פארוואס קומט פאר אזויפיל סעפעראציעס / גיטין?

[שמעקעדיג]

דאס איז אמת...

[its me]

איך האלט מ'דארף טוישען אז נאר רעבעצינ'ס זענען כלה טיטשערס, זיי דארף מען ווי אמשנעלסטן דאמפען.
אריינברענגען בעל בתיש'ע כלה טיטשערס... וואס זענען עושין רצון בעלה... און זיי זאלען מחנך זיין דו נעקסטע דור
אויף קלערן ווי גוט ס'איז... און אויסלערנען ברחל בתך הקטנה וואס מ'מעג יא... און אז אלעס מעג מען טוען כדי צופרידנצושטעלען א מאן...
און נישט דערמאנען א ווארט נישט וואס מ'טאר נישט... ווייל עפ"י הרמב"ם ז"ל מען מעג אלעס....
ויהא אתה שלום וביתך שלום וכל אשר לך שלום....ווייל פון דעם פאנגט זיך עפ"י רוב אלעס אן.

Totally agree. Bottom line, teach the boys that you don't have to ask for a ..........2 weeks after the chasunah, and teach the girls that its good and whatever he asks is allowed.

[איש אשכולות]

די נושא איז רחבה מני ים, און דאס שליסט אויך איין די געביט פון אונזער שידוך סיסטעם. עס איז אין קץ לדברי שידוכים, וועלכע סיסטעם איז בעסער, די חסידישע אדער ליטווישע? דאס איז א קאנטערווערסיעל פלאטפארמע, און די נושא גייט אנגיין אהין און צוריק עד שיבא שולא. אבער אונזער נושא איז, ״למה מתרחשים כל כך גיטין״, איך וועל פראבירן עס צו ענטפערן אין א טאמבנעל.

א רב בעפאר די מלחמה האט געשריבן, אז ער איז שוין רב אין די שטאט פאר העכער פיפציג יאר, און ער האט געהאט ״איין איינציגער״ געשיכטע מיט א גט, ווען עמיצער איז געווען קראנק.. אמאל איז זיכער געווען א גט א זעלטענע זאך. אמאל מיינט מען נישט צו לאנג פאר די מלחמה. און אמאל מיינט מען פאר 20 יאר צוריק ביילייפיג.

קיינער וועט קיינמאל נישט קענען מצליח זיין אראפצולייגן די פינגער אויף די ריכטיגע זאך, למה יצא הקצף, פארוואס פאסירן אזויפיל גיטין. יעדער האט אנדערע השערות און מיינונגען. און עס איז נישט פארהאנען א געמיינזאמע שיטה איבער א דבר פרטי.

איך וויל נישט דא קיינעם אפענדען, און איך מיין קיינעם נישט, און איך גיי זאגן עפעס באופן כללי, און עס איז אלס דא יוצאים מן הכלל. ״כמעט יעדער גרוש (אדער גרושה, רוב מאל נישט) איז עפעס איז מיט אים״. דאס איז נישט קיין נאסע לאלעך. מען דארף אים נישט אראפ קוקען, ער קען זיין חשוב און טייער, אבער ״יש דברים בגו״. ״יעדער געזונטער מענטש קען לעבן מיט יעדן געזונטער מענטש״. והא ראיה מיליאנען מענטשן האבן טעגליך חתונה מיט א פרעמדן און מען לעבט בשלום ובשלוה. אויב וואלט נישט צוויי פרעמדע נארמאלע מענשטן געקענט לעבן געהעריג, וואלטן געווען א קומץ אנשים פארהייראט. הכלל, יעדער קען לעבן מיט יעדעם, במדה נכונה ובמדה מסויימת. אלס איז פארהאנען אויסנאמס.

אלזא פארוואס גט מען זיך? איך קען דאס נישט ענטפערן, און קיינער קען נישט. אבער דאס איז אמאל זיכער אז אונז פעלט די מערסט פאדומענטעל יסודות איבער מערידזש. איך גיי עס נישט געבן, ווייל לא לדרשה קא אתינא, און מי אנכי. און די רעטעניש צו לייזן די יסודות קען מען נישט אנטאפן ווי ערווענט. אבער דאס אז זיכער אז דאס פעלט אונז. וואס מיר קענען פראבירן איז צו זוכן וואס איז די גורם אויף די שוואכע יסודות, און דאס איז וואס יעדער איינער פראבירט צו לייזן.

אלס א עדות צו מיינע רייד, קענט איר זען אז יעדער גט האט זיך זיין געשיכטע, און אויב וואלט גט געהאט א דבר מסוים וואלטן נישט געווען אזויפיל געשיכטעס. אלא מאי איז דא צענדליגער פאקטארס וואס שפילן צו צום גט. און עס איז שווער אנצוטאפן. און די שאלה איז וועלכע?

דאס איז אמאל זיכער אז די סאסייעטי אין וועלכע מיר לעבן טראגט א גרויסע געוויכט אויף די אלע גיטין. מיר זענען באקוועמע מענטשן, אלעס מוז קלאפן טיק טאק, מיר זענען געספוילט, מיר האבן הייצוג און עיר קאנדישען. די מינדערסטע מנועה שטערט אונזער לעבנסגאנג. אונז האבן נישט געגעסן טעג אין ישיבה, אלעס איז פאר אונז געווען אנגעגרייט כערוך השלחן. מיר האבן נישט אויפגעבויט אז די לעבן איז א קייט פון שווערעקייטן. נישט אלעס גייט געשמירט, מען דארף שוויצען, שווייגען און שווימען. מען דארף נאכגעבן, און פארקוקן. עס איז קלאר אז אונזערע באקוועמליכקייט האט אונז דאס גורם געווען. מערידזש פארקניפט למעשה גוטע און שלעכטע מידות פון צוויי מענטשן און מען דארף עס קענען באלעבן. ווייל רוב גיטין היינט זענען וועגן ״מידות״.

אז איר וועט קוקן וועט איר זען אז רוב חלק גיטין קומט וועגן מידות.

דאס איז איין פוינט וויאזוי מען קען אנקוקען פארוואס אונז זענען מחליש די יסודות הבית.

[דער (פינטעל) איד]

יעדן טאג האבן מיליאנען חתונה מיט פרעמדע? נישט ממש. ביי נישט אידן האט מען נישט חתונה מיט פרעמדע

[איש אשכולות]

יעדן טאג האבן מיליאנען חתונה מיט פרעמדע? נישט ממש. ביי נישט אידן האט מען נישט חתונה מיט פרעמדע

פרעמדע מיין איך ״בשורש״ פרעמדע. יעדער מענטש איז בשורש אפגעפרעמדעט צו די געזעלשאפט.

[קינות גירושין]

אבי גרעדט, רוב גרושים איז נישט עפעס מיט זיי,
סאך הכל זיי האבען געהאט אסאך self estean וואס די און אנדערע לאזערס האבען נישט און וועלן ענדערשט ליידען אין א field marriage
סאיז נאר דורך אזאלכע ווי דיר, וואס מאכען אזא סטיגמע אויף אונזער ״ שטערקסטע און אויספערביסטע״

[איש אשכולות]

אבי גרעדט, רוב גרושים איז נישט עפעס מיט זיי,
סאך הכל זיי האבען געהאט אסאך self estean וואס די און אנדערע לאזערס האבען נישט און וועלן ענדערשט ליידען אין א field marriage
סאיז נאר דורך אזאלכע ווי דיר, וואס מאכען אזא סטיגמע אויף אונזער ״ שטערקסטע און אויספערביסטע״

למשל אזוי ווי אלע בחורים וואס מען האט ארויסגעווארפן פון ישיבה האבן אויך עפעס אזא self estean וואס זיי קענען פשוט נישט לעבן אין א פעלירהאפטע ישיבה..

[פיש כאפער]

ביודעי ובמכירי, איך האב צוויי גאר נאענטע פריינט וואס זענען גע׳גט. צו זאגן אז ״כמעט יעדע גרוש איז עפעס מיט אים״ איז אפענסיוו (אפילו מען זאגט פארדעם ״איך וויל קיינעם נישט אפענדען״) אפגערעדט אז עס איז א פשוט׳ער ליגנט, און איר האט יא ארויפעגלייגט א נאסע ליילעך אויף צענדליגע, אויב נישט הונדערטער פערפעקטע נארמאלע מענטשן. און ניין, נישט יעדער געזונטער מענטש קען וואוינען מיט any אנדערע געזונטער מענטש. און יא, מען קען יא ענטפערן כמעט יעדער גט, אלעס האט א מעשה.
יעצט צו העלפן א פראבלעם קענסטו זאגן ״לא לדרשה קא אתינא״ אבער צו באוואשן א גאנצער עדה פון אידן און אידענעס האסטו שוין איינמאל א דרשה צו ברענגן.

[איש אשכולות]

איך זיך די אפציע פון א לייק באטאן אין עדווענסט. עס איז דא אזעלכע וואס ביי יעדע שמיעס וואס איז שלא לפי רוחם, ווארטן זיי מיט שפאנונג אויף דער וואס וועט זאגן דאס פארקערטע, און וואלטן אפילו געגעבן א לייק למפרע פאר דער מאן דאמר.. אבי סאיז פארקערט.

לא לאפענסיע באתי, אבער עס איז ליידער א ביטערע פאקט, א מציאות. און דאס זאגן דאס פארקערטע איז נישט אן אטאקע אויף מיינע רייד, ווייל מיר גייט דאס נישט אן. עס איז בלויז א אטאקע אויף די מציאות, און אויך די הרגשה אז דאס איז נישט די מציאות הדברים, ממילא באפרידיגט דאס די געוויסנביסן. איים סארי, דאס איז א פאקט. אסאך אזעלכע פאקטן וואלט איך געוואלט אוועק שטופן מיט יעדן אויסדרוק וואס איז נאר פארהאנען. אבער עס ארבעט נישט, די מציאות איז אסאך שטערקער. יעצט קענסטו ווייטער רעדן.

[איש עברי]

וויפיל מאהל דו וועסט שרייען "ליידער א ביטערע פאקט" וועט עס נישט מאכן פאר א פאקט!
איך וואלט ענדערש געזאגט רוב גרושים זענען עבאוו עווערעדש

[דער (פינטעל) איד]

'עבאוו עוורעדזש' קען גיין צוזאמען מיט 'אביסל קו קו'


.

[געפילטע פיש]

איך וויל נישט דא קיינעם אפענדען, און איך מיין קיינעם נישט, און איך גיי זאגן עפעס באופן כללי, און עס איז אלס דא יוצאים מן הכלל. ״כמעט יעדער גרוש (אדער גרושה, רוב מאל נישט) איז עפעס איז מיט אים״. דאס איז נישט קיין נאסע לאלעך. מען דארף אים נישט אראפ קוקען, ער קען זיין חשוב און טייער, אבער ״יש דברים בגו״. ״יעדער געזונטער מענטש קען לעבן מיט יעדן געזונטער מענטש״. והא ראיה מיליאנען מענטשן האבן טעגליך חתונה מיט א פרעמדן און מען לעבט בשלום ובשלוה. אויב וואלט נישט צוויי פרעמדע נארמאלע מענשטן געקענט לעבן געהעריג, וואלטן געווען א קומץ אנשים פארהייראט. הכלל, יעדער קען לעבן מיט יעדעם, במדה נכונה ובמדה מסויימת. אלס איז פארהאנען אויסנאמס.

הוילע פאנטאזיעס, קענסט פונקט אזוי זאגן אז יעדע יונגעמאן וואס דרייווט א מיני ווען איז "עפעס מיט עם", יעדער האט זיך זיינע משוגעת'ן, און גרושים זענען נישט עקזעמפט. די איינציגסטע חילוק איז אז דעם גרוש'ס פראבלעם ווערט אויסגעפויקט פאר'ן גאנצע שטאט.

די חילוק צווישן אמאל און היינט איז ריזיג, מ'קען אפילו נישט אנהויבן צוצוגלייכן. אמאל איז געווען א גרעסערע סטיגמע, ממילא האבן מענטשען מער געשלונגן, אזויווי מ'קען לייענען די מעשיות פון אמאל פון די מענטשען אפילו גלונגענע זענען געווארן איינגעמיירעט מיט א "אשה רעה", אדער פארקערט, א נארמאלע פרוי איז געווארן אנגעזאלצן מיט די שטאט'ס משוגענער, און מ'האט געשלונגען און געלעבט צוזאמען פאר אפאר סיבות, צו ווייל זיך גט'ן איז געווען אומדערהערט, און ווייל אמאל האט מען מער חתונה געהאט צו מאכן קינדער, און פאר מעמד האדם בקהילה, די גאנצע זאך פון זיך ליב האבן אין א מערידזש איז געווען אוועקגעלייגט פאר יחידי סגולה, די ווייב איז געווען א ביזנעס טראנזאקציע וואס ברענגט קינדער, פאר ליבע איז מעג געגאנגען פאשן אין פרעמדע פעלדער.

סאו זיך בענקען צום אמאל איז נישט אלעמאל גערעכט, אמאל איז נישט געווען בעסער אין דעם געביט ווי היינט.

[איש עברי]

איך זיך די אפציע פון א לייק באטאן אין עדווענסט. עס איז דא אזעלכע וואס ביי יעדע שמיעס וואס איז שלא לפי רוחם, ווארטן זיי מיט שפאנונג אויף דער וואס וועט זאגן דאס פארקערטע, און וואלטן אפילו געגעבן א לייק למפרע פאר דער מאן דאמר.. אבי סאיז פארקערט.

לא לאפענסיע באתי, אבער עס איז ליידער א ביטערע פאקט, א מציאות. און דאס זאגן דאס פארקערטע איז נישט אן אטאקע אויף מיינע רייד, ווייל מיר גייט דאס נישט אן. עס איז בלויז א אטאקע אויף די מציאות, און אויך די הרגשה אז דאס איז נישט די מציאות הדברים, ממילא באפרידיגט דאס די געוויסנביסן. איים סארי, דאס איז א פאקט. אסאך אזעלכע פאקטן וואלט איך געוואלט אוועק שטופן מיט יעדן אויסדרוק וואס איז נאר פארהאנען. אבער עס ארבעט נישט, די מציאות איז אסאך שטערקער. יעצט קענסטו ווייטער רעדן.

איש אשכולות
דו ביזט טיף פארגלייבט אין סטיגמעס, דו גלייבסט מן הסתם אויך אז אלע פאפענע זענען טיפשים, און אז אלע רבי'ס זענען צדיקים, דאס אז גרושים זענען אנדערש ווי אלגעמיינע איז א פשוטע סטיגמע.
דו סטיגמע האט א סיבה צוליב צוויי זאכן
1) ווייל אסאך משוגעים וואס קענען בכלל נישט וואוינען מיט קיין פרויען אבער ביי אונז מאכט מען חתונה אבי ער זאך האבן א טלית מיט א שטריימל און פארשטייט זיך אז סלאזט זיך אויס א בוידעם ונמצא מוציא לעז אויף אלע גרושים
2)קוק מיך נישט אהן ווי א משוגענער איך האלט אז די עיקר סיבה פארוואס מענטשן זוכן צו קירטיקירן און צו לעיבלען א גרוש אלס מאדנע קומט פשוט פון קנאה, יא פון קנאה ווייל בערך 30 פראצענט מענטשן אדער מער האבן אונטערען באוואוסטזיין א רצון זיך צו גט'ן ממילא ווען איינער האט די עצים און ער גט זיך פלאצט ער פאר קנאה און זוכט זיך צו פארענטפערן אז יענער איז מאדנע, פאר די זעלבע סיבה וואס מענטשן האבן ליב אזוי צו זאגן אויף גבירים.


דאס ארויסשארן פון די ארבעל אז סאיז א פאקט א מציאות און אזוי ווייטער איז נישט נאר פאלש און שקר, נאר אויך זייער נישט סענסעטיוו און אויסגעהאלטן, דו ביזט שופך דם טייערע יונגעלייט על לא דבר

[איש עברי]

[tag]קינות גירושין[/tag] ענטפער אים עפעס

[קינות גירושין]

[tag]קינות גירושין[/tag] ענטפער אים עפעס

נישט דא וואס, ער קען נישט קיין פאקטען
ס״ה האט ער אביסעל הויך געגרעבסט
אבער ער איז א שופך דם פאר אסאך גירושים וואס איך ווייס אז זיי זענען דא

[איש עברי]

אגב קינות'ל דיין חתימה איז אויך עפעס משמע אנטי-גרושים

[געפילטע פיש]

דו האסט נישט מיטגעהאלטן די סומאטאכע מיט בדחן, דעס האט ער ארויסגעלייגט צו פארשעמען בדחן.

[גרוש]

פארוואס מוז זיין אז יעדע גרוש איז א פראבלעם?
אויב א נארמאלע מענטש האט חתונה און שפעטער מאכט זיין ווייב אפ אוועק צוגיין מחמת איזה סיבה שיהיה ווערט ער א פראבלעם אדער ער באקומט נישט די נאמען גרוש?
אויב איינעמס ווייב כאפט א נערווען ברעיק 3 יאר נאך די חתונה און ער לאזט איר איבער ווערט ער א פראבלעם אדער ער באקומט נישט די נאמען גרוש?
מצא בה ערות דבר מיינט א משוגענער אדער ער האט נישט די נאמען גרוש?

קאם אן נוץ דיין שכל

[איש אשכולות]

פארוואס מוז זיין אז יעדע גרוש איז א פראבלעם?
אויב א נארמאלע מענטש האט חתונה און שפעטער מאכט זיין ווייב אפ אוועק צוגיין מחמת איזה סיבה שיהיה ווערט ער א פראבלעם אדער ער באקומט נישט די נאמען גרוש?
אויב איינעמס ווייב כאפט א נערווען ברעיק 3 יאר נאך די חתונה און ער לאזט איר איבער ווערט ער א פראבלעם אדער ער באקומט נישט די נאמען גרוש?
מצא בה ערות דבר מיינט א משוגענער אדער ער האט נישט די נאמען גרוש?

קאם אן נוץ דיין שכל

אה! איך האב הנאה, דו האסט עס גוט ארויסגעברענגט, די אלע זאכן פון וואס דו רעדסט הייסן ״אויסנאם״, עס איז נישט קיין נארמאלע ערשיינונוגען. נישט יעדן טאג כאפט מען נערווען בראכ׳ס, און נישט יעדן טאג לאזט די ווייב איבער די מאן. מיר האבן גערעדט ״נישט פון די אויסנאמ׳ס״, פון ערשיינונוגען ווי די מאן איז פארדארבען געווארן, אדער מען האט זיך צוקריגט פאר שטותים והבלים. האסט עס גוט ארויס געברענגט, די זאכן וואס דו האסט דערמאנט זענען נישט אינטער די קאטעגאריע.

[איש אשכולות]

2)קוק מיך נישט אהן ווי א משוגענער איך האלט אז די עיקר סיבה פארוואס מענטשן זוכן צו קירטיקירן און צו לעיבלען א גרוש אלס מאדנע קומט פשוט פון קנאה, יא פון קנאה ווייל בערך 30 פראצענט מענטשן אדער מער האבן אונטערען באוואוסטזיין א רצון זיך צו גט'ן ממילא ווען איינער האט די עצים און ער גט זיך פלאצט ער פאר קנאה און זוכט זיך צו פארענטפערן אז יענער איז מאדנע, פאר די זעלבע סיבה וואס מענטשן האבן ליב אזוי צו זאגן אויף גבירים.

איך האב קיינמאל נישט געוויסט אז אין דמיון איז דא אילוסטראציע!! דמיון האט אויך א גרעניץ, אבער אזוי שטארק עס צו אילוסטרירן? ממש ״א גאונות אין דמיון״! איך וואלט זיך קיינמאל נישט געקענט אויס׳משל׳ן אזא פראזע אז מען ״איז מקנא גירושים״, שיינט פאר מיר ווי א טערי.

קיינער איז נישט שופך דם דא, און קיינער ווערט נישט דא נשפך. אויב איינער שפירט אז עס באדערט אים, איז עס ענדערש א באווייז אז ער ווייסט די ווארהייט בינו לבין עצמו. מען שמיעסט דא אויס פאקטן, זאכן וואס זענען בכלל נישט קיין חידושים, אויב עמיצער הערט דאס אלס אפענסיע האט ער עס מעגליך נישט פארשטאנען, און זאל נאכאמאל איבער ליינען וואס איך האב געשריבן.

[נאר,,פרייליך]

אינטערסאנט אז דא האט עברי שלא במתכוון צוגעטראפען צו א ווערטל פון סאטמאר רב

אין די אנהייב יארען אין אמעריקא ווען מענטשען זענען נאך געווען א יקר המציאות ביים היימישער ציבור איז א גרוש געווען ממש א זעלטנהייט איינע פון די ערשטע גרושים נאכען קריג איז אריין פאר א חיזוק בקשה צום סאטמאר רב, האט אים סאטמאר רב געזאגט איר ברויך ניש זיין געפאלען
ווייל א גרויסער פראצענט קוקט מיט קנאה געפילען.
איך נעם ניש קיין אחריות אויפען ווערטל עס איז בלויז געשריבען געווארען אין איינע פון די אויסגאבעס
ביטע עס ניש איבערגעבן פאר'ן עקרת הבית.

[שמעקעדיג]

מיין עקרת הבית האט געלייענט און זי איז באליידיגט ביז די טיפענישן פון איר נשמה!

(נישט ממש)

[נאר,,פרייליך]

מיין עקרת הבית האט געלייענט און זי איז באליידיגט ביז די טיפענישן פון איר נשמה!

(נישט ממש)

ביי מיר האט פאסירט דאס זעלביגע

דערפאר האב איך מזהיר געווען אז דאס זאל זיך ניש אפשפילען ביי יעדן.