קאמענטארן אויף אונטערשריפטן

[געוואלדיג]

געפעלט מיר די אונטערשריפט פון ר' שש'ן

רבותי, ס'איז א געפערליכע סכנה צו לעבן.
מ'קען נאך חלילה שטארבן...

[[NAMELESS]]

געפעלט מיר די אונטערשריפט פון ר' שש'ן

רבותי, ס'איז א געפערליכע סכנה צו לעבן.
מ'קען נאך חלילה שטארבן...

כ'האב דעם שבת געהערט פון מיין טאטן שיחיה, אז דאס איז זיין 'מאמר החכם' שוין יארן לאנג. ס'איז מיר געפאלן, און כ'האב דאס אדאפטירט...

[וכדומה..]

[tag]פריעד באטשי[/tag] איך זעה מיין חתימה איז דיר געפאלן...

איך האב עס גראדע געמאכט סתם אזוי טראכטענדיג וואס איז די מערסטע באניצטע ווארט פון א ריכטיגע באטשי וואס וועט אים אראפמאלן אין איין ווארט.
נאכן עס טוישן האב איך באמערקט אז עס איז ענדליך צו דיינס, און קען זיין אז דער זכרון מיינער איז דער גנב, און איך האב עס אפשר טאקע געבויט אויף דיינס, אבער נישט בכוונה.

סקען זיין די ווערטער זענען ענדליך, אבער די אפטייטש פון די צוויי חתימות זענען איגאנצען אנדערש, סהאט נישט קיין שיכות איינס מיטן אנדערן. ודו"ק

[[NAMELESS]]

[tag]פריעד באטשי[/tag] איך זעה מיין חתימה איז דיר געפאלן...

איך האב עס גראדע געמאכט סתם אזוי טראכטענדיג וואס איז די מערסטע באניצטע ווארט פון א ריכטיגע באטשי וואס וועט אים אראפמאלן אין איין ווארט.
נאכן עס טוישן האב איך באמערקט אז עס איז ענדליך צו דיינס, און קען זיין אז דער זכרון מיינער איז דער גנב, און איך האב עס אפשר טאקע געבויט אויף דיינס, אבער נישט בכוונה.

סקען זיין די ווערטער זענען ענדליך, אבער די אפטייטש פון די צוויי חתימות זענען איגאנצען אנדערש, סהאט נישט קיין שיכות איינס מיטן אנדערן. ודו"ק

מיליאן פראצענט, אבער ענדליך איז ענדליך. (איינער וואס האט נישט געקענט הרה״ק רבי מעכעלע פארשטייט נישט [tag]ריכטיג[/tag]׳ס חתימה, און עס זעט אויס די זעלבע ווי מיינס)

[berlbalaguleh]

דריידל: איך האב יעצט געענדיגט ליינען א שיינעם מאמר פון דיר ( אין מאחורי. ..."ליל ששי אין די הרי הקעטסקילס"...) נאכדעם האביך געזעהן דיין חתימה. ביי מיר זעהט עס אויס ווי א סתירה צו וואס דו זאגסט. הגם ס'איז אן אינטרעסאנטע חתימה וואס ברענגט ארויף א שמייכל...

[דריידל]

מיין חתימה איז פאר די וואס קוועטשן אויף די בית רחל חינוך און אנערקענען נישט זייער אייגענע פעילער. האב איך זיי געגעבן א פארציע חומר למחשבה.

אגב, געווענדליך לאזטי איבער דיינע פינגער אפדריקן (לכה"פ א סמיילי). טאמער האלטסטי אז ס'איז א שיינע מאמר, דאן לאז דיך הערן

[געוואלדיג]

געפעלט מיר די אונטערשריפט פון [tag]הקטן[/tag]

די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם

לכאורה אנדערש פון [tag]שבת אחים[/tag]'ס

די תוצאה פון אפהאקן א קינד פון איינע פון די עלטערן אין זייער דעוועלעפינג יארן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן.
-יואליש,ק״ש

[שבת אחים]

.

[[NAMELESS]]

שבת'ל, כ'ווייס נישט צו כ'דארף דיך ענטפערן ווען דו קומסט גלייך מיט א התרסה'דיגע שפראך. אבער דאס מאל וועל איך ענטפערן, נעקסטיים שרייב מער מענטשליך.

בנוגע דיין פראבלעם מיט צוויי מיליאן גע'הרג'עטע קינדער.
נניח ס'דא אזא זאך ווי ימות זכאי ואל ימות חייב [די קינדער וואלטן אויפגעוואקסן כופרים בה'], שטימט עס שוין?
נניח ס'דא אזא זאך ווי תורת הגלגולים [זיי זענען אפגעקומען אלטע עוונות], שטימט שוין?
נניח ס'דא אזא זאך ווי כיון שניתן רשות למשחית וכו' [דרך הטבע לאזט נישט מאכן סעלעקציעס צווישן יעדן צדיק און רשע], שטימט שוין?
נניח ס'דא אזא זאך ווי בשר ודם שאינו יודע דעת עליון, שטימט שוין?
על אחת כמה וכמה ווען אלע זאכן קענען זיין די סיבה, למחצה ולשליש ולרביע.

דיין פראבלעם מיטן אוועקנעמען א טאטע איז אזויווי דער פראבלעם מיט די צוויי מיליאן קינדער. די תשובות, די זעלביגע [בנוסף לזה אז ער האט געקענט אפקומען אויף אייגענע עבירות אין דעם גלגול].

אגב, צדיק ורע לו רשע וטוב לו האט שוין משה געפרעגט. האסט נאך עפעס צו פרעגן? אז נישט, ביזטו פונקט אזויפיל ווערט ווי טומי לפיד. ואגב דאגב, 'רחום וחנון' אז א כלליות'דיגע הנהגה. רבי אביגדור מילער האט גוט געזאגט אמאל, אז יעדער וואונדערט זיך אויף די קליינע פראצענט פון צדיק ורע לו רשע וטוב לו. די פאקט איז אבער, אז פינף און נייינציג פראצענט מענטשן וואס פירן זיך כהוגן, איז נישט רע לו, און רוב מענטשן וואס זיצן אין תפיסה אדער ווערן דער'הרג'עט, זענען רשעים און גענגסטער'ס.

דיין פראבלעם מיט סבלות מצרים.
ממה נפשך, פשוט'ערהייט ליינענדיג די מעשה איז עס גארנישט אנדערש ווי סתם אן אומה וואס האט זיך ערגעץ באזעצט און זיי זענען געווארן קנעכט פאר די אומה [א ווייטע ביישפיל, שווארצע אין אמעריקע צוויי הונדערט יאר צוריק]. ס'איז נארמאלע דרך הטבע. אלא מאי, פרעגסטו אליבא דהקב"ה פארוואס טאקע, איז דער ענטפער אז ער האט אונז געוואלט אנגרייטן צו א מעמד מתן תורה וכדבריו הידועים של המהר"ל ועוד אז ס'האט זיך אויסגעפעלט אויסגעלייטערטקייט, ואכמ"ל. ס'איז א לענגערע השקפה שמועס אבער די תשובות זענען פשוט און קלאר.

דיין שאלה וואס מיינט בנים אתם לה' אלקיכם.
מיינט זייער פשוט, אז כלל ישראל וועט האבן א נענטערע קשר צום אייבערשטן ווי די אנדערע פעלקער. משל לאב ובן לעומת אדון ועבד.


שבת'ל, דו האסט מיך [נישט] אנטוישט. אויב מיט אזעלכע טענות האסטו אפגעלאזט גאט, ווייסטו בכלל נישט וואס גאט מיינט.

די מעשה גייט מיטן שארפער חב"ד'סקער וואס האט געזען א ליטוואק ציען ביי 'שמע ישראל' ביי 'ה' אחחחחחדדדדד'. האט ער זיך אנגערופן, מיין גאט מיט דיין גאט האבן זיך נאך קיינמאל נישט געטראפן... [עפעס אזוי]. וד"ל.

[שבת אחים]

שש, יישר כח פארן ענטפערן אבער פאר איך גיי עס ווייטער לייענען און פראבירן צו פארשטיין וואס דו זאגסט, וויל איך מיך באציען צו איין זאך וואס דו שרייבסט, איך האב נישט איבערגעלאזט קיין אידישקייט וועגן אט די איינע טענה, וואו איז דער אייבישטער געוועהן ביי די האליקאוסט אדער וכדומה איך האב איבערגעלאזט אידישקייט ווייל איך גלייב נישט דערינען פונקט ווי דו גלייבסט נישט אין יאשקע! איך האב מיך באצויגן צו @הקטן טשעפע און זיין חתימה ״בנים אתם לה׳ אלוקיכם״ וואס דערווייל מיינט עס אז ער פארברענט פיצלעך קינדער טאמער זיי גייען זיין כופרים און ער געט זיי נישט בכלל קיין בחירה?

[berlbalaguleh]

שש, יישר כח פארן ענטפערן אבער פאר איך גיי עס ווייטער לייענען און פראבירן צו פארשטיין וואס דו זאגסט, וויל איך מיך באציען צו איין זאך וואס דו שרייבסט, איך האב נישט איבערגעלאזט קיין אידישקייט וועגן אט די איינע טענה, וואו איז דער אייבישטער געוועהן ביי די האליקאוסט אדער וכדומה איך האב איבערגעלאזט אידישקייט ווייל איך גלייב נישט דערינען פונקט ווי דו גלייבסט נישט אין יאשקע! איך האב מיך באצויגן צו @הקטן טשעפע און זיין חתימה ״בנים אתם לה׳ אלוקיכם״ וואס דערווייל מיינט עס אז ער פארברענט פיצלעך קינדער טאמער זיי גייען זיין כופרים און ער געט זיי נישט בכלל קיין בחירה?

שבת אחים: אזוי ווי איך האלט אז דו ביסט מיר א גוטער פריינט און ס'אינטרעסירט מיך דיין מצב. ספעציעל דיין סטאטוס אין אמונה בהשי"ת וקיום המצות. איך בין געווארן שאקירט צו ליינען צווישן די שורות אז דו ביסט א מענטש וועלכער איז צוגעקומען צו א קריזיס אין גלויבן אז דער באשעפער פון די וועלט פיהרט זי אויך. און האט אינזין אלע זיינע באשעפענישן, אידן ווי גוים. (בורא ומנהיג לכל הברואים). לפענ"ד. לויט מיין אפשאצונג איז עס א רעזולטאט פון דיין פארשונג איבער די מציאות הבורא, וואס איז אייגנטליך א מצוות עשה לויט דעם מחבר פון ספר חובת הלבבות, וועלכער שרייבט אין די הקדמה אז ס'איז א מצוה אז א מענטש זאלל צו קומען צו אמונה בהשם דורך חקירה. נאר ס'האט א שטארקע ריזיקע פון נישט פארשטיין און אפטייטשן ריכטיג געוויסע טיילן פון די אינפארמאציע און מ'קען ח"ו צו קומען צו אפיקורסות. למשל אזוי ווי אלבערט איינשטיין, וועלכער איז אויפגעוואקסן אין אן אסימילירטע אידישע פאמיליע אין דייטשלאנד, וואו מ'האט נישט געלערנט אמונה בה' און קיום המצוות. אבער דורך זיינע סייענטיפישע פארשונגען (די טעאריע פון רעלאטיוויטעט, וכדומה) איז ער צו געקומען צו די איבערצייגונג אז ס'איז דא א באשעפער אויף די וועלט וועלכער האט באשאפן דעם יוניווערס מיט אלע זאכן וואס זענען דארט דא. אבער דאס איז ערשט געווען ביי די ענדע פון זיין לעבן. ער האט אפגעלעבט די מערסטע פון זיינע יארן אין לייקענונג פון די מציאת הבורא. דאן איז פארהאן אן אנדערע וועג פון צו קומען צו אמונה. אמונה פשוטה. אן חקירות. און איך, און די מערסטע פשוט'ע מענטשן האבן אויסגעוועלט דעם וועג. ווייל איך זעה די יד ה' אין טאג טעגליכן לעבן. אן חכמות און חקירות. איך קען ברענגען צענדליגער מעשיות פון טאג טעגליכן לעבן ווי השי"ת האט מיר געהאלפן. און ווער ס'גייט אויף דעם וועג, ענדערש ווי אויף דעם ערשטן וועג נעמט נישט די ריזיקע פון פארלירן די גלייבונג אין השי"ת...!

[שבת אחים]

יישר כח ר׳ בערל, דו שרייבסט צום זאך! (נישט אזויווי יענעם ווייסטאך דיין ליבלינג וואס פלעגט שרייבן אין וכו׳ ) באמת שכוח פארן שרייבן צו מיר און זיך פארופן מיין ידיד אפילו כהאב מיך דערקלערט אלץ א נישט גלייביגער, איך עגרי נישט מיט אלעס וואס איר שרייבט, אבער אויב זעהט איר דעם אייבערשטען אויף טריט און שריט בין איך אביסל jealous אויף אייך! באמת! נישט קיין וויץ! ווייל איך זעה עפעס אנדערש!, און הלואי וואלט איך באמת געגעלייבט, ס׳וואלט מיר געוועהן אין א וועג אסאך גרינגער, בעיקר איך בין צובראכן ווייל מיינע עלטערן זענען ממש אין צער וועגן מיר, און איך האב זיי באמת ליב און איך וויל זיי נישט מצער זיין, אבער איך גלייב נאך אלץ נישט אין דעם, וואס זאל איך טוהן???

איך געדענק א פאליס האט מיך אפגעשטעלט גאנץ אנפאנג נאכדעם וואס איך האב אפגעלאזט די רעליגיע און איך האב געמורמלט צו מיר אליינס, לוי יצחק בן שרה סאשע צו אלקא דמאיר ענני, און דערנאך האב איך געטראכט הלואי ווען עס איז טאקע דא אזא זאך אז מ׳קען בעטן דעם אייבערשטען! אבער די אידן אין אוישוויץ האבן אויך געבעטן דעם אייבערשטן? גרויסע רבנים זענען אריין אין פייער אריין!

יישר כח פאר די חיזוק, איין זאך קען איך זאגן אז איך באלעק מיך די פינגער ווען איר שרייבט, שרייבט מעהר אפטער!

הצלחה

[ירא שמים]

איך פארשטיי אויך נישט פארוואס פליטים פון נארט קארעא פארפירן וועגן די רעזשים דארט. ווער האט דיר געפרעגט? ביזט דאך אנטלאפן פון דארט! ווער ביזטו אונז איינצוטיילן וויאזוי צו פירן א מדינה? קיש דיך מיט דיינע אמעריקאנע חבירים און לאז אונז אפ!
-געפילטע פיש,ק״ש

[tag]שבת אחים[/tag] סקומט מיר אויך קרעדיט פאר דיע חתימה

[שבת אחים]

שמעקעדיג טייערע, אזוי שטארק באדערט דיך מיין אינטערשריפט? רעדט דיך אויס מיין טייערע פריינד.

וואס באדערט אייך???????????????????

[לית דין בר נש]

[tag]געוואלדיג[/tag] וואס איז פשט פון דיין חתימה

נישטא קיין גוטע לעבן עס איז דא גוטע פּילן.

איך בין מחולק מיט דיר איך האלט אז עס איז ב"ה דא אסאך מענטשן וואס האבן זייער א גוטע לעבן!

[געוואלדיג]

א ווארט וואס איך האב געהרט לעצטנס און האט מיר געפאלן, איך האלט אויך אז עס איז נישט אמת, נאר די כלל איז אז מען מאכט נישט קאליע א שיינע מעשה מיט די אמת'ע פאקטן.

[אהרן]

[tag]געוואלדיג[/tag] וועלעגע זענען די גוטע פילן? ווי איך פארשטיי זענען פילן צו מאכן דעם לעבן א גוטע, אבער אויב לעבן איז בכלל נישט גוט מה לי לפילן?

[געוואלדיג]

כידוע אז א וויץ איז די מציאות אין א עקסטרעמע שפיגל, והכוונה די וואס געבן פילן פאר יעדע זאך איז דאס בשיטה פון מיין חתימה והבן.

[שבת אחים]

די נייע חתימה דיינע: אלטע רויטע וואנצעס ליגט אין בעט - פון גרויס בושה צוגעדעקט - אוי וויי, ס'טוט מיר וויי - די קאווע איז צו ביטער - נישט דא קיין צוקער - די מצב איז נישט זיס - כ'הייב מיר די פיס. דערמאנט מיך פון גאר א אלטע וויליאמסבורגע ניגון וואס איז נאך פון די בראשית קאפּקעיג לעידי יארן! איך קען מיך כרגע נישט דערמאנען פונקטליך די ניגון אבער ווארשיינליך זענען זיי גאר ענליך.
איך וואונטש דיר אן ווארים ברוך רויטע חולים, און אז די ביטערע זויערע קאווע דיינע זאל נישט פארברוינען דיינע שיינע [tag]רויטע וואנצעס[/tag]. אכי״ר

[moshav zekeinim]

איך קען אזא ניגון פון אלס קינד:

אברמלע אברמעלע ליגט אין שניי
אוי וויי טרינק טיי
טיי איז ביטער
גיב מיר צוקער
צוקער איז צו זיס
עס דיין פיס
דער פיס איז פעט
גיי אין בעט
דער בעט איז נאס
גיי אין גאס
אין גאס האב איך מורא
לערן תורה
תורה איז הייליג
עס בייליק.

עד כאן השיר המופלא הזאת.

[שמעקעדיג]

יואב:

"דער וואס האט קיין שכל האט גארנישט; דער וואס האט שכל ברויך גארנישט. — חיים גראדע"

דער מקור דערפון איז אין גמרא, דעה קנית מה חסרת וכו'.

[געוואלדיג]

מען קען זעהן בשיינפערליך ווי קאווע שטיבל פירט אפ די מאסן פון זיין אפגעהיטענע מענטשן צו קוים שומרי מסורת, קוקט נאר עס איז געשעהן צו אונזער טייערער ידיד ר' [tag]ליפא[/tag] זז"ג, אריינגעקומען איז ער מיט סלאגאן

מיינע תגובות זענען אונטער די שטרענגע השגחה פון התאחדות הרבנים

און עס האט נישט לאנג געדויערט, און יעצט שטאלצירט ער צו זאגן

מיינע תגובות זענען אונטער די שוואכע השגחה פון או יו

אוי לעינים שכך רואות.

[ליפא]

באמת נישט א וויץ. מען האט מיר געבעטן פריוואט עס אראפצונעמען, און דער מעסעדזש איז געקומען פון גאנץ הויכע פענסטער.