קאווע שטיבל

נשלח: **דינסטאג מאי 16, 2017 11:08 am**

תורה ומדע האט געשריבן:
גר ותושב האט געשריבן:
סמבטיון האט געשריבן:גר , דו ביזט צוקער זיס, דאס האסטו ארויס גענומען פון די גאנצע תגובה? נעה כהאב געמיינט אמאל אז דו קענסט בעסער פליקן

Don't try me about... Lol
גראדע איז דא אסאך צו רעדן איבער די וועיג ווח ער האט געבויט זיין חסידות בבחינת אני ועצמי עוד אבער איך נישט קיין כח פאר קיין צימעס וועל איך עס לאזן נאר מיט א רמז ווער עס קען בעלז וועט פארשטיין ואידך זיך גמור. גארנישט נעמט אבער נישט אוועק פון דער שיינער באשרייבונג ישר כח אורים.

גראדע איז דער בעלזער רב בכלל נישט קיין אני ואפסי׳ניק. איך האב געהערט פון עטליכע אמונתישראל׳ניקעס בשם ר׳ משה וואלפסאון שליטא, וואס גייט כסדר באזוכען דעם בעלזער רב שליטא ווען ער געפונט זיך אין ירושלים, אז דער בעלזער רבי שליטא איז דער גרעסטער שפל ברך אין אונזער דור.
פאר די וואס קענען דעם רבין פון דער נאהנט איז דאס איבערהויפט נישט קיין חידוש. דער חידוש איז גאר אויף ר׳ משה וואלפסאון וויאזוי ער האט תופס געווען דאס פינטעלע פונעם בעלזער רב אין א פאהר קורצע וויזיטען.

viewtopic.php?p=342312#p342312

נשלח: **דינסטאג מאי 16, 2017 11:55 am**

אני הק', אזויווי @סמבטיון (כנראה), מוטשע איך מיך צאם צו נעמען מיינע געפילן, מגיב צו זיין אויף דעם מייסטער ווערק פון הרב @בגדי כהונה. פארשטייט זיך אז אלס איינער וואס איז 'משוגע' אויפ'ן רב (כאטש ליידער נישט גענצליך 'מחובר' צו זיין שטייפע אידאלאגיע (וראה לקמן), אבער דאך כאפ איך א טרייסל עד דכדוכה של נפש פון זיין גרויסן דמות און מורשה), בין איך מלא נגיעות כרימון, אבער דאך וועל איך ברשותכם שרייבן א שורה צוויי.

דער ראפשיצער האט געזאגט (אדער יא, זיכער נישט) אז כדי צו זיין א תמים ברויך מען זיין א חכם. איך מיין אז איידער מען זעצט זיך שרייבן א דוקטרט אויפ'ן רב, ברויך מען דורך אקערן דעם נקודה. אין מיינע אויגן איז דער רב איין שטיק תמימות און פארגלויבטקייט, וואס דאס איז טאקע בתולדה, אבער נישט אין קאנטראסט, פון זיין גרויס חכמה.
כידוע האלט מען אין בעלזא (און איך אנטשולדיג זיך פון פאראויס פאר ידידנו @אדנירם) אז בעלזא איז א ווינקל וואו מען וועט וויסן פון ג-ט ב''ה ביז משיח וועט קומען (וידוע הסיפור עם מהר''א באמצע שנות הזעם שהוכיח מאימרה הנ''ל שעוד יבנה בעלזא מחדש). בעלזא האלט זיך פאר די אמבאסאדע פונעם רבוש''ע אויף דעי וועלט. דאס ווייסט יעדער און כמובן לאו דוקא אז מען מוז מסכים זיין צו דעם.
ווען דער רב האט זיך ארויפגעזעצט אויפ'ן שטול - @בגדי כהונה שרייבט אז ער איז נאכנישט אנערקענט געווען אזוי אלץ צדיק, אבער ער האט פארפעלט דעם פונטעלע. די גדולי ישראל וגדולי החסידים וואס האבן געשטופט דעם הכתרה (כידוע) האבן געגלייבט באמונה שלימה אז בעלזא דארף זיך בויען. דער רב האט געזאגט ביים אננעמען די הנהגה אז מען דארף זיין בלינד נישט צו זעהן אז דאס האט דער פעטער געמיינט. דער רב ז''ל האט געזאגט אז מיר דארפ'ן אויפשטעלן א דור וואס וועט זיך נישט שעמען אקעגן צו גיין משיח'ן, און דאס איז וואס דער רב אטעמט די לעצטע פופציג יאר.
לדעתי, איז בכלל נישט מוכרח אז דער רב האט פאראויסגעזעהן די געוואלדיגע הצלחה בפנים ובחוץ, נאר האט געגלויבט באמונה שלימה אז דאס דארף און דאס וועט געלונגען. (כמובן, אז אלץ מאמין אין דעם מושג פון סוד ה' ליראיו, און 'יורש כרעא דאבוה', האלט איך אז עס איז דא אביסל מער אין דעם, אבער כמובן אז מען קען דא נישט מאריך זיין אין דעם ענין). דעי אמונה טהורה שפירן די חסידים לכל אורך הדרך.
בכלל איז די בעלזע חסידות גאר א פארגלויבטע חסידות אין מיסטיקה, א שטייגער ווי דאס וואס מהר''ש ז''ל האט געזאגט (מובא בהקדמה לאמרי יוסף בשמו) אז ער האט געבויעט דעם ביהמ''ד מיט א כח וואס זאל צוען יודן צו דעם, וכהנה וכהנה וכהנה. און אין דעם תמימות ווייקט זיך דער רב על כל צעד ושעל. א 'דוגמא' צו דעם, איז וואס איך האב געהערט (פון איינער פון די גאר נאנטע חסידים), פאר יארן צוריק ווען דער רב האט ארויסגעגעבן א קונטרס בעניני המועדים ע''פ חסידות, איז געווען דעמאלטס עפעס א שערוריה וואס די א.ג. קנאים האבן ארויסגעשטעלט פאשקעווילן איבער עפעס אן ענין (איך ווייס נישט וואס). האט דער רב דעמאלטס געזאגט פאר די מקורבים, אז כך הוא דרכו של עולם, ווען די קדושה הייבט זיך, מען האט ארויסגעגעבן א קונטרס, פרובירט די כח התנגדות דקדושה זיך צו שטארקן. דאס איז די מהלך און בליק פונעם רב, לכל אורך הדרך.
ס'איז מיר שווער אנצוטיילען פונקטליך וואס איך וויל ארויסברעגן. אבער איך מוז זאגן אז עס איז מורא'דיג צורם, פאר אן אינסיידער, צו ליינען די בעלבתישע אמעריקאנע דיבורים פון ידידינו הנ''ל.

ווען עס קומט צו די פליקערייען פונעם רב, איך האב נישט קיין אהנונג אויב עס איז אמת, אדער וועלכע פון די דוגמאות זענען אמת, אבער איך מיין אז מען קען נעמען אין חשבון די כלליות'דיגע בעלזע שטאלץ, על דרך וואס איינער פון די חניוקעס פון פאר'ן קריג האט 'געטייטש' דער הרחמן פון ליל הסדר ''הרחמן הוא ינחלינו כו' יום שצדיקים יושבים כו'" - דער טאג ווען די צדיקים וועלן זיך אויפהערן נאריש צו מאכן און קומען ווערן יושבים אין בעלזא.............. אויב די פליקערייען זענען אמת, איז עס לדעתי מכח הנ''ל, און נישט מכח דאס בויען קאנפידענס.

טשילס באנעמען מיר ווען איך דערמאן זיך די ווערטער פונעם רב, ביים מעמד לציון 50 שנות הנהגה. דער רב האט אנגעהויבן מיט ''איך קום נישט רעדן אלץ רב און נישט אלץ רבי, נאר ווי א פשוט'ע זעלנער...". דאס האט ער בעצם נישט געדארפט זאגן, ווייל די חסידים שפירן דאס אליינס. (גראדע אויב געדענק איך גוט האט דער רב זיך דעמאלטס זיך באצויגן צו די 'טענה' פון בעלזא ישן וחדש, איך מיין אז די מבקשי אמת פון צווישן די ס''מ (אויב עס זענען בכלל דא אזעלכע) זאלן אויסהערן יענע דרשה).

ראה שמועטים הם, עמד ושתלם בכל דור.

און צום שלוס, אזויווי מען האט דערמאנט די בעלזער דיינים, פונקט נעכטן האב איך באקומען א זיסע קלופ פון א זיסע בעלזער דיין אין ארץ ישראל, ר' שלמה בינעט (א יונגער שטערן, דער רב טשאטשקעט זיך מיט אים), וואו ער שטעלט זיך אוועק פארנט פון א קעמרע, מיט זיין גאנצע חניוקישקייט, און איז מסביר וויאזוי מען דארף זיך וואשן על פי הלכה. פרום און קלוג.

https://drive.google.com/open?id=0B3bgv ... 3RQSFFjNGM

נשלח: **דינסטאג מאי 16, 2017 1:16 pm**

תורה ומדע האט געשריבן:
גר ותושב האט געשריבן:
סמבטיון האט געשריבן:גר , דו ביזט צוקער זיס, דאס האסטו ארויס גענומען פון די גאנצע תגובה? נעה כהאב געמיינט אמאל אז דו קענסט בעסער פליקן

Don't try me about... Lol
גראדע איז דא אסאך צו רעדן איבער די וועיג ווח ער האט געבויט זיין חסידות בבחינת אני ועצמי עוד אבער איך נישט קיין כח פאר קיין צימעס וועל איך עס לאזן נאר מיט א רמז ווער עס קען בעלז וועט פארשטיין ואידך זיך גמור. גארנישט נעמט אבער נישט אוועק פון דער שיינער באשרייבונג ישר כח אורים.

גראדע איז דער בעלזער רב בכלל נישט קיין אני ואפסי׳ניק. איך האב געהערט פון עטליכע אמונתישראל׳ניקעס בשם ר׳ משה וואלפסאון שליטא, וואס גייט כסדר באזוכען דעם בעלזער רב שליטא ווען ער געפונט זיך אין ירושלים, אז דער בעלזער רבי שליטא איז דער גרעסטער שפל ברך אין אונזער דור.
פאר די וואס קענען דעם רבין פון דער נאהנט איז דאס איבערהויפט נישט קיין חידוש. דער חידוש איז גאר אויף ר׳ משה וואלפסאון וויאזוי ער האט תופס געווען דאס פינטעלע פונעם בעלזער רב אין א פאהר קורצע וויזיטען.

ביטע אויפהערן ברענגען ראיות און הפלגות משמי' דמרן מאמונת ישראל, וואס ענליכע צי אפילו גרעסערע מימרות איז שוין ברוב תמימיתו געזאגט געווארן אויף השרף משיכון סקווירא והקדוש מתולדות אברהם יצחק וכו'.

נשלח: **דינסטאג מאי 16, 2017 1:24 pm**

חברה, איך מיין עס איז גענוג געווען, עס איז דא געניג נושאים פון וואס מען קען רעדן, א גוטן טאג!

נשלח: **דינסטאג מאי 16, 2017 3:28 pm**

איש חזון - מיר ביידע וואוינען אין די זעלבע פלאנעט? פון דעם אז דער רב איז אזא תמים, ווייזט זיך אויס זיין חכמה. פארוואס? ווייל מ'האט גענומען א מימרא פון ראפשיצער רב, און נישט נאר דעם נאר דער מימרא פארדרייט אויף איהר קאפ?!

אבער מ'האט נאך א תירוץ צו זיין גדלות. אז א יושב א טיפש אינדערהיים האט געזאגט א מימרא פון גיאות און ישות, הייסט'עס אז עניוות איז פליקען אנדערע מיט גיאות און ישות?!

דער ערשטע בעלזער רב האט געבויט א בנין, און דערצו געזאגט אז בעלזא וועט זיין א ווינקעל וכו' וד"ל. אויף דער בנין געזאגט. דער מדת הדין האט זיך אריינגעמישט און בעלזא איז פארלענדעט געווארען. שוין, א גזירה כללית וואס אסאך צדיקים האבען נישט פאראויס געזען, עי' ספר הדרך בטוטו"ד. וואס טוט מען? מען מאכט א נייעם טייטש אויף די ווערטער, און פון דער שקר בויט זיך א צווייטען שקר אז דער המשך מוז גייען מיט׳ן נאמען בעלזא. און ווייטער אז נאר בעלזא אן א צונאמען, און אזוי איז מען אנגעקומען צום מסקנא אז דער בעלזער רבי איז א ראק סטאר!

בעסער ווען מ'גלויבט טאקע ווייטער בתמימות, ווייל אן דעם האט מען זיך אויפגעשטעלט א ווערטשאפט פון שקר און חלומות. זאג אלף למטה און פערטיג.

נשלח: **דינסטאג מאי 16, 2017 3:32 pm**

סמבטיון האט געשריבן:חברה, איך מיין עס איז גענוג געווען, עס איז דא געניג נושאים פון וואס מען קען רעדן, א גוטן טאג!

ענדליך... עס איז שוין אבאוט טיים... קענסט נישט אליינס אויפהערן וואס ווילסטו פון די חברה :lol:

נשלח: **דינסטאג מאי 16, 2017 6:47 pm**

ליטוואק פון בודאפעסט האט געשריבן:איש חזון - מיר ביידע וואוינען אין די זעלבע פלאנעט? פון דעם אז דער רב איז אזא תמים, ווייזט זיך אויס זיין חכמה. פארוואס? ווייל מ'האט גענומען א מימרא פון ראפשיצער רב, און נישט נאר דעם נאר דער מימרא פארדרייט אויף איהר קאפ?!

אבער מ'האט נאך א תירוץ צו זיין גדלות. אז א יושב א טיפש אינדערהיים האט געזאגט א מימרא פון גיאות און ישות, הייסט'עס אז עניוות איז פליקען אנדערע מיט גיאות און ישות?!

דער ערשטע בעלזער רב האט געבויט א בנין, און דערצו געזאגט אז בעלזא וועט זיין א ווינקעל וכו' וד"ל. אויף דער בנין געזאגט. דער מדת הדין האט זיך אריינגעמישט און בעלזא איז פארלענדעט געווארען. שוין, א גזירה כללית וואס אסאך צדיקים האבען נישט פאראויס געזען, עי' ספר הדרך בטוטו"ד. וואס טוט מען? מען מאכט א נייעם טייטש אויף די ווערטער, און פון דער שקר בויט זיך א צווייטען שקר אז דער המשך מוז גייען מיט׳ן נאמען בעלזא. און ווייטער אז נאר בעלזא אן א צונאמען, און אזוי איז מען אנגעקומען צום מסקנא אז דער בעלזער רבי איז א ראק סטאר!

בעסער ווען מ'גלויבט טאקע ווייטער בתמימות, ווייל אן דעם האט מען זיך אויפגעשטעלט א ווערטשאפט פון שקר און חלומות. זאג אלף למטה און פערטיג.

איינער קען מיר אפשר איבערטייטשן וואס דער זאגט דא?

נשלח: **דינסטאג מאי 16, 2017 6:48 pm**

ליין איש חזון'ס תגובה אויף וואס איך באצי זיך, און אזוי וועט זיך עפענען די טוירען פון חכמה

נשלח: **דינסטאג מאי 16, 2017 6:57 pm**

ליטוואק פון בודאפעסט האט געשריבן:ליין איש חזון'ס תגובה אויף וואס איך באצי זיך, און אזוי וועט זיך עפענען די טוירען פון חכמה

וואס איז דאס ''טוירען''?
ביסט דאך א תלמיד פון דער ''שאך'', איז ענטפער איידל אזויווי ער האט ענק געלערנט.

נשלח: **מיטוואך מאי 17, 2017 1:00 am**

דער בעלזער רב איז א כיטערער און אינטערגעציפטע פארשוין. ער האט אזוי אויסגעשטעלט זיין רביסטיווע אז ס'זאל בכלל נישט זיין קיין מדובר איבער ספעציפישע ענינים פון זיין צדקות ופרישות. אשטאטס אויסקוקען ווי אנדערע רבי'ס וואס דארפן כסדר מאכן אן אנשטעל ווי זיי זענען עוסק אין העכערע זאכן ווייל דאס וועט מאכן די חסידים ווערן פארגלייבט, האט ער אדאפטירט סאך א גרינגערע מהלך ווי ער קען זיך אויפפירן כאחד האדם און פונדעסוועגן זיין פארהייליגט.

איך האב אויפגעפאסט צוויי זאכן וואס בעלזע חסידית איז אנדערש ווי אנדערע. די ערשטע איז אז דארט איז דא די מושג פון כבוד בית בעלז, דאס האט נישט ממש שייכות מיט'ן רבי'ן, נאר יעדער חסיד וויל אז בעלז זאל זיין א שיינע בכבודיגע קהילה. מיט דעם וואקסט מען אויף און ס'ליגט אין די ביינער. איינע פון די זאכן וואס מאכט בעלז א שיינע חסידות איז אז זיי האבן א הייליגע רבי, א חכם און א גאון. אבער מ'ברויך נישט קאנווינסן אז די רבי האט די אלע מעלות ווייל איינמאל יעדער זיכט גרויס צו מאכן בעלז וועט מען אויטאמאטיש האלט שטארק פון רבי'ן. די צווייטע חידוש וואס כ'האב געזעהן אין בעלז איז די געפיראכץ פון די רעבעצין. זי איז באקאנט אלץ פועל ישועות, זי פארט ארום אין די גאנצע וועלט, און פון איר פאמפט מען ארום מער ווי פונ'ם רב. די הסבר איז פשוט ווייל איר צידקות זיכט קיינער נישט צו טשעלענזען קודם ווייל מ'קען איר נישט און צווייטענס ווייל קיינער פילט נישט אז זי איז א קאמפעטישאן פאר זייער רבי. נאכדעם וואס ס'איז שוין אנגענומען אז זי איז א קדושה וטהורה מאכט מען שוין פון זיך אליין די קל וחומר אז די רב איז דאך אודאי און אודאי א קדוש וטהור ווייל מה דאך די רעבעצין איז אזוי גרויס, און זי איז נאר די רביצין, איז דאך בן בנו של קל וחומר אויפ'ן רב.

דאס קלער איך איז די סיבה פארוואס בעלזע חסידים זענען אזוי פארגלייבט אין זייער רבי כאטשיג ווען מ'פרעגט זיי צו דערציילן איבער זיין גדלות האבן זיי נישט וואס צו זאגן.

נשלח: **מיטוואך מאי 17, 2017 10:10 am**

מיר קומט אויס אז די בעלזער חסידים האבען אן עכטער, טיעפער רילעשינשיפ מיטן רבין, וואס האט זיך דיוועלאפט איבער די לעצטע פערציג יאהר, ממילא דארפן זיי נישט זיין איבער פארגלייבט. איינער וואס איז נאהנט מיט זיין טאטע, למשל, ווייסט דען נישן אז זיין טאטע האט חסרונות. אוודאי. נאר וואס דען, דער קשר איז שטארק און די מעלות וועגען איבער.
די רעבעצין איז א מפורסמת אהנע דעם וואס דער רב זאלל איהר גרויס מאכען. כבוד בעלז איז כבוד שמים איז א מימרא פונעם היינטיגען רבין'ס זיידע הרי"ד מבעלז ז"צל.

נשלח: **מיטוואך מאי 17, 2017 11:27 am**

שמעון וואלף, עס וואלט גלייך געווען ווען די טוישט כאטש דיין ניק נאמען אויף משה פריעדמאן, עס פאסט נישט שמעון וואלף זאל אזוי רעדן. און צו דיין סטעיטמענט אז בעלזע חסידים האב נישט וואס צו דערציילן איבער זיין גדלות, אדער האסטו נישט געליינט אלע תגובות ביז אהער אדער איז אריין אין דיר א דיבוק פון איש את רעהו

נשלח: **מיטוואך מאי 17, 2017 11:33 am**

תורה ומדע האט געשריבן:כבוד בעלז איז כבוד שמים איז א מימרא פונעם היינטיגען רבין'ס זיידע הרי"ד מבעלז ז"צל.

האט ער עס דערמאנט ביי יעדע דרשה מיט א פאטריאטישקייט??

נישט קיין וואונדער @ליטוואק טרייבט ליצנות פון חסידות...

בסך הכל קען זיין ער האט דאס אמאל זיך אויסגעדריקט ביי א מצב וואס עס האט געמאכט סענס דעמאלטס. נישט מסתבר ער האט געמיינט דייקא פאטריאטישקייט פאר זיין גזע...

דאס זיך משתמש זיין מיט אזעלעכע מימרות אויף א טעגליכע פארנעם ברענגט אראפ חסידות.

עס ווערט מיר מער און מער קלאר פארוואס סאטמר רב האט געדארפט שרייבן אין ספר אז נשתכח דרך החסידות לגמרי!

-----

סמבטיון האקט
וואס זאל ער טון אז ער הייסט שמעון וואלף? מיינסט אז עס איז פארהאן נאר איין שמעון וואלף? ביי ענק געפינען זיך אויך משה פרידמאן'ס

נשלח: **מיטוואך מאי 17, 2017 11:38 am**

סמבטיון האקט נישט, קענסט שרייבן וואס דו ווילסט, איך האב שוין יוצא געווען מיינס און געזאגט וואס איך האב צו זאגן, ווילסט וויטער ציען די שטריק , בי מיי געסט. כל טוב.

נשלח: **מיטוואך מאי 17, 2017 2:36 pm**

[justify]צום אלעמען ערשט, בין איך היבש איבעראשט פון די געוואלדיגע אפקלאנג פון מיין ערשטער ארטיקל. איך ליין שוין טאקע קאווע שטיבל פאר א יאר צייט, אבער עס איז דאס ערשטע מאל וואס איך זעץ מיך טאקע אראפ שרייבן אין קאווע שטיבל. איך בין א שטיקל פראפעקציאניסט און דערפאר האב איך מיך געשפילט מיט די קנעפלעך, אז ס'זאל אויסזען שיין.

צום נושא פונעם ארטיקל. איך בין טאקע נישט קיין בעלזער נאר א דרויסנדיגער, און דערפאר זע איך אלעס מיט א דרויסנדיגער בליק. איך בין אוודאי נישט קיין מתנגד צום בעלזער רב - ווי מ'קען קלאר זען אינעם ארטיקל, איך האב עס פרובירט אפצולערנען אביעקטיוו אנע שיעבודים לכאן ולכאן.

ווען א סאטמארער וויל נישט אנערקענען זיינע מעלות, אדער די פאקט אז ער איז א שטארק פרומער פערזענליכקייט וואס האט "נישט" אפגענויגט פונעם אלטן אויסגעטרעטענעם וועג, אדער ווען א בעלזער וויל נישט אנערקענען אז זיין היינט צוטאגיקע שיינענדיגע פערזענליקייט האט נישט אלץ געבליטשקעט - און דייקא צוליב זיינע אייגענע חסרונות, אנע אריינמישונגען פון סאטמאר, טראגט עס א פנים ווי צוויי געלונגענע שאך שפילער וואס יעדער זוכט צו באגראבן דעם אנדערן, און ביידע האבן גוטע מהלכים און חשבונות וויאזוי צו געווינען, אבער דער וואס קוקט זיך צו צום שאך שפיל זעט אמבעסטן די גאנצע בילד, און קען בעסער פארשטיין וואס ביידע צדדים האבן צו פארקויפן.[/justify]

נשלח: **מיטוואך מאי 17, 2017 2:43 pm**

ביי מראות קודש זענט איהר אבער געווען, וויזט דאך אויס אז איהר זענט מער ווי א דרויסענדיקער...

נשלח: **מיטוואך מאי 17, 2017 2:51 pm**

דאס זעלביגע מיט זיינע לופטיגע ווערטער אויפן ויואל משה. ס'איז להדיא יא געווען היבש התרסה'דיג געשטימט, און קיין רעכט צו רעדן אזוי געמיין האט ער נישט גהאט, אבער "ילדות היתה בו" און ער האט געזאגט וואס האט אים געשמעקט. ווען רבי מאטעלע וויזשניצער וואלט אזוי גערעדט, וואלט מען אים פארשטאנען. ער איז אלץ געווען א קנאי, שארף צונגל, בעל מוחה מחאות נמרצות, אן ערנסטער מתמיד, און שטארקער פרומער חניאק. ווען רבי משה'לע וואלט אזוי גערעדט, וואלט מען עס אויך אוועקגעקוקט צוליב זיין באקאנטע ברייטע שפראך, און זיינע מעלות וואס האבן אים אוועקגעשטעלט אין א שיינעם ארט. ווידער דער בעלזער איז געווען יונג, רוי, אומערפארן אין די רבי'סטעווע פעלד, ער האט זיך געהאלטן קלוגער פון יעדן (און מיט רעכט), ער האט נישט געקענט ווייזן פאר די וועלט עפעס ספעציעל וואס זאל מוחל זיין זיין שפראך, און דערפאר הבערה ללהב יוצאת.

ביסט קלאר נישט גערעכט מען וואלט דאס נישט איגנארירט ביי קיין שום פערזענליכקייט אין יענע צייט ווען ער שטעלט זיך ווען אויף מיט די ווערטער ביי א אפיציעלע דרשה.
סוף כל סוף איז סאטמר רב געווען אנגענומען ביי רובו ככולו חרדישע אידענטום אלס א גדול בישראל און א עפענטליכע חוצפה קעגן עם וואלט נישט איגנארירט געווארן.

נשלח: **מיטוואך מאי 17, 2017 2:53 pm**

עמעזאן האט געשריבן:סוף כל סוף איז סאטמר רב געווען אנגענומען ביי רובו ככולו חרדישע אידענטום אלס א גדול בישראל און א עפענטליכע חוצפה קעגן עם וואלט נישט איגנארירט געווארן.

אזוי גאר?

נשלח: **מיטוואך מאי 17, 2017 2:54 pm**

בכלל, האט ער אוועקגעשטעלט א חסידות וואס די "עווערידזש" יונגערמאן שטייט פיל העכער, פון יעדן פרעספעקטיוו, ווי פון סיי וועלכע אנדערע חצר. רוב יונגעלייט (העכער די דרייסיג. די יונגערע זענען היבש שוואכער) זענען פרום, חסידיש, קענען שיין לערנען, ווייסן פון חסידישע ספרים, האבן א קאפ אויפן פלייצע, אומפארביסן, ארבעטן אבער זענען נישט פארגרעבט. די מיזוג פון האבן אפענע קעפ און פארט זיין ערליך און פרום, איז א קונץ וואס קיינער האט נישט באוויזן צו מאכן אזוי גוט ווי דער בעלזער.

פאר סאם ריזען זעה איך נישט אזוי זיינע יונגעלייט דא אין אמעריקה. קען זיין אין אר''י איז אזוי

נשלח: **מיטוואך מאי 17, 2017 2:57 pm**

I'm back האט געשריבן:
עמעזאן האט געשריבן:סוף כל סוף איז סאטמר רב געווען אנגענומען ביי רובו ככולו חרדישע אידענטום אלס א גדול בישראל און א עפענטליכע חוצפה קעגן עם וואלט נישט איגנארירט געווארן.

אזוי גאר?

יא

נשלח: **מיטוואך מאי 17, 2017 4:11 pm**

צו באלאנסירן צווישן דעם הייליגער רבנו יואל מיט'ן בעלזער רב ז''ל הייסט א חוצפה? מאדנע ביז גאר. און כמובן איז דער בעלזער רב איז נישט באגאנגען אן עוולה מיט דעם וואס ער האלט נישט ווי דער פשעווארסקער גאון שליט''א בדעת דודו ורבו.

נשלח: **מיטוואך מאי 17, 2017 4:17 pm**

איש חזון האט געשריבן:צו באלאנסירן צווישן דעם הייליגער רבנו יואל מיט'ן בעלזער רב ז''ל הייסט א חוצפה? מאדנע ביז גאר. און כמובן איז דער בעלזער רב איז נישט באגאנגען אן עוולה מיט דעם וואס ער האלט נישט ווי דער פשעווארסקער גאון שליט''א בדעת דודו ורבו.

ניין דאס וואלט קיין עוולה נישט געווען פארשטייט זיך.

ווען ער זאגט ווען אונז האבן אונזער שיטה וואס די רב ז''ל האט אונז מחייב געווען און סאטמר רב קען אונז נישט מחייב זיין נניח.

די עוולה איז געווען אראפ צו רייסען סאטמר רב מיט ביליגע ליצנות און חוצפה רייד

נשלח: **מיטוואך מאי 17, 2017 4:41 pm**

סוי ס'איז א מעטטער פון שפראך?

קאווע שטיבל

בעלזער רב שליט"א - פארדאמונג, אויפבלי, קאנאניזאציע