יעקב מענטש האט געשריבן:צום עצם נושא.
די קאמערשעל סגולות מארקעט איז קלאר indefensible, אבער פון די אנדערע זייט ווערט שוין די קאנצעפט פון גיב-געלט-ווער-געהאלפן דערמאנט אין חז"ל, האומר סלע זו לצדקה האומר סלע זו לצדקה בשביל שיחיה בני הרי זו צדיק גמור.
אויף צי געבען צדקה ע"מ שיחי' בני דארף מען געבען קלאר קודם געבן פאר אייגענע ברודער, אייגענע שכנים, אדער חברים אין ביהמ"ד וואס האבן נישט צו לעבן און חתונה מאכן. זיי היידזשעקן מצות צדקה אויף א ביליגע פעגערישע פארנעם דורך מיליאנען דאלארן מארקעטינג עד כדי כך אז די טייערע פראנט פעידזש פול קאלירד גלאסי עדס און פאון בוקס און אין וועכענטליכע אויסגאבעס זענען 50% פון קופת העיר מיט כולל חבת ירושלים אד"ג בשעת ווען אין די זעלבע צייט זענען זיי ווייניגער ווי 1% פון די ביזנעס וועלט.
און אז איינער האט נישט גענוג געלט צו געבן פאר זיין אייגענע משפחה און פריינט זאל ער כאטש ערליך באצאלען שכר לימוד און גראסערי באצייטנס און פארגעסען פון די אלע פגע רע'ס ווי כולל חצות, תהלים כולל, און קופת העיר ואביזרייהו.
די גאנצע געדאנק פון עניי ארץ הקודש וואס די צדיקים הקדושים ושרפי מעלה חיות ואופני הקודש מדורות הקודמים האבן זיך מוסר נפש געווען, געזאגט שטארקע הימילישע אויסדריקען, געשריבען טויזענטע בריוון (געזעצען יארן לאנג ביי דיני תורות אויף די רשות פון גבויות און חלוקות...) האט זיך נאר גענומען פון דעם ווייל די בני ארץ הקודש וואס זיי האבן אויסגעהאלטן זענען געווען עניי עירך פון זייער אייגענע געגנטער און שטעטלעך וואס אויף דעם איז דער ערשטער אחריות פון א יוד צו זען אז זיין ברודער האט ברויט.
יעצט נעמען מענטשען אפיר די גאנצע היסטאריע מיט אלע סגולות פון הר"ח פאלג'י חיד"א וכו' וכו' וכו' כדי ס'זאל זיין וואס מער ארגינעזאציעס מיט שיינע לשון קודש נעמען און געטרייע אנפירערס ועסקנים מיט שטעלעס. פארגעסטס פון דעם אלעם און געטס א דאך און ברויט פאר די אייגענע ברודער.
