קאווע שטיבל

קאווע טרינקער האט געשריבן:כ'וואלט אייך געגעבן א "לייק"
אבער אייער חתימה טענה'ט אז א "לייק" איז אן הסכמה................

און, ביסט נישט מסכים אז מ׳ דארף פאלגן דעם מיסד/רבי פון די ישיבה?

אז די ברך משה זצ"ל האט נישט געפילט פאר וויכטיג איינצופירן דעי תקנה מיינט עס אז ער האט נישט מסכים געווען צו פאלגן די מייסד?

אין אז דו קומסט שוין יא מיט די טענה פין די מייסד התקנה, צווישן מיר אין דיר איז דא גענוג און נאך תקנות וואס סיי צד מהרא און סיי צד מהרזל פאלגן נישט.

NAVY SEAL האט געשריבן:אז די ברך משה זצ"ל האט נישט געפילט פאר וויכטיג איינצופירן דעי תקנה מיינט עס אז ער האט נישט מסכים געווען צו פאלגן די מייסד?

אין אז דו קומסט שוין יא מיט די טענה פין די מייסד התקנה, צווישן מיר אין דיר איז דא גענוג און נאך תקנות וואס סיי צד מהרא און סיי צד מהרזל פאלגן נישט.

וואס הייסט ער האט נישט געפילט פאר וויכטיג עס איינצופירן? דו ווייסט וויפיל מאל ער האט גערעדט דערפון אין ישיבה? איך געדענק דען נישט? נאר וואס, ס'האט זיך נישט אויסגעארבעט, מהר"א אליין האט אויך כמה וכמה פעמים גערעדט דערפון אין ישיבה און ס'האט זיך נישט אויסגעארבעט, יעדע פאר יאר האט מען פריש באנייט די תקנה און געפירט א מערכה ביז ס'האט זיך אפגעשוואכט, איך געדענק איינמאל האט מהר"א געהאלטן א דרשה אין ישיבה בנוכחות פון ברך משה (אין די יארן וואס דער ברך משה האט שוין נישט גערעדט ברבים), און געזאגט בשם אביו אז דער טאטע האט צוגעזאגט ווער ס'וועט פאלגן די טענה וועט געהאלפן ווערן במהרה (א חתן ווערן), ס'האט שטארק אויסגעמאכט דעמאלטס אין ישיבה, אבער אויף יענע זמן, נעקסטע זמן איז אודך, אזוי איז אנגעגאנגען אלע יארן.

תשס"ג האט עס אבער למעשה יא געארבעט, איך ווייס נישט פארוואס, איך האב שוין לאנג נישט געלערנט דעמאלטס אין ישיבה, במציאות איז מען געגאנגען מיט א מין מהלך וואס האט זייער גוט געארבעט און ס'האלט נאך אן ב"ה עד היום הזה.

איינער האט מיר דאס יעצט אריינגעשיקט, דאס איז א אויסצוג פון א באשרייבונג אדער א בריוו, איך ווייס נישט פונקטליך וואס, יענער האט מיר נאר געשריבן אז די מעשה איז געווען תשנ"ט


אין איינע פון די טעג איז איינער פון חברי הנהלת הישיבה געווען אין שטוב ביים רבין שליט"א און ער האט איבערגעשמועסט עטליכע ענינים בנוגע די ישיבה, און עס איז אויך דערמאנט געווארן די תקנה וואס רבינו הקדוש האט מתקן געווען אז בחורים זאלן נישט גיין צו חתונות, און ער האט געזאגט פארן רבין אז ס'איז אביסל נאכגעלאזט די תקנה ביי די בחורים, און ס'איז נישט מעגליך צוריקצוהאלטן די בחורים פון גיין אויף חתונות.

רבינו שליט"א האט זיך מורא'דיג מתרמר געווען בלשון קדשו: "וואס הייסט מען קען דאס נישט צוריקהאלטן, ממילא קרובים גייען, אבער בחורים, וואס האבן בחורים צו זוכן אויף א חתונה", די הנהלת הישיבה האבן פרובירט צו פארענטפערן אז וויבאלד די בחורים האבן אלע יארן געלערנט און פארברענגט צוזאמען מיטן חתן ממילא וויל מען זייער שטארק גיין אויף די חתונה משמח זיין, דער רבי האט אבער נישט נאכגעלאזט פרעגנדיג: וואס האט איינס מיטן צווייטן?!

דאנערשטאג פרשת תולדות איז די גאנצע הנהלת הישיבה ובתוכם דער רב שליט"א אריבער צום רבין אין שטוב, איבערצוגעבן א באריכט איבער די סדרי הישיבה, ובתוך הדברים האט דער רבי שליט"א געפרעגט וואס איז געווארן וועגן די תקנה פון די חתונות, האט זיך איינער פון די חברי הנהלה אנגערופן און געזאגט, אז עס זענען דא וואס זענען מציע אז מען זאל געבן רשות פאר פינף-צען בחורים, גאר נאנטע חברים, צו גיין אויף א חתונה, ממילא וועט נישט זיין אזא ביטול תורה.

דער רבי האט אבער נישט מסכים געווען צו דעם און געזאגט: "ח"ו, אויב אפאר בחורים גייען גייט שוין יעדער". און דער רבי האט זיך געוואנדן צום רב און איהם געבעטן אז צומארגנס נאכן דאווענען זאל ער רעדן פאר די בחורים בנוגע דעם ענין, און ער זאל צוזאגן אין זיין נאמען אז ווער עס וועט איינהאלטן די תקנה פון רבין זי"ע נישט צו גיין אויף חתונות וועט געהאלפן ווערן במהרה.

צומארגנס עש"ק פרשת תולדות, איז דער רבי שליט"א ווי געווענליך געקומען דאווענען אין די ישיבה מיט די בחורים, נאכן דאווענען איז דער רב שליט"א ארויף אויף די בימה - ווען אין די זעלבע צייט האט זיך רבינו שליט"א געשטעלט ביים עמוד פון בעל תפלה נישט אראפנעמענדיג אן אויג פון רב שליט"א במשך די דרשה - און געזאגט בזה"ל:

נעכטן נאכמיטאג, איז אריבערגעגאנגען די הנהלת הישיבה - די מנהלים רוחניים צוזאמען מיט די נייע הנהלה גשמיות - צום טאטן זאל זיין געזונט, און איבערגעגעבן א באריכט פון די ישיבה. ער האט אויסגעפרעגט אלע פרטים פון די ישיבה, ווי אזוי ס'גייט אן די שינויים וואס מען האט געמאכט, ווי אזוי עס גייט דאס פארלערנען און דאס פארהערן און אלע ענינים, די כיתות פון די אינגערע בחורים און פון די עלטערע בחורים, ער האט אויסגעפרעגט אלע פרטים, און ער האט געוואלט הערן ווי אזוי ס'איז.

מענין לענין ווען מען האט אויסגעשמועסט די ענינים פונעם סדר הישיבה, איז אויסגעקומען דאס ענין פון חתונות, ס'איז היינט ר"ח כסלו און די קומענדיגע וואך וועט שוין זיין אי"ה אסאך שמחות, און מען האט ארויסגעברענגט דאס ענין פון חתונות, אז די בחורים האבן א יצה"ר צו גיין צו א חתונה, מען האט אדורכגשמועסט דאס גאנצע ענין לארכה ולרחבה, דער טאטע זאל זיין געזונט האט געזאגט ער קען נישט פארשטיין אז בחורים גייען צו א חתונה, ווי קומען בחורים זיי זאלן גיין צו א חתונה, ער האט אזאנס נאכנישט געהערט, אבער מען האט איהם געזאגט אז בחורים האבן דאך א תאוה, ס'איז שווער מסביר צו זיין פאר אנדערע, אבער דאס איז דער מציאות.

האט ער בתוך הדברים געזאגט מען זאל איבערגעבן פאר אלע בחורים אין זיין נאמען - דאס אז בחורים דארפן נישט גיין צו קיין חתונה דאס דארף מען שוין נישט איבערגעבן, דאס איז אן אלטע זאך, נאר ער האט געזאגט אזוי - "די אלע בחורים וואס וועלן נישט גיין צו די חתונות וואונטש ער אן זיי זאלן א חתן ווערן במהרה".

NAVY SEAL האט געשריבן:אין אז דו קומסט שוין יא מיט די טענה פין די מייסד התקנה, צווישן מיר אין דיר איז דא גענוג און נאך תקנות וואס סיי צד מהרא און סיי צד מהרזל פאלגן נישט.

סתם געשאסן, למשל וואס?

דרך הלימוד? דערווייל נאר ביי צד מהרז״ל

היסטאריקער האט געשריבן:

NAVY SEAL האט געשריבן:אין אז דו קומסט שוין יא מיט די טענה פין די מייסד התקנה, צווישן מיר אין דיר איז דא גענוג און נאך תקנות וואס סיי צד מהרא און סיי צד מהרזל פאלגן נישט.

סתם געשאסן, למשל וואס?

דרך הלימוד? דערווייל נאר ביי צד מהרז״ל

פליז! דא איז נישט צימעס!!

און דרך אגב, איך מיין קיינעם נישט אינטערצורייסן אבער די תקנה הייבט צוביסלעך אן אפגעשוואכט צי ווערן, כ׳בין די וואך געווען ביי א חתונה פון א ק׳י תלמוד, און עס זענען געווען היבש אפאר בחורים דארט.
לויט ווי איך זעה דא, איז עס אלע יארן געווען א תקנה נאר עס איז געווען אפגעשוואכט ביז מען האט זיך גענומען דערצו, איז קען זיין יעצט איז אויך שוואכער אבער מען וועט עס נאכאמאל נעמען שטרענג. 

אזוי צי אזוי, עס איז דא צדדים לכאן ולכאן, און מען מוז נישט זאגן יא אדער ניין נאר וויבאלד מען באלאנגט צו א געוויסע חסידות, ווייל אין יעדע חסידות איז דא מענטשען וואס האלטן אז עס וואלט געדארפט זיין פארקערט.. 

אוי טאטי האט געשריבן:און דרך אגב, איך מיין קיינעם נישט אינטערצורייסן אבער די תקנה הייבט צוביסלעך אן אפגעשוואכט צי ווערן, כ׳בין די וואך געווען ביי א חתונה פון א ק׳י תלמוד, און עס זענען געווען היבש אפאר בחורים דארט.
לויט ווי איך זעה דא, איז עס אלע יארן געווען א תקנה נאר עס איז געווען אפגעשוואכט ביז מען האט זיך גענומען דערצו, איז קען זיין יעצט איז אויך שוואכער אבער מען וועט עס נאכאמאל נעמען שטרענג. 

עס איז נישט אפגעשוואכט געווארן.. די אלע בחורים וואס דו האסט געזעהן זענען שוין רויב דערפון געווען חתנים וואס מען האט נישט צוריגענומען די זמן

איך רעד נישט פון חתנים, איך רעד פון בחורים וואס לערנען נאך אין ישיבה.

--
נאכאמאל! מען דארף מיך נישט סתם אפפרעגן מיט שטותים, איך שרייב עס נישט אלץ א פראבלעם פון די ישיבה וכדו׳, עס איז נישט מער ווי נארמאל ביי בחורים נישט זיך צוצישטעלן צו א תקנה. 

אוי טאטי האט געשריבן:

לעמיל האט געשריבן:אויב איז עס א אלטע תקנה פארואס האט עס נישט די ישיבה פון מהרז"ל אויך???

און פארוואס איז עס נישט אנגעגאנגען ביים בעל ברך משה?

מיר האט מען אויסגעלערנט אז אויף א רבי פרעגט מען נישט קיין קשיות! איך גלייב אז ער ווייסט וואס ער טוט, און ער האלט עס איז נישט קיין פראבלעם.

(אפשר קען מען זאגן, אז אין וויליאמסבורג איז גרינגער, ווייל רוב חתונות זענען דא, און מען דארף נישט טרעוולען יעדע נאכט, איז עס נישט אזוי שווער?! איך ווייס נישט..)

עפעס תקנות איז דא, איך מיין אז מען דארף אהיים גיין פריער וכד' און נאר פון שיעור ב' קען גיין , און ק"י איז אויך אמאל געווען אזוי

וואס זעהט מען דארט? איך קען עס נישט זעהן..

שרייבער האט געשריבן:]

", די הנהלת הישיבה האבן פרובירט צו פארענטפערן אז וויבאלד די בחורים האבן אלע יארן געלערנט און פארברענגט צוזאמען מיטן חתן ממילא וויל מען זייער שטארק גיין אויף די חתונה משמח זיין, דער רבי האט אבער נישט נאכגעלאזט פרעגנדיג: וואס האט איינס מיטן צווייטן?!

דער רבי האט אבער נישט מסכים געווען צו דעם און געזאגט: "ח"ו, אויב אפאר בחורים גייען גייט שוין יעדער".

נ ווי קומען בחורים זיי זאלן גיין צו א חתונה, ער האט אזאנס נאכנישט געהערט, אבער מען האט איהם געזאגט אז בחורים האבן דאך א תאוה, ס'איז שווער מסביר צו זיין פאר אנדערע, אבער דאס איז דער מציאות.

אויב דער באריכט איז אמת דארף דער רבי ערנסט א פסיכאלאג זאל מברר זיין וואס איז געגאנגען ראנג צווישען עם און זיינע חברים אז ער פארשטייט ממש נישט וואס האט א בחור צו גיין צו א חבר'ס חתונה און האלט אז סאיז פשוט א תאווה אן קיין הסבר.

[יונגעלייט פארשטייט ער יא וואס זיי טוען ביי זייערע חברים'ס חתונה?]

NAVY SEAL האט געשריבן:אז די ברך משה זצ"ל האט נישט געפילט פאר וויכטיג איינצופירן דעי תקנה מיינט עס אז ער האט נישט מסכים געווען צו פאלגן די מייסד?

אין אז דו קומסט שוין יא מיט די טענה פין די מייסד התקנה, צווישן מיר אין דיר איז דא גענוג און נאך תקנות וואס סיי צד מהרא און סיי צד מהרז"ל פאלגן נישט.

דער ברך משה האט אסאך פרובירט צוריק איינצופירן די תקנה
ס'האט זיך אבער נישט אויסגעארבעט

דער ברך משה איז נישט געווען קיין עקסטרעמיסט, ער האט פארגינען פאר יענעם אביסל הנאה,
דאך האט ער איינגעזעהן אז די שאדן איז מער ווי די פארדינסטן
אין פרובירט צוריק איינצופירן די תקנה פון רבי'ן ז''ל

און לדעתי ווען קווינס זאל קענען וואלטן זיי עס אויך נאכגעמאכט

אוי טאטי האט געשריבן:און דרך אגב, איך מיין קיינעם נישט אינטערצורייסן אבער די תקנה הייבט צוביסלעך אן אפגעשוואכט צי ווערן, כ׳בין די וואך געווען ביי א חתונה פון א ק׳י תלמוד, און עס זענען געווען היבש אפאר בחורים דארט.
לויט ווי איך זעה דא, איז עס אלע יארן געווען א תקנה נאר עס איז געווען אפגעשוואכט ביז מען האט זיך גענומען דערצו, איז קען זיין יעצט איז אויך שוואכער אבער מען וועט עס נאכאמאל נעמען שטרענג. 

גערעדט צו עטליכע בחורים
עס איז נישט אמת

אז די 'ווייסט' אנדערש
וועלכע חתונה ביטע

די וואך ביי קליין-וואלדמאן, אין קאנטינעטאל!
פרעג דיך בעסער נאך!!

זיידעטשקע האט געשריבן:נישט צו גלייבען וואס דא גייט פאר!! די מענטשן זענען ממש אדיקטעט צו די בהמה'שע סאטמארע גארביטש. אזוי ווי איך האב געעפענט דעם אשכול, אסר איך בתורת מרא דאתרא צו רעדן דא וועגן רוני/זאלוני שמיץ. פינטעלע. ביטע זיך האלטען צו די נושא וואס דאס איז צי ס'איז א נארמאלע זאך צו אסר'ן חתנים פון האבן זייערע חברים ביי זייער חתונה. רוב מענטשען דא זענען נישט אינטערסירט צי די ברך משה האט יא געפאלגט דעם ויואל משה/דברי יואל/על הגאולה רבי אדער נישט. פארשטאנען??

זיידעטשקע. ביטע רעג דיך נישט אזוי שטארק. וואס ווילסטו . אז די בחורים אדער יונגעלייט וואס האבן אלע יארן געלערנט אין סאטמאר זאלן רעדן וויאזוי די מנהג איז אין בעלזא אדער פאנאוויטש. א יעדער רעדט איבער די זכרונות פון וואו ער האט פארברענגט זיינע בחור'שע יארן.

מיר געפעלט דאס מערסטע ווי די רעביס לייגען אראפ אז דאס וואס בחורים ווילען גיין צו א חתונה איז א תאווה. פשוט א תאווה ווי אלע תאוות. אפשר ווילען זיי גיין ווייל זיי געבען זיך ארויס, ווייל זיי האבען א גוד טיים, אבער א תאוה? מאן דכר שמיה!
אפשר האבען די רביס א תאווה צו פירען טיש? צו טאנצען מצוה טאנץ? צו מאכען מיט די הענט און די פיס?

אבער יענץ איז דאך א כשר'ע תאוה. וועגן דעם ביניך טאקע אזוי דזשעלעס פון די רבי'שע, זייערע תאוות זענען גאנץ אויסגעהאלטן.

ווער גיט א הכשר אויף דעם אז עס איז געווארען כשר?

איחוד פעלד האט געשריבן:ווער גיט א הכשר אויף דעם אז עס איז געווארען כשר?

אין הכי נמי. אז מיין רבי אדער אנדערע רבי'ס עסן קוגל מיט פארמאכטע אויגן און מאכן מיט די הענט ווער איך זייער ווייניג נתפעל. פון וואס דער עולם ווערט איבערגענומען איז די מעשי הצדקה וחסד, א סאך מאל באהאלטן. אדער די מידת האמת פון א רבי.

זר זהב האט געשריבן:אבער יענץ איז דאך א כשר'ע תאוה. וועגן דעם ביניך טאקע אזוי דזשעלעס פון די רבי'שע, זייערע תאוות זענען גאנץ אויסגעהאלטן.

זר'לע, זיי נישט מקנא די רבישע קינדער, די האבן מער תאות ווי אונז, דאס מיינט צו זאגן, זיי האבן אלע תאות וואס אונז האב מיר זיי זענען אויך יומען ביאינג, פלאס האבן זיי די רבי'שע תאות, איך ווייס וואס איך רעד, איך קען עטליכע פון זיי