נפתלי בנט, ערשטער פרומע פרעמיער אין מדינת ישראל

[צופלאטשקטע פיאות]

דער 'פרומער' ראש ממשלה איז געפארן שבת נאכן קוגל קיין רוסלאנד, כנראה אויף פיקוח נפש, כדי צו אויסזען ווי די שלום מאכער פון די וועלט.

[קהל'ס נער]

די 'פרומע' חברה הצלה ד'וויליאמסבורג איז געפארן שבת נאכן קוגל מיט א קאר כנראה אויף פיקוח נפש, כדי צו אויסזען ווי די לעבנס רעטער פון די וועלט

[היסטאריע]

ער טראגט, אין רוסלאנד איז נישטא קיין עירוב.

ער איז שוין מילא א מומר לאותו דבר ווייל אין וויליאמסבורג איז אויך נישטא קיין עירוב....

[בענבען]

איך הער ער האט זיך נישט געוואלט פאטאגראפירן מיט פוטין אלס שבת

[שאלתיאל]

פאליטישע דראמע אין מדינת ישראל האלט זיך אינמיטן אנטוויקלען און לייגט בנט'ס ממשלה אין א ערנסטע געפאר.

די דראמע האט זיך אנגעהויבן היינט מיטוואך פארטאגס ווען עמית סגל האט געווארפן א באמבע אז ח"כ עידית סילמן פון ימינה פלאנט זיך אפצוזאגן פון דער קאאליציע און אריבערגיין צו ביבי'ס ליכוד. סילמן איז א כנסת מעמבער פון פרעמיער בנט'ס פארטיי און דינט אלץ פארזיצערין פון זיין קאאליציע,און דער באדייט פון דעם איז אז בנט'ס קאאליציע וואס איז שוין אזוי אויך געווען וואקלדיג וועט פון יעצט זיין גענצליך פארלאזירט ציילנדיג בלויז 60 חברי כנסת. מערקוועדיג אנצוצייכענען אז בנט האט גארנישט געוויסט פון דעם און איז געוואור געווארן דערפון דורך די מידיע.

א שעה דערויף איז טאקע ארויס א בריוו פון סילמן אז זי זאגט זיך אפ און וועט מער נישט זיין א חלק פון דער קאאליציע, לויט איר איז די סיבה דערפאר דאס וואס ניצן הורביץ דער הויפט פון מרצ וואס איז א חלק פון דער ממשלה עקשנ'ט זיך אריינצולאזן חמץ אין די שפיטעלער אין לויף פון יו"ט פסח.

דער אמת'ע סיבה איז, די שווערע פרעשור וואס איז געלייגט געווארן אויף איר דורך אירע וויילער , משפחה און ארומיגע סביבה. אזוי אויך דער הבטחה פון ביבי אז זי ווע באקומען א פלאץ אין די רשימה פון ליכוד.

די מבינים שאצן אז זי איז נישט דער לעצטע און ס'איז ערווארטעט אז נאך עטליכע פון בנט'ס פארטיי זאלן פארלאזן די קאאליציע און ס'איז בלויז א שאלה פון צייט ביז דער ממשלה וועט קראכן. דער קומענדיגע אפציע איז אדער פרישע עלעקשאנס אדער א נייע ממשלה אין שפיץ פון ביבי און רעשטלעך פון ימינה און תקווה חדשה.

[שאלתיאל]

ציניקערס זאגן אז בנט וועט שרייבן אין זיין סוסייעד בריוו ''הלכתי להזמין את סילמן לדין תורה''..(ע"ע וואלדער)

[שאלתיאל]

עטליכע וואכן נאך וואס א חברת כנסת פון פרעמיער בנט'ס פארטיי עידית סילמן האט אפגעלאזט די קאאליציע און דערביי אראפגעברענגט די צאל קאאליציע מעמבער צום מסוכנ'דיגע געגנט פון 60 מעמבערס איז היינט געקומען דאס וואס קוקט אויס צו זיין דער ענדגילטיגע טויט קלאפ פאר דער גוסס'דיגע קאאליציע ווען ח"כ זועבי אן אראבקע פון די עקסטרעם לינקע מרצ פארטיי האט געלאזט וויסן אז זי זאגט זיך אפ צוליב וואס לויט איר איז דער ממשלה געגאנגען צו רעכטס און דערביי אראפגעברענגט דער קאליציע צו בלויז 59 מעמבערס און איר פארוואנדלט אין א מינאריטעט.

ווי ס'קוקט אויס גייט עס אין ריכטונג פון פרישע וואלן אין סעפטעמבער חוץ אויב וועט דער ח"כ צוריקציען אדער אויב וועט נתניהו מצליח זיין אויפצושטעלן אן אלטערנאטיווע אין דער יעצטיגע כנסת.

[berlbalaguleh]

דער הרב ש.ב. מרגליות (המכונה שמואל שלמה טעללער) פון בלאט פרייט זיך זייער שטארק מיט דעם איצטיגן מצב אין מדינת ישראל. ער זעהט שוין אן אתחלתא דגאולה. אן אנהייב אז די מדינה גייט בטל ווערן. זיי קענען שוין נישט אהערשטעללן א רעגירונג. וויל איך איהם בארואיגן. די מדינה גייט נאכנישט אזוי שנעל בטל ווערן. דאס איז נאר אזא פאליטישער שפיעל.

[תרמב]

זועבי האט נאך גרויס דרוק און נאך גרעסערע הבטחות צוריקגעצויגן אין צוריק אריין אינעם קואליציע, די קואליציע שטייט טאקע אויף הינער פוס אבער זיי זענען מצליח צו ציען נאך א וואך און נאך א חודש, מיין מיינונג איז אז ס'איז נאך אלס בעסער אזוי ווי מאכן בחירות נאך אמאל און נאכאמאל ווייל ביבי וויל נישט איינזעהן אז ער קען עס נישט מאכן, ס'געשעהט נישט גארנישט אז די אראבער'ס באקומען א פאר דאלער טאמער מ'קען פאר די פרייז האבן א פונקציאנירנדע ממשלה וואס גייט אן מער ווייניגער.

[שאלתיאל]

בענעטס וואקלדיגע קאאליציע איז זיך צעפאלען דע פאקטו דערנאך וואס ח"כ ניר אורבאך פון ימינה האט דערקלערט אז ער איז מער נישט קיין טייל פון דער קאאליציע און וועט מער נישט וועלן צוזאמען מיט איר, דערביי זענען די צאל מעמבערס פון די קאאליציע אראפ צו 59 אריינגערעכנט זועבי פון מרצ און גנאיים פון רע"מ וואס וועלן נישט מיטן קאאליציע און מאכן שבת פאר זיך. ס'איז א פראגע פון צייט ביז מען וועט אפיציעל אויסרופן וואלן. לכאורה וועט עס פארקומען 25 אקטאבער נאך די ימים טובים. מערקוועדיג אז אין די לעצטע פאלס איז בענעט'ס פארטיי אויפן גרעניץ פון אחוז החסימה און דער בלאק פון ביבי (ליכוד, חרדים, סמוטריץ) קראצן ארום 60 מאנדאטן.

https://www.n12.co.il/news-politics/202 ... =173113802

[berlbalaguleh]

דער שליסל פאר'ן המשך הקיום פון די קאאליציע מיט בנט בראש ליגט ביי מנסור עבאס. ער איז זייער א געשליפענער פאליטישן. אמאל האט מען געמיינט אז אחמד טיבי איז די זאך. ווען זייער טאטע איז געווען איינער פון די ווינציגע אראבישע משפחות/חמולות וועלכע האבן אפן דערקלערט זייער שטיצע פאר מדינת ישראל . בן גוריון האט אויפגעמאכט אלע טירן פון די רעגירונג פאר זיי. מ'האט זיי אריינגעלאזט אין די אוניווערזיטעטן צו שטודירן. א טייל זענען געווארן דאקטוירים. אנדערע לאיערס. און אפילו דזשאדזשעס. אחמד טיבי איז געווען א דאקטער. נאכדעים איז ער געווארן א פאליטישן. נאר ער האט געמאכט איין גרויסן טעות. ער האט געמיינט אז מיט אטאקירן די רעגירונג וועט ער זיך הייבן אלס פאליטישן. היינט איז ער אן אויסגעשפיעלטער אלטער בהמה. משא"כ מנסור עבאס איז איינער מיט וועם מ'קען פארהאנדלען און מאכן א דיעל. ער איז טאקע אנגעקומען זייער ווייט. בנט'ס רעגירונג האט אריינגעריקט פאר זיינע קאנסטיטוענטן א מטבע פון 50מיליארד (ביליאן) שקל.8 און ער פיהרט נפתלי בנט און זיין שותף יאיר לפיד ביי די נאז.

[שאלתיאל]

בערל: ס'איז שוין לאנג נישט אין עבאס האנט, ער פון זיין זייט פגר'ט ממשיך צו זיין מיטן קאאליציע, דער פראבלעמען קומען פון זיינע פארטיי מעמבער גאנאיים וואס איז אן עקסטרעמער פאנט און פון בענעטס פארטיי ווי צוויי חברי כנסת, סילמאן און אורבאך האבן זיך אפגעזאגט.

[אלע צוזאמען]

און..... די קאליציע איז אויס!
לפיד ווערט פרעמיער פאר ביז פרישע וואלן קומען פאר.

[שאלתיאל]

בום: נאכן זיך וואקלען עטליכע וואכן איז די קאליציע איז ענדגילטיג צעפאלען! דערנאך וואס אלע פראוון צו אוועקשטעלן דעם שאקלדיגן שיפל זענען נישט געלונגען האבן בנט און לפיד באשלאסן צו וועלן פארן פארשפרייטונג פון די כנסת קומענדיגע וואך ווען באלד דערנאך וועט לפיד ווערן ראש ממשלה אקארדינג צו זייערע הסכם. בנט וועט דינען אלץ ראש ממשלה חליפי. ווי ס'קוקט אויס וועלן די וואלן פארקומען 25 אקטאבער.
אויב וועט ער נישט צוריקומען אין דער צוקופנט וועט בנט, דער ערשטע פרומע פרעמיער אריינגיין אין היסטאריע ביכער אלץ פרעמיער מיט דער קלענסטע טערמין אין איזראעלי פאליטיק.

אפדעיט: לויט עמית סגל פלאנט בנט צו נעמען טייימאוט פון פאליטיק.

[שאלתיאל]

פרעמיער בנט האט געמאלדן אז ער נעמט א טיימאוט פון פאליטיק און וועט זיך נישט פארמעסטן אין די קומענדיגע וואלן. ער האט איבערגעגבן די לייצעס פאר זיין פארטנערין איילת שקד. דאס קען זיין א וויכטיגע פאקטאר וואס קען האבן איינפלוס אויפן פאליטישע מאפע ווארום שקד ווערט פארעכנט מער אלץ איינער וואס וועט ענדערש זיצן מיט נתניהו ווי מיט די לינקע און אויב וועט שקד אריבערגיין די אחוז החסימה אין די קומענדיגע וואלן וועט דאס פארגרעסערן די שאנסן פון נתניהו אויפצושטעלן א קאאליציע.
די פראבלעם איז אז בנט'ס ימינה פארטיי כרגע איז צושטיקלט אינגאנצן ווען אירע מעמבערס זענען זיך צופלויגן צו אלע זייטן. איינער עפנט אן אייגענע פארטיי, צוויי ועלן באקומען א פלאץ אין ליכוד, איינער גייט מיט גאנץ און שקד איז געבליבן מער וייניגער אליינס און אן קיין סאך וויילער.

[שאלתיאל]

יאיר לפיד איז דער 14'טע פרעמיער מיניסטער פון מדינת ישראל. מערקוועדיג אנצוצייכענען אז דער מענטש האט ניטאמאל א maturity certificate תעודת בגרות.

[berlbalaguleh]

שאלתיאל: אבער ער האט עס גוט געפעיקט אויף א סאך פראנטן. ער האט אמאל פרובירט איינרעדן פאר'ן עולם אז ער באזיצט עטליכע הויכע (דאקטאראט) דעגריס. או.קעי. ער רעדט א ..."געשליפענעם"...ענגליש מיט א בריטישע הברה. און אן איזראעלי אקצענט. די בריטישע הברה קומט פון דעם פאקט וואס זיין טאטע איז געווען א שליח פון סוכנות און א קארעספאנדענט אין לאנדאן. ער איז אויפגעוואקסן אין ענגלאנד.

נאר אין פארגלייך צו זיין טאטן איז ער א צדיק. טומי לפיד (שר"י, עפ"ל וכו') איז געווען א כופר באלוקי ישראל. און אן אפענער אנטיסעמיט. ער האט פיינט געהאט אן ערליכן איד שנאת מוות...!

[משה חאצקעל]

!