קאווע שטיבל

ווי האט מארק טוועין געזאגט: כשם שאין פרצופרופותיהם שוות, כך אין דעותיהם.
עס איז א ריזיגע אקוועריום מיט אלע סארטן פישלעך. זענען דא אסאך OTD'ס, נאכהער זענען דא אסאך TOD בלב, עס זענען דא קינדער פון ליטווישע שטובער וואס שטופן זיך ביי סקולענע רבי מיט א מין טפשות'דיגע תמימות, און אמעריקאנער אידן וואס ווארפן אריין אפאר טאלער ביים זאבילטאווער ווייל ער האט גרויסע זיידעס. עס זענען דא קינדער פון מאדערן ארטאדאקסן וואס ציעט זיי פרומקיט און זיי אנטלויפן צו די חרדישע וועלט, עס זענען דא פרייע וואס ווערן צעלאזט פון א האלב קאורני דזשאוק פון אמנון יצחק - און לעומת זה זענען דא אסאך היימישע וואס זענען געווארן מאדערן ארטאדאקס בלב, וואס זענען געווארן כופרים ווייל זיי האבן געזעהן א דיינעסאר, און אסאך וואס האבן געזאגט פרו ורבו צו די סיסטעם ווייל זיי האבן זיך געפינען אויף א ענדלאזע תלייה ווי מען וועט נישטאמאל מקיים זיין דעם לא תלין נבלתו על עץ.
וואס ווילסטו מדת האמת? מיר זענען עפעס אין עולם האמת??
אלזא, דער יושב ראש פון א ארגענאזאציע זאל זאגן ביים דינער "איך בין געווען ארבעטסלאז און לאנגווייליג האב איך געמאכט אן ארגענאזאציע, איך האב ליב געלט, טא ווארפט אריין" ניין, ער צואת השור'ט ארום "עס האט צוגעטרעטן צו מיין הארץ די וויי געשריי פון אונזערע ברודער, האב איך בלית ברירה אויפגעגעבן מיינע פארצווייגטע עסקים" וכו'
פאדערן מיר אז הרב קאווע טרינקער זאל שרייבן "עס איז שבעה עשר בתמוז, איך האב געהאט א פערפעקטע פרישטאג, און יעצט בין איך אין די גיסטע פון אפאר לייקס, וועל איך שרייבן איבער אף די דרך - אף טרעק", ניין, אלעס ווערט שיין געפעקעדזשט.
יעדער פארשטינקנער פאליטישאן שטעלט זיך אויף זאגן "איים ראנינג טו אפיס פאר אוער נעקסט דזשענעראישאן, פאר א גוד פיוטשער פאר אווער טשילדרען" העי, די מוטער ליגער, די ביסט דאך פול מיט קרעפלעך, עס האט דיר אנגע'תאווה'ט מאכט, געלט, און אביסעלע שמוץ, וואס דרייסטו די פארקלענערטע אייער?

אלזא, די OTD האבן יעצט א געלעגנהייט צו שטויסן, און זיי מארקעטן עס גוט. ביי אינז, די יונגעלייט מיט ביצים שלפני תקופת הנודע ביהודא וואגן זיך קוים ביי א פראטעסט צו רעדן א ווארט צו א גוי, און מען נעמט ארויס כמי שכפאו משה דוד כץ א נטרונא ביזנעס קארט, די OTD ווידער איז ליידער ויתערבו בגויים וילמדו ממעשיהם, און זיי שמירן זיך אן תמרוקים און שטעלן זיך אוועק צום קעמערע, נו, וואס ווילסטו זיי זאלן זיין זייער אמת'דיג און זאגן "איך בין א געשלאגן, מעלעסטעד, שפחה חרופה'ט, חליצה'ט קינד" (זעסטו קינות'ל, נישט געשריבן געגט....)?
אז איינער ביי אונז האט לעבער, זאל ער זיך אוועקשטעלן צוריקשמייסן, אבער מיט אונזערע לבבות נשברים זיצט מען אין די מייזן לעכער נו, מה יעשה הOTD?
יא, עס איז שקר, אבער מיר זענען עפעס אין עולם האמת? משיח האט שוין געוויזן מיטן פינגערל אויף די לעפקאוויטשעס "מקרב געווען די גאולה"?

כ'האב געזאגט אז יידל זיצט בתוך עמי בין גברא לגברא און די סייקאאנאליסיס ברויך זיין באקאנט פאר אים.

מאראנצןזאפט האט געשריבן:יעצט יידל ענטפער מיך א יא אדער א ניין, א צעבראכענע שטוב איז קיינמאל נישט קיין סיבה צו פארלאזן אידישקייט?

אודאי איז עס!

איחוד פעלד האט געשריבן:אויב רעדט מען וועגען פערי,
זי איז זיך שטארק סותר בנוגע דער זאך טאקע.
מצד אחד זאגט זי, אז פארדעם האט מען איר נישט געוואלט לאזן גיין פריי מער פין אלע אנדערע וואס פארען אפ, וואס זיי שטופט מען ארויס, וויל זיי איז אנדרעש פין זיי, זיי איז נארמאל מה שאין כן די אנדערע האט יעדער פין זיי א קופה של שרצים, וואס מען קיין אין דעם תולה זיין זייערע יציאה לחוץ.
און דער אמת איז אז זי איז טאקע קלוג שיין און גוטהארציג ערענסט און א שטיק פייער.
אבער זי זעהט נישט איין אז איר טאטע איז א שטיק משוגענע, זי לייגט אים אראפ כאילו אלע חסידים זענען אזוי וכו.
און דערפאר איז זי א געליטענער, און פין איר גיין ווערט נישט גאנץ אידישקייט צושאקעלט.
אין דעם אשכול זעה אזעלכע וואס בארעדען איר מיט געמיינע צונעמען וכדומה. דאס העלפט נישט פאר גארנישט, און ברענגט נאר ארויס אז פין די זאכען וואס זיי טענה'ט איז זי גערעכט.

לויט דאס ביסל וואס איך פארשטיי איז איר טאטע גארנישט מער "משוגע" ווי אסאך טאטעס וואס איך קען. און זי איז לכאורה גערעכט מיט דער פונקט אז זי איז געווען אויף די א.ג. נארמאלע טרעק. זי איז נישט געווען קיין דראפ-אוט אדער שוואכע קינד. זי איז געווען א היי סקול לערערין כפי ידיעתי. נאר זי אליינס פארציילט אז זי האט געהאט א שווערע שלום בית וכדומה.

איידער איך שרייב מיינע הגהות איבער די עצם נושא וויל איך שרייבן אפאר ווערטער איבער אן אבזערוואציע וואס איך האב לעצטענס געמאכט.

לעצטענס (זייט די אינטערנעט איז געקומען אין פולן קראפט) קומען ארויס מערערע שויס, ארטיקלן און רעפארטס דורך די וואס האבן פארלאזט אונזער קומיוניטי מיט קריטיק און טענות אקעגן די סיסטעם/קאמיוניטי. (איך האב דייקא געשריבן אז דאס איז זייט די אינטערנעט, ווייל גייט אין די לייבעריס און איר וועט טרעפן זיייער אסאך ביכער איבער דער נושא, נאר עס איז נישט אזוי שנעל פארשפרייט/באקאנט געווארן פאר אלעמען צוליב דעם וואס עס האט נישט די 'שאני אינטערנעט דמשכי'.) די עולם נעמט עס זייער פערזענליך, די ליגנטס און די אמת. פארוואס זאגט ער נישט די אמת? פארוואס פארציילט ער די סודות? יענער איז דאך אזא אפגעריסענע, וכו'.

כאילו איינעם גייט בכלל אן וואס זיי זאגן, און כאילו עס וועט האבן עפעס א גרויסע עפעקט. אין א יעדע כלל איז דא יוצאים מן הכלל, און אין א יעדע סאסייעטי זענען דא יוצאים מן הסאסייעטי. א סאסייעטי איז געמאכט מיט rigid rules, און עס קען נישט ארבייטן פאר א יעדעם. דער וואס גייט/פאלט ארויס פון א סאסייעטי - אפגעזעהן וואס די גורם איז געווען - האט זיך אבוויעסלי נישט געפילט אין פלאץ אינעם סאסייעטי, און ממילא האט ער א טוץ מיט טענות אויפן סאסייעטי. דער וואס בלייבט אינעם סאסייעטי - אפגעזעהן צו עס איז ברצון אדער בכפיה - וועט געווענטליך טרעפן אונטער-ערדישע תירוצים צו מצדיק זיין די פראבלעמען וואס עס זענען דא אינעם סאסייעטי.

לדוגמא, אין א יעדע בוך געשעפט און לייברערי וועט איר טרעפן א גאנצע סעקשאן איבער די אמיש מענטשן. א טייל פון די ביכער זענען געשריבן דורך אזעלכע וואס האבן פארלאזט די הייליגע מסורה פון די אמיש. אויך איז דא טי ווי שאוס וואס דעקט די מענטשן וואס האבן פארלאזט די אמיש. זיי זענען מלא טענות (רוב פון זיי) און זיי האבן ריכטיגע טענות. איר מיינט דען אז די ביכער און טי ווי שאוס טוישן א כהוא זה די בליק וואס די וועלט האט אויף די אמיש? די בליק בלייבט די זעלבע: די אמיש זענען מענטשן מיט א מאדנע אויסזעהן, מיט מאדנע שיטות, זיי זענען פרידליכע מענטשן מיט א שיינע טראדיציע וכו'. די זעלבע קענט איר טרעפן אין א יעדע סאסייעטי און אין א יעדע גלויבונג.

די מענטשן וואס זענען ארויס זענען א מיעוט דמיעוט משום כמה סיבות. זיי האבן אסאך ריכטיגע טענות כאטש אז די זענען נישט אלעמאל די סיבות פארוואס זיי האבן פארלאזט. די אונטערשטע שורה איז אז זיי האבן זיך נישט געפונען דאס פלאץ. נאטירליך וועלן זיי געדעקט ווערן אין די מידיע און דורך ביכער, אבער עס טוישט נישט די בליק וואס די וועלט האט אויף די סאסייעטי as a whole. לאנג פאר לוזער טווערסקי און פערי רייך זענען געבוירן געווארן האבן די גוים געהאלטן אז מיר זענען מאדנע, און אז אונזער חינוך סיסטעם איז ראנג וכו', והא ראי' זיי האבן אונז נישט נאכגעמאכט. און ממילא פארשטיי איך נישט פארוואס עס באדערט מענטשן וווען די ארטיקלן/שאוס ווערן פארשפרייט. וואטש עס (אדער נישט) for entertainment purposes only. העכסטענס אויב ווילסטו עפעס אויפטון, דאן נעם ארויס די פאר אמת'דיגע טענות וואס זיי האבן און ארבייט אז כאטש ביי דיר אין דער היים זאלסטו פארבעסערן די ענינים, און אויב קענסטו האבן א השפעה אויף דיין קהלה דאן איז אודאי גוט.

די וועלט טוישט זיך gradually און אונזער אסייעטי נעמט עס אביסל לענגער אבער עס טוישט זיך אויך. א טייל פון די השפעה אויף די טויש האבן די OTD חברה. ווען מען זעהט די חלומות וואס זיי האבן (געהאט) קען מען ריאליסטיש זעהן וואו מיר וועלן זיין אין אפאר/אסאך יארן ארום.

בנוגע זייער פערזענליכע מעשיות, רוב פון זיי זענען זיך סותר מניה וביה (לדוגמא, כץ זאגט אין איין ארט אז ער איז געווארן א כופר נאך זייענדיג אין ישיבה, און יעצט זאגט ער אז ער איז געגאנגן OTD צוליב דעם וואס ער האט נישט געקענט גיין אין קאלעדזש אלץ חסיד'ישע איד. אגב, איך קען א פאר שטריימל - ווייסע זאקן יודן וואס האבן באקומען דעגריס פון פרעדטידזשפולע שולעס.), אנדערע פארציילן מעשיות וואס לאזן זיך נישט גלייבן (לדוגמא, רייך טענה'ט אז זי האט נישט געוויסט בכלל פון עניני אישית ביז געציילטע טעג פאר די חתונה, און דאס איז טראץ דעם וואס זי האט - לדבריה - געהאט א בוי-פרענד שוין ביי די 17 יאר). אבער ווי שוין געשריבן פריער, מען וואטשט/ליינט עס for entertainment purposes only מיט א פילטער מקבל צו זיין נאר וואס מען וויל.

בנוגע וואס קאווע טרינקער שרייבט אין עצם ארטיקל אז די אלע האבן געוויסע דעטאלן אין זייער מעשה וואס זיי וואלטן געדארפט דערציילן. איך בין מסכים מיט דעם אז זיי מוזן עס דערציילן פשוט כדי צו געבן די גאנצע פיקטשער. איך בין אבער נישט מסכים אז דאס מיינט אז דאס איז די סיבה פארוואס זיי זענען אפגעפארן. איך קען אסאך "געשלאגנע, מעלעסטעד, שפחה חרופה'ט, חליצה'ט קינד" וואס זענען נישט געגאנגן OTD. נאר וואס דען, עס קען זיי אז די קליינע דעטאלן האבן זיי געגעבן נאך א שטופ ארויס צו גיין.

דא ברענגט מען אראפ א צעטל וואס איז געהאנגן אין לאנדאן איבער א פרישע יונגערמאן וואס איז געגאנגן OTD צוליב די טמא'נע אינטערנעט. דער יונגערמאן וועט בקרוב זיין אויף א טי ווי שאו און ער וועט ארויסגעבן אלע זיינע טענות אויף די קאמיוניטי, אדער זיינע קשיות אויפן באשעפער וכדומה, וועט איר אוודאי שרייען, "ליגנער! דו ביזט נישט געגאנגן OTD צוליב דעם נאר צוליב די אינטערנעט!". סיריעסלי? ער פרעגט א קשיא אויף די אמונה און דו ענטפערסט אים "אינטערנעט"? האסט נישט עפעס מער אינטעלעקטואל צו ענטפערן? די זעלבע איז מיט די אלע, דער טענה'ט אז מען גיבט נישט קיין עזשוקעישאן און דיין ענטפער איז גע'גט'ע עלטערן? דער טענה'ט אז נאר תורה איז אן ארטיקל און מען לאזט נישט אביסל ארויסגעבן אפילו מיט עקסערסייז, און דיין תירוץ איז א משוגענע מאמע?

יא, א משוגענע מאמע, א גע'גט'ע שטוב, א שווערע שלום בית און די אינטערנעט זענען א טייל פון די מעשה, אבער זיי זענען נישט קיין תירוצים אויף די קושיות.

איך וואלט געוואלט זיך דינגען און צונעמן יעדער איינער פון די פונקטען וואס מ'האט דא געשריבען, ווייזען ווי לעכערליך עס איז און קלאר אז דאס גאנצע שמועס איז נישט מער ווי אן אפשפיגלונג פון די פרעזענליכע רגילות און prejudice'ן פון די שרייבער, נאר איך האב נישט קיין נערוון זיך אריינצולאזען אין דער וויכוח און סייווי וועט דאס נישט העלפן על כן יהי נא בעיניכם כאילו הייתי פורטם.

ווי יארמער רב זאגט: ער וויל זייער שטארק וויסן ווער דער 'פורטם' איז וואס אזויפיל אידן ווינשן זיך 'כאילו הייתי פורטם'.

לעיקוואד האט געשריבן:איך וואלט געוואלט זיך דינגען און צונעמן יעדער איינער פון די פונקטען וואס מ'האט דא געשריבען, ווייזען ווי לעכערליך עס איז און קלאר אז דאס גאנצע שמועס איז נישט מער ווי אן אפשפיגלונג פון די פרעזענליכע רגילות און prejudice'ן פון די שרייבער, נאר איך האב נישט קיין נערוון זיך אריינצולאזען אין דער וויכוח און סייווי וועט דאס נישט העלפן על כן יהי נא בעיניכם כאילו הייתי פורטם.

לעיקוואד, ס'העלפט יא שאץ דיך נישט אונטער.
בקיצור, דער עולם זאל זיך בעטן, דער עולם זאל לעקן, אפשר וועט זיך דער רבי מרחם זיין.

איין זאך וועל איך יא שרייבען, וואס איז זייער חשוב צו וויסען און איז מורא'דיג משנה די גאנצע קוק דא. איך מיין איך האב עס שוין געשריבען אמאל דא ערגעצוואו.

להוי ידוע, קיינער איז נאכנישט אפגעפארען מיט א גרויסער כי בשמחה תצאו. פאר יעדער איינער פון די יוצאים, און איך רעד פון פירסט הענד ידיעה נישט פון מקווה נייעס, איז דאס א פרעזענליכע טראומע אפשר בדומה צו א פטירה אדער א צווייטער טראגעדיע. קיינער האט נישט קיין גרויס הנאה ווען די יסודות פון זיין גאנצע לעבן צופאלען עם פאר זיינע אויגען און ער טרעפט זיף נישט דאס פלאץ צווישען די חברים און משפחה וואס ער איז אויפגעוואקסען מיט זיי צוליב די גענצליכע הבדל אין אמונה וואס איז נוגע יעדער פרט פון לעבן. קיינער טאנצט נישט פון שמחה אה עס איז נישטא קיין גאט יעצט קען איך רוהיג עסן חזיר און שלאפען מיט יעדער איינער.

(אגב, כחוזר על הראשונות, קיינער וואס גייט ארויס פון ישיבה ווארטן עם נישט אפ קיין שורה פון מיידלעך וואס שרייען שכבה עמי, עס איז אפשר שווערער צו טרעפן לאוו אין דער גוישע וועלט ווי אין דער שידוך סיסטעם על כל חסרונותיו, ובפרט איינער וואס קומט ארויס פון דער סיסטעם, נאך אלעס שטעלט עס צו פאר רוב אירע איינער צו שלאפן מיט, איז אויב איינער איז מקנא די הנאות עולם הזה זייערע און דאס איז גורם שופט צו זיין און זאגען אז סאיז סתם א משוגעת כדי זיך צו בארוהיגען די קנרה, זאל ער זיך נישט זארגען, ס'איז גארנישט אזוי גלענציג)

די החלטה צו טוהן דער אקט און אפלאזען איז אפשר פון די ערנסטסטע און טיפסטע החלטות וואס א מענטש קען מאכען, איך מיין אז רוב בעלי תשובות אפילו האבען נישט געמאכט אזא ערנסטע באשלוס אין זייער לעבן ווי די יוצאים, און אוודאי אז קיינער פון ענק/אונז נארמאלער יונגעלייט וואס מער ווייניגער איז אונז אלץ צוגעשטעלט אויף א גאלדענע טאץ, האבען בכלל אמאל שוקל געוון אזוי ערנסט א החלטה אין זייער לעבן.

זיצט זיך א אנגעפאשעטער יונגערמאן, וואס אמת מבחינה שכלית האט ער נישט צופיל תשובות אויף אמתע שאלות, און עס שטערט עם נישט כל זמן ער האט אן אשה מקושטת לפניו כשלבו חפץ, אמת פון די סיסטעם, אבער למעשה פעלט עם זייער ווייניג, און קעגן עם שטייט א יונגעל, בחור, אדער יונגערמאן, וואס איז טאקע פון א גע'גטע' שטוב, און לעבט נישט אזוי על סיר הבשר מלכתחילה, און פאסט א גענצליך ראציאנלער און ערוואקסענער באשלוס צו ווערן או טי די, טאקע לאור די אלע תנאים, און דער יונגערמאן האט אין זיך די חוצפה און אפילו רשעות, סארי קאווע טרינקער איך מיין נישט דיר פרעזענליך, איך זעה נאר אזוי דער געדאנק יעצט, צו שרייען הע, דו ביסט סך הכל ארויס וועגן דיינע פראבלעמען. איז דא א גרעסערע ציור פון טאנצען אויף יענער'ס בלוט פון דעם??

לפחות אביסעל ענווה און מיטפילען מיט איינער וואס האט באוויזען גדלות הנפש וואס רוב פון אונז קענען נאר חלומ'ן דערפון, (נישט קיין חילוק צו שכל'דיג זענען מיר מסכים מיט זיין שריט). און איז אדורך שוועריקייטן אין לעבן וואס רוב פון אונז זענען ב"ה נישט אדורך. איך זעה נישט ווי א טיפיקל יונגערמאן וואס שרייבט דא אדער ערגעץ אנדערש האט בכלל די קרעדיט צו ענטפערן אזא איינער איין ווארט.

איך מוז זאגען אז די צעטל וואס מ'האט דא געברענגט איבער א יונגערמאן אין לאנדאן וועגן דער אינטערנעט טראגט אין זיך א רשעות שאין כדוגמתה, ווער עס פארשטייט נישט די רשעות פון הענגען אזא צעטל, כלפי דער יונגערמאן זיינע באקאנטע און כלפי דער גאנצער ציבור, איז א שאד איך זאל עס פראבירען מסביר זיין.

ודי בזה מאימת הצום.

(איך אויך און מאראנצן האקען, שוין דא האט איר א חלק פון דער פורטם, איך האב נאר געוואלט הערן ווי עטס בעטס זיך )

דו קומסט מיט א טעאריע אז אלע זענען עפעס חכמים ונבונים, טייל פון זיי האט מען נישט געקענט פאר אזעלכע פיקחים ווי דו מאלסט זיי אראפ, און נאר פארשידענע אומשטענדן האבן זיי אראפגעשלעפט אדער ארויפגעשלעפט וויאזוי דו ווילסט עס רופן טריט נאך טריט, צעביסלעך און נישט מיט קיין ראציאנאלע החלטות, ביז צו א מצב פון או.טי.די..
א מענטש וואס איז געטריי צו זיין רעליגיע איז נישט מחויב צו אנקוקן אלס העלדישקייט ווען איינער פארלאזט איר, איך וואלט עס אפילו אנגעקוקט ווי א דירעקטע סתירה צו זיין רעליגיע. און נישט קיין חילוק מיט וויפיל מסירת נפש דאס איז געבינדן. נישט יעדע זאך וואס קומט אן שווער איז העלדיש, א מענשט קען גרייזן אפילו מיט מסירת נפש, אןו א מענטש קען זיין רשעות'דיג מיט מסירת נפש, וכו'.

@מאראנצן
איך האב נישט געזאגט אז אלע דארפן אריינגיין אין די ווארלד סעריס פון פילאסאפיע אדער עפעס. בפירוש נישט. הגם א חלק זענען יא און דאס איז בפירוש יא א גורם. און איך רעד נישט דא פון נעמען בכלל.

איך האב נאר געזאגט אז זיי האבען א געוויסע , לאמיר עס רופען level of maturity און הרפתקי דעדי עלן, וואס רוב היימישע יונגעלייט וואס שפירען זיך אזוי רוהיג און ראוי זיי אוועקצומאכען נעה, זיינע עלטערן זענען גע'גט, קענען זיך נישט מתפאר זיין אפילו מיט א צענטל דערפון.
מיט 'ראציאנלאשי'ע' באשלוס האב איך נישט געמיינט דווקא אז ער האט דורכגעלערנט גאנץ פילאסאפיע און טעאלאגיע לדורותיה און מחליט געווען אזוי, הגם אז אויך דאס געשעהט, נאר אז דאס איז א מענטשליכע ערוואקסענער מעטשור החלטה וואס ער האט גענומען וואס רוב היימישע האבען נישט בכלל.
איך ווייס נישט וויפיל מ'דארף מעריך זיין מסירות נפש פאר נישט א ריכטיגע סיבה, ויש לדון בזה, איך האב געזאגט אז מ'דארף וויסען אז די גדלות הנפש פון דאס טוהן איז עפעס וואס קיינער פון די בארעדערס האבען אמאל געטוהן און זיי האבען נישט קיין רעכט דן צו זין איינער וואס האט יא. איך פרעזענליך בין פיל מער מעריך דאס וואס האט מסירות נפש פאר זיין דעה אפילו עס איז א טעות אדער רשעות, ווי דער וואס זיין גאנצע לעבן איז געבויט אויף עולם כמנהגו נוהג ומפטירין כדאתמול, ווי דער מציאות איז ביי רוב חסידישע יונגעלייט.

לעיקוואד, דו ביזט זייער קאנווינסינג, אבער איך מיין אז וועסט אויך מודה זיין אזויווי כ'האב געפרעגט יידל א יא ניין שאלה אז כבר היה לעולמים אז דער תירוץ פארוואס איינער איז אוועק פון אידישן וועג איז יא, ווייל ער האט געהאט א שווערע שטוב און דאס האט געברענגט א ריפל אפעקט.
דאס איז נאך איין סיבה אין די לאנגע ליסטע פון סיבות וואס קען אלץ זיין, אריינגערעכנט דיינע ווערטער. דער סינעריוא וואס דו מאלסט איז דירעקט נישט עקסקלוסיוו.

נאך א נקודה: וויאזוי וואלטסטו געטייטשט דעם פסוק אוהבי ה' שנאו רע.

לעיקוואוד, איר זענט נשפע געווארן פון די sub תגובות, וואס זענען שלא מענין די ערשטע תגובה בכלל. מאנכע האבן זיך צוגעקלעפט צום לעצטען שורה. וואס איך האב געוואלט זאגן, און למעשה געזאגט, פאר ווער ס'האט פארשטאנען, אז "חברת OTD " האבן נישט אין common נאר דאס אז זיי זענען אפגעפארן. יעדער איינער פון זיי צוליב א סיבה. וואס די סיבה איז? דאס זאג איך שוין נישט. ווי אויבן געשריבן, אמאל הייבט אן צו גריבלען ספיקות פון א רלב"ג, און אמאל פון שבחי בעש"ט. יא, אין אמאל פון ליבעלאזע שטוב (יא גע'גט נישט גע'גט, קיין נפק"מ)
ס'האט פשוט נישט קיין פשט, אז ווייל אן ארגאנעזאציע נעמט זיי צוזאמען, ווערט פלוצלינג זייער אפפארען א כלליות'דיגע פראבלעם, ווי אלע ווייזען מיט די פינגער אויף לעכער אין סיסטעם.

כ'וויל נישט זיך ארומטענה'ן דא בעק ענד פארט, כ'וועל נאר צולייגן מיינע 2 סענט.

קאווע טרינקער
ביסט גערעכט אז איך האב מגיב געווען צו דער לעצטער שורה און נישט צו די גאנצע דרשה דיינע, אויב איז דאס נישט דער עיקר יהיה כן, האב איך סתם גערעדט צו'ם וואנט.

אבער לגבי די ערשטע שרות דיינע, דאס איז א שמועס וואס געהער איבערהאלב דער "או טי די קאמיוניטי". למעשה פראבירען זיי מיט די ציינער צו בויען פאר זיך א קהילה מיט א געוויסע אידענטיטעיט, וואס יעדער מענטש דארף אין זיין לעבן, און איך ווינטש זיי הצלחה דאס צו קענען טוהן הגם עס איז טאקע גאר א שווערע זאך וועגן די פראבלעמען וואס דו האסט דערמאנט און אנדערע. איך מיין אבער נישט אז די חברה זייערע איז מבוסס בלויז אויף שנאת הדת/החרדיות, עס איז בעיקר מבוסס אויף דעם וואס זיי אלע האבען אן ענליכע עבר און זענען זיך מתמודד מיט ענליכע פראבלעמען, מ'קען זאגען אז זיי האבען מער אין קאמאן ווי רוב חברים אין א געהעריגע קהילה האבען.

@מאראנצןזאפט
א מענטש איז גאר א מורכבב'דיגע באשעפעניש און איעדער זאך איז א סיבה צו וואס ער טוהט. די נקודה איז נאר אז מזלזל זיין אין א מענטש וואס האט גענומען א בחירה אויף א מדרגה וואס איז נישט מצוי ביי 'אונז' איז נישט אין פלאץ

אוהבי ה' שנאו רע הייסט דו זאלסט פיינט האבען בלב ונפש דער זיסער טעם פון דער קאווע וואס דו טרינקסט ביים אויספאסטן וואס איז לצורך הנאת גופך און נישט מאוחד באלוהות (כ"כ בתניא).

איך וויל נאר צולייגן נאך א נקודה צו לעיקוואד'ס ווערטער.

פאר א יעדע otd זענען פארהאן כאטש צען וואס וואלטן געקענט באשטיין צו גיין otd, און עס זענען פארהאן אסאך otd'ס בלב. א שיינע שטיקל עולם דא וואלט שיינערהייט געקענט באשטיין בועט צו זיין אינעם סיסטעם, און מיר דרייען זיך ארום מיט די זעלבע טענות ווי אסאך פון זיי זאגן הויך. קוקטס נאר אביסל ארום ביני עמידי דק''ש וועט איר זעהן.

נו, אויב אזוי פארוואס טאקע פארלאזן מיר נישט די סיסטעם? ווייל דאס פארלאזן די סיסטעם (ביי איינעם מיינט עס ארויס גיין פון כולל, און ביי א צווייטע מיינט עס מופן קיין טינעק) וועט אים זיין אסאך מער פיינפול ווי דאס בלייבן דארט.

אבוויעסלי איז די גענוי פארקערטע מיט די וואס זענען יא געגאנגן otd. פאר זיי איז דאס בלייבן געווען מער פיינפול ווי דאס אוועק גיין.

עכ''פ, איז אפשר דא א מעגליכקייט אז ווען מיר דזשאדזשען און האבן טענות צו די otd'ס אז ס'קומט מחמת שנאה וקנאה אז יענעם איז געלונגען דאס וואס דו האסט נישט די אומץ צו טון?

לעיקוואד, ביי איינעם וואס זיין העכסטער אידיאל אין לעבן איז שמירת התורה והמצוות אדער עכ"פ ער איז נתחנך געווארן צו וועלן אז דאס זאל זיין, פארוואס איז אויסלייגן אזא צעטיל אין לאנדאן אנדערש ווי אל תמות כדרך שמת פלוני?

און איך פארשטיי נישט פארוואס דו קוקסט אן שמירת התורה והמצוות אריגינעל און נאטירליך. יעדער האט זיך זיינע התמודדות ברוחניות וואס איז קלאר יא א מצב פון בחירה. א בוחר בטוב איז נישט ווייניגער בחירה ווי א בוחר ברע אפילו ער האט נישט געטוישט זיין וואוינארט, ואיזהו גבור הכובש את יצרו און נישט דער וואס נעמט דעם שווערן בחירת או.טי.די.
איך וואלט דיר געפרעגט אפילו ווילדער, דער וואס שעכט אויס זיין פאמיליע - שכבר היה לעולמים - האט אויך גענומען זיין בחירה צו א פלאץ וואס איז נישט מצוי ביי 'אונז'. פארוואס זאל איך נישט מעגן אנקוקן א מרידה באלוקיו אזוי?

אפשר איז נישט א שאד? איך בין עפעס אזוי הארטנעקיג.

מאראנצןזאפט האט געשריבן:און איך פארשטיי נישט פארוואס דו קוקסט אן שמירת התורה והמצוות אריגינעל און נאטירליך. יעדער האט זיך זיינע התמודדות ברוחניות וואס איז קלאר יא א מצב פון בחירה. א בוחר בטוב איז נישט ווייניגער בחירה ווי א בוחר ברע אפילו ער האט נישט געטוישט זיין וואוינארט, ואיזהו גבור הכובש את יצרו און נישט דער וואס נעמט דעם שווערן בחירת או.טי.די.
איך וואלט דיר געפרעגט אפילו ווילדער, דער וואס שעכט אויס זיין פאמיליע - שכבר היה לעולמים - האט אויך גענומען זיין בחירה צו א פלאץ וואס איז נישט מצוי ביי 'אונז'. פארוואס זאל איך נישט מעגן אנקוקן א מרידה באלוקיו אזוי?

נו ווילסט זיך דינגען אויף א מציאות? במציאות האבען רוב מענטשען וואס בלייבען on the derech נישט געמאכט די סארט בחירה קיינמאל. דער וואס יא פארשטייט געווענטליך אוי דער וואס האט געמאכט א פארקערטע באשלוס און רעדט נישט אזויווי מאנכע דא רעדן. ער ווייסט אז ס'איז נישט דא קיין וועג דן צו זיין א צווייטער מענטש אויף זיינע החלטות און דאס וואס ער 'האלט' פון יהדות און אז פארקערט איז א מרידה וכו' גיט עם נאכאלץ נישט קיין מעגליכקייט דאס צו טוהן.

איינער וואס הרג'ט יענער דאס איז סתם א רוצח, עס האט נישט קיין קשר אהער. איך רעד פון איינער וואס מאכט א געוויסע באשלוס איבער וויאזוי צו פירען זיין לעבן. אויב וואלט געווען עפעס א מהלך אין לעבן צו זיין א רוצח און יענער איז בוחר אזוי וואלט עס אפשר געווען א פארגלייך, בפועל איז דאס נישט אזוי.

דו קענסט נישט מחליט זיין אויף עפעס אז עס איז א 'מרידה באלוהיו' אן זיך מתייחס זיין צו דער מענטש, וויאזוי ער זעהט עס. עס איז נישט קיין חכמה צו זיין א גרויסער קנאי און זאגען אז דאס איז 'אוהבי ה' שנאו רע', און איך האלט אז יידושקייט איז אלעס און דאס איז א מרידה וכו', בשעת וואס דו האסט נישט אוועקגעגעבן קיין גלאז וואסער דערפאר. (שוין, יא, האסט געפאסט י"ז בתמוז, דאס איז אבער נישט קיין בחירה מצדך).

מאראנצןזאפט האט געשריבן:אפשר איז נישט א שאד? איך בין עפעס אזוי הארטנעקיג.

איך בין דיר נישט חושד, נאר עס איז מיר שווער זיך צו שטעלן מסביר זיין אזא סארט זאך וואס איז ביי מיר אז איך זעה אזא צעטל זעה איך ווי מ'נעמט א מעסער און משטעכט עס אריין אין דער יונגערמאן'ס הארץ. ביי דער וואס דאס זעהט נישט אוטומאטיש אויס אזוי, אדער וואס האט אפילו די מעגליכקייט צו טראכטען, אפשר דארף מען עם טאקע אריינשטעכן א מעסער אין הארץ, מורידין ולא מעלין, וכו', קען איך נישט העלפן.

דאס איז אחוץ די זלזול אין דער ציבור וואס ליגט דא, כאילו זיי זענען אלע אומבאהאלפענע שעפעלעך קעגן אביסעל אינפארמאציע און די איינציגסטע וועג צו רעדן מיט זיי איז מיט קינדערישע קאריקאטורעס "שלא תמות כדרך פלוני".

דו האלטסט אז דער או.טי.די. האט מער נישט קיין בחירה להבחין בין רע לטוב ווייל ביי אים איז ברור זיין וועג און ממילא מוז ער נעמען זיין לעבנשטייגער און מ'קען אים נישט דן זיין דערויף?
מסכים אז דער צעטיל פון א סטראטאגיסטישער שטאנדפונקט איז א פערדעריי נישט ווייניגער ווי א פשוט'ער פאשקעוויל.