בלאט 3 פון 3
נשלח: מוצ"ש יאנואר 04, 2014 7:04 pm
דורך איחוד פעלד
יואליש האט געשריבן:סאטמאר רב איז באקאנט געווען פאר זיין מידת האמת. צו זאגן אז ער האט בכוונה אויפגעמאכט א מדרש ברויך מער מקור ווי בלויז שפעקעלאציעס. אויב עפעס, איז ער געווען די וויקטעם פון אזא פאברעצירטער מדרש.
מענין לענין, כ'האב געוואלט פאסטן די לעגענדע צווישן סאטמאר'ע חסידים איבער די ר' יהודה היה נותן בהם סימנים דצ"ך עד"ש באח"ב און דיברנו דופי מדרש, אבער כ'זעה יאיר האט עס שוין דערמאנט
דא.
דאס שטייט אין אוהב שלום אז ר' שלום קאמינקא האט פאבריצירט דער מדרש, מכה בדופי שופך בכורות.
נשלח: מוצ"ש יאנואר 04, 2014 9:18 pm
דורך נהורא נפישא
איינער ווייסט די מקור פון די מדרש
.
בנערינו ובזקנינו נלך וגו' בבקרנו ובצאננו כי חג ה' לנו. הה"ד חנוך לנער על פי דרכו גם כי יזקין לא יסור ממנו. שנו חכמים בשמחת בית השואבה חסידים ואנשי מעשה היו אומרים אשרי ילדותנו שלא ביישה את זקנותינו. בבקרנו ובצאננו. כל מעשיך יהיה לשם שמים ואפילו בדבר רשות. כי חג ה' לנו. לפי שהקב"ה שנמשלה לאש שנאמר כי אש אכלה היא וגו' בוער בלבו של אדם
די מדרש איז א טיפישער חסידישער געדאנק פון נועם אלימלך וואו ער טייטשט עס אריין אין דעם פסוק.
נאר צוויי קליינע אינטערשיידן ער ריפט דאס נישט אן מדרש, און ער שרייבט עס נישט בלשון המדרש נאר מיט א פארקאכטן חסידישן שפראך, אבער נאך אלץ ס'איז די זעלבע געדאנק וואס מדרש טוט דהיינו אריינטייטשן אין פסוק א געוויסע געדאנק וואס איז נישט כפשוטו, און דאס ווערט געטאן אין צענדליגע ספרים ובפרט חסידישע.
אלא מאי די עולם דא האט נישט קיין פראבלעם מיטן טאן דאס זעלבע וואס דער מדרש טוט, ס'איז דוקא די פראבלעם דאס אנצורופן "מדרש" וואס דאס פאר'נער'ט דעם עולם אז דאס א יצירה פון אריבער טויזענט יאר.
יעצט די מדרשי פליאות זענען צוזייעטע מדרשים'לעך פון אנאנימער מחברים וואס מ'ווייסט אויך נישט ווען זיי זענען נתחבר געווארן, ממילא איז דאס מחבר זיין פליאותדיגע מדרשים און דערנאך פארענטפערן ממש אבסורד, ווי איינער זאגט, ווער הייסט דיר נישט רעדן צו די זאך, אז די זאלסט נאכדעם פרעגן און פארענטפערן.
איך וויל זיך אפשטעלן אויף אן אנדערע אינטערסאנטע נקודה, און דאס איז, אז די לה"ק פון חז"ל זענען פיל מער באגרעניצט אין שפראך ווען אפילו די אויסדרוקן פון תנכישער העברעאיש איז ביי זיי כמעט נישט אין באנוץ, משא"כ די לה"ק פון מיטלאלטער איז סאך מער בארייכערט געווארן מיט נייע אויסדרוקן, מושגים, און לשונות המושאלים, איז אינטערסאנט אנצומערקן ווי דער נוע"א טייטשט אריין כי חג ה' לנו, חג איז א לשון פון אש, באמת אבער איז נישט דא קיין שום פארבינדונג צווישען חג און אש, חג שטאמט מל' חוג (קרייז) נאר וואס דען די נוע"א האט געלערנט אין חדר חג א פייערונג, און באמת האט די דייטשע פייערונג אויך נישט קיין שום עטימילאגישע פארבינדונג מיט דאס דייטשע ווארט פייער, פאר מער קוקט
דא
נשלח: זונטאג יאנואר 05, 2014 1:20 pm
דורך מנשה לוסטיג
הילל האט געשריבן:smartinof האט געשריבן:קען מיר דא איינער מסביר זיין מנשה ליסטיג'ס סינדראם, איז ער עפעס דורך אלס קינד א טראמא מיט סאטמאר וואס האט אים עפעקטיט פור לייף? ווי און וואס מען דערמאנט נאר דעם נאמען סאטמאר רוקט ער זיך אן ווי א ווירוס און מאכט קאליע דעם גאנצען אשכול מיט זיינע סטאפיד קארני דזשוקס,
קום, לאמיר פרובירן איבערטוישן דיין תגובה צו מנשה'לע צו אביסל א אנדערע נוסח:
טייערער מנשה, דו ביסט דאך א פארשטענדליכער יונגערמאן, דו ווייסט אז די אטמאספארע פון קאווע שטיבל איז געמאכט צו זיין א רואיגע און אינטעליגענטע, ממילא ערלויב מיר צו בעטן א קליינע טובה וואס איך, און אויך אנדערע, וואלטן שטארק עפרישיעיטעד אויב דו קענסט דאס טון: פליז האלט זיך צו א נושא און פרוביר נישט אריינמישן קיין זייטיגע זאכן אדער קאמענטס וואס קומען נישט אריין. אפילו אויב דו האסט א פערזענליכע אישו אדער שנאה צו א זאך (למשל צו א קהילה ווי סאטמאר), דארפסטו דאס נישט אריינמישן וואו עס קומט נישט אריין, פונקט ווי דו וואלסט נישט ליב געהאט אויב איינער וואס איז אבסעסד מיט סקווער זאל אין יעדע אשכול אריינמישן עפעס נעגאטיוו פון סקווער.
בשם תושבי שותי קאווע.
איך האב נישט אקעגן 'קיינעם', נאר ווער ס'האט אקעגן מיר, און כ'טו אפשר אביסל נקמה, און קען זיין כ'בין נישט הונדערט פרעציז גערעכט, אבער די עיקר סיבה פארוואס איך טוה דאס, שרייב איך שוין יעצט צום וויפילטען מאל, אז פונקט ווי מ'רייסט אראפ סקווער אן קיין שום געפיל, כאטש דא דרייען זיך נישט נאר אנטי סקווערע, איז דען יושר צו פארלאנגען אז איך זאל נישט אטאקירן סאטמאר, ווען רוב אטאקירער קעגן סקווער זענען וואס טוט וויי ווען מ'רעדט אויף זיי?
טינק אבאויט איט!
נשלח: זונטאג יאנואר 05, 2014 7:43 pm
דורך סאו וואט
אקעי. כ'האב אליינס נישט געוויסט אז אזוי פיל קליקס וועלן דאס זעהן.
דערווויל האט מיר קיינער נישט גע'ענט'פערט א תשובה נצחית.
מר. הוגה, נניח אז סאטמאר רב געוועהן אזוי ווי רבי חייא צו קענען און מעגן פאבריצרען א מדרש. אבער דאס איז נאר לגבי דיין פרעספעקטיוו.
עסט פרעגן איינער פון זיינע חסידים, פון זייער פרעספעקטיוו וועט דיר קיינער נישט זאגען אז ער האט געמעגט. סאו סאמטינג איז ראנג.
יעצט אלס חוקר, לאמיר צונעמן דער זאך אביסל בעסער,
רבי צבי הירש פריעדמאן ז"ל שרייבט, אז ס'איז געוועהן א שבת שירה, און ט"ו בשבט, שחל בפ' בשלח, דאס לעצטע יאר ס'איז געוועהן אזאנס
בחייו פונעם קדושת יו"ט איז געוועהן שנת תרס"ב לפ"ק, דעמאלס איז דער בחור כהלכה תמים למעלות (אזא מושלם אפי' צו קענען שיסען און אויפמאכען מדרש פליאה'ס...)
רבי יואל מסאטמאר ז"ל אלט געוועהן פונקט פופצען און א חודש, היות שנולד ח"י טבת תרמ"ז. און דעמאלס איז כו"ע מודי אז ער איז נאכנישט געוועהן דער קדוש ווי ביי די 93.
אפי' אליבא דהוגה.
עכ"פ סאטמאר רב האט איבערגעלאזט פונגער צייכענעס אז ער איז געוועהן יענס תכשיט. יענס טשאטשקע.
און אריינגעברענגט א נייע מדרש פליאה בספרי הדרוש וחסידות...
אגב, ווער ס'האט א פריעדיגע מקור זאל זיך ביטע מעלדן.
נשלח: זונטאג יאנואר 05, 2014 10:02 pm
דורך כתר מלכות
דאס לעצטע יאר פון קדושת יו״ט איז געווען תרס״ד. רבינו יואל איז דאן געווען א חתן.
אלס א גרויסע חוקר פארוואס קענסטו נישט קלערן אז ער זאל דאס האבען געהערט פון איינעם?
נשלח: מאנטאג יאנואר 06, 2014 12:44 am
דורך איחוד פעלד
יא ביי די פיפצען איז שוין געוועהן נפל ממדריגתו, ווייל אלץ יונגעל האט ער שוין זיך אויף געוועקט ווען מען האט נאר צוגעדעקט דער מזוזה.
נשלח: מאנטאג יאנואר 06, 2014 12:49 am
דורך כתר מלכות
איחוד, מה פשט ?
סתם ליצנות מאכן פון קדוש אלוקי, וואס פונקטליך פארדינסטו פון דעם ?
נשלח: מאנטאג יאנואר 06, 2014 8:29 am
דורך kliger
פארוואס שרייבסטו אז וויבאלד ער האט עס געזאגט האט ער עס געמאכט?
דו טוהסט דאך די זעלבע, דו בויסט א בנין אן א יסוד, דו ווייסט נאר אז ער האט עס נאכגעזאגט, אבער דו שרייבסט מיט אן הנחה אז ער האט עס אויפגעמאכט!
אזוי שווער צו זאגן אז ער האט עס געהערט????
נשלח: מאנטאג דעצעמבער 29, 2014 12:48 pm
דורך סאו וואט
ארויפגעברענגט מטעם ענינא דיומא, נוגע לפרשת ויחי.