א "הסבר" פאר הרב (חיים שלמה) בערגער שליט"א... 2.0

[סקעפטיקער]

א שאד עס איז נישט דא א דיסלייק קנעפל
אדער איז בעסער צו איגנארן די טראל
אבער כבוד התורה
דרך אגב האב איך געהערט די וואך א מעשה אז ר׳ משה פיינשטיין ווען איינער האט גערעדט פון הרב קוק און ר׳ יוסף חיים זוננפלד אין איין אטעם האט ער זיך אנגעריפן ״וואס פארגלייכסטו זיי, רב קוק איז געווען סאך גרעסער״

דו מיינסט אז איינער וועט בכלל אננעמען דיינע שקרים?
פרעג רבי משה'ס מענטשן.
רבי משה פיינשטיין זצ"ל איז באקאנט ביי זיינע תלמידים, אז ער איז געווען פייער קעגן רב קוק ימ"ש, דערפאר האבן זיינע תלמידים נישט צוגערירט צו זיינע ספרים טמאים.
דער זון פון רבי משה זצ"ל - רבי דוד פיינשטיין, איז אמאל געגאנגען איינשטיין ביי א גביר אין מאהעטן, ער איז דארט געווען דארט א שטיק צייט און אזוי בליקענדיק אין די ספרים שאנק, האט ער זיך נישט מער און נישט ווייניגער אנגעטראפן מיט רב קוקס א ספר,
האט זיך אויפגעשטעלט און געזאגט פאר זיי גבאי "איך קען דא נישט זיין, די בית האט א ריח הטומאה"

נישט נאר דאס, נאר איינמאל האט ער זיך געוואלט שטעלן דאווענען אין א שטוב, און ער האט זיך אפגעשטעלט און געזאגט אז די שטוב האט א רוח טומאה און ער קען נישט דארט דאווענען, מ'האט חוקר ודורש געווען ביז מ'איז געוואר געווארן אז עס ליגט דארט באהאלטן ספרים פון רב קוק. ממש אפענע רוח הקודש

קיינמאל געהערט די מעשה. אויב איז דאס אמת איז עס א צווייטע מעשה.

איך קען דיר באקן מער פאנטאסטישע מעשיות אויב דו ווילסט

[Nanach]

http://shlomo-aviner.net/index.php?tit ... %22%D7%AA)
https://forum.otzar.org/viewtopic.php?t=12772#p119159

מקור: "מרדכי ציון". מער פון דעם, דארף מען נישט.
ביי די ידנים איז דא א ווארט: מרדכי ציון'ס געשיכטעלעך -זענען פונקט קאפויער פון וואס ער דערציילט.
איז דאס טאקע א גוטע מקור.

ניטאמאל בעיסיק לשה״ק קענסטו און דו רעדסט?!
ידענים מלשון דעת און די ת פאלט אוועק ווען עס איז מחובר
(אם אין דעת….)
איך מיין אז דו טוסט די גרעסטע טובה אראפצורייסן נטורי קרתא, ווען דו שטעלסט זיך ארויס אלץ זייער שטעל פאטרעטער

ווי איידער אנטווארטן מיט שכל אויף מיינע פילע קאמענטארן, כאפט מען זיך ארויף אויף א ספעלינג וואס לויט דיר איז קאווע שטיבל ווי א געדרוקטע ספר בלי טעויות דפוס
טראכט וואס מיר שרייבן און אנטווארט ווי א מענטטטששש
אויב דו האסט בכלל עפעס צו זאגן אן אראפרייסן

די זאך איז נישט ספעלינג, איך מאך גראדע אסאך ספעלינג מיסטעיקס (טייפא) אבער ווען עס געשעהט נאר ביי לה״ק ווערטער, און 30% לה״ק ווערטער איז נישט ריכטיג, נישט מיט א חסר מלא וכדו׳ אדער הויכע דקדוק נאר פשוטע יסודות ווייזט עס לכאורה אויף ע״ה

[Nanach]

די פוינט איז נישט די מעשה׳לע אדער אן אנדערע
אויף הרב קוק איז דא קעגן יעדע נעגעטיוו אויסדריק פון א גדול בישראל עטליעסט 20 פאזעטיוו.
און יעדער וואס האט אים געקענט פערזענדליך איז נתפעל געווארן פון זיין גרויסקייט אפילו אויב מען האט געקריגט מיט אים
וואס דארפסטו מער פון ר׳ חיים זוננפלד זיין גרעסטע רב פלוגתא סוף ימיו וואס אינדרויסן פון עניני כלל האט ער אים שטארק מעריץ געווען און מכבד געווען.
אפילו אין עניני כלל האט ער געוויסע זאכן געארבעט מיט אים ווי לדוגמא די מסע המושבות.
די מחלוקות איז געווען לגבי הנהגת ירושלים, ווי צוויי תלמידי חכמים קריגן זיך

[berlbalaguleh]

נאנאך: ייש"כ. שפתיים ישק משיב דברים נכוחים, איז דא א פסוק אין משלי.

איך וויל נישט עובר זיין אויף לשה"ר נאר פאר מיר מאכט ער דער "אסטראלאג" א רושם אלס א קנאפער תלמיד חכם (בלשון המעטה).

ער האט דען א מושג ווער רב קוק איז געווען. אדער ווער ר' יוסף חיים זוננפעלד איז געווען. ער הערט עפעס און פארשטייט האלבע זאכן און באמבעט נאך.

דא אין קווע שטיבל האט זיך אויך געדרייט איינער מיט'ן נאמען ישראל קאפקע. ער האט געטענה'ט אז ער וואוינט אין וויליאמסבורג. און ער האט אויך גערעדט זייער קנאיש/נאריש. ער האט אייביג צוזאמגעשאלטן די "רוצח'ישע מדינת ישראל מיליטער. און אויסגעדרוקט רחמנות אויף די "אומשולדיגע פאלעסטינער פרויען און קינדער". איך בין געווען זיכער אז ער איז שטארק אין די סאטמאר'ע קהילה אין וויליאמסבורג/ראדני. ווען איך האב אמאל עפעס געשריבן וועגן הרב ישראל מ. סופר המכונה מנשה פיליפ. האט ער געפרעגט א תמימות'דיגע קלאץ קשיא..ווער איז דאס? דארט האביך איהם געכאפט אז ער איז גארנישט קיין סאטמאר'ער. אפשר א גר אדער א בעל תשובה. ער ווייסט נישט ווער מנשה פיליפ איז, לאל. אונזער רעזידענט טראלל המכונה אסטראלאג ווייזט ארויס א יעדעס מאל ווען ער נוצט א ווארט אין לשה"ק אז ער איז א געשוואלענער עיי"ן ה"א. אפשר קענמען שרייבן און פיהרן די ויכוחים אויף ענגליש. אדער אויף אונגאריש...!