קאווע שטיבל

קאווע טרינקער האט געשריבן:קיינמאל.
כ'האב אריין געלייגט אין גוגל "שבת פייפער", די 7בעטע ענטפער (רמז לשבת) איז געווען א לינק אהין.

יעצט גייסטו פרעגן וויפיל מאל מיין רבי האט געזאגט אז מ'טאר נישט גיין אויף גוגל ?...

זר זהב האט געשריבן:פון וואו קומט די אויסדרוק אחד מעיר ושנים ממשפחה. און לכאורה וואלט מען געדארפט זאגן אחד ממשפחה ושנים מעיר, ניין? א שטאט איז גרעסער פון איין משפחה.

קאווע טרינקער האט געשריבן:ווער איז דער עלטערע איד, א בן שישים בערך, וואס כ'האב היינט פארטאגס געזעהן אין די וויליאמסבורגע גאסן ארום פירן א בייק?

moti107 האט געשריבן:כ׳האב די זעלבע שאלה ביים שמע ישראל פארן ליינען אטו ב׳ רשיעות איכא?

יואב האט געשריבן:אזוי ווי איר הערט (ליינט?).
35 בלעטער האב איך געמוזט יעצט אדורך נישטערן, בכדי די יעניגע וואס כ'וועל נישט פורש בשמם זיין, זאלן נישט אויפטאנצן באלד ווי א פראש און זאגן (שרייבן ?) העי! מ'האט שוין גערעדט דערפון "דא" (שמעקעדיג סטייל). אדער, וואס איז דאס אנדערש פון "דא" (הרוצה בעילום שמו סטייל). אדער, כ'זעה מ'מאכט שוין חזרה. (יידל סטייל). אדער, ערגעץ דא האט מען שוין ארומגערעדט (יאנקל סטייל ועוד). אדער, יואב טייערע, טאנץ אפ פון דא (גאנגאם סטייל).

איז אזוי. ס'ברייט איינגעפירט צוווישן אלע חסידישע קרייזן, ווען מ'טוהט עפעס מ'האט נישט ג'טארט, געמעגט, געוואלט, ארויסשלעפן פון צווישן די דינע רויטע פליישלעך אונטערן נאז, דאן "ק-ל-א-פ-ט" מען אויפן מויל. ביי די מער יונגערע גייט דאס צו מער אגרעסיוו, און מ'קלאפט אריין עטליכע שטיק שנעלער ווי די ספיד אויף לייט. (טאמבל סאס, פליז פרעג מיר נישט אפ יעצט מיט א יוטוב קליפ). ערוואקסענע באגניגן זיך מיט איינס, און די מער קילע גיבן אזא לייכטע, כמעט אומזעהבארע קלאפ(עלע). (ווען קיינער זעהט נישט טוהן זיי תשובה, און שמייסן אריין אזאנע ברוטאלע, אזש זיי קריגן א לחי זקוף למהדרין).
אין פאל איר פארשטייט נישט אליינס צו קלאפן, דאן וועלן די ארומיגע אויסברעכן ווי אין א כאאר; נאאאא! קלאפ אויפן מויל, מ'רעדט נישט אזוי.

דער קשיא ווערט נאך שווערער, ווען מ'זעהט אט די חברה ווערן פשוט באפרידיגט דערמיט. ווי מ'זאגט, האסטעך טאקע פארעדט, אבער יש תקווה. (קרעדיט: בעני פרידמאן).

וואס איז פשט דערפון, און צו האט דאס א מקור.

בדרך אפשר יש לישב, כלפי די מחלוקת צו אתי דיבור ומבטל דיבור, וויל מען מחמיר זיין.
מילא דאס האלט דאך יעדער אז מעשה מוציא מיד דיבור, מילא קנאקט מען מיטן האנט.

אז מ'רעדט (שרייבט ?) שוין, וואס איז פשט/מקור פון "חס ושלום" ?
אין מאמע לשון ווערט דאס איבערגעטייטש אלס "(פאר) שוין און פרידן".
(אריין אין פשט און אויסדריקן אשכול).