קאראנא וויירוס (COVID-19)

[berlbalaguleh]

רביה"ק זי"ע: איך האב א בעסערע עצה פאר איהם. ער זאלל אריבערגיין 13 אדער 16'טע עוו. מיט פארמאכטע אויגן. ביז 5 מינוט איז ער אין שפיטאל. אדער גאר אין שומרי הדת... הרהגה"צ ר' שימעלע דזשיגאן זצוק"ל...! (האומר דבר בשם אומרו מביא גאולה לעולם.)

[מי אני]

אדער נאך בעסער, בעט אן אנגעשטעקטער זאל דיך אריינהוסן אין מויל אריין א הונדערט מאל, אולי יחוס.

און מ׳עט נאך טרעפן א רמז צו דעם אויך...

דהיינו, אין אזא פאל ׳עט זיין אזוי ווי ס׳שטייט ביי משרע״ה (שמות ד י) כי ״כבד״ [COVID] פה. און ביי משרע״ה שטייט אויך (שם לד כט) כי ״קרן עור״ [corona] פניו (און ער׳ט טאקע געלייגט א מסוה על פניו)...

[אישתישבי]

לפי״ז קען מען אויך ״טייטשן״ (אבות ד כא) הקנאה והתאוה והCOVID מוציאין את האדם מן העולם, און רש״י איז מפרש אויף ״כבוד״ (לויט איין פשט) שהרבנות מקברת את בעליה ע״ש. און מ׳האט דאך טענות אויף ווי אזוי די רבנים האבן באהאנדלט די קריזיס...

לא׳מיר האפן אז עס וועט נישט מקויים ווערן המשך המשנה אין אונזער קאנטעקסט.

מיינט איר צו זאגן אז די רבנים באגראבן די בעלי בתים?

[real fake news]

וואס טוט זיך מיט בריתן, מגייט ווייטער מאכן געהעריג מציצה בפה?

[איסר האטלקי]

מ'וועט עס מוזן טון מיט א מאסק.

[מיימון]

טוענדיג אין די היסטאריע פון רעוואלוציעס וואונדער איך זיך צומאל וויאזוי א רעגירונג פון א מיעוט (קעניג, דיקטאטאר וכדו') קען באהערשן די פרייע מאסן. צומאל טראכט איך אויב דאס קען נאך היינט פאסירן ווען דער עולם איז געוואוינט צו פרייהייט און וועט דאס נישט אקסעפטן. היינט זעט מען אז עס איז גאנץ גרינג. מיליאנען מענטשן זענען איינגעשפארט אין הויז ארעסט מיט בלויז אביסל פראפאגאנדע און די צאל פאליציי קען זיך ספראווען מיט די קליין ביסל אויפשטענדלער, און אזוי ווערט א לאנד אונטערדרוקט. (יעצט דארף מען בלויז בלאקירן דעם פרייעם אינטערנעט און דער coup איז פארטיג).

איך בין נישט קיין סייענס לייקענער. אבער דער מציאות איז אז כמעט קיינער קען נישט פערזענליך ("פערזענליך") עמיצן וואס האט פאזיטיוו די קאראנע. פאר מיר און מיליאנען אנדערע איז דער טאג א געווענליכער טאג און ווען נישט איך בין צוגעבונדן צו נייעס וואלט מען ניטאמאל געוואוסט אז עפעס קומט פאר. און דאס איז שוין אפילו נישט גערעדט פון די וואס האבן יא געטעסט פאזיטיוו אבער עס וואלט בכלל נישט געהאט קיין שום השפעה אויף זייער לעבן ווען נישט די סומאטוכע. כאשר בא כן ילך, א מילדע קראנקהייט פאר עטליכע טעג. דאס ווייזט אז דער כח וואס די פראפאגאנדע קען האבן אויף מענטשן'ס לעבן איז גאר גרויס. דא רעדט מען נישט פון די שווארצע מגיפה אדער געלע פיבער וואו מענטשן זענען געשטארבן אין די מאסן, און אפילו נישט מיזעלס, דא האלט דערווייל אלעס ביי שמועות.

פון די אנדערע זייט איז די צייט גאר רייף פאר א רעוואלוציע, איך מיין אז נאך עטליכע טעג זיצן איינגעשפארט אינדערהיים (ווען מען וועט עווענטועל אפשפארן די גאסן קאמפלעט) וועט דער ניו יארקער עולם ארויסשטורעמען אויף די גאסן אויפגערעגט און ארויס פון קאנטראל אז די ראיאטן פון בלעק לייווס מעטער וועלן זיין א וויץ דערקעגן. מען קען נישט האלטן א וועלט איינגעשפארט. ס'איז נאר דא אינטערנעט זעמיר מסודר. אין א געוויסן וועג טוט דאס אונטערברענגען סאסייעטי און באשאפן א נייעם באדייט פאר די מענטשהייט וואס דאס איז דאך בעצם טייטש פון א רעוואלוציע.

דער אומגלויבליכער היסטארישער מצב אין וועלכן מיר האבן זיך דערקייקלט וועט אראפווארפן אלע אנגענומענע מיינונגען און שיטות פון מענטשן און געבן א נייעם מיין פאר מענטשהייט. באריקאדעס זענען צובראכן געווארן. סאושעל נארמס וואס זענען שוין אין פלאץ נאך איידער עמיצער געדענקט זענען צופאלן ווי לופט. שולן, חדרים, פארשפארט קאמפלעט. וואס גייט מען טון שבת החודש? נאו מקוה. חתונות אפגעשטופט, אינדערהיים, אין גאס. ארבעט אפגעשאפן. געשעפטן ליידיג. געקענסלט וועלטליכע פעסטיוואלן און ספארטס. דער פרעזידענט איז פארלוירן. גאר גאר אסאך זאכן האבן זיך געטוישט. מיטאמאל זענען פאליטישע קריגערייען געווארן קליינליך און נאריש, אומוויכטיג. די וועלט בכלל איז אומוויכטיג, אלע ספארטס און איווענטס און אפילו ארבעט איטסעלף, דער הויפט פעבריק פון אמעריקאנער סאסייעטי, האט פארלוירן איר ווערט. קאמפאניס אפערן זייער סערוויס פאר אומזיסט. אין א לעצט מינוטיגן אקט פון גוטן ווילן איידער דער גרויסער אפאקאליפס היט. און אפאקאליפס איט איז. עס איז נישט קיין חלום מער, נישט ווי די דראמאטישע מאמענטן פון ארמאגאדאן וועלכע ווערן געפיטערט דורך די מאוויס פאר צענדליגער יארן, נאר שטיל און רואיג האט זיך די וועלט געגראבן א קבר, זיך אנגעטון די תכריכים און זיך אריינגעלייגט דערין. א הייליגע שטילקייט באהערשט די וועלט, דער סטאק מארקעט איז אויסגעלאשן, געשעפטן פארשפארט, ביזנעסער ליידיג. די גאסן ליידיג. יעדער שפארט זיך איין פארברענגען מיט די קינדער דאס ביסל צייט וואס איז נאך פארבליבן. גארנישט איז שוין נישט וויכטיג יעצט. אפילו קאווע שטיבל, עס וועט נישט זיין מער ווער עס זאל דאס ליינען, עס איז אלץ פאריבער.

אין מיין מיינונג ברויכן די פאלטיקאנטן וועלכע פראקטיצירן די שווערע עבודה פון פאליטיק נעמען א ריעל דזשאב, מענטשן וואס האבן מעודם זיך געפלאנטערט אין די פאליטישע ראנגען וואס קיינער אויסער זיי ווייסט אז עס עקזיסטירט, דיסטריקט לידער, קאונטי באס, אונטער סופעראינטענדענט פאר דעפיוטי ליעזאן פאר'ן מעיאר'ס אפיס. זייער ארבעט באשטייט פון רייכן הענט פון אנדערע ליידיגייערס פאליטישאנס און ארויסגעבן געמיינזאמע סטעיטמענטס פול מיט לאנגע אומפארשטענדליכע הויך קלינגענדע פראזן וואס טוען בלויז מאכן כוואליעס אין די אינערליכע קרייזן פון סופעראינטענדענס. זיי לעבן אויף ביי א קריזיס, דעמאלטס איז זייער צייט צו שיינען, יעדער פרובירט איבערצושטייגן דעם צווייטן מיט מאסיווע צוגרייטונגען צום שטורעם. ביי זיי איז דאס א געלעגנהייט צו ווייזן פירערשאפט אדער סיי וואס, ביי רוב מענטשן איז דאס א קליינע שטער איבערצוקומען אין טעגליכן לעבן. זיי קענען נישט פארשטיין פארוואס מענטשן פאלגן נישט. הער, מענטשן האבן וואס צו טון מיטן טאג און זיי האבן נישט קיין אינטערעס אין דיינע זאכן יעצט.

שרייען זיי אז מענטשן שטארבן. טענה'ן אנדערע אז מענטשן שטארבן אויך פון קאר עקסידענט'ס, פלו, סטרעפ, ארבעט פלאץ עקסידענט'ס, שיסערייען, דערטרינקען זיך, וכו' וכו'. זאל מען צושפארן די הייוועיס פאר נאן עמערדשענסי וויהיקלס? דו גייסט זיכער הרג'נען עטליכע מענטשן. נישט אלטע אין נוירסינג האום וועמענס לעבן הענגט אויף א בלעטל און גייען ממילא נישט איבערלעבן ס'יאר, נאר געזונטע יונגע חברה וואס האבן נאך א מינוט פריער גערעדט אויפן פאון. אלא? שוין. דאס איז די אנפארטשענעט פרייז וואס מוטער ערד פארלאנגט. פארלאנגען זהירות און שטרענגערע געזונטהייט מאסנאמען איז איין זאך, אפשפארן קאמפעלט די וועלט "אנטיל פארדער נאוטיס" איז שוין א צווייטע מעשה אינגאנצן.

איך וואונדער זיך אויב אזוי פארלוירן ווערן מיר פון א אומוויכטיגע נישט שטארק שעדליכע וויירוס וויאזוי גייען מיר רעאגירן צום אמת'ן קאטאסטראפע. ווען נוקלעאר וועט אויסברעכן איבער די וועלט אדער טשיינע וועט אינוואדירן אמעריקע. וועלן מיר זיך אלע לויפן באהאלטן מיט די טוילעט פעיפער פון קאסטקאו? זענען מיר טאקע אזעלכע שוואכע דערשראקענע פרויען (נאו אינסאלט)? אויב אזוי איז אפשר טאקע בעסער צו אפווישן דעם היומען רעיס און ווארטן פאר עוואלושען צו פראדוצירן א בעסערן מין.

נ.ב. עס גייט מיך נישט אן וואס איר טראכט אויף אלעס וואס איך האב דא צאמגעשריבן. איטס עניוועי אווער. חברה, לעטס דרינק.

[ליטוואק פון בודאפעסט]

פארוואס דארף מען איינעם קענען פערזענליך?
די חשבון איז גאנץ קלאר אז יעדער פון אונז איז אין געפאר, ובפרט די אלטעלייט. פונקט ווי ווען א צונאמי האלט ביים אנקומען, וועסטו מעגליך גארנישט זען צו פילען, אבער קומען קומט עס, אזוי אויך ביי די מגיפה. נאך דעם וואס באבוב 48 איז אזוי שטארק אנגעשטעקט, מיינט עס אז יעדער פון אונז איז מער נישט ווי א טריט אוועק פון די מחלה.

[ליטוואק פון בודאפעסט]

[justify]יום שכולו שבת

מ׳דארף נישט ארבעטן

מ׳דארף נישט צאלן קיין ביללס

מ׳דארף נישט צאלן קיין מארגעדזש

מ׳דארף נישט אויפשטיין אינדערפרי לייגן די קינדער אויפן באס

מ׳דארף נישט גיין צום שיעור

מ׳דארף נישט גיין ארבעטן

נישטא ווי צו גיין און ווי צו קומען...

ס׳איז צייט זיך צו זעצן לערנען! אנהייבן ביי מסכת ברכות, און גיין גראד ביז מסכת נדה, לייגטס אוועק די טעלעפוין און עפענטס די גמרא.

מעין עולם הבא, יום שבת מנוחה, יום שכולו שבת, שבוע שכולו שבת, און אפשר גאר חודש שכולו שבת.

זאגט די גמרא ווייטער....[/justify]

טאמער דו דארסט זיך אפרוען פון דיין ש"ס לערנען, ביטע קום דא ביי אוזנ צוריק. מיר בענקן זיך נאך דיר

[מי אני]

איך גלייב אז סליפקין רירט אן אביסל אויף [tag]מיימון[/tag]׳ס פונקט.

און בּיל געיטס האט שוין ערווענט אפאר יאר צוריק אז רעגירונגען זענען נישט גרייט פאר אזא וויירוס קאטאסטראפישן אַוּטבּרעיק עווענט. די זעלבע איז, חלילה, לגבי א נוקלעארע אויפרייס.

[מאן דאמר]

אויב זענט איר נישט א פּראקצירענדער געזונטהייטס אפיציעל, אדער איר קענט נישט נאכזאגן בשם אזאנע, דאן ביטע נישט שרייבן דא קיין דעות בנוגע דעים קאראנאוויירוס, קום מיר נישט זאגן דעות בשם די התאחדות אדער אן עלטערער שוואגער, ווען איר ווייסט אליין אז ווען איך זאג אייך בשם א געוויסע רב אין וויליאמסבורג אז ער גייט ביז נעקסטע וואך האבן א וואקסין מיטן הילף פון עסקנים פון ברוקלין און בני ברק וואלט מען מיר געזאגט אז איך מאך חוזק פון אידישקייט

[יין שרף]

עס דרייט זיך א שמועה אויף א געוויסע רבי, איינער ווייסט מער?

וויזניץ בארא פארק און קיימישע פילן נישט גוט.. נישט גענומען די טעסט בכלל.

מפי וואטסאפפ: אייזענשטאטער רב יעצט צאמגעפאלן.

[אישתישבי]

אויב זענט איר נישט א פּראקצירענדער געזונטהייטס אפיציעל, אדער איר קענט נישט נאכזאגן בשם אזאנע, דאן ביטע נישט שרייבן דא קיין דעות בנוגע דעים קאראנאוויירוס, קום מיר נישט זאגן דעות בשם די התאחדות אדער אן עלטערער שוואגער, ווען איר ווייסט אליין אז ווען איך זאג אייך בשם א געוויסע רב אין וויליאמסבורג אז ער גייט ביז נעקסטע וואך האבן א וואקסין מיטן הילף פון עסקנים פון ברוקלין און בני ברק וואלט מען מיר געזאגט אז איך מאך חוזק פון אידישקייט

כאילו א "פראקצירענדער געזונטהייטס אפיציעל" ווייסט יא וואס ער רעדט.

[[NAMELESS]]

איינער האט אפשר א טעלעגראם טשאנעל אדער סיי וואסארא אנדערע ריסארס פון "כשר'ע" פילמען DVDs פלייס וכדו', צו ווייזן פאר די קינדער וואס זענען אין גלות קאראנא?
ביטע מיטטיילן ישר כח

[רביה''ק זי''ע]

מ'קען גיין באזוכן אינעם zoo אנליין.

דא קען מען זעהן די גרויסע פאנדאס אין אטלאנטא zoo, יעצט אויפ'ן מינוט רוקן זיי אריין באמבו.

דא קען מען באזוכן נאך א צאל סארטן חיות, ווי דשיראפעס, גארילעס, עלעפאנטן, און נאך.

[berlbalaguleh]

מיימון: איך וואלט געטרינקען צוזאמען מיט דיר. איך האב אבער מורא פונ'ם קאראנע וויירוס...!

ס'איז אמאל געווען א פראפעסאר וועלכער האט גע'דרש'נט אין אן אוניווערזיטעט אז די אלע טעאריעס איבער דזשערמס און מייקראובס איז שטותים והבלים. צו ברענגען א ראיה צו דעם האט ער ארויפגעלייגט אויף זיין פאדיום/שטענדער בלע"ז, א גלאז פון וואסער אנגעפילט מיט אלערליי דזשערמס. און ער האט געזאגט פאר'ן עולם אין זיין אוידיענץ: "קוקטס אלע און זעהטס אז די אלע טעאריעס איבער די שעדליכקייט פון דזשערמס איז שטותים והבלים. איך האב דא א גלעזל וואסער אנגעפילט מיט די אלע אזוי-גערופענע שעדליכע באשטאנדטיילן, איך גיי עס אויסטרונקען און ס'וועט מיר גארנישט געשעהן". ר'האט געמאכט א שהכל (מסתמא איז ער געווען א איד) און אויסגעטרונקען די גלאז וואסער. ווי נאר ר'האט אויסגעטרונקען די וואסער איז ער אראפגעפאלן און געשטארבן. (נישט פון קאראנע וויירוס. ס'איז נאך דאמאלס אפילו נישט געבוירן.)

[מי אני]

“We're terrible animals. I think that the Earth's immune system is trying to get rid of us, as well it should.”

Kurt Vonnegut, Jr.

‏ער האט אויך געהאט געזאגט אז די "דעסטיני" פון מענטשן איז צו ברענגען וויירוסעס צו אנדערע פלאנעטן... (דאס קען אפשר גיין "פוּל-סירקל" לפי די טעאריע פון פּאנספּערמיע (בתוך עיביאָדזשענעסיס)...)

[ליב צו וויסן]

מיימון, נישט געקענט בעסער ארויסברענגען, איך מיטשע זיך צו פארשטיין וואס דא קומט פאר... מילא אנהייב ווען די שמועות (און די Videos...) פון טשיינע זענען געווען אז מענטשן פאלן ווי פליגן איז פארשטענדליך געווען די שרעק, אבער יעצט ווען ס'איז קלאר אז די טויט ראטע ביי געזונטע מענטשן איז גאר גאר נידריג איז די גאנצע איבערקערעניש נישט צום פארשטיין.

וואס וואלט געדארפט זיין איז אז די רעגירונג זאל אריינלייגן איר גאנצע Effort און געלט צו העלפן די דאזיגע וועם עס קען יא שאטן אז זיי זאלן קענען זיין אין איזאלאציע די פאר וואכן ווילאנג עס וועט זיך ארום דרייען (אין גרויס טייל איז די חלק פון באפעלקערונג סיי ווי נישט די וואס דארפן אריין ברענגען געלט צו שפייזן פאמיליעס וכו)

[[NAMELESS]]

די גאנצע זאך איז למעלה מהשגתינו !
דאס איז דאך כו''ע מודה אז צולאנג קען מען נישט אפשפארען א מדינה איז נניח אז ביי אונז אליין וועט מען איינצוימען די ווירוס דורך די אלע באגרעניצען וואס מען שטעלט אבער וואס וועט זיין אין 2 ווואכען ארום אז מוועט עפענען די גרעניצען אין אז מוועט קומען פון לענדער וווי מגיט נישט אבאכט כגון ענגלאנד וכדומה וועט זיל עס צוריק אנהייבען נו אין וואס גייסטו טון נאכאמאל אפשפארען ?

[[NAMELESS]]

שמעתי עתה אז ר' שלום אליעזר טייטלבוים אחי האדמורים מסאקמר אז שווער קראנק מיט די קראנא''ו (ער איז געזעצען הארט נעבן מהר''א פורים בייים טיש ) איינער וויסט עפעס מער?
מזעהט ממש באשיינפערליך אז די באצילען האבן פונקטליכע אדרעססען!

[שמעון וואלף]

איז דא אנווייזונגן וויאזוי זיך אומצוגיין לגבי געשלעכטליכע באציאונגן? קען מען נישט אנשטעקן/ווערן אנגעשטעקט פון די פארטנער?

[מאן דאמר]

איז דא אנווייזונגן וויאזוי זיך אומצוגיין לגבי געשלעכטליכע באציאונגן? קען מען נישט אנשטעקן/ווערן אנגעשטעקט פון די פארטנער?

אינדערהיים?

[מי אני]

איז דא אנווייזונגן וויאזוי זיך אומצוגיין לגבי געשלעכטליכע באציאונגן? קען מען נישט אנשטעקן/ווערן אנגעשטעקט פון די פארטנער?

https://patch.com/new-york/new-york-city/graphic-nyc-health-memo-offers-coronavirus-sex-tips

__________________________________________

https://youtu.be/BtN-goy9VOY

__________________________________________


ס׳איז דא א פראנצויזישע שטודיע וואס ווייזט אז היידראקסיקלאראקוויין (בפרט ווען ס׳איז צוזאמען מיט אזיטראמיסין) העלפט קעגן די וויירוס. דאס איז נישט קיין טייערע דראג וואס מ׳נוצט קעגן מאלאריע און ארטרייטיס. פארשטייט זיך אז דאס איז נאך פּרעלימינערי, ווי אויך איז דאס דורכגעפירט געווארן אויף א קליינע סעמפּל וממילא איז איר דזשענערעלייזעבּיליטי שוואכער (בכלל מאכן דזשענערעליזעישנס ביי ביאלאגיע/מעדעצין איז אביסל שווערער).

[פארווע חסיד]

הלכהדיג אין פראקטיש וואס איז אייער מיינונג לגבי די אלע אומלעגאלע קליינע מנינים. איז עס בכלל אויסגעהאלטען? טאמער האט מען די ברירה מעג מען בכלל צו גאר מוז מען ?