קאווע שטיבל

גראדעמעכעלע האט געשריבן:אויב איז עמלק איז א רעיו'נישע גדר און נישט א ביאלאגישע, דאן ווי נאר די פאלק אנטזאגט זיך פון די 'שגעון של שנאה' זענען זיי אויס עמלק, ניין?

בכלל לפי די רעיון קען מען אנקלעבן די עמלק טיטיל אויף רוב אייראפעישע פעלקער וואס זענען ערגעץ במשך הזמן געווען חדור בשגעון של שנאה נגד עם ישראל,

לגבי דיין צווייטע פראגע. סאיז נישט אויסגעשלאסען, אבער מען דארף וויסען בדיוק וואס זייער מאטיוו און זייער צוגאנג איז געווען, מיט א אן עלילת דם לכאורה באקומט מען נאך נישט קיין דין עמלק, די גדר איז אויב זיי זאגען 'ולא יזכר שם ישראל עוד' וואס כמדומה איז דאס נישט געווען די פאלק'ס שפראך און 'רוב' אייראפישע לענדער. משא"כ ביי גרמני ואינקוויזציע.
לגבי דיין ערשטע פראגע, לאזט זיך דן זיין. אולי אי פעם די פאלק האט געהאט אזא שגעון של שנאה, באפאלט דעם פאלק דער דין עמלק, און דאס בלייבט זייער אייביגער פלעק. און אויף דעם חיוב און דין גופא קען מען קלערן די מאראל פון דעם, פונקט ווי מען קען דן זיין ביי ולא תחנם וכו וכדו, טאקע משום זה האב איך גענטפערט פאר יאיר אז לפי מש"כ איז די אלע דינים וואס מען איז דן אויף די חלק המאראל שבה, יא רעלעווענט. דיין שאלה איז שווער ביי עמלק'ן גופא.

אין אמת'ן אריין מאראל אן א רעליגיע איז זייער שווערע פעלד, ווייל לאמיר נעמען לדוגמא די איסור פון רציחה וואס איז א אוניבעסואלער איסור און (לכאורה) איז יעדער מסכים צו אזא איסור, אבער אין די מינוט וואס עס איז נישט דורך רעליגיע נאר דורך מאראל קען געשעהן אזוי ווי היינט אז הרגענען עוברים איז א לכתחילה, און אויב אזוי ווען ווערט ער אויס עובר, ווען ער ווערט געבוירן, און א רגע פאר דעם איז ער נאך א שטיקל פלייש וואס מען מעג הרג'ענען, אדער קראנקע וואס קענען שוין קיין רפואה נישט האבן, און אין אסאך לענדער מעג מען זיי הרג'ענען, איז אויך א שווערע מאראלישע שאלה ווייל יעדער שטארבט אמאל סא וואס מיינט אז ער קען שוין נישט ווערן אויסגעהיילט? אבער ווילאנג קען ער לעבן מיט דעם, און וואס מיינט אסאך יסורים וויעאזוי מעסט מען דאס מאראליש, אזוי קען מען ווערן מאראלישע רוצחים אויב איז עס נישט עפ"י (לכה"פ) עפעס א רעליגיע,

מאטי האט געשריבן:אלזא וואס בלייבט? מעג איך מיר טוישן די קינדער מיט מיין שכן , פארוואס זאל ביאלאגיע מחליט זיין?

מאטי: כ'האב געמיינט אז דו פרעגסט אן אנדער מין פראגע... ...עיין נחום...!

יעצט יום טוב עסט מען שטיקער בשר בהמה ווי די צינג..פון א באשעפעניש און אנדערע חלקים פונעם באשעפעניש וואס אונז שטערקערע באשעפענישן האבן ליב צו עסן ממילא קידנעפן מיר זיי און מען צווינגט זיי אריין אין א קעיזש און נאכדעם ביהעד מען זיי און וואס האב איך פון דעם מארד- איין סאפער אינגאנצן און פארן נעקסטן טאג דארף מען הארגענען א אנדערע באשעפעניש פאר מיין אינזשוימענט....זיי האבן אויכט געפילן ...איז דאס מאראליש? ווייל אונז זעמיר קלוגער און שטערקער פון זיי טוען מיר וואס אונזער הארץ באגערט...? אפשר האט היטלער אויכט געמעגט טוען וואס ער האט געטוען ווייל לשיטתו איז א איד ווי א בהמה?

.

.

מאטי האט געשריבן:אז מ'רעדט שוין, איז דא מאראלישע פליכטן צו אן אייגן פאלק איבער א פרעמדן פאלק? איז אן אמעריקאנער מחויב צו העלפן א צווייטער אמעריקאנער מער ווי א קאנאדישער, בלויז ווייל פאליטיק האט געזאגט "דא איז די גרעניץ?" וואס טוט זיך מיט שכנים, משפחה, חברים וכדו'?

עניי עירך קודם.!
Charity begins at home..!


Sent from my iPad using Tapatalk

ונבנתה העיר האט געשריבן:
קיין דייטשע מאשינען וועלן מיר נישט קויפן [חוץ באש, אויף דעם איז דא א היתר]

ווייל מען קאן דאס נישט עפארדען. אבער כמעט איעדע זאך וואס זיי האבען איז made in germany

אויב זאל א מענטש באגיין א געפערליכע עולה, לאמיר זאגן ער האט איינעם גע'הרג'עט, אויף א מיסטעריעזע אופן האט ער א מינוט שפעטער פארגעסן די גאנצע מעשה, הי' כלא הי', ער האט נישט קיין אנונג פון וואס איהר רעדט, ער רעדט אזוי איידל און שטיל און האלט נישט ביים טשעפען א פליג.

וואלט איהר איהם מעניש געווען?

אויב יא: פארוואס/וואס/וועמען זענט איהר מעניש? אויב נישט: קומט אויס אז געווענדליך זענט איהר מעניש אויפן זכרון?

[tag]ונבנתה העיר[/tag] לכאורה איז דאס צוויי באזונדערע טענות, וואס זיינען ניט תלוי זה בזה:
א. ער האט נישט קיין אנונג פון וואס איהר רעדט,
ב. ער רעדט אזוי איידל און שטיל און האלט נישט ביים טשעפען א פליג

בכל אופן אויב ער איז ניט געווען געווען INSANE בשעת נעשה וואס איז די צד עם ניט מעניש זיין?

אין יסוד פון "שטראף" און איר פיליזופיה איז דא פינף דערהערן

1) Incapacitation
אפהאלט. דאס הייסט לייגן דעם חוטא אין א מצב פון אפהאלט אז ער זאל דאס וואס ער האט אפגעטוען נישט קענען נאכאמאל טוהן (לאו דווקא, אבער אויך כולל איינשפארן הינטער גראטעס)

2) Deterrence
אפשרעקן. ווארפן א פחד אויף אנדערע פאטענציאלע פארברעכער (כולל דעם פארברעכער). בעיקר אויף דעם חטא און איר'ס גלייכן

3) Restitution
ווידערגוטמאכונג. צוריקשטעלן דעם חיסרון אויפן פריערדיגן מצב ווי ווייט מעגליך.

4) Retribution
נקמה. ("יידן נקמה")

5) Rehabilitation
פררעכטען דעם פארדאבן געווארענם פיגור און אים צוריק מאכן פאר א נארמאלע מענטש


יעצט אין דיין סינעריא, אין די קעיס פון א חטא וואס פארנעמט אלע פינף קאטאקאריעס, אין פאל דער חוטא געדענקט גארנישט פון די גאנצע מעשה בלייבט נאך אלץ איבער דריי אדער פיהר פון די סיבות אים מעניש צו זיין.

אויב האט ער דאס געטוען איינמאל איז דא א סברה אז מ'זאל אים דארפן האלטן אונטער קאנטראל אז נאכאמאל זאל ער דאס נישט טוהן.

ס'פעלט נאך אלץ אויס צו האבן א פחד זאל רוען אויף די מעשה עוול.

אין פאל ס'איז דא וואס צו מתקן זיין איז דאס זיין אחריות. אז איינער בארגט געלט און פארגעסט דערפון איז עס נאך אלץ זיין חוב צו באצאלן.

אויף פיהר און פינף קען מען מפלפל זיין. אגב, א גרויסע טייל פון די מאראלישע דיסקוסיעס איבער טויט שטראף און לעבנס טורמע דרייען זיך ארום די עלעמענטן פון די צוויי אונטערשטע סיבות.

מען קען זאגן א סברא אז דער גאנצער סיבה אז עס זאל זיין א צד "נישט" צו שטראפן א עבריין איז דוקא ווייל ער האט א זכרון וואס גיט אים א סטאטוס פון א מענטש, אבער טאמער האט ער נישט קיין זכרון איז ער דאך יצא מכלל אנשיות והרי הוא כאבן השדה בעלמא וואס טאמער מאכט עס פראבלעמען צעשמעטערט מען עס.

דזשאסט א אויבערפלעכליכער סברא