נאו פראבלעם, איך וועל דיר מגלה זיין די סוד (אבער נאר בתנאי אז דו וועסט פאסטן מ' ימים ברציפות, אויב נישט טארסטו נישט ליינען).
איך נעם דאס פון אן אמאליגע איד וואס האט געהייסן ר' ישראל בעל שם טוב. ער האט ליב געהאט און מקרב געווען די נואפים, די מרבי מידות רעות און די אוממאראלישע מענטשן. ער האט אפילו מקרב געווען די מעקסיקאנער וואס איז נאך געלאפן האריגע קעץ.
פון וואו ווייס איך אז די אלע מעשיות וואס מען פארציילט אויפן בעש"ט זענען אמת? איך ווייס טאקע נישט, קען זיין אז די מעשיות זענען אויף געבאקן. אבער אז איר קוקט אריין אין זיינע דא"ח, און אין די ספרי תלמידיו ותלמידי תלמידיו, כגון, דגל מחנה אפרים, ספרי חב"ד, ברסלב, ועוד, זעהט מען אז ער האט קלאר געהאלטן אז גאט האט ליב יעדע בעל עבירה אפגעזעהן וואו ער שטייט.
תורת החסידות ברענגט ארויס וואס עס מיינט די באשעפער, וואס עס מיינט א אידישע נשמה, וואס עס מיינט איין קוצו של יוד פון איין איינציגע מצוה'לע וואס די גרעסטע פושע ישראל האט געטון, די נח"ר פאר כביכול. תורת החסידות פארשטייט אז אפילו פושעים האבן א מקום.
עס איז טאקע נשתכח תורת הבעש"ט, און די גרויסקייט פונעם באשעפער איז פארטוישט געווארן מיט די כשרות פון מצה ווייץ. דאס הייליגקייט פון א אידישע נשמה ליגט פארשטעקט ערגעץ אונטער די פופצן שטאקיגע פארענטשעס, און דאס ליכטיגקייט פון איין מצוה'לע איז פארטונקלט דורכן טינטעד פענסטער פונעם קאדילאק.
איינצילע געדענקן נאך וואס די בעש"ט האט געטון און זיי האלטן נאך אן די קפעידא ביז היינט און איינער פון זיי איז די ניקולשבורגער רבי. כאפ מיך נישט אויפן ווארט אז איך זאג אז יונגרייז איז די בעש"ט, איך זאג דאס נישט, איך האב ניטאמאל געקענט די בעש"ט אז איך זאל איינער קענען מדמה זיין צו אים, אבער מיט דעם ענין גייט ער בדרך החסידות.
פון דא ווייס איך עס.
על אחת כמה וכמה קליינע קינדערלעך וואס ווייסן נישט בעסער ווייל מען האט זיי נישט געלערנט בעסער. יא, עס איז קלאר נישט זייער שילד, (אזוי ווי לעיקוואד האט אזוי שיין ארויסגעברענגט בנוגע ענין אחר, באשכל הדין).
זאג נאר, ווען דיין קליינע אינגעלע גיסט אויס א באטל מילך פאטשסטו אים צאם? ווערט ער דען פארהאסט ביי דיר? וואס איז אויב איינער פון דיינע קינדער איז א גרויסע מחוצף, און דו ביזט מחליט אים מחנך צו זיין מיט א יד תקיפה, ערווארטסטו יעצט אז אלע דיינע אנדערע קינדער זאלן אים מרחק זיין און נישט שפילן מיט אים?
דא רעדט מען פון קינדערלעך, קליינע קינדערלעך, אונזערע קינדערלעך, די קינדער פון אונזערע ברודער, בני קל חי. רוב פון זיי האבן אנגעהויבן צו רעבעלן אינעם סיסטעם צווישן צוועלף און זיבעצן. ווער איז שולדיג, ווילסטו וויסן? זיכער נישט דער קליינער ראצער פומפערנאטער! ווער האט ערצויגן די קינדער, אין וועלכער סיסטעם האבן זיי ערהאלטן חינוך, אין אונזער סיסטעם, ביי אונזערע ברודער און אונזערע מוסדות.
איך נוץ דאס נישט אלץ א סיבה פארוואס מען דארף זיי ליב האבן, נאר אלץ אן ערקלערונג אויף מיינע ווערטער וואס טייטלן אויף אונזערע חינוך סיסטעם אלץ די גורם פאר קהל חסידי ניקלשבורג.
ליב האבן און מקרב זיין זיי מוזן מיר אפילו אויב זיי זענען פושעים און רעבעלס להכעיס בוראם, להרגיז הוריהם ולמלא תאוותם. פארוואס? ווייל מיר זענען מענטשן, און ווייל זיי זענען מענטשן און אזוי טוען מענטשן איינער דעם אנדערע. איך האב ליב א יעדעם (וואס שטערט מיך נישט), סיי די חסיד סיי די ליטוואק, סיי די חסידישע חאניאק, סיי די א.ג. באם, פונקט ווי איך האב ליב אינוואליד גלייך ווי א געזונטע מענטש.
איך חזר נאך אמאל איבער, איך האב מורא'דיג הנאה געהאט פון דיין ארטיקל, און איך האב מיטגעוויינט מיט דיר פאר די געוואלדיגע צער פון די עלטערן. אבער ניקולשבורגער רבי איז נאך אלץ די איינציגסטע רבי בדורינו.
יחי אדונינו מורינו ורבינו!!!!!
ו
)
