קאווע שטיבל

דער וואס האקט אויף ליפא איז זייער מיאוס גערעדט. זייער נישט שיין. דאס איז איין פוינט מיינע
צווייטענס, וואס טראכט יענער אויב ער טראכט. ליפא גייט יעצט וועגן דעם סטאפן? האט יענער סתם גערעדט מיסע ווערטער און לשון הרע אויף א יוד צווישן יודען, וואס כ'זע נישט נאך אלע לינקע טענות אויף עהם אז ער זאל זיין עפעס א אפגעפארענער אז עפעס אין חרם וויל יענער עהם פארקן..

און אוודאי ווען ליפא איז א היבשע בעל טובה און בעל צדקה לפי ערכו. און זיינע מעשים זענען נישט די זעלבע אפשאצונג ווי זיינע דיבורים אז מ'זאל עהם אזוי מיאוס אנשפייען.

אויסער א פאר פארבלענדעטע לאזונגען מיט א געשליפענע היימישע שפראך האט ער גארנישט געזאגט. א געשטיצטע בארד מאכט דא גארנישט אויס.

גראדע האלט איך אז ער הייסט נישט קיין אקטיוויסט, ער איז א געוויסע סארט אינטערטעינער, וואס זיין מהלך איז אייביג געווען אזוי, און פון אלע סעלעברעטיס זענען דא מענטשן וואס נעמען פון זיי א מהלך נישט ווייל זיי זענען עפעס אקטיוויסטן

moshav zekeinim האט געשריבן:

ווייל אזוי האט געשריבן:איינער האט זיין שני וחמישי פון די וואך? איך הער אז ער האט גערעדט פאר פייער און וואסער בנוגע "שלא שינו את לבושם" .

פארוואס האלסטו אז דער פשט איז פאר פייער און פאר וואסער? ווייל עס איז קעגן די עסטעבלישמענט? ער האט גראדע גערעדט הערליך שיין.

ווען איך האב עס געשריבן האב איך נאר געהאט געזען די ווידיאו פון די וואס זאגן קעגן ליפא און פון דארט האט עס אויסגעקוקט אז ער האט גערעדט פאר פייער און וואסער.

זיין תורה וועגן די האר פרשת כי תשא איז מיר מער געפאלן, אבער דא טייטש ער אזוי נאריש.....

moshav zekeinim האט געשריבן:אויסער א פאר פארבלענדעטע לאזונגען מיט א געשליפענע היימישע שפראך האט ער גארנישט געזאגט. א געשטיצטע בארד מאכט דא גארנישט אויס.

אדרבה פראביר אים צו ענטפערן. א מינוט א מלאך א מינוט א גלח. אין א געוויסע זין ריפלעקט ער וויאזוי אסאך היימישע אידן ביי אונז ווערן, ווען זיי לאזן אפ די חרדישע מחנה. מען ווייסט נישט פון קיין בארדער ליין, מ'פליט פון קלויסטער צום ביהמ"ד. א חרדישע פרוי וואס גייט פייפן, גייט גראד מיט הויזן, פארוואס גראד ביז דארט? מ'פארמאגט א שול, פאר יעדעם, נאכדעם געט מען עליות פאר מחללי שבתות, דערנאך פארלאזט די עולם די שול. פון וואראמע גייסטרייכע ניגונים צו היפסטער משוגענע דזשעז סטייל. פון שני בחמישי מיט א צוקאלעטשטע ענגליש ביז א צומזיק'טע העבראישער קאנצערט. היום בקאלעדזש ומחר 'שלא ישנו את לבושם' מיינט עפענען א טיר. דער מענטש שוועבט צווישן עולם עשיה און עולם היצירה.

פרייוויליג האט געשריבן:

moshav zekeinim האט געשריבן:אויסער א פאר פארבלענדעטע לאזונגען מיט א געשליפענע היימישע שפראך האט ער גארנישט געזאגט. א געשטיצטע בארד מאכט דא גארנישט אויס.

אדרבה פראביר אים צו ענטפערן. א מינוט א מלאך א מינוט א גלח. אין א געוויסע זין ריפלעקט ער וויאזוי אסאך היימישע אידן ביי אונז ווערן, ווען זיי לאזן אפ די חרדישע מחנה. מען ווייסט נישט פון קיין בארדער ליין, מ'פליט פון קלויסטער צום ביהמ"ד. א חרדישע פרוי וואס גייט פייפן, גייט גראד מיט הויזן, פארוואס גראד ביז דארט? מ'פארמאגט א שול, פאר יעדעם, נאכדעם געט מען עליות פאר מחללי שבתות, דערנאך פארלאזט די עולם די שול. פון וואראמע גייסטרייכע ניגונים צו היפסטער משוגענע דזשעז סטייל. פון שני בחמישי מיט א צוקאלעטשטע ענגליש ביז א צומזיק'טע העבראישער קאנצערט. היום בקאלעדזש ומחר 'שלא ישנו את לבושם' מיינט עפענען א טיר. דער מענטש שוועבט צווישן עולם עשיה און עולם היצירה.

ממילא?

נישט דו און נישט דער אלמוני ברענגען אן ארגומענט לעניננו אז עס זאל זיין וואס צו ענטפערן.
און בכלל פארשטיי איך נישט דיין פראבלעם מיט ליפא'ס מאלטי אקטיוויטעטן. א פרישע פראבלעם מיר אויף דער וועלט, אז "א מינוט זינגט מען און א מינוט רעדט מען"

ביליג האט געשריבן:https://vimeo.com/201057275

איך וואלט ענדערש געשטאנען נעבן ליפא שמעלצער ווי נעבן דעם פאריקטן פארשוין, ער איז נעבעך א משוגענער וואס שיסט פלעין האס, זאגט נישט גארנישט, גארנישט מסביר א פלענער online bully

ישראל גלויבער האט געשריבן:גראדע האלט איך אז ער הייסט נישט קיין אקטיוויסט, ער איז א געוויסע סארט אינטערטעינער, וואס זיין מהלך איז אייביג געווען אזוי, און פון אלע סעלעברעטיס זענען דא מענטשן וואס נעמען פון זיי א מהלך נישט ווייל זיי זענען עפעס אקטיוויסטן

אוודאי ארגינעל איז ער אן אינטערטעינאר, אבער ער איז אן אינטערטעינאר וואס האט אלעמאל געהאט גרויסע אדער ריזיגע חלומות צי אינספירירן אונז אידן דורך אויסנוצן נגינה, און וויבאלד ער איז פעימאס פירט ער אסאך קאמפיינס וואס ער האלט ס'איז וויכטיג, אינטערוויורט מענטשן וואס קענען אויפרעגן געוויסע מענטשן און צופרידן שטעלן אנדערע, ממילא איז נישט קיין פראגע צי מיר צי ער איז אקטיוויסט! ער איז ביידע, א זינגער, אינטערטעינאר, אקטיוויסט,.

.

moshav zekeinim האט געשריבן:נישט דו און נישט דער אלמוני ברענגען אן ארגומענט לעניננו אז עס זאל זיין וואס צו ענטפערן.
און בכלל פארשטיי איך נישט דיין פראבלעם מיט ליפא'ס מאלטי אקטיוויטעטן. א פרישע פראבלעם מיר אויף דער וועלט, אז "א מינוט זינגט מען און א מינוט רעדט מען"

מושב זקנים: דו ווייסט גאנץ גוט וואס פרייוויליג האט געמיינט. די פראבלעם מיט ליפא איז, נישט אז א מינוט זינגט מען און א מינוט רעדט מען. נאר ליפא בכבודו ובעצמו גליטשט. ער גייט מטה מטה. צוערשט איז ער געווען א מינוט א מלאך (ער האט גאט-געבענטשע טאלאנטן מחזיר בתשובה צו זיין און אנווארעמען פארבלאנדזשעטע און צומישטע נשמות. ערשטהאנטיגע עווידענס.) און א מינוט א גלח. (זיינע שטיק.) יעצט, נאך געבן אן עליה פאר שאולי גראסמאן ווען ר'איז געקומען צופאהרן אום עצם יום השב"ק מיט זיין פיק-אפ. און די קאאל, אבער ערליכע יונגעלייט האבן איהם אפגעלאזט, איז ער מערסטנס א גלח. ער גליטשט מטה מטה.חוץ פון דעם פאקט אז ער האט זירא טאלאנט צו זינגען אין טעאטער און עקטן.די אידישע שיקסע וועלכע שפילט אקעיגן איבער איהם אין זיין ווערסיע פון ..."פידלער"...פאקט איהם איין 100 מאל מיט די שטארקקייט פון איהר קול און מיט עקטן...! סאו, מושב. פון איהם קענסטו נישט ברענגען קיין ראיה, לכאורה לשיטתך וואס איז אקעיגן חרדי'זם...! קיין רעליגיע הייסט עס נישט...!

דער בחור זאגט גוט, א שאד ער האט נישט קיין בעסערע שפראך, איך ווייס נישט פינקליך צו וועם ליפא צילט מיט זיינע טיפזיניגע מאמרים, איך בענק זיך נאך זיינע אלטע סידיס א שטייגער ווי בדרך. א פושטער יוד און נאך, איך האלט ער וואלט אסאך בעסער אנגעקומען מיט נאך א פאר סידיס און פערפארמען ביים היימישן עולם ווי מיט זיין שני וחמישי

יהושע חיים: ליפא'לע פון יאנואר 25, איז זיס. כ'האב ליעב זיין געדאנק. אבער מיט זיינע אלע גליקן און גיין אין קאלעדזש, האט ער נאכנישט קיין רייכן וואקעביולערי. ער רעדט נאך ענגליש ווי א סקווערע ישיבה בחור...! לעומת שלום דיען, נאך ווואס ר'איז געווארן או.טי.די. האט ער זיך אויסגעלערנט רעדן און שרייבן גוט ענגליש...

מיר קוקט אויס, אז די אלע קריטיק קעגן עהם, ווייסט ליפא אויך, און דאך איז ער ממשיך מיט דעם, קוקט אויס אז ער זעט יא דערין זיין תכלית, און סאו פאר, איז ער היבש מצליח, כאטש איך אליין ווייס אויך נישט פארוואס ער האט דעם מהלך, אבער ער האט נישט קיין חרטה שוין די לעצטע צוואנציג יאר מיט א שמיץ אריבער.

קאצקע ציקער האט געשריבן:די אפטייטש איז זיס . מען קען זען וואס ליגט אונטער דעם אלעם וואס ער טוט ער וויל לעבן אזוי ווי די ישראלים שרייען אז זיי זענען יהודי בלב!

קאצקע ציקער: נאכמער. ער שעמט זיך מיט זיינע אידישע ברידער, וועלכע פיהרן זיך אויף אומ-עטיש. און ער זאגט אונז אומ-דירעקט מוסר, אז עטישע אויפפיהרונג אין פאבליק, איז וויכטיגער ווי דער פיזישער אויסקוק פון לבוש און לשון. חוץ וואס ער מאכט אוועק דאס וויכטיגקייט און חשיבות פון אידיש, אלץ נאציאנאלער נכס (עססעט.)...!

berlbalaguleh האט געשריבן:

קאצקע ציקער האט געשריבן:די אפטייטש איז זיס . מען קען זען וואס ליגט אונטער דעם אלעם וואס ער טוט ער וויל לעבן אזוי ווי די ישראלים שרייען אז זיי זענען יהודי בלב!

קאצקע ציקער: נאכמער. ער שעמט זיך מיט זיינע אידישע ברידער, וועלכע פיהרן זיך אויף אומ-עטיש. און ער זאגט אונז אומ-דירעקט מוסר, אז עטישע אויפפיהרונג אין פאבליק, איז וויכטיגער ווי דער פיזישער אויסקוק פון לבוש און לשון. חוץ וואס ער מאכט אוועק דאס וויכטיגקייט און חשיבות פון אידיש, אלץ נאציאנאלער נכס (עססעט.)...!

בעל עגלה דו זאלסט זיך מתבונן זיין אין זיינע גוטע זיטן, וועסטו זיך אליינס שעמען מיט דיינע ווערטער וואס דו שרייבסט.
ער לעבט מיט א ווייב און משפחה, געבט זיך אפ מיט זיי, וואס ער וואלט לפי טבעו החיצוני שוין לאנג אוועקגעווארפן, קוקט אויס ער האט עפעס טיף אין זיך אנדערש ווי מ'מיינט. ער טוט חסד און איז גורם צענדליגע יודען זאלן קומען דאווענען און נאך הייליגע מצוות, וואס ער וואלט שוין לאנג אויפגעגעבן לפי טבעו החיצוני.
וכו' וכו' וואס איך וויל זאגן, מ'רעדט נישט דא פון איינער וואס זיין מזל שפילט עהם א קורצע צייט, ער האט געסטראגעלט לאנגע יארן, און ער האלט זיין מהלך פאר א מהלך, און אז מ'האט דערויף קשיות, מיינט ניט אז ער איז א מהרס און א פורק עול, און א פערזאן אן שכל און ניצן א משחית חס ושלום.

ביז היינט האט ער מער אויפגעטון ווי רוב 'פעסטע משפיעים' ביי אונז

moshav zekeinim האט געשריבן:

ווייל אזוי האט געשריבן:זיין תורה וועגן די האר פרשת כי תשא איז מיר מער געפאלן, אבער דא טייטש ער אזוי נאריש.....

א טיפיקל טייטש אזויווי אנדערע סילוף'דיגע און מליצה'דיגע טייטשן פון די גמרא ובעלי דרוש. עס שטימט פשוט נישט מיט די היימישע אגענדע.

מושב זקנים: נאר אזא אפיקורס ווי דו קען אזאנס זאגן. און איך גיי יעצט נישט אריין אין די עצם וויכוח צו ליפא האט יא, אדער נישט גוט געזאגט. רבותיי, קוקטס ווי דער מושב שפייט אויף חז"ל און זייערע דרשות, רחמנא ליצלן. און ער קומט נאך און וויל אונז פארקויפן לאקשן אז ער איז קעיגן חרדי'זם. ער איז קעיגן גאט און זיין תורה. ער איז גארנישט בעסער ווי ברוך שפינאזא. נאך אפשר ערגער. ווייל שפינאזא איז געווען א באמבלינג, נעבעכדיגער לא יוצלח אין זיין לעבן...!

[tag]פרייוויליג[/tag], התינח גלח אבל מלאך מאן דכר שמיה?

ליפא זאגט אינעם ווידיא ״דעמען סקירט״ איינער ווייסט וואס דאס איז?

מושב רעדט'ס ווי אן אפיקורס

פרייוויליג האט געשריבן:ליפא זאגט אינעם ווידיא ״דעמען סקירט״ איינער ווייסט וואס דאס איז?

די האסט מן הסתם נישט גוט געהערט, ער זאגט לכאורה "דענעם" Denim בלע"ז.

איש את רעהו האט געשריבן:מושב רעדט'ס ווי אן אפיקורס

ניין: ער איז אן אפיקורס. כאן נתגלה קלונו ברבים...!

מושב האט עס געמיינט בלשון סגי נהור און ער האט צוגעלייגט אז עס שטימט נישט מיט די 'היימישע' אגענדע.