ונבנתה, עס איז נישט קיין שלעכטע דיעל, אבער עס האט א שטייטע 5400 רפ"מ הארד דרייוו.
יואליש, דיין לעפטאפ וואס דו לינקסט האט מען שוין דערמאנט אויבן ערגעץ-וואו. עס איז א אומגעווענליכע ברייטע סקרין וועלכע קומט זיך נישט גוט אויס מיט רוב פראגראמען. שטיי אוועק דערפון.
נאך א וויכטיגע זאך וואס איך וויל ארויסברענגען דא, בפרט אז דו זאגסט אויף וואס דו ווילסט עס נוצן.
רוב סקרין רעזאלושענ'ס (פאר לעפטאפס ביז 15") זענען בלויז 1366 ביי 768, וואס איז נישט שלעכט סתם אזוי פאר אביסל וועב-בראוזינג וכדומה, אבער איז נישט פראקטיש ווען מען דארף לענגערע רעפארטס א.א.וו.
אויב גייסטו נוצן קוויק-בוקס אויף אזא רעזאלושען (בפרט אויב נוצטו די נייע 2013 וואס האט צוגעלייגט א ריבאן, א שטייגער ווי מייקראסאפט אפיס האט לעצטנס) גייסטו פלאצן ביי יעדן אינוואויס, סעילס רעסיט, רעפארט. דו וועסט נישט קענען זעהן מער ווי געציילטע שורות אויף אמאל.
אלס דעם לוינט זיך צו אינוועסטירן אויף אביסל א העכערע רעזאלושען, לכל הפחות 1600 ביי 900. דאס מאכט טאקע אלעס אביסעלע קלענער, די אותיות, אייקאנס, אבער דער סקרין איז שארפער, קלארער, און לאזט אריינפיטן מער אינפארמאציע אויפן סקרין.
עס איז פאראן נאך א שארפערע רעזאלושען, 1920 ביי 1080, און דאס איז משוגע שארף (עכטע HD), אבער איך קען עס נישט רעקאמענדירן ווייל עס מאכט זייער פיצי אלעס אויפן סקרין.
(אין אנדערע ווערטער, שטופט עס אריין אינפארמאציע וואס מען זעהט געווענליך אויף א גרויסן 24 אינטש סקרין אין א קליינע 14 אדער 15 אינטש סקרין. דאס איז געאייגענט פאר אזעלכע וואס ארבעטן בעיקר מיט בילדער און ווידעאוס, און זיי דארפן האבן א אויסטערלישן שארפן סקרין, און ס'אינטרעסירט זיי נישט די פיצעלע אייקאנס און אותיות וועלכע נעמט ארויס די אויגן.)
ממילא טוה איך רעקאמענדירן דעם אויבנדערמאנטן 1600 ביי 900, דער העפי מידיאם, וואס זאל לכאורה זיין פונקט גענוג.
נאר דא קומט אריין דער פראבלעם, אז דו וועסט זייער שווער קענען טרעפן די 2 קאמבינירט.
א SSD דרייוו איז גאר שווער צו טרעפן אין לעפטאפס, און די העכערע רעזאלוציע סקרינ'ס איז אויך נישט זייער בנמצא, און אודאי די 2 צוזאמען איז א זעלטנהייט, ממש געציילטע.
און דא קוומט אריין דיין "בודזשעט". וויפיל איז דיין מאקסימום? ביז וויפיל ביזטו גרייט צו ספענדן? ווייל פאר גוט געלט קען מען עס טרעפן (פון $1,300 און העכער)
איך רעקאמענדיר געווענליך יא צו צאלן מער ווי אביסל, אפשר אפילו בארגן אויף פעימענטס, ווען מען קויפט א קאמפיוטער פאר וויכטיגע ענינים. עס איז א אינוועסטמענט וואס צאלט זיך אויס.
ערגעץ האב איך געזעהן א שטודיע אז מענטשן פארלירן צייט מיטן סקראולן אסאך, מיט שטייטע קאמפיוטערס, טיים איז מאני, מען כאפט זיך נישט אז בשעת'ן קויפן שפארט מען זיך טאקע א 200 דאלער, אבער במשך די יארן וואס דו נוצט עס גייען שעות ארוכות אוועק אין מיסט.
אלענפאלס, יואליש. זאג מיר ביז וויפיל דו ביזט גרייט צו ספענדן, און איך וועל דיר זוכן עפעס פאסיג.
נ.ב. נאך א קליינע הערה, וואס איך גלייב נישט וועסט עס וועלן נעמען אין באטראכט, אבער אפשר איז יא כדאי פאר דיר אדער פאר א צווייטן מעיין צו זיין דערין.
די SSD דרייווס וואס מען קויפט פארטיג מיט די קאמפיוטערס האט אין זיך 2 חסרונות:
איינס, עס קומען כסדר ארויס פרישע מאדעלן SSD דרייווס, וועלכע ווערן שנעלער און מער רעלייעבל. אבער די קאמפיוטער מאנופעקטשורערס וועלכע האבן נאך סטאק פון די עלטערע מאדעלן, יאגן זיך נישט צו נוצן די נייערע, נאר נוצן קודם אויס וואס זיי האבן.
פארשטייט זיך אז דו וועסט קיינמאל נישט טרעפן קיין ספעקס SPECS וועלכע SSD דרייוו זיי לייגן, כאטש זיי זענען ווייט נישט די זעלבע איינס ווי דעם אנדערן.
און אפילו פון די נייערע, זענען אויך נישט אלע קאמפאניס אייניג. כאטש אלע זענען בלעזינג שנעל, זענען דא צווישן זיי די שנעלערע און אביסל שטייטערע. סעמסאנג איז די טאפ אויף די ליסטע.
זעה דא.צווייטנס, די מאנופעקטשורערס בעטן משוגע'נע הויכע פרייזן פאר די SSD אפגרעידס. זיי מאכן דערויף א הון תועפות. זיי בעטן פאר א 256 ג"ב אפגרעיד מער פון וויפיל עס קאסט א נייע 512 ג"ב אין געשעפט!
ממילא זענען פאראן אזעלכע וואס זאגן עצה היעוצה, מען זאל יא קויפן א לעפטאפ מיט א פשוט'ע ביליגע הארד-דרייוו, פאר א פארהאלטניסמעסיג ביליגע פרייז, און זיך אליינס איינקויפן א SSD דרייוו אנליין, פאר ביליג.רוב SSD דרייווס, אויב מען איז אביסעלע הענדי, קען מען אליינס ריפלעיסן און אפגרעידן פון די מאנופעקטשורערס הארד-דרייווס, און עס קומט געווענליך מיט אינסטרוקציעס ווי אזוי אריבערצופירן די דאטא און אינפארמאציע פון די אלטע הארד דרייוו צו די נייע.
און אויב איז מען נישט הענדי, לוינט זיך אפאר דאלער פאר א פראפעשאנעל זאל עס טון. נאכאמאל, עס איז א אינוועסטמענט וואס צאלט זיך אויס זייער שיין.
וועל איך שוין מסיים זיין דא. כ'רעד שוין צופיל. לאמיך וויסן אויב דו האסט נאך עפעס שאלות.