קאווע שטיבל

נשלח: **מיטוואך יאנואר 01, 2014 8:56 pm**

אוי אי דער איז שארפער ווי קאצק מיט תימן'ה סחוג צוזאמען.

נשלח: **מיטוואך יאנואר 01, 2014 8:56 pm**

טאמעס דזעפערסאן האט געשריבן:אל תוכיח לץ פן ישאנך.

חזר זיך גוט איין דעם פסוק, געדענק אייביג מיר נישט מוסר צו זאגן.

נשלח: **מיטוואך יאנואר 01, 2014 9:02 pm**

איך וועל אייך נישט מוסר זאגן מרס קאווע טרינער, ווייל די תורה פארבאט און ווארענט "אל תרבה שיחה עם אשה". וואס איר זוכט אויף קאווע שטיבל פארשטיי איך נישט גענוי, איר באלאנגט אין קאך און אין לאנדרי רום. וויי איז אייער חלק בזה ובבא.

נשלח: **מיטוואך יאנואר 01, 2014 10:11 pm**

טאמעס דזעפערסאן האט געשריבן:גוט. פינטעל איד איז אויך א יר"ש. האלט מען ביי צוויי, טאמבל און פינטעל. מי עוד?

איך אויך!
אבער דיין נאמען איז אן עקל א גרויל, ווי שעמסטו דיר נישט צורופען מיט א נאמען פון א טמא'נע גוי!
אין וועלעכע רב האט דיר מתיר געווען אריינצוטרעטן אין דעי בית ע''ז צו ווייסטו דען נישט אז שאני מינות דמשכי, וכ''ש דפקר טפי,
בפרט אז מ'זעט דיינע הייליג מידות VS דעי ניקס דא שמעקעדיג לעיקוואד.. אא''וו,
איר וועט פאראייביגט ווערן אלס קרומער אויבער-טיפוש,וואס האט קיין שייכות מיט תורה ויר''ש, ווי איז אייער חלק בזה ובבא?!
[קרעדיט@הוגה החסרון היותר גדול שיש בתכונתה של יראת שמים, שאינה מחוברת יפה באורה של תורה, הוא מה שבמקום יראת חטא, היא מתחלפת על יראת המחשבה, וכיון שמתחיל האדם להיות מתירא לחשוב, הרי הוא הולך וטובל בבוץ הבערות, הנוטלת את אור נשמתו, מכשלת את כוחו ומעיבה את רוחו. - אורות הקודש]

נשלח: **מיטוואך יאנואר 01, 2014 11:42 pm**

מען האט שוין גענדיגט טיילן פעטש דא? אה! פיין!

וואן וואן.. וואן טאו.. ס'ארבייט? יא? פיין!

שכח פאר די מנהלים פארן מיר אריין נעמען!

איך דריי מיר שוין דא פאר א שטיק צייט און איך האב זייער האנה פון דער פלאטץ! לאמיר האפען אז מיט די צייט וועט מען אויך האנה האבן פון מיר..

נשלח: **דאנערשטאג יאנואר 02, 2014 9:54 am**

טאמעס דזעפערסאן האט געשריבן:שלום וברכה.
סתם להווי ידועה, אין עונשין אלא א"כ מזהירין.
איך קום היינט אן קיין קאווע שטיבל נאכן זיך מייעץ זיין מיט רבנים מורי הוראה און אחיי באייוועלט. מיין תפקיד וועט זיין צו מוסר'ן און מוחה זיין אויף די כפירה, קלות ראש, השכלה, ליצנות און שאר מרעין בישין.
מיין ציל איז אנצוקומען אין מאחורי- במוקדם האפשרי, און דארטן, אויך, מאכן סדר כמו שכתב.
די גוטע צייטן האבן זיך גענעדיגט (אדער הייבן זיך נאר אן).

איידער דו הייבסט אן, איז כדאי זאלסט דורכקוקן דעם ווארט צום נייעם מעמבער.

קריטיק – אויב איינער האט א פראבלעם מיט א הודעה, איז נישט ערלויבט צו שרייבן פרישע הודעות מיט מחאות אויף דעם אינהאלט. עס איז דא פאר דעם א ספעציעלן קנעפל ("!"), וואס נאכ'ן דרוקן קען מען אריינשרייבן דעם פראבלעם. די מנהלים זעען דאס, און וועלן דאס באטראכטן די שנעלסטע וואס מעגליך. מען קען אויך איבער סיי-וועלכן פראבלעם שיקן א הודעה אישית פאר איינער פון די מנהלים.
קריטיק אויף דער הנהלה איז ערלויבט בלויז דורך ניקים ותיקים. א נייער ניק קען נאר קריטיקירן אין אישית צו די מנהלים. א שרייבער וועלכער האט שוין ביישטייערט כאטש 150 זאכליכע הודעות קען זיך ערלויבן צו קריטיקירן ברבים, אבער אויך, זעלבסטפארשטענליך, מיט כבוד האדם. די סיבה איז וויבאלד מיר קענען זיך נישט ערלויבן אז שרייבער וועלכע זענען דא בלויז אויף סאבאטאזש זאלן שטערן אנדערע שרייבער און לייענער. אז א נייער ניק וועט זיך אפגעבן בלויז מיט מחאות און קריטיק וועלן מיר זיין געצווינגען אים אויסצושפארן.

נשלח: **דאנערשטאג יאנואר 09, 2014 1:12 pm**

שלום עלייכם טייערע ברודער!
ברשות די גבאים די ראשי הקהילה ואחרון אחרון חביב כל החברים ד'קהילתינו כל אחד בשמו הטוב יבורך!
שוין א שטיק צייט וואס די הנהלה בעיט מיך אז זיי זוכען א פאסיגע רב פאר די קהילה איך האב אסאך געטראכט צו איך זאל עס אונעמען צו נישט למעשה נאכען לייגען אסאך דרוק האב איך נישט געהאט קיין ברירה און איך האב עס אונגענומען, איך בין נישטא חס ושלום איינעם וויי צו טון נאר צו מרבה זיין און אויף טון לכבוד השטיבל ולהאדירה איך בעיט יעדער זאל מיך שיין אויפנעמען ווי עס פאסט און אופגעבען כבוד הראוי און צוזאמען וועלען מיר מרבה זיין כבוד השטיבל!
יישר כח פארען מיך אויסהערען

נשלח: **דאנערשטאג יאנואר 09, 2014 1:17 pm**

עליכם השלום רב הצעיר, איך האף איר האט נישט א ברודער ווייל אויב יא דארפט איר שוין גיין אין צימעס. לאל

נשלח: **דאנערשטאג יאנואר 09, 2014 1:25 pm**

מיין ברודער איז און אייוועלט אויפדערווייל....

נשלח: **דאנערשטאג יאנואר 09, 2014 1:29 pm**

שלום עליכם רב, איך זעה אז דאס בילד ניצט דו פון אן אלטן רב

נשלח: **דאנערשטאג יאנואר 09, 2014 1:33 pm**

העלא
מיין נאמען איז שאולי
עס איז מיר א כבוד צו ווערן א מעמבער דא
מיין אגענדע איז צו הערן און זיך צו לאזן הערן
זאל מען נאר הערן גוטס!

נשלח: **דאנערשטאג יאנואר 09, 2014 1:47 pm**

שלום עליכם רב הצעיר און שלום עליכם שאולי מאכטס א קאווע און גיסטס אויס טינט דא..

נשלח: **דאנערשטאג יאנואר 09, 2014 1:49 pm**

שאולי איך בין אויך א גרינער דא איך מיין אז אונז דארפן מאכן א שטיקל יוניאן פון די נייע מעמבער'ס מיר זאלן נישט צוריבן ווערן/פארדעקט ווערן אין שאטן פון די אלטגעזעסענע לייבן, מיין הענט ציטערן ביים לייגן די הענט אויפ'ן שיק קנעפל,

נשלח: **דאנערשטאג יאנואר 09, 2014 1:52 pm**

שאולי האט געשריבן:העלא
מיין נאמען איז שאולי
עס איז מיר א כבוד צו ווערן א מעמבער דא
מיין אגענדע איז צו הערן און זיך צו לאזן הערן
זאל מען נאר הערן גוטס!

עליכם שלום שאולי
welcome to the club
א ערנסטע שרייבער איז קיינמאל נישט קיין חיסרון
פתח פיך, רעד זאג עפעס

נשלח: **דאנערשטאג יאנואר 09, 2014 1:57 pm**

ווען איך ליין די ווערטער פון די גרויסע חכמי השטיבל ווי קופערניקוס לעקיוואוד כאפט מיר א ציטער אז איך פיל ווי א חדר יונגעל וואס האט אריינגעבלאנשעט אין א כולל, און איך וויל ענדערש לייגן מיין פינגער אין מויל ווי אויפ'ן שיק קנעפל, אבער זאת נחמתינו אז סאיז דא ב"ה עטליכע ניקס וואס איך קען נישט איבערשטייגן זייער נארישקייט אפילו איך זאל שווער ארבעטען [זאל איך שרייבן נעמען אדער סאיז נישט לפי תקנת המקום?]

נשלח: **דאנערשטאג יאנואר 09, 2014 1:58 pm**

איך זיץ מיר פארענט מיין פ.ס. איין שייינעם טאג ליינענדיג קאווע שטיבל, מיטאמאל.. שפרינגט מיר ארויף א מראה נהדר ... פאר גרויס דביקות געב איך א קלאפ אפ, אוי דערבארעמדיגער!... פופצן מינוט שפעטער, והנה: איך בין א מעמבער.

נשלח: **דאנערשטאג יאנואר 09, 2014 2:00 pm**

א ענדליכע מעשה האט פאסירט מיט אסאך יאהרן צוריק מיט א איד רבי לוי יצחק פון שטאט בארדיטשוב, אויב וועסטו שרייבן דברים של טעם וואט מען נאך פארציילן דיין מעשה פאר די קומענדיגע דורות אין די קאווע שטיבלעך

נשלח: **דאנערשטאג יאנואר 09, 2014 5:08 pm**

איש עברי האט געשריבן:א ענדליכע מעשה האט פאסירט מיט אסאך יאהרן צוריק מיט א איד רבי לוי יצחק פון שטאט בארדיטשוב, אויב וועסטו שרייבן דברים של טעם וואט מען נאך פארציילן דיין מעשה פאר די קומענדיגע דורות אין די קאווע שטיבלעך

איש עברי;
וואס דארפסטו קריכן ביז ר' לוי יצחק? מיר האבן דא דעם איש עברי........
ר' איש עברי איהר שרייבט זייער זייער גוט שוין אסאך צוריק געהערט אין גאס וועגן דיינע געלונגענע תגובות

נשלח: **דאנערשטאג יאנואר 09, 2014 5:30 pm**

סאו די אלע נייע חברהלייט האבען געקראכט די סיסטעם היינט? וואס גייט פאר?

עניוועי שלום עליכם ברידערס.

נשלח: **דאנערשטאג יאנואר 09, 2014 5:31 pm**

שלום עליכם אלע לעצטיגע צוגעקומענע חברים. מאכט אייך באקוועם און שפירט אייך היימיש.
א באזונדערן שלום עליכם פאר [tag]איש עברי[/tag], וואס כאטש ער איז נאך ניי, האט ער שוין געגעבן צו שפירן זיין געשמאקן פעדער און שכל הישר.

נשלח: **דאנערשטאג יאנואר 09, 2014 6:40 pm**

א גרויסן ישר כח, סאיז מיר א פארגעניגן צו ווערן באגריסט דורך דיר, איך גלייך זייער דיינע שרייבעריי. דו ביסט אין מיינע אויגן א ריז!

נשלח: **דאנערשטאג יאנואר 09, 2014 7:04 pm**

שלום עליכם אלע געסט, עס איז א פארפלייצונג פון נייע ניקס, די הארץ וואקסט פון פרייד, בקרוב וועט עטץ מער נישט זיין געסט נאר זיך שפירן היימיש,
ווי מער אידן קומען אריין אין דעם שטיבל און זוכן צו פארברענגען באהבה ואחוה מיט א ברודערליכע געשמאקקייט, אלס בעסער איז דאס, נאה להם ונאה לעולם,

אמת, יאנקל, קופערניקוס, קאווע טרינקער, מאראנצן זאפט, ברסלבער, וכו', אלע סארטן ריזן זענען דא, אבער די "ריזן" ליינען מיט דארשט יעדנ'ס תגובה, זושא דארף זיין זושא, נישט פרובירן נאכמאכן יענעם, יעדער האט זיך זיינע טאלאנטן.
אויב האט איר א פראבלעם צו שרייבן צוליב די אנדערע ריזן, איז שוין דא היינט די פראדוקטיוו קלאסן אדער להשיג קורסן.....

נעמט אייך שרייבן פלייסיג, מאכטס א גוטן אטמאספערע. ויהא בואכם לטובה ולברכה ולתפארת השטיבל.

נשלח: **דאנערשטאג יאנואר 09, 2014 7:08 pm**

אוי דערבארעמדיגער האט געשריבן:איך זיץ מיר פארענט מיין פ.ס. איין שייינעם טאג ליינענדיג קאווע שטיבל, מיטאמאל.. שפרינגט מיר ארויף א מראה נהדר ... פאר גרויס דביקות געב איך א קלאפ אפ, אוי דערבארעמדיגער!... פופצן מינוט שפעטער, והנה: איך בין א מעמבער.

עךליכם שלום דערבארעמדיגער
שוין זעסטי פארוואס די ערליכע אידען האלטען פון די טריפהנעם כלי?

קאווע שטיבל

באגריסונגען

שלום עליכם