קאווע שטיבל

נשלח: **מיטוואך מאי 30, 2012 10:40 pm**

אויך א רעזולטאט פונעם אסיפה, ער זעט אויס צו זיין אנגעהעצט...

נשלח: **מיטוואך מאי 30, 2012 11:01 pm**

מנהל אין סאטמאר מהר"א איז בודק סעלפאון פון א מלמד, כפי תקנת האדמו"ר אז כלי קודש קענען האבן נאר 100% כשר'ע פאונס

נשלח: **מיטוואך מאי 30, 2012 11:15 pm**

אבי גערעדט האט געשריבן:אויך א רעזולטאט פונעם אסיפה, ער זעט אויס צו זיין אנגעהעצט...

דאס איז ביי ר' אברהם שור אין בית מדרש!!

נשלח: **מיטוואך מאי 30, 2012 11:43 pm**

אבי גערעדט האט געשריבן:מנהל אין סאטמאר מהר"א איז בודק סעלפאון פון א מלמד, כפי תקנת האדמו"ר אז כלי קודש קענען האבן נאר 100% כשר'ע פאונס

כהיום דארף מען נישט קיין דעגרי פאר מען ווערט אויפגענומען אלץ מנהל, צו קענען דערגיין א פאון, אמער די מנהל האט עס אויך איצט אויף געגעבן (ווער קוקט אים נאך,) טעקסט מעסעדזשעס,

ווארט איאר צוויי...

נשלח: **מיטוואך מאי 30, 2012 11:46 pm**

היא מותיב ומפרק...

(בילד גענימען און געשיקט דורך א סטארטעק).

נשלח: **דאנערשטאג מאי 31, 2012 12:00 am**

אבי גערעדט האט געשריבן:אויך א רעזולטאט פונעם אסיפה, ער זעט אויס צו זיין אנגעהעצט...

נאך שיין אז אין בית מדרש מעג ער נאך קומען... אפשר אפילו פאר מנין?

נשלח: **דאנערשטאג מאי 31, 2012 10:33 am**

איינער פון מיינע קינדהייט-העלדן איז רבי אלי' חיים מייזל, רב אין לאדזש. כ'האב מסתמא בשעת מעשה, ווען כ'האב געלייענט זיין ביאגראפיע ווי געשילדערט דורך מנחם-מענדל'ען, זיך אליין נישט געכאפט פארוואס איך בין אזוי נתפעל פון אים. צוריקקוקנדיג, האט מיך געכאפט זיין אייגנארטיגקייט אינעם זיין א מענטש פון טאט. אין יענעם בוך, "דאס לעבן און שאפן פון רבי אלי' חיים מייזל", ווערט צווישן אנדערן דערציילט וועגן דער כאלערע מגיפה וואס האט באטראפן יענעם ראיאן, און ווי דער לאדזשער רב האט די עפידעמיע באקעמפט אויף אלע פראנטן מיט ממשות'דיגע פעולות. הרב מייזל האט געקעמפט פאר די רעכטן פון ארעמע און בא'עוולה'טע. נישט לאנג צוריק האב איך געלייענט אז ביי זיין לוי' האט זיך באטייליגט א ריזיגער עולם פון פרייע אידן און אפילו נישט אידן -- ארבעטערס וואס זענען ביז דעם לאדזשער רב עקספלואטירט און באקריוודעט געווארן דורך זייערע רייכע באלעבאטים.

וואו איז ער היינט? וואו נעמט מען א לאדזשער רב?

אדאנק דעם סיטיפילד-כינוס, איז אנטשטאנען אן אויפוואכונג איבער דער אינטערנעט'ס ראלע אין דער חרדישער געזעלשאפט. אלע רעדן פון די פראבלעמען וואס דער אינטערנעט האט מיט זיך געברענגט ביים אריינקומען אין אונזער לאגער. דער איינדרוק וואס באקומט זיך אבער איז אנשטאט א פאקוס אויף עפעס ממשות, איז די ענערגיע פארוואנדלט געווארן אין א פארמעסט איבער ווער קען שרייען העכער און שארפער קעגן דער "סכנת האינטערנעט".

דער אינטערנעט איז דא און וועט דא בלייבן. דאס איז נישט קיין רעטארישע דעקלאראציע, נאר אן אבסערוואציע, א טרוקענער פאקט. אחוץ חרדישע אידן, זענען מיר אויך ביזנעסלייט און אינדיווידואלע מענטשן מיט פארשידענע אינטערעסן אין לעבן. דאס זענען די סיבות פארוואס און וויאזוי אינטערנעט איז צו אונז אריינגעקומען, קעגן דער הוראה פון רבנים. דאס איז אויך די סיבה פארוואס דער אינטערנעט האט דערווייל איבערגעלעבט אלע אטאקעס קעגן איר.

און דאס איז ווייטער די סיבה פארוואס דער אינטערנעט וועט דא בלייבן.

נעמט זיך, טייערע אידן, אין קאפ אריין: דער אינטערנעט איז געווארן -- געווארן, בלשון עבר -- טייל פון אונזער לעבן. ס'איז א געשעענער פאקט. איך זאג עס נישט מיט טריאומף, ווייל איך פארטרעט נישט דעם אנדערן צד אין דעם קאמף. איך זאג עס בניחותא, ווי א פאקט וואס איז דא, צו וואס יעדער וואס לייענט די שורות וועט מסכים זיין.

וואס איז דערווייל נישט דא איז דער חורבן וואס דער אינטערנעט איז בכוח צו ברענגען אויף אונזער געזעלשאפט ווי א כלל. יא, חורבנות און קרבנות זענען פאראן, בשפע. דאס איז אבער נאר אויף יחידים. א חורבן אויף אונז ווי א קהילה האט דער אינטערנעט נאכנישט געמאכט. איז ער אבער זייער עלול דערויף; ער פארמאגט די כלים וואס פעלן זיך צו דעם אויס. פילטערס און אינטערנעטלאזע סעלפאונס זענען זייער גוט; אבער ווידעראמאל, זיי זענען גוט צו העלפן יחידים; צו ראטעווען נאך איינעם און נאך צען און נאך הונדערט מענטשן פון אנקומען וואוהין זיי אליין ווילן נישט.

די אלע זאכן העלפן אבער קיין משהו נישט אויף דעם נייעם מציאות פון אפנקייט און פרייער צוטריט צו אומגעפילטערטער אינפארמאציע. ס'איז שוין יעצט נישט קיין אינטערשייד צי דער דאזיגער פענאמען איז גוט אדער שלעכט. איינמאל ס'איז געווארן א פאקט, דארף מען זיך מיט אים ספראווען. מען דארף זיך אפגעבן מיט'ן מציאות ווי ס'איז, נישט ווי ס'וואלט געזאלט זיין. די קעגן-אינטערנעט מערכה ווערט יעצט געפירט ווי גלייך דער אינטערנעט וואלט געשטאנען פארכאפט אין א טראפיק ביי דער וועריזאנאו בריק. פארשטאפן די אויערן און פארדעקן די אויגן וועט אבער גארנישט משנה זיין פונעם פאקט אז נישט נאר איז ער שוין אראפ פון הייוועי, נאר ער האט זיך באקוועם געמאכט אין אלע אידישע הייזער פון שטאט. גיי שריי פוי קעגן די צדוקים און שומרונים. אזא פנים טראגט עס.

אין חב"ד איז מען זיך נוהג אז אנשטאט קעמפן, ווערט די טעכנאלאגיע אריינגעברענגט אין אידישקייט. יעדע טעכנאלאגישע ערפינדונג ווערט נאך איינגעשפאנט אין דער ארבעט פון פארשפרייטן אידישקייט. נישט יעדע אידישע קהילה האט אזא מסורה. אבער מיר האלטן שוין יעצט לאנג נאך דער דילעמא פון אריינברענגען דעם אינטערנעט אדער לאזן אינדרויסן.

אין גוזרין גזירה על הציבור, אלא אם כן רוב ציבור יכול לעמוד בה. ואומר: "עת לעשות לה', הפרו תורתיך." יא, "חדש אסור מן התורה" איז איינער פון צענדליגער אנדערע מאמרים וואס ווערן נישט זעלטן געניצט צו בארעכטיגן פוילקייט און פחד כלפי גיין אויף אומהיימליכע וועגן. אבער אויב דער הפרו תורתיך ווערט במילא געניצט אויפ'ן גרויסן פארנעם -- יעדער ווען אים קומט אזוי אויס -- מעג מען אים דא, ווען קיין אנדערע ברירה איז במילא נישטא, אויך ניצן. וויאזוי? איך ווייס נישט; וואס מען טוט יעצט, באשפרייען און באשפייען א פאקט פון לעבן, איז אבער נאענטער צו טפשות ווי תורה.

(גענומען פון די בלאג: http://veltelech.blogspot.com/2012/05/blog-post_30.html)

נשלח: **דאנערשטאג מאי 31, 2012 11:39 am**

פאר די דאזיגע סיבה האבן די רבנים טאקע נישט געטון כמעט אין די ענינים, אחות דרשות שטייצעך, אבער איצט דארף מען בכלל נישט קיין רבנים, בבחינת טרם יקראו ואני אענה, דער עולם איז גרייט פאר טשעינדש, דער עולם פארלאנגט ריינקייט אין טהרה, כלל ישראל איז אויפגעשאקלט, אין לדעתי איז דאס די חשבון פון רבנים וואס פרובירן ארויסצונעמען די מאקסימום פונעם מצב, (ניין, איך בין נישט געווען ביים כינוס, אין איך האב יא א סמארטפאון, אבער דער מציאות פאטשט)

נשלח: **דאנערשטאג מאי 31, 2012 11:54 am**

א כולל אינגערמאן זאגט מיר אז די ראש הכולל האט געזאגט אז ווער עס האט טעקסט וועט נישט באקימען כולל געלט איז א האלבע כולל האט געפרעיגט וואס איז טעקסט אין די אנדרע האלב האט געפרעיגט וואס איז דאס כולל געלט..........

נשלח: **דאנערשטאג מאי 31, 2012 12:10 pm**

גדעון האט געשריבן:גרויסע אסיפה יעצט אין עטרת אברהם פון אלע כוללים פון סאטמאר מהרז"ל פון וויליאמסבורג, בארא פארק, מאנרוי און מאנסי מיט הוקאפס צו ארץ ישראל, מאנטריאל, לאנדאן, מאנטשעסטער און אנטווערפן.

די נושא: סעלפאונס מאושר - אנע טעקסט מעסעזשעס

בילדער פין די כינוס
http://www.jdn.co.il/news/80366

נשלח: **דאנערשטאג מאי 31, 2012 12:52 pm**

איך ווארט צו זעהן די מחזה ווען דער כולל'ניק וועט ארויסגיין אין וועלט און נעמען א טעקסט בבושת פנים און באקומען א אומגעהויערע דראנג צו זינדיגן מיטן טעקסט, און ממש ווערן אויס מענטש פון אן אימעיל.

נשלח: **דאנערשטאג מאי 31, 2012 9:24 pm**

לכאורה 'עט איינס פון די אפעקטן פון דעם כינוס זיין א ריבוי אין שלום בית: viewtopic.php?p=15402#p15402

נשלח: **דאנערשטאג מאי 31, 2012 11:40 pm**

ערוץ שבע פון א"י דערציילט אז מהר"א מ'סאטמער פארפירט קעגן סמארטפאונ'ס
http://www.israelnationalnews.com/News/News.aspx/156402

נשלח: **פרייטאג יוני 01, 2012 1:18 am**

ביהמ"ד וויען ב"פ: ווער ס'האט אומגעפילטערטע אינטערנעט טאר נישט דאווענען דא!

בילד

נשלח: **פרייטאג יוני 01, 2012 7:41 am**

איך הער אז אין די סאטמארע כוללים איז שוין צוריק צו די אלטע צייטן, מ׳שיקט זיך צעטלעך איינער פארן אנדערן אונטערן טיש...

נשלח: **פרייטאג יוני 01, 2012 7:44 am**

קופערניקוס האט געשריבן:איך ווארט צו זעהן די מחזה ווען דער כולל'ניק וועט ארויסגיין אין וועלט און נעמען א טעקסט בבושת פנים און באקומען א אומגעהויערע דראנג צו זינדיגן מיטן טעקסט, און ממש ווערן אויס מענטש פון אן אימעיל.

אין וועלכע טיאטער ווילסטו דאס זעהן?

נשלח: **פרייטאג יוני 01, 2012 7:31 pm**

(קרעדיט מנשה לוסטיג)

בילד

נשלח: **מוצ"ש יוני 02, 2012 11:19 pm**

אין מאנסי האט הרב וואזנער'ס אייניקל - רב אין קהילת סאטמאר מהר"א - גע'פסל'ט א עד פאר עדי קידושין צוליב האבן א נישט כשר'ע סעלפאן.

http://www.bhol.co.il/forums/topic.asp? ... m_id=21016

נשלח: **מוצ"ש יוני 02, 2012 11:39 pm**

שמואל הלוי האט געשריבן:(קרעדיט מנשה לוסטיג)

אין וועלכן געשעפט איז דאס געווען?

נשלח: **מוצ"ש יוני 02, 2012 11:46 pm**

שמואל הלוי האט געשריבן:אין מאנסי האט הרב וואזנער'ס אייניקל - רב אין קהילת סאטמאר מהר"א - גע'פסל'ט א עד פאר עדי קידושין צוליב האבן א נישט כשר'ע סעלפאן.

http://www.bhol.co.il/forums/topic.asp? ... m_id=21016

ס'מיר גוט. איך מיין כ'על מוזן איבערמאכן קידושין....

נשלח: **זונטאג יוני 03, 2012 9:52 am**

שמואל הלוי האט געשריבן:אין מאנסי האט הרב וואזנער'ס אייניקל - רב אין קהילת סאטמאר מהר"א - גע'פסל'ט א עד פאר עדי קידושין צוליב האבן א נישט כשר'ע סעלפאן.

http://www.bhol.co.il/forums/topic.asp? ... m_id=21016

ענטאנשאן זיכער

נשלח: **זונטאג יוני 03, 2012 6:07 pm**

איינער האט געשריבן:
שמואל הלוי האט געשריבן:אין מאנסי האט הרב וואזנער'ס אייניקל - רב אין קהילת סאטמאר מהר"א - גע'פסל'ט א עד פאר עדי קידושין צוליב האבן א נישט כשר'ע סעלפאן.

http://www.bhol.co.il/forums/topic.asp? ... m_id=21016

ענטאנשאן זיכער

לאו-דוקא. ער טענה'ט אז אזוי האט אים זיין זיידע, הרב וואזנער, באפוילן.

נשלח: **זונטאג יוני 03, 2012 6:28 pm**

קאווע שטיבל

רעזאלוציעס פונעם כינוס און איר אפעקט

ביים בין השמשות פון חרדיזם