קאווע שטיבל

מי אני האט געשריבן:אין די Biology textbook איך האב געניצט, Inquiry into Life, האט די מחברת Dr. Sylvia Mader געשריבן אז די טיאריע פון Evolution איז א law פאר Biology אזויווי די טעאריע פון Gravity פאר Physics ע״כ.

אגב, דר. ריטשערד ליווואנטין (א קאלעגע פון דר. סטיפען גאולד) צווייפלט צו ס׳איז דא אזא זאך ווי אמת׳ע ״געזעצן״ אין ביאלאגיע. (ציטירט אינ׳ם בוך What Darwin got Wrong פון דר. דזשערי פאדאר און דר. מאסימו פיאטעלי-פאלמאריני).

פאר ווער ס'האט נאך א ספק איבער עוואלוציע
אדער קען מען זאגן אז די אויבערשטער האט לכתחילה אזוי באשאפן די דנ"א כדי ס'זאל זיין א ניסיון.

ברוך השם אז מ׳איז בייגעשטאנען דעם נסיון..

עגלה ערופה האט געשריבן:פאר ווער ס'האט נאך א ספק איבער עוואלוציע
אדער קען מען זאגן אז די אויבערשטער האט לכתחילה אזוי באשאפן די דנ"א כדי ס'זאל זיין א ניסיון.

דאכטצעך ליובאוויטש'ער רבי שרייבט אזוי ערגעצוואו.

דער געדאנק אז גאט 'שטעלט אינטער' א לאגישע סתירה פאר א 'ניסיון' קלונגט צו מיר אבסורד ביז גאר.

פארוואס זאל איך מיך 'מתגבר' זיין!? איך טראכט דאך יעצט אנדערש.. דאס גייט נישט אין איינקלאנג מיטן פשוט'ן באגריף פון ניסיון (דהיינו איך ווייס וואס איז ריכטיג צו טוהן, און איך קום איבער מיינע רצונות/תאוות וכו' וכו').

מיר קוקט עס עפעס אויס ווי גאט שיסט זיך אליין אין די פיס.. (בדרך אגדות המשבשות...) מיט אזא טאהט


Sent from my KFDOWI using Tapatalk

שיטה מקובצת האט געשריבן:

עגלה ערופה האט געשריבן:פאר ווער ס'האט נאך א ספק איבער עוואלוציע
אדער קען מען זאגן אז די אויבערשטער האט לכתחילה אזוי באשאפן די דנ"א כדי ס'זאל זיין א ניסיון.

דאס איז אלעס פיין און וואויל אויב די גלייבסט אז די וועלט איז מיליאנען יאר אלט, און אלעס איז (פון זיך אליין....) געשעהן. אבער אויב גלייבסטו אז דער בורא כל העולמים האט באשאפן די וועלט מיט אלעס אין איר, וואס איז די מורא'דיגע גדולה אז מענטשן און מאנקיס האבן ענדליכע וויירוסעס? ער איז דאך מודה אז די וויירוסעס זענען א חלק פון אונזער לעבן, אויב אזוי פארוואס זעהט ער נישט אז דער זעלבער גרויסער באשעפער וואס האט באשאפן מענטשן האט אויך באשאפן מאנקיס. פונקט ווי ער האט געמאכט אז מענטשן און מאנקיס זאלן ביידע האבן הענט און פיס, האט ער אויך געמאכט אז ביידע זאלן האבן די זעלבע וויירוסעס!

האסט לכאורה נישט געזעהן דעם ווידעאוי...
די נקודה איז נישט אז ביידע האבן די זעלבע, די נקודה איז אז ביידע האבן עס אין די זעלבע תקופות.

ער פאנגט אן מיט א עוועלאשענערי הסבר וואו אזוי ס'קימט צי אינז די Endogenous Retroviruses
טיפקעל "סירקעלער ריזענינג....

דאס אז די Endogenous Retroviruses האט צי טון מיט תקופות דאס זעלבסט איז אן ערפינדאנג פין די "מאמיני עוועלאשען".
ס'גוט אז ער ברעגנגט אנפאנג זיין פראף אויף דעם


בקיצר א באס קימט, און האט איוואלד, פין א מאטער סייקעל ווייל ביידע האבן א מאפלער...
שטערקער פין דעם, ביידע סיי די באס און סיי די מאטער-סייקעל האבן טאקע די מאפלער אין BACK אויף די לינקע זייט

איך זעה אז מ'האט נישט פארשטאנען (אדער האט מען נישט געוואלט פארשטיין) די ווידיאו.

דאס אז מענטשן און טשימפס האבן אכט און ניינציג פראצענט פון די זעלבע דנ"א קען מען אפשר ענטפערן בדוחק אז די אויבערשטער ווען ער האט ענדזשענירט די מענטש און די טשימפ האט ער געניצט די זעלבע מאטריאל פאר זיי ביידע, ס'איז דאך א שאד צו מאכן א גאנצע נייע דעזיין ווען מ'קען שוין איבערניצן א אלטע דעזיין.
אבער ביי ווירוסען איז עס נישט עפעס וואס מ'ווערט באשאפן מיט, ס'איז עפעס וואס קומט שפעטער צו. ד"ה, ווען מ'קוקט אויף די דנ"א און מ'זעהט א retrovirus מיינט עס אז איינער פון די אור עלטערן האבן געהאט די ווירוס. ד"ה מ'קען פונקטלעך זעהן די היסטאריע פון די אור עלטערן, וועלכע ווירוסען זיי האבן באקומען און אין וועלכע פלאץ. און וואונדער איבער וואונדער, אז מענטשן און טשימפס האבן פונקט די זעלבע היסטאריע!
א ווירוס ווען ער אטאקירט א סעל האט ער איבער צען מיליאן פלעצער וואו צו אטאקירן, און איעדע מאל אטאקירט ער ראנדאמלי איינער פון די צען מיליאן פלעצער. איז אויב צוויי מענטשן באקומען א ווירוס, איז דא ווייניגער פון איינס אין א צען מיליאן טשאנס אז זיי ביידע האבן עס אויף פונקטלעך די זעלבע פלאץ. איז אויב דו זעהסט צוויי מענטשן וואס האבן די זעלבע endogenous retrovirus און אויף פינקטלעך די זעלבע פלאץ, איז זייער מסתבר צו זאגן אז ביידע קומען בעצם פון איין מענטש.
און דא רעדסטו פון טויזנט ווירוסען וואס זענען די זעלבע, וואס דעס אליינס אז זיי האבן פונקט די זעלבע קאמבינאציע פון ווירוסען וואלט געווען גענוג צו ווייזן אז זיי זענען ביידע פון די זעלבע אור עלטערן. אבער נישט נאר וואס זיי זענען די זעלבע, נאר זיי זענען פינקטלעך אויפ'ן זעלבע פלאץ, וואס אויב מ'טוט די מאטעמאטיק קומט עס אויס איינס פון 1000^10000000, וואס דאס איז 70000^10, וואס דאס איז איינס מיט זיבן טויזנט זיראוס נאכדעם!

ס'איז אזויווי צוויי מענטשן וואס האבן זייערע פונקטליכע יחוס פון איעדע זיידע און באבע ביז צוואנציג דורות צוריק, וואס דעס וואקסט עקספאנענשאלי ווייל איעדער דור ווערט עס דאפלט, סאו אויב האבן זיי ביז צוואנציג דורות צוריק קומט עס אויס אז זיי האבן 20^2, וואס דאס איז איבער מיליאן מענטשן. און די צוויי מענטשן קוקן אויף זייער יחוס און זעהן אז פון א פאר דורות צוריק האבן זיי ביידע פונקטליך די זעלבע יחוס. איעדע נאמען וואס ווערט דערמאנט אויף זיין יחוס בריוו פון אפאר דורות צוריק איז אויך אויף די אנדערע, און זיי זענענן אויך אויף די זעלבע פלאץ אינעם יחוס בוים.
איך וואלט געזאגט אז די צוויי זענען קרובים. אבער מ'קען נישט וואוסן, קען זיין אז די אויבערשטער וואס האט געמאכט איין יחוס האט געמאכט די אנדערע יחוס, איז נישט קיין וואונדער אז די צוויי זענען פוקטלעך די זעלבע.

כדי צי מאכן דעם בנין דארפסטו האבן צוויי הנחות:
א. די אטאקע פין די ווייראס איז רענדעם, גארנישט שלעפט דעם ווייראס דוקא דארט וואו ער באזעצט זיך.
ב. ס'האט נישט קיין פאנקשען - ס'איז junk.

זאל זיך אויסשטעלן אז די ווייראס איז זייער וויכטיג פאר די ארגעניזעם, ווייזט דאס פינקט אזוי אויף קאמען דיזיין וואו אויף קאמען דיסענט.
וואו [tag]שיטה מקובצת[/tag] האט געשריבן

אבער דאס אז ס'איז א שפעטערדיגע "אינסערט", און אפילה די גלייביגע און עוועלאשען קענען נישט ניצען ריינערהייט די פראסעס פין עוועלאשען
צייגט דאס אויף נישט נאר אז ס'איז דא א בורא אויך איז דא א מנהיג וואס פירט דעם ווייראס אויף די ריכטיגער פלאץ... פאר א קאמען אינטערעסע!


אויב איז נאך דא איינער וואס האט א ספק אין דעם...

הקטן האט געשריבן:כדי צי מאכן דעם בנין דארפסטו האבן צוויי הנחות:
א. די אטאקע פין די ווייראס איז רענדעם, גארנישט שלעפט דעם ווייראס דוקא דארט וואו ער באזעצט זיך.
ב. ס'האט נישט קיין פאנקשען - ס'איז junk.

זאל זיך אויסשטעלן אז די ווייראס איז זייער וויכטיג פאר די ארגעניזעם, ווייזט דאס פינקט אזוי אויף קאמען דיזיין וואו אויף קאמען דיסענט.
וואו [tag]שיטה מקובצת[/tag] האט געשריבן

אבער דאס אז ס'איז א שפעטערדיגע "אינסערט", און אפילה די גלייביגע און עוועלאשען קענען נישט ניצען ריינערהייט די פראסעס פין עוועלאשען
צייגט דאס אויף נישט נאר אז ס'איז דא א בורא אויך איז דא א מנהיג וואס פירט דעם ווייראס אויף די ריכטיגער פלאץ... פאר א קאמען אינטערעסע!

אויב איז נאך דא איינער וואס האט א ספק אין דעם...

עוועלאשן איז כלל נישט קיין סתירה מיט א בורא אדער מנהיג.. ס'איז א סתירה מיט "אונזער" בורא ומנהיג.

ס׳הערשט א גרויסע miscommunication ווען מ׳רעדט מיט רעליגיעזע פונדאמענטאליסטן, ביי זיי דרייט זיך אלס ארום השקפה, יעדע זאך וואס מ׳זאגט פרובירט זיי פארשטיין וואסערע השקפה מ׳וויל ארויסברענגען דערמיט, ס׳פאלט זיי ניטאמאל ביי אז מ׳וויל פשוט ארויסברענגען טרוקענע פאקטן, ס׳גייט זיי נישט אריין אין קאפ אז ס׳דא מענטשן וואס זענען בכלל אינטערעסירט אין פאקטן. ווען דו זאגסט ״עוואלושן״ מיינט ער אז דו ווילסט ארויסברענגען א געוויסע השקפה, זיין קאפ פארט גלייך צו די חקירות פון גאט און צו מענטשן זענען אויף די זעלבע מדריגה (וואטעווער דעט מיענס) ווי מאנקיס, ער כאפט נישט אז דו האלטסט נאך אינמיטן אויסקלארן די פאקטן און דו ביזט נאכנישט אנגקומען צו (צו ס׳אינטערעסירט דיר נישט) זיינע קאמפלעקסעס און השקפות. אפשר קען [tag]מי אני[/tag] מער מרחיב בדיבור זיין..

ווי עס זעהט אויס איז גאר שווער צו גלייבן בראשית ערשטע פאר פרקים כפשוטו, ווי אויך פרשת נח. פין לך לך און ווייטער איז יא שייך צו גלייבען כפשוטו?

ווי אויך, איז אזוי וויכטיג דער גיין מיט קאפ אין וואנט און זאגן אז עוואלוציע איז א טעות וכו' צו קענען ווייטער אנגיין מיט אידישקייט? אדער איז שייך צו זיין א מודה בעוולוציע און נאכאלץ זיין א שומר תורה ומצוות?

פארוואס האט דער ליבאוויטשער, וואס האט געלערנט אין קאלעדזש און לכאורה געוויסט דער אמת, געמוזט גיין מיט דער שווערע מהלך פין אנלייקענען עוועלאציע?

אויב מ׳וויל זייער שטארק קען מען גלייבן אין די גאנצע תורה כפשוטו, מ׳דארף נאר וועלן, ואין לך דבר שעומד בפני הרצון.

רביה''ק זי''ע האט געשריבן:אויב מ׳וויל זייער שטארק קען מען גלייבן אין די גאנצע תורה כפשוטו, מ׳דארף נאר וועלן, ואין לך דבר שעומד בפני הרצון.

והראי' עס איז דא פלענטי וואס טוהן עס.

אבער משום סיבה ווערען זיי אלע זייער געקארנערט ווען מען הייבט אהן רעדען פין עוואלוציע אסאך מער ווי רעדן וועגן רבינו תם זמן

געקארנערט אהער געקארנערט אהין, למעשה גלייבן זיי מיט׳ן זיין געקארנערט. און ווען דער רמב״ן האט געקארנערט כריסטיאני אין ברצלונה האט עס איהם מיט עפעס געהאלפן? זאלסט קיינמאל נישט אונטערשאצן די כח פון רצון.

אפילו אז דארווין איז אפגעשלאגן מכל וכל איז נאך אלץ נישט קיין ראיה צו מעשה בראשית וואס האט נאך ווייניגער סברא און עווידענס. ממילא אז דו גלייבסט גלייב ווייטער און לאז דארווין געמאך.

ווייטער פאר דעם וואס וויל שוואך מאכן דיין אמונה, קענסטו ענטפערן ווי איך האב אמאל אונטערגעהערט פון צוויי מענטשן וואס האבן זיך גע'טענה'ט איבער עוואלושן. זאגט דער מאמין צו דעם אנדערן, "איך קען דיר נישט ענטפערן אבער איך וועל רופן מיין שוואגער, ער וועט דיך שוין אויפווייזן...

אישתישבי האט געשריבן:ווי עס זעהט אויס איז גאר שווער צו גלייבן בראשית ערשטע פאר פרקים כפשוטו, ווי אויך פרשת נח. פין לך לך און ווייטער איז יא שייך צו גלייבען כפשוטו?

ווי אויך, איז אזוי וויכטיג דער גיין מיט קאפ אין וואנט און זאגן אז עוואלוציע איז א טעות וכו' צו קענען ווייטער אנגיין מיט אידישקייט? אדער איז שייך צו זיין א מודה בעוולוציע און נאכאלץ זיין א שומר תורה ומצוות?

פארוואס האט דער ליבאוויטשער, וואס האט געלערנט אין קאלעדזש און לכאורה געוויסט דער אמת, געמוזט גיין מיט דער שווערע מהלך פין אנלייקענען עוועלאציע?

ווייל די רעכט צו זאגן אז פסוקים זענען נישט כפשוטו האט זיך געסטאפט בערך 1400 יאר צוריק... (די סיבה פארוואס ס'האט זיך געסטאפט איז למעלה מהשגתינו)

קען איינער מיר מסבר זיין די סתירה צווישן עוולשין אין די תורה פארוואס קען מען נישט איינזעצן אז דער אייבערשטער האט באשאפן די וועלט אין איין רגע(ווייל ער איז דאך למעלה מן הזמן) מיט ביליאנען יאר אויף עוולציא

Sent from my SM-N986U using Tapatalk

צפור בודד האט געשריבן:ווייטער פאר דעם וואס וויל שוואך מאכן דיין אמונה, קענסטו ענטפערן ווי איך האב אמאל אונטערגעהערט פון צוויי מענטשן וואס האבן זיך גע'טענה'ט איבער עוואלושן. זאגט דער מאמין צו דעם אנדערן, "איך קען דיר נישט ענטפערן אבער איך וועל רופן מיין שוואגער, ער וועט דיך שוין אויפווייזן...

די דשאוק איז נאר אז געווענליך איז דער ״שוואגער״ פונקט אזא ״כופר״ נאר שפילט מיט די געים (גאנץ מעגליך אז רבי אביגדור איז אויך געווען פון די...) וויפיל חברים האב איך וואס צווישן זיך רעדט מען צאם די גרעסטע כפירה און אפיקורסת און מ׳לאכט זיך אויס פון אלעם אבער למעשה שפילט מען ווייטער דעם געים, איך קען מיך נאר פארשטעלן וויפיל מענטשן נוצן מיר אלס אן הוכחה אז מ׳קען זיין קלוג און גלייבן אין creationism (זיי ווייסן זעלבסטפארשטענדליך נישט פון מיינע פריוואטע שמועסן מיט like- minded חברים און קאווע שטיבל געשרייבעכץ, זיי זעהען נאר ווי איך שאקל מיך ביי תקיעת שופר פונקט ווי זיי מיינען זיי שוין אז איך האב אויך פונקט די זעלבע אמונות ווי זיי), און איך פארגין עס זיי מיט׳ן גאנצן הארץ viewtopic.php?p=369523#p369523

שארפןקאפ האט געשריבן:קען איינער מיר מסבר זיין די סתירה צווישן עוולשין אין די תורה פארוואס קען מען נישט איינזעצן אז דער אייבערשטער האט באשאפן די וועלט אין איין רגע(ווייל ער איז דאך למעלה מן הזמן) מיט ביליאנען יאר אויף עוולציא

Sent from my SM-N986U using Tapatalk

ווייל אין די תורה שטייט אז די בהמות חיות און מענטשן זענען באשעפענישן פאר זיך.

(בנוגע די כלליות'דיגע באשאפונג פון די Universe, איז גראדע די פשוטו של מקרא אין די ערשטע 2 פסוקים אז ס'איז געשעהן פיל פריער ווי די באשאפונג פון די לעבעדיגע באשעפענישן)

דער תירוץ איז: הרב מיללער איז געווען א חכם און א סייענטיסט מיט זיינע אייגענע רעכטן. האט ער געמעגט איבערזאגן די זעלבע שיטות און מיינונגען וועלכע די קריסטליכע סייענטיסטן און גלחים האבן אויך געזאגט...!

berlbalaguleh האט געשריבן:דער תירוץ איז: הרב מיללער איז געווען א חכם און א סייענטיסט מיט זיינע אייגענע רעכטן. האט ער געמעגט איבערזאגן די זעלבע שיטות און מיינונגען וועלכע די קריסטליכע סייענטיסטן און גלחים האבן אויך געזאגט...!

ער מעג אלעס, אבער ער האט זיך פארקויפט אלץ א רמבם'יסט, האט ער געקענט זאגן אז אלעס איז שלא כפשוטו. וואס איז געוועהן זיין הכרח?

אישתישבי האט געשריבן:ער מעג אלעס, אבער ער האט זיך פארקויפט אלץ א רמבם'יסט, האט ער געקענט זאגן אז אלעס איז שלא כפשוטו. וואס איז געוועהן זיין הכרח?

דער רמב״ם האט זיך אויך געהאט זיינע זאכן אויף וואס ער האט זיך גע׳עקשנ׳ט, צ.ב. אויף די ענין אז גאט האט באשאפן די וועלט יש מאין (נישט יש מיש) עקשנ׳ט ער זיך טראץ דעם וואס פון די פסוקים האט ער נישט קיין הכרח ווייל ״הנה היא סותרת הדת מעיקרה ומכזבת לכל אות בהכרח ומבטלת כל מה שתיחל בו התורה או תפחיד ממנו - האלוקים״ (מורה נבוכים ח״ב פכ״ה). איך פארשטיי נישט פונקטליך וואס די ווערטער דארפן צו מיינען, זעהט אויס אז ער האט פארשטאנען אז אויב די גאנצע וואס גאט האט צו פארקויפן איז א בריאת יש מיש וועט עס האבן יענע פנים האט ער זיך געדארפט עקשנ׳ען דערויף. דאס איז אין מיין מיינונג דער זעלבער סיבה פארוואס חרדים עקשנ׳ען זיך קעגן אבולוציה, יא מ׳קען אלעס פארענטפערן, אבער דאן וועט שוין די גאנצע זאך זיין א האלבע לצנות...

עס וואלט נישט געווען קיין ליצנות באמת, עכ"פ נישט מער ליצנות ווי עס איז שוין, עס נעמט פשוט צייט צו אקצעפטירן. פונקט ווי עס איז געווען שווער צו מקבל זיין אז דער וועלט איז נישט די צענטער פונעם יקום, און היינט שטימט עס שוין זייער גוט מיט די תורה.

געב עס נאך א דור צוויי, עוואלוציע וועט זיין געהעריג מסודר מיט ארטאדאקסישע אידנטום. ווער ווייסט מיט וועלכע שוועריקייטן אין אמונה יענע דור וועט זיך מוטשענען.