קאווע שטיבל

על כל פנים ופרצוף

ווי קען מען יעצט פארגעסן פונ'ם "גייסט אין קאנטרי?"

איך מיין עס איז דא א גרויסע חילוק צווישן אלטע אידישע אוסדריקן / היימישע פראזען, און נער'ישע אויסגוועפטע וויצלעך ווי אן אויסגעקלאפטע הושענה.

דער חילוק קען מען זעהן אויפן זאגערס פרצוף, ווען ער שמייכעלט ווי א זיבעלע, און ער טראכט אז ער זאגט יעצט א גוטס און באבינס באבען אריין, אבער ער כאפט נישט אז זיין דזאוק האט א בארד לענגער פון מתושלח.

ווען מען וויל ארויסברענגן א לענגערע נקודה מיט א קורצע אלטע אויסדריק, איז נישט קיין חסרון, ווייל מען קאנצענטרירט זיך אויף די נקודה און נישט אויפן אויסדריק.

אבער ווען דער זאגער נוצט די אלטע אוסדריק ווייל ער מיינט עס איז נאך א גוטע וויץ, דאן איבעלט עס און עס קריכט פון די נאז.

נאכמאכן די סיגיטער'ס ווינטשן פון מוצאיו"ט. אדער "פארוואס זאג איך דאס אייך"

העיקר שכחתי?

ביים בענטשן: יהי שם חם ויפת,

סאלאם עליכם ברודער

כ'האב נישט געוויסט כ'האב א ברודער דא,
כ'האב געזעהן די לעצטער וואס האט רעאגירט אין די שמייכל פאורם איז ישמעאל הכהן,
האב איך ערשט מורא געהאט אז די גבאים האט פשוט עדאטירט מיין נאמען בכדי עס צו פאראידישען,
כ'האב געטראכט מעגליך באצייכנען זיי דאס אלס א דעגראדירנדע נאמען,
האו עווער,
עליכם השלום

איך גלייך דיין חתימה, כ'געדענק דעי סטעיטמענט כאשר יצא מפי המלך. גראדע ווערט עפעס ענליך ציטירט פון מארק טוועין

באלד גייט זיך די אשכול אויפרייסן.. אללה הואכבאר. לעט מי אוט אוו העיר................................

Sungs for suchee

אפילו די גוים עסן אויך נישט פיש און פלייש צוזאמען וועגן ס'איז א סכנה.
(געהערט לייוו אפאר טעג צוריק)

נאך איז א מיאוס ווארט

איך האב "נאך" נישט געהאט, צולייגענדיג דעם הסבר "נאך האב איך נישט געהאט" מיט א כראפע-שמייכל.

כ'האב מיך איינגעקויפט מפטיר יונה.
גראדע א שיינער טייל פון די אלע אויסגעדראשענע וויצן דא, האב איך נאך אין מיין לעבן נישט געהערט, און עס האט מיר געברענגט פארגעניגן.

וועלעכע טאג ספירה איז היינט?,
די ניינטע!,
די קענסט שוין נישט ציילן היינט נאכט

די רביס זענען ליידיגייערס

אפיקורס!

ברוחהשעם

פין מיינען קימט א עגל

איך זעי נישט וואס דער כינוס כלל ישראל האט אויפגעטיהן מיט דיר!

אויפן וועג ארויס פון מקוה א צופלאטשעטער: ס׳האט שוין געקלונגען? די צווייטע אויך?

ווער איז דער מחבר פונעם ידיד נפש ניגון נאך שלישידעס תורה? ... יאא די די די דיי....יאא די די די דיי...

מהעט דיך שמייסן נישט נאר פאר וויאזוי דו קוקסט אויס, נאר אויך פאר וויאזוי דו וואלסט געקענט זיין ..

אז מען מיינט נארט מען זיך.

אונגערישע נאר, העי דאפעלט לשון, דריי זאכען מים אחרונים וואסער, גוט יום טוב, און פארדעם (דא שמייכעלט מען האלבוועגס) זאגט מען אין מונקאטש יאמטיוו, נישט גוט יאמטיוו.