אלטע חסידישע פאליטיק

[big joe]

די בעש''ט האט זיך זיכער נישט געפירט ווי די רוזינע, אבער אין רוזין האט מען געהאלטן אז עס האט גענומען א רוזינע צו מוציא זיין מכוח אל הפועל די תורת הבעש''ט.

לגבי "רוזינע רביס" אויב איז נאך דא אזא מושג (לכוראה נישט), איז עס נאר אין סאדיגורא (צאנז'ע דרך איז שוין זיכער נישטא)

[לעיקוואד]

גראדע דוד אסף טענה'ט אז ער האט נישט געשריבן די בריוו, ער איז פשוט דארט געווען ווען מהאט געמאכט די נוסח.
אבער אין רוזין האט מען גאר שטארק געהאלטן פון אים, עד היום הזה. ווען דו וואלסט אריין צו די סאדיגורא'ס טיש אדער צום קאמפישניצער אדער בוהוש, וואלסטו כסדר געהערט זיין נאמען דערמאנט.\

נו.., אסף גלייבט נישט אז ער האט געשריבען דער בריעף הידוע וויבאלד אז אפילו אלץ אפיקורס גלייבט ער נישט אז ער האט געהאט גענוג ידיעות און הבנה צו קענען שרייבען דער בריעף.. נישט ווייל די גאנצע מעשה איז להד"ם.. אבער דאס איז זיכער אז ער איז נישט 'פשוט געווען דארט' ווען מ'האט דאס געשריבען, כאילו בטעות האט ער דארט באזוכט יענער טאג. עס איז געשריבען געווארען צו מבטא זיין דער דיסעפוינטמענט זיינע מיט חסידיזם וכו'.

איך ווייס אז אין רוזשין דערמאנט מען עם אויך היינט, אבער וויבאלד אז אויך זיי זענען נישט מכחיש אז ער איז אראפ פון וועג, עכ"פ למראה עיניים, און זיי זענען נישט מכחיש די גאנצע מעשה, איז דאס נישט רעלעווענט לגבי די וויכוח. און מאכט זיי נאר אויסקוקען זייער פאני.

[DotCom]

מענין לענין, אויף יוטוב איז דא א ווידעאו פון כלומר'שט לעצטע טיש פונעם ליעווער, אבער אין די קאמענטס דארט ווארפט מען עס אפ אלס אומאויטענטיש.

[youtube]http://www.youtube.com/watch?v=53Uoc8FBwtk[/youtube]

[נהורא נפישא]

דאס איז פונעם פילם דער דיבוק פון אנאסקי

[big joe]

אויב וויל מען זעהן וויאזוי ס'האט אויסגעזען קידוש ביי א אמאליגע רבי, דארף מען טאקע קוקן אויף "דער דיבוק". די אקטערס האבן געזעהן די אמאליגע, און פראבירט נאכצומאכן.

[big joe]

איך ווייס אז אין רוזשין דערמאנט מען עם אויך היינט, אבער וויבאלד אז אויך זיי זענען נישט מכחיש אז ער איז אראפ פון וועג, עכ"פ למראה עיניים, און זיי זענען נישט מכחיש די גאנצע מעשה, איז דאס נישט רעלעווענט לגבי די וויכוח. און מאכט זיי נאר אויסקוקען זייער פאני.

די ברייטע אין רוזין האלטן אז ער האט געכאפט א נערווען בראך (כעין קאצק), אבער צאנזער רב'ס שנאה צום רוזינע דרך (רחבות) האט אים געמאכט ווילד אויף די ענין.
און פארשטייט זיך אז די הויז מענטשען האבן אנגעהייצט צאנזער רב מיט אסאך מעשיות.

[רויטע וואנצעס]

א בילד פון ליעווער צדיק.

[איחוד פעלד]

און דער שייגעץ האט זיך.אזוי געלאזט פאטאגריפירען?

[קאווע טרינקער]

און לגבי באיאן, זיין פאטער האט געזאגט "כ'האב צוויי קינדער וואס פליען אין הימל, כ'מיין די עלטערע וועט אנקומען ערשט..."

די רבי'ס עלטערע ברודער ארבייט פאר NASA

כ'מיין אז די הקדמה אויף זיין ספר, אויף מהר"ל, שרייבט די טאטע, אז זיין עלטסטע זוהן איז עוסק בשבילין דרקיע.. אדער אן ענדליך לשון

[דולה ומשקה]

איך האב געהערט פון גאר אלטע רוזינע חסידים אז די ליאובה'ס ספרים זענען די העכסטע תורות זייט די רוזינע
וכן שמעתי מהסאדיגורא רבי ז''ל

פון דער לויאב'ער איז דא בלויז א קליין ספר'ל וואס קארליבאך האט מלקט געוועהן בשם "דובר מישרים", די תורות זענען אולי שיינע טייטשען אבער גארנישט ספעציעל. יתכן - אויב דאס זאל זיי אמת - איז די כוונה געוועהן אויף די תורות וואס ער האט געזאגט בשנים כתקינם.

שוין העכסטע צייט צו טוישן דעם קעפל צו "מחלוקות צאנז רוזין".
למעשה האט אפילו נישט דער לוחם מלחמת ה' רבי יהושע רוקח אב"ד בעלזא זיך צוגעשטעלט צום צאנז'ער רב, זיין שטיל שווייגענישט איז געוועהן א שטילע הסכמה לטובת סאדיגורא.

[big joe]

[center]מחלוקת ר׳ שלום דובער שניאורסון זצ״ל (רש״ב) מיט ר׳ חיים אברהם דובער הכהן לוין זצ״ל (מלאך)
[/center]

אין ליובאוויטש איז געווען א נגיד, ר׳ מנחם מאניש מוניסזון און ער האט געברענגט א מלמד פאר זיין זון א גרויסע תלמיד חכם, ר׳ אברהם דובער לוין. אין ליובאוויטש איז ער געווארן זייער נאנט מיטן רבי רש״ב, אויף אזוי ווייט אז די רש״ב האט אים געמאכט א משפיע אין ישיבה און אים געבעטן צו לערנען מיט זיין זון ר׳ יוסף יצחק... עד כאן לית מאן דפליג

[center]שיטת המלאכים[/center]די רבי ריי״צ איז געווארן זייער נאנט מיטן מלאך, און זיך זייער אסאך דורך גערעדט מיט אים. אין תרס״ב ווען די ריי״צ איז געווען צוואנציג יאר אלט און געפירט תומכי תמימים שוין די פערטע יאר, איז די רש״ב געפארן צו ׳וואריסהאפן׳ פאר רפואה צוועקן, און ער האט געהייסן זיין זון מאכן א התוועדות אין ישיבה לכבוד י״ט כסליו, ר״ה לחסידות. דעמאלטס איז די מלאך פונקט אריינגעקומען אינעם הויז פונעם ריי״צ און געטראפן ספרי חיצונים האט ער מבטל געווען די התוועדות. ווען די רש״ב איז אהיים געקומען האט די מלאך אים פארציילט וועגן די ביכער האט די רש״ב אים ארויסגעווארפן.


[center]שיטת חב״ד
[/center]די מלאך האט זיך אריינגעשטופט אין ישיבה ווייל ער האט געוואלט ארויסשטופן די רבי רש״ב און איבערנעמען די ראביסטיווע. ער האט גערעדט קעגן שיטת חב״ד און געזאגט אז ס׳נישטא קיין חידושים אין חסידות. און ער האט פראבירט צו ווערן א רבי דורך מאכן א פילוג, ער האט געהייסן זיינע חברה אין ישיבה נישט זיך צו חבר׳ן מיט אנדער חסידים, מאכן התבודדות אין זיי געשטופט צו מרה שחורה. ווען ער האט געזעהן אז ס׳גייט אים נישט האט ער געמאכט א בילבול אויפן ריי״צ, אז ער ליינט ספרי השכלה. און נאך א חקירה ודרישה ווען עס איז געווען ברור כשמש לכל אז ס׳נישט אמת, האט מען אים ארויס געווארפן פון שטאט באבל וחפוי ראש...






כ׳האב געפרעגט אמאל ר׳ יודל חיטריק ז״ל (א חבד׳סקע איד וואס האט געלעבט ביז 105) פארוואס ער האט זוכה געווען אויפ אזא אריכות ימים? האט ער מיר געזאגט אז ער האלט עס איז א שכר פאר זיין די לעצטע בחור וואס האט זוכה געווען צו ווארפן א שטיין אויפ די מלאך׳ס וואגען, ווען מ׳האט אים פאטריבען... (ער האט געהאט נאך אסאך נערישע שמוץ אויפן מלאך, אבער ער איז געווען א תמימות'דיגע בחור דעמאלטס אין געגלייבט אלעס וואס מ'האט פארקויפט אויפן מלאך.)



און דא איז א חלק פון ר׳ יואל כהן'ס בריעוו בנוגע די מלאכים היינט

"אברהם דער איילער (לוין) הנזכר בקונטרס "ומעין" בשם 'אד"ל דק"ן' אחרי שהלך מליובאוויטש, הי' לו נפילה גדולה, ומעט זמן הי' שיכור, ואח"כ נסע לאמריקה "בלוף מדינה", ואמר שהוא מקובל ועוסק בעניני קבלה, והוא איש אלוקי, הלך בבגדים לבנים וקראו אותו בשם "דער מלאך", הרי הי' משכיל בדא"ח כפי שאומרים, והי' אומר דא"ח בטוב, והצליח ללכוד תחתו כחמשה מנינים איש שהאמינו בו ואומרים שהוא ממלא מקומו של אדמו"ר הצ"צ נ"ע. 

המלאכים (כה קוראים פה לחסידי המלאך) האלטן ניט מנשיאי חב"ד, רק עד אדמו"ר הצ"צ נ"ע, כי אומרים שהוא (המלאך) הי' ממלא מקומו, ומכ"ק אדמו"ר מהר"ש האלטן זיי ניט, בכ"ז אין מנגדים אליו, משא"כ לכ"ק אדמו"ר הרש"ב נ"ע וכ"ק אדמו"ר זי"ע – יש להם שנאה. יש להם תלמודי תורה וקונים ספרי לימוד עבור ילדיהם מספרי המל"ח, הם קורעים השער בלאט מהספר, כי נזכר שם שם המל"ח תחת נשיאותו של כ"ק אדמו"ר. 

בשנים אחרי שהתפשטו הפעולות של כ"ק אדמו"ר באמריקה, אעפ"כ הם מחזיקים עדיין בשטותם (כי רבם המלאך הכניס בהם ארס נגד ליובאוויטש), אבל לנגד בגלוי אינם יכולים, רק זה מחלוקת ישנה. 

בש"פ תולדות הלכתי אליהם לחזור דא"ח, כי הי' מעניין לי וואס איז דאס פארא סארט נפשות, וגם שמעתי שכ"ק שליט"א אמר כמה חדשים מקודם לא' האברכים הגר בסביבת ביהכ"נ של המלאכים: אז מען דארף זיי מקרב זיין, ס'איז פאראן צווישן זיי טייערע יונגע לייט, נאר זיי בלאנדזען. ועל סמך זה הלכתי לחזור שם דא"ח. זה לא היה לי כ"כ בנקל אבל מ"מ נתנו לי רשות לחזור. 

בכלל איני יודע מה זה "מלאכים", אבל אחת אפשר לומר עליהם בבירור, אז קיין מענטשן זיינען זיי זיכער ניט, הם הולכים כולם עם פיאות ארוכות מען ווארפט זיך אין דאווענען, באמרם שכן היו עושים חסידי רבינו הזקן, ועוד עניני פראות. סך הכל הייתי שם רק שעה וחצי, במילא לא אוכל לתאר היטב, אך את הרעל נגד ליובאוויטש אפשר להכיר ברגע הראשון. 

בכל שבת חוזר מישהו דא"ח, סדר החזרה: לוקח תניא, לקו"ת, או ספר מאדמו"ר האמצעי, או הצ"צ, ופותח את הספר ואומר בפנים, רק שהוא אומר זה באידיש, והחוזר מתחיל שאקלען זיך בהתלהבות עצומה, ופאותיו הארוכים שליידערן זיך ארום, ואינו יודע חצי תיבה ממה שהוא מדבר, אבל הוא אומר בקול ובחיות, לא חיות פנימי כ"א פשוט בצעקה גדולה, שלזה הם קוראים חיות. ובהרבה ענינים הם דומים להקנאים שבירושלים. אחרי שהחוזר שלהם גמר לחזור – חזרתי אני. 

מ"מ יש ביניהם גם מתונים, בעלי שכל, שגם הם מאמינים לכל מה שאמר להם המלאך, מ"מ להיותם בעלי שכל רוצים הם לשמוע לפעמים איזה הסבר בדא"ח, ומעיינים בגניבה בכתבי רבותינו הק', עד כדי כך שכשהייתי שם הכרתי כמה אנשים שראיתי שם בביהמד"ר של כ"ק אדמו"ר שליט"א שהם טייערער יונגעלייט, כן ראיתי באחדים שהתענינו והקשיבו היטב את המאמר שחזרתי.. זה הי' הביקור שלי אצלם. 

אח"כ סיפר לי א' שגם הוא ביקר אצלם, הוא אמנם לא חזר דא"ח אבל הוא ניגן שם כמה ניגונים, כי הם אין יודעים ניגונים. ואחרי תפלת ערבית הציע לו א' לתת לו כסף לנסוע והלך אתו לביתו וישב אתו כמה שעות, העיקר שסיפר לי הנ"ל בעצמו, שכמה מהם זה כבר משך זמן שאין להם מנוחה. הם היו כמה פעמים בזמן אמירת הדא"ח שכ"ק שליט"א אומר (כמובן בהחבא כי אינם רוצים שידעו מזה חבריהם) ואינם יכולים להחליט, כי אין רואים שום רע בכ"ק שליט"א, ואדרבה רואים הפעולות בליובאוויטש בכל אמריקה, ולאידך גיסא אינם יכולים להחליט שרבם המלאך טעה, כי צדיק ומלאך כזה אינו שייך לטעות..."

[big joe]

טייל טענה'ן אז די מלאך האט טאקע געטראפן השכלה ביכער ביי די רבי ריי''צ, אבער עס איז נישט געווען זיינס. סהאט באלאנגט פאר די מיידילעך און שטוב אין נישט פארן ריי''צ.

[על המחיה]

דא האט איר אביסל אינפארמאציע איבער דעם בריעף פון רבי יואל כַהַן

פאר נאך מעהר, געט א קיק דא

[דולה ומשקה]

דער וואס האט געקענט די ריי"ץ, ווייסט אז דער גאנצע ענין פון משכילישע ספרים אין א אויפגעבלאזענע איי, היות ער האט געזאמעלט יעדער אייניצגער געדריקטע ספר/בוך וואס ער האט נאר געקענט לייגן זיין האנט דערויף, ולא עוד ער האט זיך געלאזט קאסטן שווערע טויזענטערס, שוין אלץ יונגערמאן האט ער געהאט א פריוואטע זאמלונג פון איבער טויזענט ספרים, וואס בימים ההם איז דאס געוועהן א געוואלגיגע חידוש, אין די כרכי אגרות קודש זענען פארהאן הונדרעט בריעוון (נאך איידער ער איז געקומען קיין אמעריקא) ווי ער שרייבט צו מחברים אין סיי ווער מ'זאל שיקן זייערע ספרים, אדער טוישן אין אויב נישט וועט ער צאלן, די סארט בריעוון האט ער געשיקט לכל קצוי תבל בארבע פינות הארץ. ער האט אויך אפגעקויפט צוויי לייברעריס. קומענדיק קיין אמעריקא בשנת תש"א האט שוין געהאט א זאמלונג פון איבער 700 קאלענדערס (לוח), אין איבער 200 הוצאות פון מחזורים.
אין אז עס אינטרעגעקומען צו באקומען סעקיולער ביכער האט ער זיך נישט צוריקגעהאלטן פון זיי אויך נישט.

אונז אלע זענען נהנה אויף א געוויסע אופן פון זיין זאמלונג פון ספרים אויף וואס ער האט זיך געלאזט קאסטן דמים תרי משמע, היברו בוקס יוכיח, וכן עוד ועוד.

[big joe]

ווער זענען געווען די רבי ריי''צ שוועסטער?
(כ'קען גארנישט טרעפן אויפ זיי, און טייל לייגן ארויף דאס שולד פון די ביכער אויף זיי)

[זר זהב]

כבין נישט קיין היסטאריקער אין חסידישע פאליטיק האב איך זיך געריבן דאס אויג צי איך ליין גוט. אזוי אומשולדיג אין א לענגערע ארטיקל אין צייטונג פ' כי תצא א אינטערוויו מיט ר' שמואל גלייטמאן ז"ל א ראדאמסקער חסיד. איז דארט דא א קליינער צייטנג'ס אויסשניט (וואס ווען נישט פאר ליידיגיין וואלט איך עס זיכער פארפאסט) פון א באריכט אין א פרייער צייטונג איבער מונקאטשער רב'ס באזוך אין סאסנאווצע (וואו ראדאמסקער רבי ר' שלמה חנוך הכהן ראבינאוויטש זצ"ל הי"ד האט געוואוינט נאך די ערשטע וועלט מלחמה)

ס'ליינט זיך אזוי, ווערבעטים:

[center]"דער מונקאטשער רבי אין סאסנאוויעץ
ער שעלט דעם גערער רבי און רופט ארויס געשלעגן צווישן חסידים
סאסנאוויץ, 7 (טעלעפאניש)
אין ראדאמסקער הויף איז פארגעקומען א גרויסע חסידישע שמחה: עס איז פארגעקומען דער ברית פון ראדאמסקער רבי'ס אנ'איינקעל, צו דער שמחה זענען געקומען א פאר טויזענד חסידים פון פוילען און פון אויסלאנד.
עס איז אויך געקומען דער מונקאטשער רבי מיט א סוויטע פון עטליכע צעהנדליג חסידים.
דער מונקאטשער האט אויך מזכה געווען מיט א וויזיט סאסנאוויץ, וואו ער האט נעכטן געפיהרט טיש און געזאגט תורה
ביי דער געלעגענהייט האט דער צדיק זיך אנגערעכענט מיט דער ''אגודה'' און אנגערופען דעם גערער רבי נישט אנדערש ווי: כופר. -- בעת'ן ''תורה זאגן'' האט דער מונקאטשער אויך נישט פארנעמען דעם אגודה פירער ר' אטשע מאיר לעווין, וועלכען ער האט ''געקרוינט'' אלס עוכר-ישראל און אים געשאלטן מיט טויטע קללות.

דערוויסענדיג זיך פון דעם מונקאטשער'ס נייעסטע תורות, האבן די גערער חסידים איינגעארדענט א דעמאנסטראציע און שארף פראטעסטירט געגען די קללות און זלזולים אויפן אדרעס פון די אגודה פירער, וואס זענען געווארפן געווארן דורכ'ן ''הייליגן צדיק'' פון מונקאטש. די ראדאמסקע חסידים זענען אויך נישט געבליבן קיין בעלי חובות און האבן זיך אנגענועמן די קושיוודע (?) פון זייער רבינ'ס גאסט. עס איז געקומען צו געגענזייטיגע געשלעגען , וועלכער זענען ליקווידירט געווארן דורן די פאליציי

דערווייל האט מען ביי מונקאטשער צדיק ארויסגע'גנב'עט פון קעשענע א טייערען גאלדענעם זייגער. דער רבי האט אפילו בעשטימט א בעהלוינונג פון 1500 זלאטעס פאר אויסגעפינען די גניבה, אבער דערוויל איז נאך דעם זייגער נישט געלונגען צו געפינען."[/center]

איך בין זיכער אז דער רעדאקטאר פון ''די צייטונג'' האט דאס נישט אפגעליינט פאר'ן אריינשטעלן... דאס איז דאך אזוי דזשוסי.. וואס איז דארט פארגעגאנגען? יענער צייטונג קוקט דאך אויס ווי שאלזאהן'ס זיידע. לאמיר הערן פון די אלעס-ווייסער איבער וואס דארט איז פארגעקומען. איז מונקאטשער רב אויך געווען א קנאי?

בין איך איין מונקאטשער?

[על המחיה]

http://www.ivelt.com/forum/viewtopic.php?p=544483&sid=7a3f7941beb40204ffb055507e4c3e59#p544483

[berlbalaguleh]

זייער שיין ר זשאו. איר פארפעלט א וויכטיק דעטאל. עס הייסט אז יענעם פרייטאג נאכט שבת בראשית איז דער קאצקער רבי אריינגעקומען צום טיש און געהאט א אויסברוך. יש אומרים ער האט אויסגעלאשן די ליכט און געשריגן לית דין ולית דיין. דערויף איז געשען די מרידה און דער קאצקער איז אריין אין התבודדת פאר צוואנציק יאר.

שוין געווען דא א שמועס איבער דעם אויב איינער קען אפירזוכן.

איך האב עס געליינט פון א מתנגדי'ן/משכיליש'ן מקור. ביי חסידים לייקנט מען אפ בכל תוקף. אבער, אביעקטיוו גערעדט. לויט די התנהות פון ר' מנדלי מ'קאצק איז משמע אז ס'איז יא געשהן און ער האט ל"ע געכאפט א נערוון אטאקע... דער חילוק פון אמאל ביז היינט איז, אז אויב היינט פיהלט א רבי אז ער האט קאמפעטישן, שיקט מען עטליכע פון די געטרייע חסידים מ'זאל שניידן טייערס און אויסברעכן שויבן...!

[berlbalaguleh]

100 יאר ארים וועט מען רעדען פון די גרויסע מחלוקת צווישען די הייליגע סאטמארע רבי׳ס און די איינעקלעך פון דעת בעל הבית וועלען מורא האבען צו רעדען פון דעם..

ווער קען פארשטיין צו די מחלוקת לשם שמים..

מע וועט נאך שרייבען אין די צייטונגען פון יענע צייטען אז די רבי׳ס אליינס האבען זיך זייער ליעב געהאט אבער א פאר חסידים האבען זעכער געמאכט אז זיי זאלען זיך קיין מאל נישט טרעפען..

די צייטונגען פון 100 יאר ארום וועלן זיין טאבלעט'ס אויף איי-פאונ'ס וואס א יעדער וועט ארומטראגן אין טאש. מ'וועט קענען דאונלאודן די דברי תורה ומוסר וקנאות אויף די פ' השבוע מיט א לייוו ווידיא פון כ"ק מרן אדמו"ר שליט"א...!

[berlbalaguleh]

אגב ,אין באבאב זעגט מען נישט ארויס אז מען געלייגט דעם הייליגן רב אין 'חרם' נאר מען זאגט אין 'ח'.

אויף דעים איז דא א באקאנט ווערטל. מ'האט איינעם געסטראשעט אז מ'עט עים אריינלייגן אין "ח". האט ער געזאגט. "דו קענסט מיך אריילייגן אין ח'. אפילו אין ט'. נאר נישט אין יוד...!

[berlbalaguleh]

די תורות זיינע זענען קיים, קענסט אריינבליקען און אליינס מחליט זיין צו עס איז בעסער פון די ברודערס זיינע אדער נישט.

בכל אופן איז נישט פון דעם איז די רעדע. קען זיין ער האט געזאגט מורא'דיגע תורות און איז געווען א בעל כשרון עצום. און עס איז טאקע דא פון עם עטליכע שיינע ווערטער. דאס איז אבער נישט סותר דאס וואס איז געשעהן שפעטער. איינס איז נישט סותר דער אנדערע. אפילו ווען עס וואלט געווען אין די זעלבע תקופה כל שכן אז די אלע תורות זענען פון פריער. אבער זיך מתייחס זיין צו עם ווי א קדוש וטהור נאך דאס וואס ער האט געטוהן איז אביסעלע פאני.

און דאס קומט ניאך פון א ליטוואק...

[berlbalaguleh]

א בילד פון ליעווער צדיק.

דאס איז וען ער איז געווען אין העיליגן מצב, אדער אין אפגעפארענעם, אפיקורס'ישן מצב?...!

[berlbalaguleh]

און דער שייגעץ האט זיך.אזוי געלאזט פאטאגריפירען?

ער איז געוועין פושט צורה ולובש צורה. עכ"פ אזוי האבן די פארגלייבטע קעלבלעך בשעתו געזאגט אויף איהם...