי איז זיך מייחד מיט'ן רעביצין ביפאר צינדן וגם נאכדעם. שפעטער האב איך געהערט פונעם דיין אז ס'גארנישט קיין מנהג נאר א הלכה מפורשת אז מ'דארף צינדן צווישן צוויי מצוות.

די רבי איז עס מבאר אין א תורה אין די שפעטערע ס' יארן, ער טייטשט עס אריין אינעם לשון הרמב"ם: 'מצות נר חנוכה מצוה חביבה היא עד מאוד', די גאנצע מצוה דארף זיין ארומגענומען מיט חביבות. ע"ש באריכות, ודפחשצ"ח.

[שבת אחים]

ק/פ פון ברייטבארד ניוס.

הארט פארן אפרעכטן תיקן חצות, גלייך נאכן אויספאסטן האט הוד כ״ק אדמור שליטא געלאזט רופן דעם גבאי׳ן ר׳ יעקב צבי וואלף הלוי און אים געזאגט בזה הלשון:

נאפאליען איז געוועהן נאפאליען... נבכדצר און נבוזרדן האבן אויך נישט געהאט קיין קורצע פאסיקעס אבער לגבי די טראמפ-נסיון דארף מען נישט מעהר ווי זאגן ״ולכל בני ישראל לא יחרץ כלב לשונו״, דענאך האט זיך די רבי ארויסגעלאזט אין א פרייליכע טאנץ מיט אלע משתתפים, צום סוף האט דער יונגער דיין הרב נחמי חיים מנחם נחמן נחום חכם ירחמיאל בן ירוחם חנינא חודוסו געזאגט אז מ׳זעט דאך בפירוש אז די בעל דבר האט אריינגעלייגט א שלעכטע רעיון אין רייען-מיינעדינג פאועל רייען, דערנאך האט ער איבערגעזאגט פון ר׳ שבתי שלום שעפטיל דער שרף פון שפטיווקע-שארש-פארטקע אז אידן אינדערהיים פלעגן זאגן אז... אז... א... כגעדענק שוין נישט. אבער כבין כמעט זיכער אז אט דא האט די רבי אויסגעפלאצט אין א ביטערליכע געוויין און ער האט געזאגט:

״מ׳האט זיי באזיגט״! מעדיקעיט פאר אחבנ״י יושבי עיר מילקשעיק והבירה וועט זיין! און אבאמאקעיר וועט אונז פירן קעגן משיח׳ס אייזל!

ע ב ג צ ב ב ״ א

[קאווע טרינקער]

די רבי שליט"א איז היינט געווען שטארק פארמוחעט ביי שחרית.
בדרכו צום ציממער האט ער פולט געווען דברות קודש "מ'דארף זיין גרייט אויף אלעם".
איינער ווייסט אפשר צו ס'טוט זיך עפעס ערענסט אויף די וועלט?

[[NAMELESS]]

און אנדערע נייעס ווערט באריכטעט אז אין די קומענדיגע טעג ווערט ערווארטעט א משלחת קודש ביים רבי'ן זאל געזונט זיין מיט'ן באטייליגונג פונ'ם באוואוסטען עסקן און נאנטע מקורב מיט'ן רב'ין הרב מורה"ר יואל חיים קושנער שליט"א ונוות ביתו החשובה מנשים באוהל תבורך תליט"א מיט נאך אפאר גרויסע שושקעס אויף דן צו זיין בעניינים העומדים על הפרק. מ'בעט דעם עולם צו נעמען און אכט אז קומענדיגע וואך וועט נישט זיין קיין קבלת קהל !

[אישתישבי]

ער גייט שלום מאכען מיט דער ברודער

[קאווע טרינקער]

רבינו שליט"א האט באפוילן די מנהל הת"ת נישט צו ערלויבן די נייע ספינער שפילצייג, בעיקר די וואס האבן דריי פליגלעך, וואס כידוע יסודתו פון די ציונים אפצוחוזקן פון די שלש שבועות.