מי כעמך ישראל - כפשוטו

[קל וחומר]

דערציילט מיר א איד דאס פאלגעאנדע:
ער וואוינט אין וויליאמסבורג און ארבעט אין בארא פארק און פארמאגט נישט קיין קאר. געווענליך נעמט ער דעם באס, אבער מאכט זיך אמאל וואס ער ענדיגט ארבעטן שפעט ביינאכט ווען ס'שוין נישט דא קיין באסעס און ער כאפט היטשעס.
ויהי הלילה, ס'איז געווען שפעט ביינאכט (נאך איינסע) און ער האט זיך געשטעלט ביי א היטש פלאץ ווארטן פאר א גוטער איד. ס'האט נישט גענומען לאנג און א איד שטעלט זיך אפ און פרעגט אים אנה תלך, ויאמר וויליאמסבורגה. ויסעו... אנקומענדיג קיין וויליאמסבורג פרעגט אים דער בעל חסד 'וואו נעם איך אייך?', זאגט אים דער איד 'איך וועל אראפגיין ווי אימער איר גייט, די לי אז איר האט מיר גענומען ביז מיין שטאט'. ויען ויאמר לו 'איך וואוין נישט דא אין איך האב נישט קיין דעסטינאציע דא, איך האב מיך אין פאקט שוין געהאט געלייגט אין בעט און נאך א לענגערע צייט וואס כ'האב נישט געקאנט איינשלאפן האב איך מחליט געווען אז איך בין שוין סייווי אויף לאמיר כאטש טוהן עפעס זאכליך, האב איך מיך צוריק אנגעטוהן, אריינגעזעצט אין קאר, און געגאנגן זיכן קונדן און ב"ה אז כ'האב אייך געטראפן און איר האט מיר מזכה געווען! אלזא, לאזט מיר צוענדיגן די מצוה בשלימות און זאגט מיר וואו אהין איך נעם אייך!'.
דער איד האט נישט געקענט צוזיך קומען פונעם עפיזאד און האט אים פארשטייט זיך געגעבן דעם אדרעסס און אנגעווארפן מיט א טוץ פון ברכות!

מי כעמך ישראל גוי אחד בארץ!!!

[berlbalaguleh]

מושב זקנים: דער בראך מיט דיין הילוך המחשבה (איך רעד שוין נישט פון א רעליגיעזן, נאר פון א נאציאנאלן שטאנדפונקט) איז אז דו האלטסט אז גויים בדרך כלל זענען פונקט אזעלכע בעלי חסד, אקטועל און פראצענטועל ווי די אידן. דאס איז שוין סטאטיסקלי אויפגעוויזן צו זיין ראנג. זיכער, זענען פארהאן יחידים וועלכע האבן א הארץ פון שטיין און אנדערע חסרונות. דאס נעמט אבער נישט אוועק דעם פאקט אז אידן אלס גרופ טוען אינסטינקטיוו א סאך מער חסד ווי אנדערע גרופס.
איך ווייס נישט אויב דו האסט געהערט אדער געליינט (אדער ס'אינטרעסירט דיך, בכלל.) איבער דעם פשט פון איינעם פון די גערער רבי'ס וועלכע האבן געלעבט אין די תקופה וואס דער בייליס פראצעס איז געלאפן אין צארישן רוסלאנד. ווען אין פארלויף פונ'ם זומער איז געווען א הפסקה אין די געריכט סעסיעס. און דער אפיציעלער ראביי וועלכער איז געווען א טייל פון די דעפענס טיעם האט געפרעגט דעם גערער רבי פשט אין די גמרא וועלכע דרשנ'ט פון פסוק, ..."אדם"...אתם קרואין אדם, ולא הם קרויים אדם וואס די גלחים האבן פארגעלייגט פאר'ן געריכט אלס עווידענס אז די אידישע רעליגיע האלט די גויים נישט פאר קיין מענטשן. צו וואס דער ראביי האט אויפ'ן פלאץ נישט געהאט קיין ענטפער. ער האט צוגעזאגט פאר'ן געריכט אז נאכ'ן זומער ווען מ'וועט ווידער אנהייבן דעם געריכט פראצעס וועט ער האבן אן ענטפער... האט איהם דער גערע רבי געזאגט דעם פאלגנדן פשט. ער זאלל פרעגן סיי וועלכן גוי, אויב זיין שכן וועט האבן עפעס א פראבלעם אדער א צרה, צו ער וועט איהם העלפן.און אויב א ווייטערדיגער איינוואוינער פון די זעלבע גאס וועט זיין אין א פראבלעם, צו ער וועט איהם העלפן. און אויב אן איינוואוינער פון א ווייטע גאס אין די זעלבע שטאט וועט דארפן הילף, צו ער וועט איהם העלפן. נאכדעם זאלל ער דאס פארגלייכן מיט די אידישע אנשטרענגונגען פאר הילף פון איבער די גאנצע וועלט. דער ראביי האט אזוי געטון. אין דעם ערשטן טאג וואס די געריכט סעסיעס האבן זיך אנגעהויבן, האט ער געבעטן מ'זאלל ברענגן איינעם פון די גוי'אישע איינוואוינערס פון שטאט. און דער ראביי האט איהם געפרעגט, אויב ער וועט ארויסהעלפן זיין שכן ווען יענער דארף הילף...זיכער.. האט יענער געענטפערט. און אויב ס'וועט זיין אן איינוואוינער וועלכער וואוינט אין די זעלבע גאס. נאר א ביסל ווייטער. האט יענער געענטפערט, אז ער איז נישט זיכער. האט איהם דער ראביי ווייטער געפרעגט. אויב אן איינוואוינער פון די זעלבע שטאט וועם דו קענסט נישט פערזענליך וועט דארפן הילף. האט ער געענטפערט...פארוואס זאלל איך העלפן איינעם וועם איך קען נישט...! האט דער ראביי אדרעסירט דעם קאורט און געזאגט...קוקטס דעם דיפערענץ פון א איד ביז א גוי...לאמיר פארגלייכן די הילף וואס אידן איבער די גאנצע וועלט געבן פאר דעם באשולדיגטן, מענדל בייליס. מ'האט געמאכט אפיעלס אין אלע גרויסע שטעט וואו אידן האבן געוואוינט. אין לאנדאן. פאריז ניו יארק...!
דאס איז פשט אין פסוק און די גמרא..האט דער ראביי אויסגעפיהרט...אתם...עטץ אידן, קרויין אדם זענען אזוי ווי איין מענטש. אלע אידן איבער די גאנצע וועלט זענען גרייט צו העלפן א'נאנדער'ן איד וואס זיי קענען אפילו נישט. אבער די גויים טוען דאס נישט...דאס האט פארמאכט דאס מויל פון די מקטריגים...!
איך ווייס אז איך האב גערעדט צו די ווענט. איך בין שוין צו אלט צו דיאגנאזירן און היילן דיין מחלת הנפש...סאו זיי מיר געזונט, ..!

[אייז קריעם]

מושב זקנים: דער בראך מיט דיין הילוך המחשבה (איך רעד שוין נישט פון א רעליגיעזן, נאר פון א נאציאנאלן שטאנדפונקט) איז אז דו האלטסט אז גויים בדרך כלל זענען פונקט אזעלכע בעלי חסד, אקטועל און פראצענטועל ווי די אידן. דאס איז שוין סאטאטיסקלי אויפגעוויזן צו זיין ראנג. זיכער, זענען פארהאן יחידים וועלכע האבן א הארץ פון שטיין און אנדערע חסרונות

מושב זז"ג האט ערגעץ ווי אריינגעביסן אין איינער משלנו וואס האט power, ער ראנט א מוסד אדער סתם א שלעגער.
יענער האט אים חרוב געמאכט דאס לעבן.
מושב האט געטרייט צו באקומען סופפארט פון אנדערע, אבער האט געטאפט א קאלטן וואנט, ווייל יעדער דא האט מורא פון די פאר פאווער האנגרי רשעים וואס ראנען אלעס.
א וודאי וועט דיר יעדער טוישן די רעדל אינמיטן די נאכט, אבער טאמיר רח"ל בייסטו אריין און איינעם מיט פאווער, איז א ניפל בעסער ווי דיר.

[טרויבן88]

,

[[NAMELESS]]

פוי, אן עקל און גרויל צו זען ווי נידעריג קאווע שטיבל האט זיך דערקייקלט די לעצטיגע תקופה.

מיר האבן הפנים זוכה געווען צו א נייע טוץ ניקס וואס חוץ פון אנשמירן אשכולות, שרייבן קינדערישע תגובות, און 'פארשטיין' ווי אומגערעכט מיר זענען - זענען זיי ווערד כקליפת השום.

כ'האב מורא אז מיט דעם גאנג שטייט שוין אייוועלט בעסער, טראץ איר דיקטאטורישע קליינקעפיגע צענזור.

[טרויבן88]

פוי, אן עקל און גרויל צו זען ווי נידעריג קאווע שטיבל האט זיך דערקייקלט די לעצטיגע תקופה.

אויב ביז יעצט האבן מיר געהאט איין משוגענ'ער אלטיטשקער שרירו נוטף מהמושב זקנים, וואס האט געזידט און געשימפט ווי א ריכטיגער מטורף, האבן מיר הפנים זוכה געווען צו א נייע טוץ ניקס וואס חוץ פון אנשמירן אשכולות, שרייבן קינדערישע תגובות, און 'פארשטיין' ווי אומגערעכט מיר זענען - זענען זיי ווערד כקליפת השום.

כ'האב מורא אז מיט דעם גאנג שטייט שוין אייוועלט בעסער, טראץ איר דיקטאטורישע קליינקעפיגע צענזור.

איך זע נישט פארוואס אויב מען דיסקוסירט א נושא נישט ווי עס איז אנגענומען פארוואס דאס איז עקלדיג, אדרבא עס איז פלאץ פאר די וואס האבן די מיינונג עס קלארצישטעלן אקעגן די ספקות וואס זענען אויפגעברענגט געווארן, נישט פאר דעם איז קאוועשטיבל געמאכט?
ממילא זע איך נישט וואס איי וועלט שטייט מיט דעם בעסער, וואס איז די שטאלץ?

[געוואלדיג]

די אשכול איז געווידמעט פאר שיינע אידישע חסד מעשיות נישט פאר דיסקוסיעס.

[berlbalaguleh]

טרויבן88:איך ווייס נישט וואס דו האסט געשריבן. און פארוואס מ'האט דיך געמעקט. נאר איין זאך ווייס איך יא. אז דאס שמאל-קעפיגקייט האט צוויי זייטן פון די מטבע. און איך דאנק דעם הייליגן באשעפער אז איך בין ב"ה נישט געשלאגן מיט קיין איינס פון זיי. איינס איז דאס שמאלקעפיגקייט בנוגע לענייני השיטה הקדושה, וואס די היינטיגע פרעדיגן. איך וויל דא נישט אריינגיין אין קיין דיסקוסיעס און פרטים. נאר אזויפיהל וועל איך יא זאגן , אז זיי פלאפלען נאך וואס זייערע היינטיגע דעמאגאגישע פיהרערס און הוגי דיעות ברעכן ארויס. אן דעם וואס זיי זאללן צו לייגן קאפ און פארשטיין דעם רעאליסטישן, היינטיגן מצב. און די פאזיציע פון דעם אידישן פאלק אין די וועלט. די צווייטע, נעגאטיווע זייט פון דעם שמאלקעפיגקייט דרוקט זיך אויס ביי א גרויסן חלק פון די אידישע, אומוויסנדע באפעלקערונג אין א פארם פון זעלבסט-האס, און השפלה פונ'ם אייגענעם פאלק.
אז א איד (שפיצל או שייטל) קען ביי זיך אין הארצן נישט שפירן און זעהן אז דאס אידישע פאלק, דער טייערע עם הנבחר איז מער, אן שטייט נישט אויפ'ן זעלבן לעוול ווי די אומות העולם (פארשטייצעך, ס'דא אויסנאמען ווי ראול וואלענבערג זיכרונו לברכה) אין טון חסד מיט אנדערע מענטשן, אידן ווי גויים איז א גרויס רחמנות אויף איהם. ער לעבט נישט אין די מציאות. אין רעאליטי נאר מיט אילוזיעס. ווייל דאס גרויסע רחמנות פון די אומה"ע האבן מיר ליידער געשפירט אויף די אייגענע הויט אין פולין,ליטא, אונגארן און אוקריינא. און דייטשלאנד...!

[moshav zekeinim]

.

[[NAMELESS]]

.

[אהרן]

כ'האב מורא אז מיט דעם גאנג שטייט שוין אייוועלט בעסער, טראץ איר דיקטאטורישע קליינקעפיגע צענזור.

אין אייוועלט האסטו נאר די סארט רעטאריק פארשטייט זיך אן די דברי ניאוץ וכדומה אבער די שמועסן גייען אויף יענעם שניט.

איך בין מיט דיר אז מושב איז א חורבן פאר אונזער רואיגע ווינקעל, אבער עס נעמט נישט אוועק די תוכן וואס מיר האבן, פארשטייט דיינע שיעורים פארנעמן דעם אויבנאן, אבער און קיין שום פאל איז ק"ש נישט זייט ביי זייט צו ווערן געמאסטן מיט אייוועלט.

[געוואלדיג]

די אשכול איז געווידמעט פאר שיינע אידישע חסד מעשיות נישט פאר דיסקוסיעס[code][/code]

[berlbalaguleh]

אדנירם: איך געב דיר א לייק אפילו דיין מאמר איז פארמעקט געווארן. ווייל איך בין זיכער אז דו האסט געזאגט גוטע זאכן און דברים של טעם...!

[berlbalaguleh]

רבותיי: נאך די אלע אויבנדערמאנטע היציגע, אויפברויזנדעאון שרעקליכע סטעיטמענטס און וויכוחים וויל איך ברענגען אן אמת'ע מעשה פון חסד וואס אידן טוען נאטורליך מיט א יעדן. אפילו מיט אומות העולם, וועלכע געפונען זיך אין א קלעם אדער עת צרה...
מיט עטליכע יארן צוריק איז אויפ'ן וועג צוריק פון קעמפ איז געשעהן אן עקסידענט מיט איינס פון די באסעס וועלכע האבן געברענגט די קינדער פון די ישיבה וואו איך האב דאמאלס געארבעט. ס'איז ב"ה נישט געווען אן ערנסטער עקסידענט. אבער דאך האט מען גענומען עטליכע קינדער פון דעם קאוטש באס, וועלכער איז געפיהרט געווארן דורך א נישט אידישן דרייווער צום האספיטאל פאר א טשעק-אפ. דעם געשעדיגטן באס האט מען אוועקגעשלעפט. און דער דרייווער איז אויף עפעס אן אופן אנגעקומען צו די אפיס פון אונזער ישיבה. ער איז נישט געווען פון דאהי. נאר פון קענעדע. ווארטנדיג אויף אינסטראקשנס פון זיין קאמפאני איז ער געזיצן אין אונזער אפיס. ער איז אבער געווען זייער שטארק צושאקלט פון דעם עקסידענט. און ר'האט זיך נישט געקענט בארואיגן. האט דער אפיס מענעדזשער, א היימישער איד, געטון אלעס אויף די וועלט איהם צו בארואיגן. ער האט איהם געברענגט א קאפי, און ר'האט איהם בארואיגט אז דער עקסידענט איז נישט געווען זיין שולד. ער האט ממש געוויינט. כאטש די עקסידענט איז טאקע נישט געווען זיין דירעקטע שולד, האט ער אבער עובר געווען אויפ'ן געזעץ אז א באס טאר נישט פארן אין די לינקע לעין. ווייל פארנדיג האט א טרעילער אריינגעקראכט אין זיין באס. און ס'איז געווען א סכנה אז דער באס זאלל ח"ו אראפפליען פונ'ם הייוועי צו די אונטערשטע גאס...! אבער אין אפיס האט מען געטון אלעס כדי איהם צו בארואיגן...!

[יהושע חיים]

[moshav zekeinim]

.

[שמעקעדיג]

האלא? קען מען סטאפן די hate דא?
פונקט אין די מי כעמך ישראל אשכול...

[סימפל]

די ארגענעזאציע 'בלב אחד' פון ארץ ישראל האט ארויסגעגעבן א רירענדע קליפ לכבוד זייער דינער אין בארא פארק. דריי מינוט אריין אין די קליפ האט מיר די מערסטע באנומען.
מי כעמך ישראל!

[youtube]http://www.youtube.com/watch?v=2QTSSHxqTnw[/youtube]

[moshav zekeinim]

.

[שמעקעדיג]

פארוואס ביסטו מעתיק די דברות קודש של רבינו בעידן ריתחא? מיט דעם גיסטו אויל אויפן פייער, און די hate איז חוזר וניעור!

דער אשכול איז מיוחד צו רעדן בשבחן של ישראל, נישט דער היפוך. און געדענקט אז דער פלאץ איז א "רואיג ווינקל" עד כי יבא שילה בב"א..

[moshav zekeinim]

געמעקט געווארן דורך געוואלדיג.

[berlbalaguleh]

שמעקעדיג: ער (מושב זקנים) דארף אויפמאכן אנ'נאדער אשכול ווי ער קען משבח זיין די מידות טובות פון די גויים און ארויסברענגען דעם גנות פון די אידן. אה. ס'שוין דא אזא אשכול...מי כעמך הגויים...דארט וועל איך אויכעט האבן עפעס צו זאגן. איך האב א שטיקל ליסט ווי איך וועלל אויסרעכענען דאס גוטסקייט פון די בני עשיו ובני ישמעאל א ס'וועט גיין אז רויעך און דער מושב וועט זיך קענען מחיה זיין. אבער פארוואס האקט ער א טשייניק אין דעם שיינעם אשכול, וואו מ'קומט משבח זיין דאס הייליגע און טייערע אידישע פאלק. אויב ער זעהט דעם מצב אנדערש, זאלל ער שרייבן דארט כאות נפשו הט'---. וואס קומט ער דא מיט האס און אטאקירט אנדערע ניקס...ויהי לפלא...

[החוקר]

Wow!!!
שוין באלד זיבן יאר! וואס קיינער האט נישט געלייגט א "מי כעמך ישראל" מעשה.

איז לעצטנס ארומגעפארן אויף סאציאלע מידיע א מעשה ווי א איד האט געבארגט זיין לעקסוס פאר א ווילד פרעמדן איבער דעם יו"ט שבועות.

חזקי ברעכער איז געווען אויפן וועג צו ראלי האטעל פאר יו"ט ווען פאליציי האט אים אפגעשטעלט. פאליציי האט אים אינפאמירט אז זיין רעגיסטראציע איז סוספענדירט און זיי נעמען אוועק זיין קאר. ער האט זיך פרובירט איינבעטן אבער עס איז געפאלן אויף טויבע אויערן. אזוי איז ער געבליבן מיט זיין ווייב און קינדער מיט אלע פעקלעך אויף די גאס ואין מושיע.

ער האט פרובירט רופן אן אבער, למעשה האט ער נישט מצליח געווען. אזוי איז ער געשטאנען אויף די גאס פארלוירן, אובד עצות. ער האט פרובירט אהער, פרובירט אהין למעשה האט זיך גארנישט איינגעגעבן.

נאדר בולאור, א ספרדיש אידל איז געווען אויפן וועג אהיים פון ארבייט ווען ער איז דורכגעפארן און געזען די סיטואציע. ער האט קודם געקלערט אז עס איז שוין גאר שפעט און ער קען זיך נישט ערלויבן צו זיך אפשטעלן, למעשה האט ער באשלאסן אז ער וועט זיך יא אפשטעלן זען וואס ער קען העלפן.

הערנדיג די מעשה און אז זיי זענען אויפן וועג צו ראלי, האט ער פארשטאנען אז די איינציגסטע וועג אז זיי זאלן נאך קענען אנקומען אויף יו"ט איז אויב זיי לאזן זיך שוין ארויס. אבער ממש שוין.

נאדר האט געזאגט פאר חזקי, נעם מיין קאר און פאר! קח ולך. נישט האבנדיג דאס מינדסטע אהנונג ווער דער מענטש איז, חוץ אז ער מיין אידישער ברודער.

#מי _כעמך_ישראל

https://vinnews.com/2023/06/11/vin-excl ... -stranger/